සත්ථුප්පසත්ථචරණං සරණං ජනානං
බ්‍රහ්මාදිමෝලිමණිරංසිසමාවහන්තං
පඬ්කේරුහාභමුදුකෝමල චාරු වණ්ණං
වන්දාමි චක්කවරලක්ඛණමාදධානං

මහා කාරුණික වූ ශාන්ති නායකයන් වහන්ස ජීවිතයම පුදා ඔබ වහන්සේ සරණ යමි

යන අතක් නොම දැන ක්ලේශ වසඟයට හසුවූ මාගේ ජීවිතය පූජා කරමි

හිස් වචන දොඩමින් අයාලේ ගිය මගේ සිතුවිලි මේ මොහොතේ පටන් හරි මගට ගෙන එමි

බුද්ධං ජීවිත පරියංතං සරණන් ගච්ඡාමී

මගේ දිවි දෙවැනි කොට බුදුරජාණන් සරණ යමි

සිතනා මොහොතකින් සියළු දුක් නිවීයන ඔබ වහන්සේ සරණ යමි

ඔබේ රුව දුටුව පමණින් ශාන්ත සුවයෙන් සිත පිරී යයි

සිතනා ඇසිල්ලකින් සිතට සහනය ගෙනෙයි

ජීවිතේ දෙවැනි කොට ඔබ වහන්සේ සරණ යමි

හිස් වචන දොඩමින් නිසරු දේ ගැන සිතමින්ගෙවුනු කාලය නිමා කරමි

නොදැන මා කල සියලු වරදට සමාවන සේක්වා
පා දූවිල්ලක් සෙයින් සිරිපා සිඹිමි

බැතියෙන්සියලු සත්වයන්ගේ සැපත සැනසුම සඳහා තම ජීවිතයම පූජා කළ බව සත්‍යයි

එම සත්‍ය ගුණයට මාගේ ජීවිතය පූජා වේවා
පූජා වේවා

මුළු ලොවට වැඩ පිණිස අනේක හිරිහැර විඳි බව සත්‍යයි

මාගේ සිත ද ඒ මඟට යොමු වේවාජීවිතයම පුදා තම සෙනඟ රැකගත් බව සත්‍යයි

මාගේ ජීවිතයද ඒ මඟට යොමු වේවා

මාගේ සිරස මහා කාරුණිකයන් වහන්සේට සුව යහනක් වේවා

මාගේ හදවත බුදු කුටියක් වේවා

දිය පොදක් නැති කතරට මහා වැස්සක් වේවා

අන්ධකාරයට ආලෝකයක් වේවා

රුවලක් නැති නැවට රුවලක් වේවා

තරණය කරන්නට පාලමක් වෙම්වා

ශාන්ති නායකයන් වහන්ස මාගේ ජීවිතය බුද්ධ පූජාවක් ලෙසින් පූජා කරමි

බුදු සිරිපා මුල පා දූවිල්ලක් සෙයින් දාසයෙක් වෙමිපා පිස්නා බිස්සක් සෙයින් මානය දුරලමි

නිසායම පුන් සඳ සේ අප වෙත ගලා එන්නේ ඔබ වහන්සේගේ හදවතින් ගලා ගිය සිසිලසයි

උදෑසන රන් හිරු සේ ගලා ගෙන එන්නේ අවබෝධයේ රැස් කිරණයි

මහා බුදු අනුහසින් මා වෙලා ගනිත්වා

මාගේ ජීවිතය මේ මොහොතේ පටන් සිරිපා මුල වැතිර පූජා කරමි
පූජා කරමි
පූජා වේවා......

Madura Munasinghe

Popular tracks