طاقة أمل

فلان الفلاني اللي معرفش اسمه ف دايما بقول يابن عمي وخلاص
فلان اللي سابلي بقيت سندوتشه ... ليلة لما شافني بغنّي و جعان
فلان اللي مش فاكرَه غير شكل وشه فلان اللي﻿ عداكي جوه الميدان
فلان اللي فتشني بالإبتسامه فلان اللي قال هو فعلا حيمشي 
فلان اللي قاللي طريق السلامة ساعة لما قولنا زهقنا وحنمشي 
فلان اللي مطلعش جوه البرامج وكان بس صوته ف قلب الهتاف 
فلان اللي روح أكل واستحمي فلان الي ضايع فوسط الاف
فلان اللي غرقلي خل الكوفية وشالني ساعة لمه جت طلقه فيا 
فلان اللي مات يومها تلزمله دية من ابن الفلاني الي كال لحمة حاتف

 

مصطفى أمين || فلان الفلانى

كلمات وألحان:صهيب شكري
توزيع:شريف عبدالسلام
مهندس صوت:عمار خاطر
جيتار:شريف فهمي
عود:هشام عصام

ماتخليهومش يكسروك - جديد - محمد عباس

ماتخليهومش يكسروك ..
حلمك ده عمره ما ينقتل لو مهما حاولوا يقتلوك
لم اللي اللي فاضل من أنين روحك وريحة دم اخوك
......................
ماتخليهومش يكسروك
ياللي انت صدى صوت صرختك قادره  تبدد الجيوش
لسه الأمل جواك ف نبض القلب صاحي ماتسيبوش
.................
لسه راسك عاليه فوق
نور عينيك لامح الشروق
بكره شمس ماليها شوق
طالعه ترسم يوم جديد
...................
حلمنا مالي  المكان
مصري حر ومش جبان
واللي باعنا واللي خان
ما اشتراش غير العبيد
... ماتخليهومش يكسروك 
ياللي انت مهما قالوا عنك ومهما حاولوا يشوهوك
اثبت وثبت اللي جنبك عمرهم ما يغيروك
.. ماتخليهومش يكسروك
هماف ايديهم السلاح وانت اللي حيلتك الهتاف
راحوا اللي كنت بتحبهم قدام عينيك طب ليه تخاف؟

محمد عباس - ماتخليهومش يكسروك

و لسه الصورة فى البرواز .. بتضحكلى من الماضى
و شايله ملامحك الهادية .. تونس لما أكون فاضى
صحيح الصحة معادتشى .. لكن حامده و انا راضى
درابزينى اشتكى منى .. مفيش غيره يسندنى
ساعات باليل أقوم قلقان .. اشوف النشرة تخمدنى
واقول فينك ي واد انت .. و تتريق على نومتى
و اقولك لأ ده انا صاحى .. هروب من وحدتى فى اوضتى
مفيش حاجه بتوجعنى .. إلا الوحدة من بعدك
لكنى بعدى ع التأمين .. عشان دكتور هناك شبهك
بيندهلى كمان بابا .. و يسندنى و بيساعدك
و لما شكيتله من رجلى .. قالى أصلى و أنا قاعد

متقلقش على والدك .. انا عايزك هنا جنبى
و خلى الغيبة ما تطول .. واحشنى ي ضنا قلبى
و لو ع الوحدة هتونس .. ما دام مكتوب هنتباعد
و أما عن وجع رجلى .. خلاص بصلى و انا قاعد

بصلى وانا قاعد - محمد عباس

Mohammad Abbas | Rab3a Voice | محمد عباس - سيرة عبدالغفور

"هغنيلك .. وهيكون الكورال أيتام .. محدش بعد موتك راح سأل فيهم
وهمسك عود وناي وقانون .. وألِّف غنوه تبطل سِحر أغانيهم"

بغنيلك ... محمد عباس- اهداء لعبدالرحمن جودة

محمد عباس اغنية(مكتوب عليك يا ولد )FreeDomyoutube

تتر برنامج (ذكرى وعبره) للداعيه : فاضل سليمان

كلمات : محمود السراج
ألحان: صهيب شكري
توزيع: أحمد العسال
جيتار: مصطفى أصلان
مكساج: عمار خاطر

Ya Rehlty - Mohamed Abbas | يا رحلتي - محمد عباس

أداء صوتــي /  سما نوار
https://www.facebook.com/samanawar2 
حـــرف / اميرة عبد العزيز
https://www.facebook.com/amera.abdelaziz.7?fref=ts

جربت قبل كدااا #تطمن لربنا ؟؟ ،، جربت تطمن لاختياراته وتدبيره فى كل أمور حياتك ؟؟ ،، جربت تطمن لما #الإبتلاءااات تكتر عليك أوى .. وتضيق بيك نفسك وتبقى واثق إن الفرحة #قريبة ؟؟ ،، جربت تعيش إحساس إن #الأحزان مابقتش فارقة معاااك ؟؟ لأن كدا كدا ربنا هيفرح #قلبك فى الأخر ،، جربت تطمن إن ربنا أرحم بيك من نفسك ولما بيبتليك ويرزقك بشوية حزن فــ دا لأنه #بيحبك ،، يعنى ساعااات الواحد لازم ينكسر أوى علشان يقدر يكمل مشواره فــ #الحيااااة .. لازم ينكسر علشان #قلبه يحس إنه مالوش حد فى الكون داا كله غير #ربناااا ،، لازم ينكسر علشان يقوى ويفهم الدنيا >> #أطمن ووشوش قلبك وأكدله إن الفرحة كدااا كدااا جاية ،، يمكن #دلوقتى أو متأخر #شوية ،، بس أكيد هتيجى ،، و اشكر #حزنك اللي فهمك الدنيا أكثر و قربك من ربنا أكثر ،، وخلاك تحس باللي حواليك ..
ومتنساش إن بعد #العسر #يسرا 

بس أنت أصبر واطمن

إطمن_سما نوار_أميرة عبد العزيز

اداء صوتي / سما نوار 
https://www.facebook.com/samanawar2
كلمات / اسراء مقدم 
https://www.facebook.com/esraa.mokaidam?fref=ts


الصراحة
الحياة لما كانت
جوة فصلى فتالتة تالت
كانت الحسبة بسيطة
قلب ابيض ...صفحة بيضة
حبة حبة لما تكبر
حبة الالوان بتكتر
جوة قلبك كان بيظهر
خط ازرق 
وللا اسود
وللا اخضر
وللا اصفر
لما تكره
وللا تحقد
وللا تعند
وللا تكسر
كل حاجة كات كبيرة وانت عيل
جوة عينك كات بتصغر لما تكبر
لما تكبر
كل حاجة عليك تهون
كل مرة تحط لون
واما تغرق مش هيفرق
لو تكون او لا تكون
مش هيفرق لو تحاول
او تداول
او تقاول
صفحتك مابقتش بيضة
بِركتك صبحت غويطة
هو ينفع لو تغمض وسط زيطة....ييجى نوم؟
هو ينفع لو لقيت نفسك بتغرق
تبتسم وتقول دة عوم؟
مش هينفع لو تصرّخ او تزوم
~~
لحظة واحدة
ايه اللى قالك مش هينفع
ايه اللى قال مالهوش لزوم
طول ما شمس عليك بتطلع
يبقى لسة علينا لوم
ليه بتحكم بالنهاية
ليه تقفّل ليه تشّطب
وانت لسة فمبتداه
لو تشخبط وللا تشطب جوة صفحة
لسة باقى دفتر ابيض....ايه ملاه؟
طول ما لسة كتابك ابيض
يبقى تكتب
اكتب اكتب
محنا فيها زى عيل
لف دار..قام معبّط
قام مخبّط
واما تاه ...راح معيّط
واما عيط
...
كف حانى عليه وطبطب
فاكتَشَف معنى الحياة
~~
هو دة طبع الحياة
ناس بتبعد ...ناس تفارق
يترسم بالخط الاسود
المفارق
جوة كشكول الحياة
واما تغرق...تلقائيا
يترسم بالخط الابيض
طوق نجاة


طوق نجاة_سما نوار_اسراء مقدم

 كلمات وألحان:صهيب شكري
توزيع:ياسر ماجد
مكساج:عمار خاطر
عازفين:
شريف فهمي(جيتار)
محمد فوزي(كلارينت)

lyrics and composed by:sohaib shokry
arrangement:yasser maged
sound engineer:ammar khater
guitar:sherif fahmy|
clarinet:mohamed fawzy

...................

كل ليل اخره نهار  مهما طال الانتظار
الأمل اللي ف عيونا  مش بيعرف الانكسار

في القلوب صوت بينادينا
والحنين اللي مالينا
أيوه مارد صاحي فينا
راح يعيش لو وسط نار

كان لازم ننتفض لازم نثور
كان لازم ينتصر جوانا نور
كان لازم ينكسر لو الف سور

طب ومين يرضى السكوت؟  طول مافي جوانا صوت
جرحنا لازم هيصرخ  حتي لو كان فيها موت

راح تهون كل الالام
احنا اهو مش بالكلام
شمسنا هتطلع عشان
حلمنا رافض يموت


كان لازم ننتفض لازم نثور
كان لازم ينتصر جوانا نور
كان لازم ينكسر لو الف سور


كان لازم..محمد عباس

حرفـ : عبد العزيز عبد الله
أداء : سما نوار
https://www.facebook.com/samanawar2

لما تحس بأن الدنيا معاندة معاك
وانها ولا بتحس وجودك ولا شايفاك
وانك مهما تحب وتخلِص 
تلقى حبايبك مش حاسّاك
وانك لما بتفرح حبّة
تلقى دموعك تستناك
لازم تعرف حاجة مهمة
ان الدنيا مهيش قصداك
وانك لاجل ما تمشى حياتك
لازم ترمى الهم وراك
أتشعبط ف الحلم وعافر
هتلاقى الأحلام ويّاك
كل الكون راح يبقى ف صفك
لو حسّك صادق ف غُناك



إتشعبط في الحلمـ_عبد العزيز عبد الله_سما نوار

كلمات : ابتسام مختار 
https://www.facebook.com/ebtesam.ahmed.mokhtar
هندسة صوت / يُوسف الدالي
https://www.facebook.com/daly.yusuf?fref=ts
أداء / سما نوار
https://www.facebook.com/samanawar2

ياما قُلت
ومحدِّش صدَّقنى
إنى بحبها.. وبتكرهنى
وبتخنقنى
وبتزعجنى
وتشعلقنى
وتمرمطنى..
وافضل احبها رغم الزحمة
رغم البيه السيد حِشَرى
واخته الرغَّاية.. واخوه الكِشَرى
وبرغم الأمورة.. الرِخمة!
وبرغم الكُرسى المِتكسَّر
وبرغم التنطيط ع الكوبرى
ما هو كله يهون علشان خاطر
خَط من الأول للآخر..
قادر.. بالصُدفه يعلٍّمنى
قادر إنه يخرَّج منى..
ضحكة بتخُض اللى يشوفها
فِكرة.. بتخلينى اعرفنى!
شوف رغم دى حاجه بترْكَبها
مع ذلك بتعلِّمك المشى!
وشوارع مصر المحروسـة
الواقفة.. الزحمة.. المنحوسة
تدِّيك الصبر ده مجَّانى
فوق إن سماعك للرغى
بيضيفلك عُمر واحد تانى
بالذمة ده عرض ده يتفوِّت؟
هتقولى الزحمة دى بتموِّت!!
طب مش حلوة الموتَة جماعة؟
أرحم من كام واحد حى
يومياً بيموت م الوحده..
فِعلياً عُمره ما جرب سَعى
عُمره ما جرب رِزق الكرسى الفاضى الْمِستَّنيه
الكرسى الفاضِل.. مَخصوص لْيه!
عُمره ما جرَّب بسمِة جِدة..
لْواحد فاضِل..
فضَّل راحِة سِت كبيرة عليه
مع إنه فعلاً مش قادر..
يفضَل واقف على رجليه
يعنى بالعربى من الآخِر..
إن كان أتوبيس, ولَّا سيرفيس, ولَّا مشروع!
إن كنت جعان ولا تعبان ولا موجوع
وسواء بردان.. هتموت م الحَر
صايم.. فاطِر ..
فى الزحمة هتتعلم تِدى
تِكسب وِدى
هتدوس على رجله يبرَّقلك
تتأسفله, هيروح زاقَّك!
وفاجأة يضحكلك من قلبه
ويقولك: يا عم وَلْا يهمك!
ويبُصِلها: يا آنسة فى مكان
آه.. هناك جنبُه!
ويوسَّع ويسيبها تعدِّى
فى الزحمة انا باخد شنطتها
وبشيل عنها..
وبتشيل عنى
وبفكَّرها بمحطتها
بيفرمِل, هى بتستندنى!
فى الزحمة هتقرا الجرنان
تسمع قرآن.. أو هتغنِّى
هتلاقى حلاوة فـ وسط المُر
وفـ عز الخنقة هتكون حُـــر!
وفـ عز الدوشة مبتموتشى
أصل محـدِّش..
بيموت م الصبر



في الزحمـــة_إبتسام مختار_سما نوار

حــرفـ : اسراء مجدي
https://www.facebook.com/ess.magdi?fref=ts
أداء : سـما نوار
https://www.facebook.com/samanawar2 


الصبر ..
مش انّك تكون ..
مستنى حاجة و السلام
الصبر .. انك تبقى واثق ..
ان مهما الوقت طال ..
هيجيك نصيبك .. 
حتى لو من غير كلام
الصبر ..
انك تبقا عايش لاجل حلمك ..
بابتسامة و مش بضيق
الصبر انك .. 
تمشى فى السكة الطويلة المتعبة 
مهما الطريق حواليك يضيق
الصبر مش حبة كلام ..
عن معنى كلمه " صبر" فيك بتكمِّلك
الصبر .. صبر فى القلوب .. 
تستقوى بيه .. و يطمِّنك :)



الصبر_إسراء مجدي_سما نوار

نصيب | محمد عباس | البوم فك الكلابش

I am the one who chanted “Peaceful.”
Neither am I lost, nor have I sold
the remaining years of my life in vain.
I do not want to see my mothers
concern about my safety grow
I don't want her to carry worry
Or cry when she sees the blood
And when she’s asked about me
She says: my child is gone
I am the one who chanted “Peaceful.”
Nor I wished to inhale the tear gas
Nor want to hold a rock in my hands
And no cartridge to burn my skin…
I am the one who chanted “Peaceful.”
I never thought about them opening fire
And I never thought I’d get shot
Or that my eyes will be a shooting target
By an inhuman police sniper
I, who took to the streets with my chants, brought down the regime
And achieved what was said to be a dream
At that time, I was carried over the heads
And they said the best words about me
This was last January, dawn of the year
And then, my friend Fouad was murdered
Khaled was murdered, and so was Rami
And Hisham was shot in the eye
And count month after month
they passed by me like an eternity
And the blood of the martyrs scares me
And takes my comfort every time I sleep
At that time, I was captivated.
And I said I must take again to the streets and chant
I returned to chant “Peaceful.”
And I chanted, our blood is not for sale
With a bill of ten or a hundred
What’s in my hands but to shout my chants
I kept chanting; I kept chanting
And I said, O’people of Egypt.
I am the one who chanted “Peaceful.”
They said no. They denied me
I saw blood again
The bloody scene has returned
This was the day Mina died
Because he did not accept injustice again
And he decided to chant it
They increased the list of martyrs and some more
Some of them were hit by a bullet, and others were run over
And increased injustice and oppression
And the march for freedom took a drastic step back
And blood flowed again on his forehead
And drowned his honorable Kufi
And again, for your sake
Our Blood drips for you, Egypt.
With all of that,
I'm the one who chanted “Peaceful.”
Down with all those who betrayed the revolution
Down with those who gave up
Down with those who stood
In the way of a generation that wants to be liberated
Down with those who beat
And Down with those who kill
Down with those who erased
Our story and history.
And again, my blood became worthless.
And spilled in the streets of Tahrir Square
It is useless to justify
And they said: you deserve it
But you know what? I deserve it
Because I was lenient
And to be for your knowledge,
Freedom is not served. It’s taken
No matter how much they spill my blood,
My will can not be broken
My soul is sacrificed for Egypt
But it shall not become a military dictatorship

أنا اللي هتفت سلمية Ana Elly Hataft Silmiyah

قلبي كما حبة مطر ..
بيغيب كتير ..لكن ف وقت من السنه 
يظهر قوام ..ويفيض مشاعر ع البشر 
قلبي كما ..حبة مطر ~

محمد عباس - ماتخليهومش يكسروك

Mohamad Abbas

Recent comments

سَمَا إسمَاعِيل

mhmd

mariam 🦋

Mahmoud Youssef Hamed

Related tracks