يا يائسة من ضحكتي أنا صديق العابرين،
ايه اعبريني وانفضي وحدتك من هذا الشتات . . 

من غربتك ماتت على شرفة شفاهي كلمتين،
اشتقت لي وانا معك/ منفي ولا عندي جهات . .

يا ليتها بـ ايدي ويمطرنا دعاء الصالحين:
ويا ليتها بـ ايدك ونتلاقا بـ آمين التُقاة . . 

وجه المسافة باهت ومتشجّر آهات وحنين، 
في كل خطوة تنبت بدربي سنين وذكريات . . 

وانا ورب الراحلين مبلي بحب الراحلين ..
أشوفهم في بسمتي في دمعتي فـ الاغنيات، 

ياما تفيّوا بي وأنا ظلِّي لهم يورق يدين ،،
ياما شربت أحزانهم / لحّفتهم بـ الأمنيات، 

ماني من البارح حزين / أنا على البارح حزين،
 البارح اللي كان يملاني سواليف وحياة

البارح اللي لمّ ضحكتنا من افواه السنين،
ولا جنى سوى السواد اللي تلحّف به ومات،

كلمات والحان وآداء/  مشهور

مشهور - ماني من البارح حزين انا على البارح حزين

احبك قول احبك قول احبك كثر ماقد كان،
احبك قول احبك كثر مابعدك هزم صبري،
وش اعذاري وانا ذنب الغرام وتوبة النسيان؟
وش اعذارك ووجهك وجهتي سجادتي خمري؟

تعاظمتك حياة وصحت في بعدك من الخذلان!
من الخذلان في بعدك صحى عمري على قبري،،

دخيل الصمت دام الصوت غافي والصدى نعسان،
ينااام ان كان مايمدي نداه يعانقك كثري . . 
تعبت ازرعك حلم وتنبت بصدري ورق واغصان!
وريح غيابك تحتّ الشجر وتطير القمري . .
تعبت اداري عيون البشر عن خيبتي واحيان،
اداري هامتي لاتنكسر لاحاولوا كسري..

وانا بين انكساري والوجود انسان له وجدان،،
عجز يفتح شبابيك الصباح ولا قدر يسري . .

مشهور - قول أحبك

يهب الشك في وجه المكان ويعتريني خوف . .
وعن خاطر "يدينك في يدي" خوفي تحاشيته!

ملل كان اللقى في عين قلبي، وانت ويش تشوف؟
شعورٍ "زارني مرة بصمت" وقمت خبيّته . .

فلا عاد الفرح طاغي ولا عادك تجي ملهوف . .
ولا عاد المكان يسر بالي كل ماجيته . . 

سوالفنا ماهي ذيك القديمة، وجهها مخطووف،
مشاعرنا؟ تماكنها البرود . . ان كان حسيّته . .

انا فاقد فرحك وضحكتك وشعورك المألوف . . 
مخوّفني عليك ومنك شيٍّ ما تهقويته . . 

حبيبي: طالبك قلّي برودك فترة وبتطوووف !
انا قلبي يساوره الفراق وقرب توقيته . .



نزف صالح الهويملي

مشهور - سوالفنا ماهي ذيك القديمة

مشهور - ياحزينة

ماتبكيني الظروف ولاتقرّب من  بكايه
والله انه مايبكيني سوى قسوة غيابك

كيف صار الذنب ذنبي والخطا ماهو خطايه
وكيف صار الوضع مثل الوهم غامض ومْتشابك 

هذا انا من يوم حبيتك ومن قبل البداية
وهذا انا من قبل مايرعى مشيبي في شبابك 

اعجز القى لك وسيلة للرضا ورضاك غاية
واعجز القى لي وطن رغم اني اقدس ترابك

تهت والشاعر على مر الزمن منفي وتايه
كيف ابقنع  غربته ترتاح وتخفف مصابك
 
مستحيل الحق جزا قلبك عشان القى عزايه 
والله انه لو تشجر عظم ساقي عند بابك

والذي في وجهك الطاهر نثر ملح الغواية 
اني اسف قد ما جرحي تمدد في رحابك 

ادع لي يمكن دعا المخنوق ينزل بالهداية 
وارضني لين الرضا يرمي على وجهي ثيابك 

"واعطني حريتي لكن.   لاتطلق يدايه "
كل حرية بدون ايديك  قطعة من عذابك 


كلمات / محمد عيضة
لحن وغناء / مشهور

مشهور - أعطني حريتي

مشهور - شوّهيني

مشهور - أخاف إن رحت ما ترجع

مشهور - قلوب الطيبين

كلمات الشاعر عبدالله الرشاش

مشهور- قوم أحبك

وحدي سكنت الخوف وارهقني البرد،
                       ترجُف على لساني بقايا "تعالي" . . 

وحدي حضنت الليل خايف من الغد،
                      أخاف يسرق "صوتك اللي بقالي" . . 

وحدي نشــرت أحــلامي الباليـة جِرْد،
                     ولا ارتديت الا بقــــايــا ســـــؤالي . .

إلــى متى والصــمت يــرتد . . يرتد . . 
                      يرتد لين آَخر نَفَس بـ انعزالي ؟ . . . . 

أنا اْنغمست بـ ذكــرياتي إلــى حد  . .
                     إني بوسط الناس عايش لـ حالي . . .

وحدي زرعت وجودك بداخلي ضد:
                     حرماني وصمتي وحــزن احتمالي . . 




كلمات واداء مشهور

مشهور - أرهقني البرد

النص/ فارس فايح
اللحن والغناء / مشهور

مشهور - كيف حالك؟

شاء الهوى أم شئت أنت فمضيت في صمت مضيت أم هز غصنك طائر غيري فطرت إليه طرت وتركتني شبحاً أمد إليك حبي أين رحت وغدوت كالمحموم لا أهذي بغير هواك أنت أجر .. أفر .. أتوه .. أهرب في الزحام يضيع صوت واضيعتي أأنا تركتك تذهبين بكل صمت هذا أوانك يا دموعي فاظهري أين اختبأت فإذا غفوت لكي أراك فربما في الحلم جئت في دمعتي في آهتي في كل شيء عشت أنت رجع الربيع وفيه شوق للحياة وما رجعت كوني كنجم الصبح قد صدق الوعود وما صدقت أنا في انتظارك كل يوم ها هنا في كل وقت


كلمات الشاعر إدريس جمّاع رحمه الله

مشهور - شاء الهوى

لا يبكّيك الفراق اللي من سنينك تخافه.
لو حزمت اللي بقى له من حقائب من مواجع،

أعرفك قلبك رهيف ويتعبك طول المسافة،
ولا أنت من نوى درب السفر رايح وراجع،

يا رفيق الغربة الأوفى محطاتك حسافة،
موظنك كان الغروب وكل صبحٍ فيك هاجع،

وجهتك ما كانت الا لـ الهروب اللي تعافه،
ليتك وجهه تعيدك للحياة وطير ساجع،

كم تمنيّت الرحال ولا تلاقيت بضفافه،
وكم تمنيت الامان وكان هذا الكون فاجع

يا غريب الدار والغربة لها احساس آفه،
والوجيه اللي تمرك مالها دين ومراجع،

طير، سافر، لأول حدود السما وآخر مطافه،
عمرك الليلة مطار وخوفك أشبه بالتراجع،

كلمات الشاعر: علي الغانمي.

‎مشهور - كم تمنّيت الأمان

فيني عتب ما أعرف قد أيش
 خَل المشاريه مستورة

جيتك وأنا ممتلي تشويش 
وأوضح ما في العاشق شعوره

- أنا لو إني أعرف أعيش:
ما أخذت فالذاكرة دورة!

عندي سماء بس مالي ريش
وعندي جناحين مكسورة

وتقول وجهك تغيّر ليش؟
"من ظلمته ما أعرف نوره"

انسيت وجهي من التهميش
ممكن تذكّرِني ب صورة؟

كلمات فارس فايح
الحان وغناء مشهور

مشهور - نسيت وجهي

يا فاقدين أحبابكم وش تسوون؟
لا مدّت الذكرى الحزينة يديها؟
كيف نتجاوز حزننا ماتعرفون؟ 
بعض الطواري موجعة ما نبيها!

دايم على بال المواجع يمرون، 
وما فيه ضحكة مالهم صوت فيها،
يا ليتهم عن ضيقة الفقد يدرون،
ودروبهم وشلون دايم نجيها،

من كثر ما صاروا على البال يطرون:
حتى خطاياهم ولهنا عليها، 
الوقت مقفي بس يمشي على هون:
"الذاكرة للبيع من يشتريها"؟؟ 

كلمات الشاعرة وارفة
لحن واداء مشهور

مشهور - يا فاقدين أحبابكم

.

خذني على قد حبي،
خذني على قد الوله!
ياسبب حزني وغلبي
والذكريات الأوّله :

غيابك ياغيابك 
يسرق أحلامي ونومي
وكيف أقوى عتابك!
يا تفاصيل يومي؟

كرهتك ذكريات
تمنيتك معي الحين
وعشان اللي فات
بكا عمر وعمت عين

وانا باقي على خبرك
أغني صوتي وانتظرك
وادوّر فيك عن عذرك؟
وأبرضى بأي شي
ولو ماهو على قد حبي

كلمات الحان مشهور

مشهور - خذني على قد حبي

مشهور - ما يحبك

مشهور - يارب هذا الفقد من يتحمله؟

مشهور - كيف أحب بدون خوف؟

سِكّة ويملاها الصَبا تتلبس الليل الطويل،
وأنا الوحيد العابر من الحزْن لـ أقصى وحدتي . .
أغنِّي الشارع ولا الشارع فهم حزن العليل،
ولا الرصيف المحتضر يعرف خفايا نبرتي،
خطواتي الحزن المعتّق والضياع السلسبيل 
خطوة ألم، خطوة ندم، خطوة تعرّي وقفتي، 
جيتك من الماضي، وأنا الماضي على حزن السبيل،
ليه اْكتفيتي بالرحيل؟ الله يلعن غلطتي،

كسرني غيابك؟ معي من باقيَك صبراً جميل، 
ياما تلحّفته غصب لا توّه امسي خطوتي،
آقف ولا يخذلني الا ذكرياتك لين أميل، 
وأطيح من بالي على صمتي وباقي دمعتي، 

تخيِّلي حتى أبسط أحلامي سرقها المستحيل،
تخيِّلي إنتِ الوحيدة اللي مليتي دعوتي . .
بالله، تكفين إرجعي، تعبت أعيدك كل ليل، 
وألقاك في صوتي وفي دمعي وحتى هيئتي، 

تتساقط الذكرى على عيني ومن عيني تسيل: 
أيوووه يا هالذكريات اللي سرقتي ضحكتي،
سِكّة طويلة وإمتلت بأشياء أوّلها الرحيل، 
وأنا تعبت أمشي من الأحزان لـ أقصى وحدتي،

مشهور - أنا الماضي

دخيل الحشرجة في صوتي الموهون بـ اسمك رد..
تعبت آطق "بيبان السكوت" وجنّت أوهامي . .

دخيل الليلة اللي في نسمها لي تجي وتصد . . 
وأنا في بلدة الياس آتفقد: حصّة أحلامي . . 

أحن؟ أخاف لو حنيّت يذبحني قدييييم الود . . 
أجن؟ أخاف ما أحدٍ لاعقلت يرتب ركامي . . 

عرفتك "نجمٍ أزرق" في سماي ولانويت آمد:
يديني ../ تخطفك يد الظلام وتوحش أعوامي،

عليك من العتب ليلٍ سمرته كنّ ماله ند ..
مليته بـ السهر كنّك معاي . . وما انت قدامي،

توارى فيه مرسول الغرام وفي خفاه يعد:
على روس الأصابع كم بقى من ظالم أيامي ؟

كلمات / بشاير القحطاني
لحن وغناء / مشهور

مشهور - ظالم أيامي

من الأرشيف: هذا آخر كلام

مشهور - هذا آخر كلام

أحبّك عتق من كسر الخواطر من فراق الكل
وأحبّك فالمطر في ساحة الشارع، وجدرانه

وأحبّك مثل ريحـانه سقتها أمـي بحب وظِل
وقلبي تربتك، وأنتِ بغـرس الحب / ريحـانه

معي وجهك هُدى مادد يدينه لو دعائي ضّل
شعورٍ بالوفاء لا خرّ من قلبي صدى أحزانه

حبيبة كـل مافينـي، ولا فينـي، قليـل ومل.!
من النظرة على عيونك وهي بالحب هيمانه

جمعــنا حلم فـي حيّ الصباح، وبللـه بالطّل
وباقـي مبسمي يذكـر دفـا مبسمك .. وألحانه

أنا من ظِل، يتفيـأ علـى أوراقـي كثير .. وفَل
ووحدك من نبت في فيّتي، وأتقاسم أغصانه

وأنا حولك ومن حولك شعوري ماذبل أو قل
مشيت العــالم المقفر غريب، وحسك إيمـانه

خطاوي صمت ما تخفت معاي ولا تدوّر حل
ولا صوتي بيـارق لوّحت للبحـر/ والدانه

ووحدك حِل في هذا النظـر، والقلب هذا حِل
هنا مرباعك اللي ما يبس نبضه ولا أشجانه

يغيب الكل من بالـي، ولا تغيبين مثل الكل
معك بالـي، وساحة شارعه، وظِلال جدرانه

/

لـ الشاعر عبدالعزيز المالكي
ألحان وآداء/ مشهور 


#حب # أحبك #مشهور

مشهور - أحبك عِتْق

نغنّي ليين ندفى من عرقنا والكفوف لحاف:
نغنّي ليين غصن الفقر ينسى منّة التربة . . !

تعب مدري عتب مدري أمل واقف على الميهاف
بقى يأسٍ وحيد .. وكل مشرق نورٍ أكفر به . .

حزين إنّي على كثر الخطاوي مالقيت إنصاف
حزين إنّي على كبر الهقاوي !! خيبتي ذربه

وأسافر والحنين ألمح له بكل الوجيه أطراف . .
وأدوّر عنْك . . في كل البلد من شرقه لـ غربه !

حبيبي صرت أنا بين الظروف وقلبك الخواف . .
يمرّ "اللوم" في بالي .. ولا ودّي أفكر به !

دخيلك لا تعشّمني حنينك لو شعوورك جاف ..
دخيلك .. خلك أقرب من وداع آحس ياقُربه . . 


لـ الشاعر / سلمان البلوي
ألحان وآداء /  مشهور

مشهور - قلبك الخواف

،



نبرة الحرمان في صوتك تخليني أعاني!
والبلا كان الكلام لـ قلّة الحيلة رهينة . .

انسي اللي صار مهما صار وابتسمي عشاني!
ودي أسرق من يدين الوقت ضحكتك الثمينة . .

واقبلي مع عطرك اللي كسر أبواب المحاني . .
واستحلّي كل عرق ورتبّي الفوضى اللعينة!

جابك الله "آخر الأحباب" مدري تيه ثاني . .
وفي يدينك كنك أخذتي شعوري في يدينه . .

داخل بوجهك عن الحزن وعن عجلة الثواني . .
ودّي اللحظة تصير أطول من العمر وسنينه . .


/

الأبيات / سلمان البلوي
ألحان وآداء / مشهور

مشهور - آخر الأحباب

بعد السكون اللي دفن لحظة زعلنا والدموع!
بعد الكلام اللي جرح كل الأماني لـ الرجوع،
وشلون أروح؟ 

وفي نظرة عيونك ظما
وما أحب أنا لون السكوت
لو تنطفي فيني سماء
لا ينطفي وجهك وأموت!

صدقني ما آحب الجروح،
وما آحبك إلا مبتسم لو مالي بـ صوتك حروف،
صدقني لو أقول اللي بـ صدري من تعب:
ما كنت أموت من الهوى
ولا كنت آخاف من الظروف،

وتلقى لي بـ قلبك عذر
لو أمسح دموعك وأروح!

كلمات الشاعرة بدور
لحن وغناء مشهور

مشهور - لا ينطفي وجهك وأموت

.
.
تسأليني عن دفا صوتك ولا عندي إجابة
الجواب اللي بـ صمتي دايم أبلغ من كلامي

ودي إني قلت لك في وقتها صوتك سحابة
كل ماتنبت على سمعي نبت منها عظامي

كيف والأيام ما خلّت دعاء و لا إستجابة
أقفت بـ حربي وأنا واحد يضايقني سلامي! 

البلا إن سلاحي في يدي ما ينغزا به،،
والا ما تقصر يديني ولا ينقص مقامي !

كان بعدك ريح لكن كان صدر الليل غابة
كان وجهي نور لكن جيت لك شايل ظلامي!

انتظرتك انتظار المنهزم قبل انسحابه
كنت اشوفك مثلي شوفي للسراب بقلب ظامي!

مابقى بالحب ذنب أخشاه وأخاف ارتكابه . .
نفسي اللي كنت أجاهدها بريئة من ملامي!

قبل حتى لا تجابهني وانا اللي ما اتجابه
طابت من اللي تراودني بعيد عن الاسامي

عن سكوتي دوري موطن لصوتي واغترابه! 
الزحام اللي بتنهيدات صدري مو زحامي ! 

كلمات الشاعر فارس فايح
لحن وآداء مشهور

‎مشهور - دفا صوتك

،

تارك وراي احلى السنين ومقفّي،
لـ التيه مدري لـ الوطن يامشاوير

وحيد .. ماغير القصايد بـ كفّي،
وألوم نفسي، ليه ألوم المقادير؟

ياكثر ما أحزن وأتضايق وأخفّي،
وياقل ماجتني ورود ومعاذير . . 

ياغايبة .. والصبح ماكان شفّي . .
فالليل انا عن كل ماقلتلك غيييير،

أشعل فتيل الذكريات وأطفّي . . 
حلمٍ عجزت آصله وآحققّه: مير:

ليتك وقفتي ضد حزني بـ صفّي . .
ولا يوم زدتيني جروح ومخاسير ! 

كلمات سلمان البلوي
الحان مشهور

مشهور - ليتك وقفتي ضد حزني بصفي

،

كيف أنـام؟ وكلمـا حطيت راسـي ع المخـدّة
صاح حلم وقال: فينك كل هذا الوقت عني؟

قلت: شفني في مصلى العمر ودموعي بخدّه
ما لقيتك فـ الحياة و صرت اعيشك بالتمني

قال: مني؟ قلت: مني! والندم إحساس أعدّه
إنكسـار وكان يتهشم بصـدري| وأنت منـي.! 

انتظرني عنـد باب اليـأس، ولّا بأرض شِدّة
وافتكـرني بـ الأمل لا طـالت دروبك| وظني

طال ليلـي| والأرق ما طـاح لـي نجمـه مـودّة
عن حزن قلبي اشمّر ضيقتي| واسطى اغني

شـاعرٍ لا اغرورقت عينـه شعـور| وباح سدّه
زفّ للحـاجـة قنـاعة، ولا نـدبّ حظـه تعـني

في زجـاج البرد يكتب رجفـة التـايه| ولـدّه
قلبه المكسور من ياما/ و ياما، وامتحني.! 

ينقر الشبّـاك صبح، وينخـذل فـ القلب مدّه
ما على صمتي سلام وحشرجة صوتي توني 

كيف أنام؟! وكلـما حطيت راسـي ع المخدّة
طاح حلم، وجف نبـع العين من كحل التمني 

كلمات الشاعر / عبدالعزيز المالكي
الحان وغناء مشهور

#محمد_عبده #طلال_مداح #عود #طرب #رابح #عبادي

m2shhor

Popular tracks