الابنودى

من ديوان "الموت على الأسفلت "

عبد الرحمن الأبنودي - أنا الدرويش

السيرة الهلالية الجزء الاول عبدالرحمن الابنودي

فرقة عمدان النور ،، سيرة الاراجوز

هشام الجخ- حظك كده

الابنودي

عبدالرحمن الابنودي - لسه النظام ما سقطش

الفَجر للتسبيح 
الصُبح صبرني 
يعجبني فـ التواشيح 
زُهد اللي بيغني 
الليل إذا طَوْلّ
أول .. طقوسي المزعجة 
للفِكرّ ..
ببدأ صلاة الذِكرّ
للواحد .. الواحد 
بتهجى فـ الترتيل
بلمحها بالنية 
وحدُه الفؤاد بيميل
إن سَلّمِت هي
ملاليم في جيبي 
هي اللي حيشاني 
لما أوحشك شاوري 
أصل إنتي وحشاني 
بستعيذ بيكي مني .. 
م الإنس والشياطين 
من كل شئ له عنين 
وبيشوفك ..
أنا كل ما طوفك 
بتعب فـ سابع شوط 
الُحب يعني حياة 
طب ليه أحبك موت ؟
رجليا وارمة ...
م اللف والصرمحة 
وعنيا وارمة .. 
شحتفة وعياط 
أنا لست م الأوليا 
لكني ذو كرامات 
بضحك بصوت عالي 
بقالي ..
سنين بشرب قهوتي آجل 
ببعت حمام زاجل 
رسايلي لسه مبتوصلش ؟
مقدرش ... أعاتبك 
العتاب .. إعتراف بالشوق 
وأنا أصلي كل ما أفوق 
أحط إيديا فـ جيوبي 
بتطلع ناقصة فـ صوابع 
بتابع ..
إختلاف الليل والنهار 
من ورا الشباك 
لو لسه واقفة هناك
يبقى النهار طالع 
لو غيبتي .. 
فـ الليل خلاص خيم 
بنيم .. جتتي 
وأتمشى فـ المجهول 
معقول ؟؟ 
كل الظروف ضدي 
الدنيا لم تدي 
أمثالي أي حلول 
دايماً بكون مفعول 
كان نفسي أكون فاعل 
أنا شُغلي فـ الفاعل 
شقق خطوط وشي 
معذورة لو تمشي 
نسب الفروق عالية 
البوسة مش غالية 
لكن تساوي كتير 
القصة حقيقية 
تراچيديا مش تمثيل 
أنا مش خمورجي 
ولا صدري غاوي حشيش 
الفقرا يا حلوة 
كيفهم رغيف العيش 
 صُديني لو خايفة 
لو شايفة من برا 
أنا بعتذر جدا 
لو شِفتي مُرة 
لو حضني دفاكي 
لساكي .. بتكحلي عينك ؟؟
دخنة وزعيق وعياط 
كان نفسي أجيب شربات 
فياريت تسامحيني 
على كل نظرة عين 
على كلمة وحشتيني 
مقصدش أشيل الفرق بالساهل 
الوضع مستاهل 
أتعب شوية كمان 
أنا حالياً خرمان 
محتاج شوية نور 
 ينفع نزيل السور ؟
وأضمك أو تضميني 
وحشتيني ...
Lyrics by : Ahmed Saad 
Music : Armand Ammar - The Dead Seas

Tawashih khamorgy - Ahmed Saad | تواشيح خمورجي - أحمد سعد

سيد رجب يحكي جزء من السيره الهلاليه

 وجّي يا بلد الحرايق و اصرخى بجنون
و احرقيها مدن و كروم و ناس و سجون
ملعون ابوها الحمامة ام غصن زتون
معمولة لاجل الضحايا يصدقوا الجلاد

يا ايد يا متكتفه
يا ظهر يا منجلد
يا طفل مين  ورثك الاحتمال و الجلد؟


ملعون ابوها الحمامة ام غصن زتون - عبدالرحمن الابنودي

كلمات :عمر حسن 
إلقاء :يسرا أمين 
موسيقى : www.bensound.com 

فيه حالات كتيرة من العياط غير العياط بدموع 
زي العياط بالانعزال 
فض المجال والبُعد عن وهم الجدال
زي العياط بالفضفضه لنوع موسيقى أو غُنا 
زي التعب أوقات بعينها من السنة 
زي الغياب 
زي السكوت 
زي الغضب

تلقى المزاج مع كل يوم له لون وشكل 
أو حد وقته بيتقسم بين نوم وأكل 
أشخاص تعيط بالسهر 
بالشُرب مثلاُ والغياب
بيردّوا روح ويسكّوا باب 
ويبطلوا اللوم والعتاب 
أوقات عياطهم بالسباب 
وساعات عياطهم بالأدب

فيه ناس عياطها ف انها بتقول " تمام " 
وفيه ناس عياطها ف إنها تفتّح كلام 
وفيه ناس كأسراب الحمام تبكي وماتسبش الأثر
وفيه ناس تعيّط بالرجوع للي اتكسر 
فيه عياط حرير وعياط حجر 
وعياط شظايا من اللهب

أعرف بشر بيعيّطوا بالاندماج 
فجأة يحبّوا يخرجوا ومايقعدوش مع نفسهم 
واعرف بشر بيعيّطوا جوّه السياج 
مايشوف دموعهم إلا هما وضلهم 
واعرف بشر بيعيطوا ف حجر ناس بتحبهم 
ان شالله يبكوا قصاد قبورهم ع العتب

إياك تظُن الخد ناشف نبقى عال
احنا بنمحي دمعنا زي البيوت ف الهجره ما بتمحي العزال 
جربنا نبكي قصاد بشر مش طيبين
أهدرنا دمع وفضفضه ضاعوا هباء زي السنين 
فبقينا بالخبرة بنبكي بدون بُكا 
ودموعنا صبحوا بينزلوا متنشفين 
أقدم عياط هو الحياة وانت بأتب
أبسط عياط هو الرضا باللي اتكتب 
يطلع كلام 
يطلع هدوء 
يطلع زهق 
يطلع شغب

واصعب عياط تبقى حزين 
وتلاقي نفسك مبتسم من غير سبب
.......................

Yosra Amin ,  poem

على الهلباوى - عارف

يمنى - عبدالرحمن الأبنودي

عبدالرحمن الأبنودي-إكتم أنينك

قصيدة الواد كبر عن جمال مبارك

عبدالرحمن الأبنودي ويا قلب يا أبن الكلب...

أحمد فؤاد نجم-العنبرة

عبدالرحمن الأبنودي ويا قلب يا أبن الكلب...

Magdy Mahmoud

Related tracks