راندر - ميك اب (Official music audio) Randar - Make up

برفع الميوزك لما اسمع صوت الاذان
اقنع نفسي ما اسمعه اعرف اني جبان
في مرطبان ابيع الكذب كاطمئنان
و اكون مرائي اكثر ابي اطراء من ورا احسان

اذا دق جوالي انقلب ع الوجه الثاني
كذا ابي احترامي ينعكس في قل كلامي
مجموعة من عاداتي السيئة فيني بتنامي
في جزيرة اقل من كيلو بكيلو مواجهني تسونامي

كل يوم اقضي يومي نفس الجدول و الوزنية
كل يوم اقضي نومي نفس الاكل و النفسية
نفس اليوم يتغير بس تاريخه و الاسمية
هو روتيني بروتيني فيني في كل خلية

ارق مستمر مع سهر ظهر مع كم ذنوب
نهر منهمر انصهر مع لا مبالاة يذوب
اشوف العمر قدامي عادي لاحق اتوب
بنعيش العمر ذا مرة و بعيشه على اللوب

مهمل نِعَم قاطع كل صلات الرحم عادي
كتفي ازدحم ثقل من الاثم مال يساري
لكن امشي اول خطوة لي بقطع الشارع
لحظة وحدة حولتني لماضي من مضارع

-- ليه ما تساعدني؟ وانا طايح عندك
-- ليه ما تساعدني؟ وانا عايش مثلك
-- قولي مين فيهم؟ كم يمين فيهم؟
-- من باقي يدعي؟ مين باقي يدري؟

واااقف بناظر جثتي عالارض هامدة
خايف مناظر تبتدي بعرض ما مضى
اطرافي باردة و الرؤية باهتة ما كان شتا
اصواتهم صامتة فلاشاتهم ساقطة في ما بقى

قوم اتشهّد اسمعهم بيقولوا و انا طايح
كيف المشهد ألمحهم بيصوروا و انا رايح
مو متعمد انصدم بس عقلي مني ضايع
لا تتصل و تعلم اهلي انه دمي سايح
رجعني لحظة لورا ، للدنيا من آخره
رجعني ركعة صلاة ، كل ما كنت أأخره
اسمحلي بآخر زكاة ولا سجدة وتر بها
امحي من يساري الخطا اكسب نحو المسجد خُطا

راحت فرصي قولوا لاخوي تاب اذا جا
معرف وجهتي كثروا دعاء في الصلاة
كانت غلطتي ابي ارد تشات على فلان
لكن جثتي ما بقى من بعدي الآن

-- ليه ما تساعدني؟ وانا طايح عندك
-- ليه ما تساعدني؟ وانا عايش مثلك
-- قولي مين فيهم؟ كم يمين فيهم؟
-- من باقي يدعي؟ مين باقي يدري؟

القاني بمجلس .. قهوة عزاي مصبوبة
و ادور حزن مين اكثر بكا في عيونه
وجوه معروفه ، اسمع اصوات مألوفة
ما كنت بسجن لكني في عزله محدودة

انا اللي كنت فوق الناس ماشوف احد
انا اللي كنت مسلم لكن قل ما سجد
ادعوا للصمد انه يبرد قبري ببرد
الحين بعرف اصحابي واللي كان زيادة عدد

لنفس المحل انتقل يومي معاهم
و اشوف يومهم بيمر كني معاهم
واقف وراهم اراهم بعدي قد مضوا
شايف اغلاهم اقربهم كلهم قد نسوا

بهت نوري ، هالتي بتتلاشى
نسيتوني ولا عقولكم تتحاشى
ما شلتوني ، الا كجنازة
دفنتوني قبري محد فيكم عاده

-- ليه ما تساعدني؟ وانا طايح عندك
-- ليه ما تساعدني؟ وانا عايش مثلك
-- قولي مين فيهم؟ كم يمين فيهم؟
-- من باقي يدعي؟ مين باقي يدري؟

بلاكبي-اسعاف

راندر - ميك اب (Official music audio) Randar - Make up

M7mD4

Recent comments

User 525213266

kayo

Mohamad Adnan

Mohamad Adnan

Related tracks