omar taher ^^

لمشاهدة الفيديو
http://www.youtube.com/watch?v=ZIsm4WAQZQo

عملت نفسى لوح خشب
عملت نفسى مركبة
أنا فرصتك يالا الحقى
طب ليه مصرة تغرقى
و تكونى قاسية و متعبة
نفسى خلاص قرب يضيق
باغرق ومع انى الغريق
بامد ايدى أطلعك
بس الغرور بيمنعك
يا خوفى ما أقدرش أنفعك
سَبَق الفراق روح الفريق

عمر طاهر

Soundtrack : Mozart In Egypt:Double Quartet in E Flat

Roh Al Farea | روح الفريق | عمر طاهر

بقلم: عمر طاهر
أداء صوتى: أحمد سيد النميس

المتوحد الثائر (1) ~ بقلم عمر طاهر

بقلم: عمر طاهر .. أداء صوتى: أحمد سيد النميس

المتوحد الثائر (2) ~ بقلم عمر طاهر

الطريق إلي عابدين عمر طاهر مع باسم يوسف

الحـُـب موجود ♥ .. عمر طاهر

كل فترة باحس إني باغرق وطول الرحلة لـتحت مابيعذبنيش غير آخر مشاهد علي سطح المركب، وأفضل أنزل أنزل أنزل.... لحد القاع...و المس القاع بمشط رجلى... و بضغطة خفيفة وألاقي نفسي باتحرك تاني بقوة....لِفوق...!

حكمة اليوم :القاع أول خطوة فى الطريق للقمة ! :)


عمر طاهر - القاع

تــعبـان
حاسس ف قلبى حمل جبل
سهران
وازاى أنام وأنا عندى ملل

عندى صحيح حاجات كتير
لكن ناقصنى حاجات أكتر

ناقصنى انى أقدر أطير
وانا عارف انى فى يوم هاقدر

عندى قمر باسهر وياه
عندى ميعاد وحبيبى لغاه
وعندى أفكارى لحياة
ممكن تغير شكل الكون

وأجمل ما عندى ايمان بالله
وباقول يارب تكون ف العون

أصل الحياة أصعب حاجة
ع اللى ماعندوش غير احساس

الناس لبعضها محتاجة
وأنا لسه عندى أمل فى الناس

لــِ
عمر طاهر


عمر طاهر - أمل

عمر طاهر - مدرسة

عمر طاهر - الأكل الصيني

عمر طاهر - أخيراً

قصيدة من قصائد عمر طاهر 

3 AM | Omer Taher |عمر طاهر |3صباحاً

متهيألي اننا هنسيب بعض قريب جدا
علشان كده
رجعت أوضتي النهارده بدري علشان ارتبها..
من ساعة مابدأت علاقتنا
والأوضه غرقانه في الفوضى
حبات الشاي الغرز نشفت في الكوبايه
واخر شفطة نسكافيه اتحجرت في كوبايه تانيه
وبعدين اتشققت زي ارض عطشانه
كتب في كل حته
ماخلصتش منهم ولا واحد
والطفايه لقيتها فين؟
خمني..لقيتها في ايدي...
دش خفيف شال الملح اللي اتحجر حوالين ابتسامتي
ورحت فارد نفسي في سريري
وسبت المزيكا تلف في سقف الأوضه
وأنا حاطط التليفون جنب راس المخده..
مستني مكالمة
تزرعي فيها ألغام مابينا
ألغام تسمح لكل واحد فينا
انه يبعد بثقه
ومن غير أي خوف من عذاب الضمير
ارجوكي.. اتصلي دلوقتي
انا الليلادي باحلم بنوم عميق

الغام | عمر طاهر | Omer Taher | Al Ghaam

منوعات من اشعار عمر طاهر

عمر طاهر | بطولة مطلقة | Omer Tahe | betola motlaka

في الدور الأول أصحابي

وجيراني قاعدين في التاني

وأبويا وأمي في الرابع

وأنا ساكن في الدور العاشق

أنا ساكن في الماضي الغامق

أنا سافل بحب الدنيا

هربان من حكم بتأبيدة

في الدور الأول سألوني

عن اسمي وعن سر جنوني

عن شجرة تحت الشباك

عن جردل علي سور البير

ع الخطة الخمسية الجاية

عن بنت بتلمع في عينيا

عن وردة وشادية وفيروز

عن لحظة باتحول فيها

من ميكانيكي إلي أراجوز

عن قهوة سكر مضبوط

عن شلة رايحين الحفلة

وماحدش راجع مبسوط

عن جرحي اللي مابفتحوش

عن صاحب رمّة ومغشوش

نزلني ف ماطلعتوش

عن نمرة تليفون البيت

في الدور التاني سألوني

عن واحدة بتجيلي الشقة

عن أزمة حنية مفاجئة

ف شباك صالة المفتوح

عن ضحكة ما بتقولش كتير

وقميص اتعلق مجروح

وسلام متوتر مكسوف

وقالوا لي إحنا عارفينك

قلت لهم طب ما أنا معروف

في الدور الرابع ربّوني 

بالخمسة علي وشي ادوني

في الشقة لوحدي وسابوني

وقالوا لي ما تفتحش الباب

في الدور الرابع بعتوني

أتعلم وأرجع بشهادة

ما رجعتش بس اتعلمت

اتعلمت لأني آمنت

وبادفع تمن اللي اتعلمته

وغيابهم عني اتحملته

وغيابي عنهم بقي عادة

أمي قالت لي بطّل قهوة

وقهوة أبويا دايماً سادة

وأنا راجع للدور التاني

في الدور التاني يا جيراني

أنا بكرة ماشي ومش راجع

يا معادي ليلك بقي ساقع

بقي أسقع من الوحدة ونارها

أنا صاحي في ليلها ونهارها

فكرني حلوها بمرارها

وباصرخ بس ماحدش سامع

وأنا راجع للدور الأول

في الدور الأول أرشيفي

رجالة مقاسمها رغيفي

مقاسمها تنويحة خريفة

مقاسمها ورقة بعشرين

عدوية ووردة وجاهين

في الدور الأول أصحابي

وأقربهم ليا الخاينين

وأنا ساكن في الدور العاشق

أنا ساكن في الماضي الغامق

أنا سافل بيحب الدنيا

هربان من حكم بتأبيدة

وباواجه ربنا بإيماني

وباواجه نفسي بقصيدة.


omar taher ^^

ma7moud_hafeez