My Poems

رحمة الله عليك يا ابي ونسئلكم الدعاء 
النص ...
.......
بدفني فيك 
واحييك
تعيش فيا 
خبيت سواد الدنيا ف عنيا 
وفتحت نورك للمشاع تشرب 
مديت وكانت خطوتك اقرب 
مقدرتش اهرب م الجسد قبلك 
او حتى اقبلك قبل ما تسبني 
حتخوني كل حروفي مهما حكيت
لله غيابك عن ضلوع البيت 
لله وجودك ف الكلام عني 
" ابنك ميشبهلكش غير ف الشكل " 
كنت اختصاري لما اقول الاهل 
والسهل وقت ما كل شئ يصعب 
بهرب اليك مني ف وقت الخوف 
بهرب اليك من عجزي وقت الشوف
دلوقتي بهرب للحروف منا 
صوت دعوتك / بوابة الجنة 
والحنة تحت خطاك بتكسي الارض 
كانت صلاتي قصاد غيابك فرض 
وفشلت اكفي سُنتك بعدك 
لله خطوط الصبر فوق ساعدك 
ولا حد ساعدك ف الشقى غيرك 
مغزول يا نور ايامي من خيرك 
ورماني سيرك ف السكك وحدي 
لله شقوق الدمع فوق خدي 
وياريت بكتر الدمع راح اردك
عايش لوحدي وانت مش وحدك 
وياك سنين م الذكر والصلوات 
خطوات ف جوف الفجر للجامع 
راجع تحني الصبح بالدعوات 
كلمات تنور ضلمة الشارع 
رافع جبين العز ف الازمات 
حكايات ترد النبض للسامع 
ولهذا بحسب نفسي م الاموات 
واحسب غيابك رحلة الراجع 
واجع لساني حرف محكتلوش 
واجع عيوني دمع مبكتلوش 
جتلك لبيتك بلعن المسافات 
وعنيك قصاد عيني ومتقبلوش 
كانت ما بينا غربتي ف جسمي 
اسمي اللي لسه تحت حكم الطين 
وانت اللي حر ف رحلة السموات 
ولهذا بحسب نفسي م الاموات 
ملياش دليل ف التوهة غير ضلك 
ضليت وخبت وعمري ما بضلك 
طب ايه فضلك فيا من نفسي 
وانا حتى نفسي فيا من فضلك 
وفاضلي بعدك ايه سوا الاحزان 
انسان مفهوش ما يشبه الانسان 
ملياش مكان الا ف كلام عنك 
او صورة خبت  ضحكتك م الموت 
حتكونلي باقي وكل شئ حيفوت 
وحكون معاك مهما الزمن حيطول 
مستور ف ريحك من جفا الاوقات
ولهذا بحسب نفسي م الاموات 
مهما السنين ف ضلوعي كات حاية
حدفني فيك 
واحييك تعيش فيا 




نُص النهاية - محمود صابر

اِنتهينا/حياه حسن

مانتي عارفه
اني تايه من زمان
واني وبرغم اشتياقي
منتمي لمليون مكان
واني زورت حياتي صدفه
واني هونت برغم بكرا
مَد ايده للمصالحه
كل نظره ف عيني منك
كل نظره.. بتبقى جارحه
١٠٠ سؤال ف عنيكي ليا
مانتي عارفه اني تايه.. 
بس عادي مش قضيه
حزني ولى.. بل تجلى
ف شكل لوحه سيرياليه
وان بابي كان موارب رغم ان قلبي قافله 
وانه عجبك ضحكي يومها رغم اني كنت سالفه
وان عدى العمر سهواً.. 
بس عادي كنت شايفه 
مانتي عارفه.. اني زاهد
واني بَقّيت الاغاني ع البكا 
واني زودت انهزامي بصمت دام 
فطبيعي اجيب اللوم ع التجربه
وانسى اني.. حزني خام 
زي الكمان بالظبط.. حزين بدون ماقصد 
زي كوردات البيانو اللي باتت ع الرفوف 
ليه شوفت وجعك وقتها الكلمات 
وانا أله خايفه.. والموسيقى الخوف 
زي الزمن والوقت.. هغيب على غفله
زي الوطن ميعودله مره غريب 
ليه اختارتي قلبي وتدخليه دلوقت
وبقيتي غزه ف قلب كله.. تل ابيب
مانتي عارفه.. اني بسرح 
واني بنسى 
واني متورط بقلبي 
واني غرقان لشوشتي جوا تفاصيلي الكئيبه
واني حابب وحدتي 
والضلمه اللي ف سكتي 
والصبح لما بيبتدي.. وقمصاني الغريبه 
ليه تزاحمي الامل بالحزن 
وليه عيوني 
ليه تهيني الفراق بالحضن 
وليه تهوني 
ليه تحطي قلب بضفرتين قصاد 
قلب كهل.. 

مانتي عارفه
البدايات دايماً عظيمه 
والملل ف الحب سهل 


مانتي عارفه

بين الهزيمة والتانية | إسلام حسين

مسلسل …. بلاوي سلكاوي 
( تشغيل الدماغ حلو مفيش كلام بس مع سلكاوى خلي بالك يا صديقي )
الحلقة الأولى سلكاوى للدعاية و الإعلان 
فى مغامرة كوميدية لبطلنا " سلكاوى المتناوى هزيز الأرض " عميد الفهلوة نتعرض معه لأحداث غريبة و خطيرة و طريفة أيضاً لنتعرف على شخصيته الخيالية الجديرة بالإهتمام لما تبعثه للمجتمع من كوارث.

تأليف :د / ابانوب عوض

تمثيل 
أ / هنا                    - دور الويتر 
أ / أحمد إبراهيم    - دور تامر صديق تاني لسلكاوي
أ / محمد محسن  - دور سلكاوي 
أ / محمد يحيي     - دور عامر صديق سلكاوي
أ / عمر                  - دور مدير المطعم

سلكاوى فى المطعم - بلاوي سلكاوي - أهالينا بودكاست

وأُحِبُّكَ كَما أنتْ

Enti - أنتِ

حِزام كَوني لمحمد خليفه

رَقصَه من غير إيقاع لمحمد خليفه

جايز يا بُكره تحِّن .. لمحمد خليفة

ماتيلدا

غنا بيتقال بكذا نوتة

مزيجُ مِن الحُب المِثالي 🤍

مسافة الرحمة

قصيده "اللمه الكدابه"|يوستينا روماني|ellma el kdaba|youstina rwmany

إعتزلت الغرام.

دَوّْرت في وشوشكم ملقيتش يشبهلي ..
 دَوّْرت في قلوبكم ملقيتش ليا مكان ..

حِزام كَوني لمحمد خليفه

Mohamed Khalifa

Recent comments

Soma Rody

esraa omara

Aymàn ŠiNgàß

Hasnaa Osman

Related tracks