ساعه ونص
مستوحاه من فيلم ساعه ونص
 )الي هو انا )كلمات والقاء / محمود عبد العزيز :D
موسيقي فيلم ساعه ونص للعبقري ياسر عبد الرحمن

الكلمات
المس دموعها وهي عتعيط عليه وسط الزحام.. مات الكلام..
وهو وحده يعني الكلام الي قرر يموت.. قرر سكوت..

وف لحظه بعد ما قالوا تاه.. هي الي طلعت من قلبه تاهت.. وساعتها خافت.. 
لكنها رغم الحقيقه ما زي شمس الضهر بانت.. غمت عيونها قالت ماشافت

ماهو اصل قلب الام بلسم.. وقوليبها ياما لخده لثم.. لكنه قاسي والفقر لما يزور وليدي يخلي عسله ف جوفوا علجم
بتحابي عنه وفقره باعها.. ياخي غوره نفضت فقره شالت 

سايب عنواين الخلايق بين كفوفها .. سايب رساله الي يلاقيها يواسي خوفها.. قايل سيبوها ف دار عجايز جايز في يوم يقدر يشوفها.. ومين يصدق دنيا ملهيه ف ظروفها.. خانه القدر وقالوله ماتت


ساعه ونص

من كلماتي / محمود عبد العزيز
من وحي مسرحية 1980 وانت طالع..
انا شوفت العرض وكانت النتيجه اني في نفس اليوم وانا مروح فالمترو 
خلتوني اكتب الكلام ده 

المواجهه بالحقايق
تندرج تحت الذنوب
وانا مش بتوب
انقشوها في صدور كل الوصايا
اطبعوها فوق جبين كل الضحايا
واكتبوهالي خطيه
المواجهه بالحقايق م الخطايا
برتكب اكبر عصيه
ارجموني بالي جامعوا من حصايا
علموني بالقسيه
مش هتفرق بالقلم او بالعصايه
ومش هتوب

المواجهه في شرعنا
م الفروض الملزمه
مش م الكفايه
وفشرعهم
م الذنوب المؤلمه
م الغوايه
فمتصرخيش ومتستحيش 
لو تكشفي ضهرك كفوفه معلمه
واتعلمي قولة كفايه

المواجهه بالحقايق
مش تبجح بالعنوسه
لفظ جارح
خدش لحياء الانوثه
لطخوا فساتين فرحكوا بدمها
واغزلوا بالباقي منها طرحه ليها
وبدموعها 
اسقوا فستان العروسه
 
كبروكي 
وانتي شابه بالظروف
كبروكي فالبطاقه
بكام رقم جنب الحروف
وانتي شابه عشرينيه
تلاتينيه
يوهموكي في اوائل او اواخر الاربعين
نسيوا عمرك بالسعاده
حسبوا همك بالزياده
وجمعوا وياه السنين
مستغلين صوت بكاكي
شخّصوكي في كشوفهم
وصف حاله
مستمرين في استباحتهم
لضعفك
لمحوا تحت عنيكي هاله
مستمرين 
بين كبريائهم والسّأله
مستمرين في البلاهه
ضمن اعراض التفاهه
السفاهه والثماله

المواجهه بالحقايق
قدرة سهلة الاحتراف
رصد واقع للمشاعر
مش مجرد اعتراف
وفقانونهم استياء
وذنب بيّن
فعل فاضح
سكة سهله
للسقوط والانحراف

المواجهه بالحقايق
وصف شاب فالبطاقه
بانه عاطل
ومش مهم رغم رفضه
انه حاول
وصف شاب بانه عاله
اندراجه في طريق الانتحار
اولويه مش استحاله
المواجهه بالحقايق 
مقدره علي كره ذل
المواجهه بالبطاله
في الحقيقه
مش سفاله

سنتين ونكون سوا
وصف ساذج للحاجات
اشتروا طب اي حاجه
معجون سنان
علبه دوا
باع مشاط وفلّايات
استروه طب من عينيها
فوق كتافه الشنطه تقلت
امنحه الصبر فيها
صبروه لو مره تعبت
اتبري ف تعليمه فيها
وعدي خط التلاتينات
المواجهه بالحقايق 
فالرضا بالذكريات
كل اشكال الهروب
فالشباب وفالبنات
فالمماطله والمحاوله
فالزعيق قبل السكات
المواجهه فالمبادره بالامان
عز وقت الانفلات

المواجهه بالحقايق
تحت عنوانهم عيوب
تحت عنوانهم ذنوب
المواجهه فيا ذنب
وعنه انا مش ناوي اتوب

#المواجهه_بالحقايق
#1980_وانت_طالع
#كلمتين_في_رغيف

المواجهه بالحقايق - مسرحية 1980 وانت طالع - شعر لمحمود عبد العزيز

مفيش مانع.. اشوف الدنيا بعينيكي
واكون م المغرمين بيكي
واكون تابع..
مافيش مانع..

مافيش مانع نغم ضحكك بيرويهم مايروينيش
فماتلومنيش.. 
عشان عطشان لاكتر من سماع ضحكك
مافيش مانع تواربي الشيش.
وأطُل فوشك البسام
مافيش فالدنيا دي شاعر, مافيش رسام في وصفك وصفهم نافع
مافيش مانع..

مافيش مانع اتابع رسم خطواتك في رمل الشط
وألوم الموج يقوم يتخض
واقوله: "حَضَنْت رجليها سِكْتّْ وعقلي كان هيشت"
"وماشي حيزاها طول الشط.. بجزر ومد"
"وانا متابعكوا زي الضل وقلبي م الضلوع هينط"
ونفسي تلتفت وتطل وشال الشط فيا وحط
حَضَنْها الموج ووسط الحضن كان طماع
مسح رسمة خطوايها في رمل الشط
ولما أسأل عمل كده ليه؟ وايه الدافع؟
يرد يقولي ايه المانع؟!
مافيش مانع..

مافيش مانع عينيا لم بتشوفك 
تكوني الحضن في المطارات
تشوفك ضحكة في عيون بنت
جديدة العهد بالجوابات
اشوفك كِيف ماتبقي انتي
ماعداكي يكون تعريفه لكياني في بند "حاجات"
ورغم ان اللقا صدفة ومالوش ترتيب
لُقَانا كله كان ترتيب.. لُقَانا وحبنا بالذات
ولو كل البشر كفروا بإمكان اللُقَا التاني
فانا هكتب لُقَا رابع.. لُقَا سابع.. مافيش مانع

مافيش مانع تكوني جنتي ع الارض
مافيش مانع اكون سائل لو انتي في يوم هتبقي الرد
تزيدي فوق فروضي فرض
وافضل ع الصراط والعهد
وحبك يبقى له طريقة ونهج ووعد
والملم كل دراويشك واكتبلك ديوان جامع
مافيش مانع

كلمات: محمود عبدالعزيز
موسيقى : Cairo Taxi CD mp3- مصطفى الحلواني

مافيش مانع - الديوان / محمود عبدالعزيز

كلمات العبد لله / محمود عبد العزيز
الحان / محمد علي و مصطفي عبد اللطيف
غناء / فرقه انا مصري

Saber 3bd Elsaboor _ صابر عبد الصبور

كلمات العبد لله / محمود عبد العزيز
الحان / مصطفي عبد اللطيف
غناء / ماريان اسكندر و محمود الاشقر "فرقه انا مصري "

Efred olo3ak_افرد قلوعك

اغنيه / صبر مُره
غناء / مي حمدي
كلمات والحان العبد لله / محمود عبد العزيز
سولو كمان المبدع / ا. تامر عبد المجيد
الاغنيه من العرض المسرحي "الافاعي" لفريق مسرح كليه الهندسه جامعه القاهره

Sabr Moura_صبر مُره

سعاد حسنى تلقى قصيدة صلاح جاهين....وقف الشريط ...سجلتها بصوتها بأذاعة بى يى سى بلندن قبل وفاتها...ضمن عمل كبير كان فى نيتها القبام به....وواضح مدى تأثرها بالكلمات ومدى حالة التعب والالم التى كانت تعانيها..الله يرحمه

قصيده وقف الشريط - لصلاح جاهين - القاء السندريلا سعاد حسني

شعر "انتظرك عند حدود الوادي"
كلمات والقاء الشاعر : محمود عبد العزيز
الموسيقي : من فيلم باب الشمس - الرحيل

انتظرك عند حدود الوادي... انتظر الكلمه من عينيك.. انتظر البسمة من شفتيك.. انتظر العمر بصوت الحب ينادي...
انتظرك عند سبيل الماء ولا اشرب.... استمع الي انغام العود ولا اطرب... انتظرك بين ثنايا القلب وان يبقي.. اليكي يهرب.. اسمع اهات حكاياتي..
يسبقني الصوت الي صدي صوت.. الي ما بين حروف الموت.. راض بضياع بقايا الوقت... مادام الموت علي شفاتيك, راض بحياتي ومماتي...


Ma7moud Abd ElAziz

Popular tracks