القرآن والسلطان .. فهمي هويدي

الكتاب بيقدّم رؤية مختلفة .. وبيحاول يجاوب على سؤال محدد : 
ايه اللي وصّل المسلمين والعالم العربي للحالة اللي همّ فيها دي..  ؟ 
و بيناقش وجهات النظر المختلفة في تفسير الدين .. 

باختصار - القرآن والسلطان 1 - 3

القرآن والسلطان .. فهمي هويدي

استكمالا للّي بدأناه في الجزء الأول من اختصار كتاب القرآن والسلطان لفهمي هويدي ، هنحاول نكمل رؤية الكاتب للأسباب اللي دفعت العرب والمسلمين للتأخر عن ركب التقدم في العالم .. 

احد الأسباب اللي شايفها فهمي هويدي لتأخر العرب والمسلمين .. انهم توسّعوا في فكرة التحريم .. وبيقول ان دة بيتعارض مع منهج الاسلام .. 


باختصار - القرآن والسلطان 2 - 4


ذكر المخبرْ
في صدر التقریر الثاني من أوراق ملفي الأغبرْ
أني أعشق

*******

ذكر المخبرْ
أني أتنھد أحیانًا
وأكفكف دمعي أحیانا
وبأني (في الشھر الجاري)ـ
أتلاشى في جوف الظلمة.. وأدندن أحلى أشعاري
وبأني إذ أرجع لیلاً
لا تغفو لیلاً أنواري

*******

قال المخبر
إن المذكور یحیرنا 
صاحبة الشرفة لا تعرف أیة أنشطة مشبوھة
لكنا (قمنا باللازم)ـ
وعرفنا لون وسادتھا
وبأي عبیر تتعطر 
(نرفق طیًا صورتھا وملفًا عنھا)

*******

قولي لي یا توءم روحي
یا من في عینیك صبوحي
أنى تتلاقى عینانا
وأمامي وورائي مخبر ؟

*******

قال المخبر
في صدر التقریر الثالث من أوراق ملفي الأغبر
إني أعطیھا أوراقًا تخفیھا عن كل الأعین
أوراقًا تكسوھا أسطر
ـ(یبدو منشورًا موبوءًا یتلاعب بنظام الدولة
أركان اللعبة تتبلور)ـ

*******

ذكر المخبر
أني أسھر
والسر الھامس في قلبي قد مأسى إعصارًا یجأر
أوصى المخبر
في ذیل التقریر الخامس:ـ
لن یخدعني ما یحسبه غیري عشقًا
إني أبصر
شیئًا یترصد في الظلمة 
یتلاعب بنظام الدولة 
إن المذكور یناجیھا 
ولھذا أوصي أن تبقى كوسیلة ضغط فعالة 
كي نضمن أن یعمل معنا 
كتب المخبر 
تلك الأسطر 
واختار لھا لونًا أحمر

*******

وملفك یغفو فاتنتي بجوار ملفي
نتناجى 
من بعد عذابات الرحلة 
قد جمعّنا أمن الدولة 
قولي لي یا توءم روحي 
یا من في عینیك صبوحي 
أنى تتلاقى عینانا
وأمامي وورائي مخبر ؟


قصيدة: أغنية المباحث .. بصوت أحمد خالد توفيق

منين بييجي الشجن.. من اختلاف الزمن 
ومنين بييجي الهوى.. من ائتلاف الهوى
ومنين بييجي السواد.. من الطمع والعناد
ومنين بييجي الرضا ..من الايمان بالقضا

من انكسار الروح في دوح الوطن
ييجي احتضار الشوق في سجن البدن

من اختمار الحلم ييجي النهار
يعود غريب الدار لأهل وسكن

ليه يا زمان ما سبتناش أبرياء
وواخدنا ليه في طريق ما منوش رجوع
أقسى همومنا يفجر السخرية
وأصفى ضحكة تتوه في بحر الدموع


كلمات : سيّد حجاب
ألحان : ميشيل المصري

ليالي الحلمية - تتر المقدمة

ولفين ياخدنا الأنين
لليالي مالهاش عينين
ولفين ياخدنا الحنين
لواحة الحيرانين

ما تسرسبيش يا سنيننا من بين ايدينا
ولا تنتهيش ده احنا يا دوب ابتدينا

واللى له أول بكرة حيبان له آخر
وبكرة تفرج مهما ضاقت علينا

ولفين ياخدنا الأنين
لليالي مالهاش عينين
ولفين ياخدنا الحنين
لواحة الحيرانين

كلمات : سيّد حجاب 
ألحان : ميشيل المصري

ليالي الحلمية - تتر النهاية

إذا مش نازلين للناس فـ بلاش

والزم بيتك.. بيتك.. بيتك..

وابلع صوتك..

وافتكر اليوم ده.. لإنّه تاريخ موتى وموتك..

 ...

إذا مش نازلين للناس فَـ بلاش..

مادام الدايرة ماكاملاش

والحاجة ماتامّاش.. وأصحاب الحاجة ماعارفاش..

إيه المعني وأى بطولة فـِ إنّ حياتنا وأحلى سنينَّا..  يروحوا بلاش؟

حاجة ماراكباش!!

...

الله يخرب بيت الفكر.. وبيت اليوم الّى ورّانا الفكر..

لإن الفكر كتاب..

و "عويضة" حياته هباب وتراب..

عايش زمنه الكداب -زىّ العادة- مُرتاب..



 كنكة على دِمْس .. ونفَس مقطوع فى الغاب

ماشبعناش عنه بُعد.. وهوّه ماشبعش غياب..

"عويضة" هناك فى الأرض..

في المدن الأُوَض الّى نايمة على بعض..

...

وأقولّك إيه اللى قطع الدايرة يا أمير؟

وخلّى مابين النبي والخلْق  الغربة وتقطيع المشاوير؟

إن أنا وانت بنلعب طول العمر دورين: طليعة وجماهير..

و"عويضة" بينفخ موت الدِّمس والعالم.. نِمْس..



العالم.. سرقة وقلْع ولبس

و"عويضة" بقلبه الجبس.. الّى معلِّمُه إمتى مايحسش وامتى يحسّ..


بيعدِّى في الأيام جمل المراحيل..

زى ما عدَّاها من أول ما اتخرط الكون

من أول ما طلع للدنيا ووجد قبلُه.. فرعون..

 نفس الأيام نفس النسخة مطبوعة على كل الأعوام..

ماسمعشي بينا.. ماسمعناش.. ماقابلناش.. ما اتكلّمناش.

...

ولإن حمول الأيام مش مرفوعة.. إذا يد "عويضة" ماترفعهاش..

والقولة الحقَّة.. مش حقّة.. إذا صدر "عويضة" ماطلَّعهاش..

والخطوة حتفضل مشلولة.. إذا قُدّامنا "عويضة" ماخطَّاش..

ولإن دى حاجة "عويضة" لسّه مايدركهاش..


ولايدركناش.. ولا يعرفناش..


ولإننا لما دبحنا بعض مناقشة على القهوة لاجل البشرية..

"عويضة" ماسمعناش..

تبقى الدايرة مادايراش..

واما ييجى المخبر يسحبنا عَ الزنازين..



لازم نبقى عارفين..

إن السَّحبة ببلاش..

وان الحدوتة مالافَّاش.. فـَ الدايرة ماتامَّاش.. والدنيا ماحِلْواش..

وانّ "عويضة" لمّا قِبل الظُلم.. ماماتْش..

إحنا مُتنا.. وهوّه.. عاش..

...

الحاجز أكبر من كل الأحلام..

واسْمَك.. من جهلى وجهلك.. واسمي واسمك!!

...

مش حتعلمنى أكتر ما اتعلمت..

روح علِّم أبو الواد والبت..

الّي حيرميهم فى فرن الثورة يطيبوا بُكرة..

والّي لحد الوقت مايعرفشي إزّاي يكتب وازّاي يقرا...

وازّاي يعشق.. وازّاي يكره.. 

ولا عنده فكرة عنّك.. أو عن بكرة..


ولا ليك ذكرى..


لانا.. ولا إنت.. نجحنا ف تغيير الفكرة..

...

الفاس يردم بذرة..

المنجل يحصد سبلة..

الشغل يجيب أجرة..

وانت بعيـد..  بحكاية مامفهوماش..

بينَّنا وبينُه شعْرة وأرقّ من الشعرة..


دة الّي مفروض ناسج علم الثورة وصانع بكرة..


واحنا شهدا.. مع إنّنا.. ماحاولناش..

حاجة ماراكْباش!

الدايرة المقطوعة - عبد الرحمن الأبنودي

باختصار 

دي حاجة تشبه فكرة الـ 
Audio Books 
او الكتب المسموعة ، لكن بطريقة مختلفة شويّة .. 

حاجة كدة شبه انّك تكتب 
Note أو Status 
facebook على 
.. تنشر الفكرة وتشوف تعليق الناس عليها وتقبّلهم ليها .. 

هقرا بصوتي الفقرات اللي لفتت انتباهي من الكتب اللي بقراها.. 

غالبًا لما بتقرا أي كتاب.. في فقرات بتلفت انتباهك ، وتبقى عايز تسمّعها لكل الناس ، تشوف آراءهم فيها .. تعرف ردّ فعلهم عليها .. 


صحيح صوتي مش حلو أوي .. و قد يكون مُمل .. لكن في النهاية هي وسيلة لنشر فكرة.. 

ولأن الناس معندهاش وقت تقرا .. أو يمكن لأن العصر مش عصر قراية .. 

ممكن دة يكون أسلوب يشجّع الناس انّها تقرا.. تتعلّم .. يتلفت انتباهها لحاجة مكانتش في بالها ..

في النهاية كلّها وسائل للوصول للمعرفة .. 

ودي ممكن تكون خطوة على الطريق ..

أو حرف في بداية جملة ..

باختصار - باختصار - 0

أبناء رفاعة.. الثقافة والحريّة 

كتاب لبهاء طاهر.. 

من اسم الكتاب ممكن نستشفّ هوّ بيتكلّم عن ايه.. 

أبناء رفاعة .. أو أبناء رفاعة الطهطاوي

وبالتالي الكتاب بيتكلّم عن الثقافة .. وعن الحريّة .. 

أو بتعبير أكثر ذقّة .. عن ثقافة الحرّية.. 

باختصار - أبناء رفاعة 1 - 1

كتاب العرب والنموذج الأمريكي .. للدكتور فؤاد زكريّا 

الكتاب عبارة عن كبسولة.. كتاب صغيّر مركّز دقيق..

بيناقش قضيّة محددة : القضيّة اللي بتحكم مصير العالم العربي من بعد الحرب العالميّة الثانية .. واللي هتستمرّ تتحكّم في كل أحوالنا حتّى نهاية القرن الحالي..


Maged Elansary

Popular tracks