انا طير جريح وضعيف و الدنيا ريح عاتى
انا طير جريح وضعيف انا شايل هموم الكون فوق دراعاتى
وفضلت من طيبتى انا بضحك على خيبتى
وبدارى بالضحك حوستى ودمعاتى
انا طير جريح وضعيف و الدنيا ريح عاتى
انسا اللى فات
روح وبات
بص يوم قدام
طول ما في براح للطموح
نوصل للاحلام
امن بحلمك طريقك طويل
تطلب هتوصل مفيش مستحيل
مفيش مستحيل
نصيبي من الدنيا عذاب وجهل وقهر
طول عمرى مش مستنى وبيمشى زى القطر
عايشها بالقدرة و استنى ليه بكره
انا ماشى فى الدنيا على سطر وبسيب سطر
انسا اللى فات روح وبات
بص يوم قدام
طول ما في براح للطموح نوصل للاحلام
امن بحلمك طريقك طويل
تطلب هتوصل مفيش مستحيل
مفيش مستحيل
وبدارى بالضحك حوستى ودمعاتى
مفيش مستحيل
انا طير جريح وضعيف يا ابا
بالنسبالة مفيش بكره
مفيش مفيش مستحيل
وفضلت من طيبتى انا بضحك على خيبتى
وبدارى بالضحك حوستى ودمعاتى

"Mafeesh Mostaheel" Nicole Saba & Abd El Basset Hamouda - "مفيش مستحيل"

من يوم فراقى لضحكتك والأرض بتنبت زعل ...

#المفتتح ...
شايل وجع بالكوم ..
شارب هموم جملة ..
حافظ دموع الكون ..
والضحكة مش كاملة ..

#القصيدة ..
شحات و بيفتش مابين كل القصايد عن سبيل ..
عطشان أمانى ف أغنيات والحظ خاين ..
والقلب سكران م الفراق ..
والروح سارقها السلسبيل ..
يا عين بتتعاطى الأمل والجرح دايم ..
لسايا بحلم كل يوم انك معايا ..
لسايا شايفك وقت ما أضحك أحلى أية ..
طب غيبتى ليه ؟ وسبتينى أذاكرك ف المراية ..
مبقتش تشرق شمس من بعدك يا شمسى ..
ولا حضنى عاد يقراكى ويصيغك حكاية ..
ولا عدت أشوفك كل ليل نجماية يتنور سمايا ..
ملعون فراقنا ازاى كده ؟ كفرنى بعدك بالغرام ..
كنت أما أشوفك تضحكى ..
وخدودك الرمان تبان ..
كان قلبى يضحك م البكا ..
ويصلى بيكى بغير امام ..
ويزود التراتيل , يا نيل ..
كات ضحكتك مليون دليل ..
مفروش عشان أمشيكى فيه ..
وفضلت ماشى ف ضحكتك ..
ملقتش غير صوت الصدى ..
وسراب طلع لى ف جنتك ..
فاق المدى ..
طب غيبتى ليه ؟
مش قصدى يعنى ازاى كده ؟
أو ذنبى ايه ؟
أنا قصدى ايه ذنب الشجر ؟
من فراقنا يا هى مبقاش بيطرح ..
ولا عاد بيغزل م الورود لعنيكى مطرح ..
كل اللى شاطر بس فيه يوقع ورق ..
مع اننا ف قلب الربيع ..
حتى الكناريا والقمر ..
مبقوش يغنوا ويسهروا ..
هتصدقينى ان قلت لك ..
من يوم فراقى لضحكتك والأرض بتنبت زعل ؟
وان الأغانى بصوت منير صابها الملل ..
وان السنه دايما خريف ..
وأنا قلبى بعدك يا هى ..
أضعف ضعيف !!

أداء و كلـمات الشاعر : محمد عبدالله

Facebook : https://www.facebook.com/Mohamed.Abdalla.page

من يوم فراقى لضحكتك و الأرض بتنبت زعل

قصيدة مـعجزة
للشـاعر : محمد عبدالله
تصميم : محمد دربالة

الكلمات : 
-----------
بعد التحيه والتعب ..
بعد الشياكه والأدب ..
تسمح لي أدوق فنجان زيادة ف حضرتك ؟ ،
طبعا أوي ،
إيه اللي فيك ؟
تعبان ياشيخنا من الحياة
، وعلاجي بس محبتك ..
يا ابني الحياة أصلا كده ،
سطرين غنا علي 100 ديوان صبر وعلل ..
باين عليك يادي الصبي قلبك عشق
. فعلا ياشيخ حبيت أوي ..
وأنا قلبي أضعف م الورق ..
طب قول ورايا وسيب لسانك ليا أنا
، زيدوا المدد وكمان مدد يا أهل السيادة لده الولد ..
وكمان مدد علي قلب درويش اتولد ..
علي 100 مدد علي عقل م الحب اتجلد ..
طوح في راسك زيد كمان ، فاضل شوطين ..
دمعت ليه ؟ أبدا مفيش أنا شفتها وسط البخور ..
معقوله يا إبني عشقت نور ؟
خالص دي من جنس البشر ..
طيب علاجك مش هنا ..
لملم حاجاتك وارتحل ،
أنا مش إله علشان أجيب لك معجزة !

Page : 
---------
https://www.facebook.com/Mohamed.Abdalla.page

Mo3gza - Mohamed Abdalla قصيدة معجزة - محمد عبدالله

The Return Beat

'زي الطيور' أغنية مشتركة بين الفنان حميد الشاعري والفنانة أميرة و قد جاءت ضمن البوم أميرة الوحيد 'أول كلامي' الذي صدر سنة 1993
زمن الأغانى الجميل ♥♥ .. 
#إستمتعوا ^_^ ♥

MohaMed DerbAla

Popular tracks