w bts2l lw kant fakrany ?                                                                                                                                           7lwa awii bgd :)

ويبقي القلب عالقا بالاهات .. وتبيت العين ع امل الذكريات

جميلة جدا والموسيقي رائعة 

Download it Mp3
From  MediaFire
http://www.mediafire.com/download/ovzcpr4bjaukb1x/Kashkool.Band.Warda.Soda.mp3

Kashkool Band | وردة سودة 
--------------------------------------------------------------------------------------
Lyrics: Mohamed Ibrahim
Music by Kashkool
Composer : Islam Ali
Sound Engineer: Mohamed Elgyar
Poster Photography: Mohamed Reda
Poster Design: Kareem Nagy

Vocal : Mohamed El Shebeny
Keyboard : Mohamed Maani 
Bass Guitar : Hesham Samy
Drums : Hosam Samy 
Lead Guitar : Ahmed El Gharieb
Violin : Hany Abo Elmagd 
Percussions & Oriental Rythem : Amr Hamdi 
Qanun: Ahmed Amer
Coordinator: Amr Hatem
Social Media and Network : Amr Hatem & Obyda Ahmed
Band Manager : Loai Adel
---------------------------------------------------------------------------------------

You can follow us at 

Facebook.com/Kashkoolband

Instagram/Kashkoolband

 Kashkoolband ........ Mazika mn Gowa


Warda Soda - Kashkool Band | وردة سودة - كشكول باند

بس تعرف !؟
لسه شايله كل حاجتك .. حتى ساعتك ف الدولاب .. الهدايا والمداليه .. لسه حتى من شويه .. شايفه فيهم علبتين .. كات سجايرك لما تخلص العلب مابتترميش .. كنت فاكره لما تبعد ممكن افتكرك أعيش .. وابقى قد الذكريات .. قلبى كان عايش يحبك .. بس بعدك قلبى مات .. قلبى فعلآ كان غبى .. إلا قولى والنبى .. هى بتحبك بجد ؟! .. قصدى لما تبات معيط .. هى ممكن تحضنك ؟ .. يعنى بتسيبلك ف خوفك .. أى حاجه تطمنك ؟ .. سيبنا منها عشان ردودك .. مش هاتوصل لو سألت .. بكره صدفه هاتعرف إنى .. كنت بتعذب و مت .. وقتها دموعك هاتنزل .. بس انا هامسك إيديك .. روحى هاتجيلك تقولك .. إن انا أدمنت سيرتك .. كل أيامى ف غيابك .. كنت بتسند عليك 
‫#‏نوره_واصف‬ ..


قد الذكريات .. نوره واصف

كلمات واداء : الشاعر محمد عبد العال
(https://www.facebook.com/77Melsayed)

هندسة صوتية: أحمد مسعد عدلي
(https://www.facebook.com/anaahmedmosad?fref=ts)

~*~*~*~*~*~*~*~*~*~*~*~*~

قلب خشب

سكتت .. سكت
غابت .. فغاب
و قلبه من خوفه بيحضن
ذكرى ف كفوف قلبها
مشيت .. مشي
سابت .. فساب
و روحه كافرة بالفراق
و لا عمره تاب عن حبها
بعدوا أوي
تاهوا و طريقهم مُلتوي
نسيت قوام و هُو نِسي
قلبه .. يُدق عَندها
هل يستوي ؟
إحساس فــ قلبه و قلبها
دقات حَنين
دقات شجَن
دقاته أصلاً كُلها
كانِت إليها و مِنَّها
 
كان كُل يُوم بتموِّته
فيها بِدون ما تحذَّره
إن الفُراق هَيكون طَريق
و عِنيها مِش بيهزَّروا
فجأة الزَمن عَدا قَوام
حتى مَلامحه اتغيَّروا
فاتِت سِنين تُلضم سِنين
و الذكريات بتصبَّروا
كان نفسه يعرف عنها
حاجة تصبر وحدته
وقفِت حَياتُه عندها
مشيت حياتها ونسيته
 
و هو تايه ف اللي فات
شاف طفلة أوي تشبهلها
ضِحكتله بَص ضِحكلها
و قبل ضِحكه ميكتمِل
الصَدمة فَرَضِت نفسَها
مكنش بالصُدفة الشَبه
حبيبتُه كَانِت أمَّها
 
قاوِم دُموعه و ابتسم
بَص لحبيبتُه و قالها
بنتِك جَميلة تِشبِهك
يحفظها لِيكي ربنا
طبطب على البِنت بحَنان
بإيد رَقيقة حِنينة
و سَابلها قَلب خَشَب
يَدوب في حَجم كفَّها
كان ذِكرى حُب مِن زَمَن
و أمانة حالاً .. رَدَّها !

قلب خشب - محمد عبدالعال I Mohamed Abdelaal - Wooden heart

بنت جميلة ابراهيم سامى 
كلمات : نور الدين محمد 
الحان : محمد ابراهيم 
توزيع محمد العشى 

بنت جميلة | ابراهيم سامى | Bent Gamela

كلمات واداء : الشاعر محمد عبد العال
(www.facebook.com/77Melsayed)

عزف العود و هندسة صوتية : أحمد مسعد عدلي
(www.facebook.com/anaahmedmosad?fref=ts)

~*~*~*~*~*~*~*~*~*~*~*~*~

( بلكونة )

عَن حُب قدِيم أيام ثانوي
و مُذاكرة فــ حُضن البلكونة
و الصَفحة الصعبة اللي فـ إيدك
م المَادة الرِخمة الملعونة
فناجين القهوة المَرصُوصة
جَنب الكشاكِيل المَركونة
عن أول مرة تـقابِلـهَا
و المَطرة و الجَاكيت الأحمر
والجُرأة و أفكار مجنـونة
عن حجة إنها عايزة كتاب
وبحبك منها فقلبك داب
عن موضوع تافه بعده غياب
ورقمها اللي انت حفظته صم
بقى خارج الخدمة بدون أسباب
عن أول مرة تحس بجرح
و يزورك شوق و حنين و عذاب
عن قرب معاد الامتحانات
و انت مفتحتش لسه كتاب
بتعذب نفسك بالنسيان
لاجل ما كشكولك ينساها
بتركز في كتاب الكيميا
و تحاول تطرد ذكراها
الجامعة بتاخدك حكاياتها
و سطورك مش ناسية هواها
أيامك جريت في ثواني
بتسافر بتحاول تنسى
وجعك لو عدت من تاني
و البلكونة بتحكي القصة
وبتسأل لو كات فاكراني
و لا طبيعي تكون مش حاسة
ثم تفوق للواقع تلقى
بسمة و دمعة لسه حابسها
أصل سؤالك يشبه عدمه
لما فروع النور اتلضموا
ع البلكونة و جالها عريسها

#محمد_عبدالعال





بلكونة - محمد عبدالعال I Mohamed Abdelaal - balcona

voice :- @shimaa sadek
Edit by :- @omrezz
{من روايه مالك لـ الكاتب محمود بكرى }
رساله مالك لـ مريم 

ممكن طلب ؟ متشميش هتمشى ازاى وانا متعلق بكل تفاصيلك .. فى فيونكه صغنونه على كتف  بلوزتك , وخاتم مالوش مكان الا فى صوابعك , عنيكى الى ديما بتهرب منى مكسوفه , ودمعه وسط الزعل مش راضيه تنزل .. مخنوقة ,, ضحكه مستخبيه ورا التكشيرة .. تكشيرة بدلع لما بغلط غصب عنى .. عيون متكحله .. مينفعش تبص لحد غيرى .. أنتى ديما جوا قلبى .. بين ضلوعى زى طيرى ,, أنتى الوحيده اللى بكون قاصد انسى غلطاتها  , عشان حبنا أكبر من الحاجات دى  بكتير , أكبر من رده سلام على ولد  انا منبه عليكى متكلميهوش , ولا انك خرجتى  من غير اذنى .. مع انك عارفه انى بقلق ,, معاكى بس عرفت يعنى ايه حب .. صوتك الى عندى احلى من كل الاصوات الى فى الدنيا  .. صوتك الى بيفرحنى فى كل مره اسمعه  .. اكيد محدش قالك انك احلى بنوته فى الدنيا , اصلهم مش شايفينك بعنيا .. انتى مالكيش وصف الوصف ظلم ليكى  .. عارفه لما بتوحشينى , بتبقى قدام عنيا منين ما اروح  ,, بحلم بيكى وانا صاحى .. بتخيلك برسمك  على باب عنيا  ,, فاكرة أول مره اتقابلنا فيها .. حسيت ساعتها أنك بنتى .. حبيت حاجات كتير بس عشانك , وكرهت حاجات  حبيتها قبلك برضو عشانك .. عارفه ؟ هستناكى .. لو مش هنا هيكون فى مكان أحسن , ومش هخلى حد  ياخد قلبى منك , حتى لو مش عاوزاه , عشان واخده  من قلبى كله .. ومن تفكيرى كله .. ده انتى اصلا حلمى كله .♥

(shimaa sadek)ممكن طلب ♥(رواية مالك)لـ

كلمات واداء : الشاعر محمد عبد العال
(https://www.facebook.com/77Melsayed)

هندسة صوتية: أحمد مسعد عدلي
(https://www.facebook.com/anaahmedmosad?fref=ts)

~*~*~*~*~*~*~*~*~*~*~*~*~
الليــل

ازاي بقيتي في الوجود كالكون
و في القيمة كُنتي النَفَس و الهَوا
لوِّن وُجودِك الحَياه 100 لُون
و صبحت بَعدك فَارغ المُحتوي
انا كُنت مَركِب و انتي كُنتي الشَط
باتخبَى فيكي في ساعة النوَّات
و لقيت في حُضنك حُضن يشبه اُم
او حتى حُضن مَلايكة م السموات
ثم مِشيتي فانكويت باليُتم
وفارقتي حُضني شُفت حِلمي سَراب
حكمِك ببُعدي كان دَه اظلم حُكم
قلبِي و روحِي عني بقوا اغراب
وصَاحِبْت بَعدك غَصب عَني الليل
غَنيت معاه /  غنَّت نجومه حَنين
خانتني دمعة في نشوة الغنوة
رَد القمر مَوجُوع / اهل الغرام مَساكين !
الليل صَديق المَجروحِين دَايما
سَهران يُصب الذِكرى كَاس اوجاع
و القهوة بِنج المَدبوحِين بالشُوق
وَجع اللي بايع مِش زي اللي اتباع
لِسَّاني مُؤمن بالرجوع و اللقا
لِسَّاني بعزف للصحاب و الناس
عيلتي اللي اقرب في المكان ليا
ابعد م السَما السابعة ف الاحسَاس
لَحن الكمَانجا احد م السِكين
و انا نِفسي ابكي بَس خايف اموت
زَهر البنفسِج لِيه تملي حَزين
و الليل بيشرَب وجُعه ف المَلكوت
دُنيتنا اضيَق مِن خُرم إبرَة
مِستني لِسه صُدفة الاقيها
الفُرقة كانِت زي كُومة قَش
و انا كُنت تايه م الوجع فيها
ضَميت بضلعي ضَلمة النِسيان
و حَاوِلت اغمي عِنيا عَن صُورتك
غمضت عِيني بَس عِين القَلب
نَحتِت و رَسمت ليكي كام صورة
و ملكتي عَرشه يُوم مَنا شُفتك
كُل القصايد سَابها إحسَاسها
مِن يُوم مَا سِبتي سُطورها و خَيالها
كُل الامَاكن اللي شِهدت ع اللُقا
بتلوم في رِيحتك اللي باقيالها
و انا لسه برْجَع كل يُوم ليهم
عَشمان في مَرَّة تُعودي و تِحني
شُفتك سَاعتها راجعة بتقرَّبي
و انا كُنت لسه في مَكاني مِستني
بتمس إيد الهَوا
طَراطيف خُصل شَعرك
فاغير لأنه بعِشقي مِتحني
ضاع مِن لِساني كُل حَرف عتاب
قررت  اعاقبِك ع الغِياب بالحُضن
و ابكي و اضمِك عَلى قد الأوجاع
و ارمي فِي حُضنِك كل دَمعة حُزن
غَمضت عيني سكنت احضانِك
وفتَّحت عيني لقيتني تاني وَحدي
ليه خلفتي وَعدِك في الحَياه و الحِلم
و انا كُنت دَايما ببقى على وعدي
غمَّضت تاني عَصرِت جُفوني الدَمع
فنزف بيحلِف البُعد مِش ذَنبي
و الليل بيضرَب لِسه كَف بـ كَف
و كُفوفه زَي الرَحى تِطحن بَواقي قَلبي !

الليل - محمد عبدالعال I Mohamed Abdelaal - El leel

غناء : خلود عبدالرازق
كلمات : مصطفى عبدالرحمن
هندسة صوتية : مصطفى الملّواني

برتاج جدا ً في الضلمة [prod. Mustafa El-Malawani]

بحلم على ادي من حفلة الربع .. من اغنيات مدحت صالح

احمد فوزي - بحلم على ادي

هندسة صوتيه / محمود توفيق 

من سنة ..
بطلت اكتب 
بطلت احس 
بطلت اصيغ الشعر نَص
واكتفيت ب نُص شعور 
وقص شعري املاً ف التغيير 
وانا لستُ املك غير كسرتين وسرير 
بعجز عن التعبير .. 
كجندي مبتور الايدين 
والحسرة دين
 بيطارد فرحه وتاليمه
معرفش يسقف ف قصيده اتقالت يومها ف تكريمه
وواجهت العالم ..
 بعيون مفتوحه يادوب
 بتبص لقرص الشمس
و تقفل تاني 
ودموع باللمس لو طرفت نظرك هتعاني 
وقفص صدري
بيضيق نفسه 
ويطير من ضلعه عصافيره
تهرب وتلاقي الحريه 
ف تغيب ..
 ومترجعلوش تاني 
اتسألت ف مره مثلا 
ماذا عن شغفك يا روحي !
شفت بوحي بيتسحب وجروحي خبت نفسها
 زي عيل اتكسف دارى دمعُه ف حضن امه
ع النقيض ..
كنت اضعف من طفل اُجهض واتنفى بعد النزيف
والقبر لمه
كله هجره وكله خذله 
وكله شارك يومها قتله 
واتثبتله انه وحده 
ولا حد كانله يومها نور 
ف عتمه البؤس المخيف
لعنة التفاصيل دي كيف
العن الانواع تعاطي
كل ما اجي اشم نفسي
تمر ذكرى
 انتكس وارجع اطاطي
لعنة اللمسات بتجلد
توشمك وتسيب علامه
لسه فاكره جماع شفايف
قاطعته مره ابتسامه
والعلاقه فجأة هدت 
فترة عدت 
وانتهت بسقوطي كلي
زي ما يكون الخريف
بس انا  .. جددت ورقي
حقي اقول عن نفسي اني
كنت ضيف خفيف خفيف 
بس هما مقدروش 
ان انا وقت اما بعشق 
قلبي م الغَرَقان يبوش 
واني لما بفيض وبمشي
ما يهز عمر بحاله رمشي
وشي جايز تلقى منه
بس قلبي مالوش وشوش
وابتديت انا ف التعافي 
اختلافي لوحده كافي
يحط لاي خلاف فواصل
مع ذلك كنت انا بتنازل
وان كنت انا ضهرك وايدينك
تفكيرك حزنك تأمينك
علاقاتك حضنك وامانك
ف اعذرني لو خدت مكانك
واديتك حقك ..
 استاهل
انا بس لقيت الدور فاضي
ومتجوزش علاقه بدون راجل

وانا عندي يقين واجزم اني ..

عمري ما كنت . .
 ضمن التعداد التقليدي
كل الاشارات كات بتؤكد ..
ان العالم
هتدوق طعمه 
ف حضني وايدي
حتى مماتي ..
 هيكونلك
حدث استثنائي
هتدور على ضيي ف غيري هتلاقي ان الكامله بواقي 
 

وواجهت العالم تاني مره
اتفرج على معنى القوة
بتعيد نفسها نفس الكره 
بنهار وبموت 
وارجع جبروت
وافضل حرة
هتشوف ف عنيا شموخ واحدة
قاسيه وجاحده 
ولا يمكن حاجه هتكسرها
اوقات بيكون واجب تقلق
وخصوصا لو روحي استقوت
ومبقاش فيها حاجه هتخسرها

المواجهة .. رؤى الدمرداش

إسلام شتا ـ مجرد ورده

محمد عبدالعال ، شاعر شاب من موالبد الغربية 1993 ، حاصل على بكالوريوس الطب ، له العديد من الأغاني المنفردة من كلماته ، و يعتبر " معجزة من نسل حوا " أول دواوينه .

بلكونة - محمد عبدالعال I Mohamed Abdelaal - balcona

Mohamed Abdelaal

Recent comments

moaaz

Menna Mohamed

Mariam Mohamed

Youssra Eletr

Related tracks