Recuperadas en Teaio, San Xoán de Laiño, Dodro (A Coruña)

Teaio

Pezas recollidas en San Vicente de Oitavén, Fornelos de Montes, Ponte Vedra.

Jota, rebeirana e valse.

Foi o tema de apertura dos nosos concertos até que optamos por abrir con Gargamala. Preferimos deixar Oitavén como fin de festa. Botamos-lle a rede a estas tres pezas do serán às veciñas de San Vicente, que cantan con poténcia e toda a forza do mundo!! Viva San Vicente!!

Oitavén

Brincadeira feita coa escusa de xogarmos à billarda, e por gostarmos de Black Sabbath.... A conclusión: un refrito de billarda e Paranoid...!!

Billardoid

Embajadores é o último cantar de Reis que montamos Maghúa, hai xa uns anos. Foi recollido en Neira de Rei (a cavalo entre Baralla e Becerreá, Lugo) a vários veciños e veciñas. De entre as distintas "versións" optamos pola da parte alta do val. 
E botamos este cantar, asi mesmo, co Bando de Reis de Neira de Rei, no que reunimos à veciñanza destes lugares....

Álbum desconocido (16/03/2022 18:50:20)

Embajadores

Às beiras do rio Doade recuperamos estas pezas da Sra. Eurosia e outras veciñas d'A Alén, Xirazga, Beariz (OU)

Xirazga

Terceiras añas que montamos en Maghúa, recuperadas en Mondariz, Ponte Vedra. Nun serán organizado en Meirol hai ben de anos... 

Veciñas de Queimadelos, Mondariz, Ponte Vedra.

Queimadelos

Pezas recuperadas en San Pedro de Trasverea, Riós (OU), dos veciños e veciñas do lugar. Acompañan as cantareas co son duns elementos  con presenza nas casas: tixola de ferreiro, e tres pés.

Trasverea

Unha tarde calorosa saimos à procura dunha muller, Corona Borrajo. Era sonada por toda a redonda. Viñamos de gravar outras veciñas nun concello limítrofe. Aparecemos sen avisasr, e aprendemos muito con Corona... Sobre as músicas, os bailes, a vida....
Areás, Xunqueira de Ambia, Ourense

Areás

As pezas que compoñen esta pandeiretada de Liñares, Avión, Ourense)foron recollidas à veciñanza do lugar, aproveitando o regreso do exílio mexicano de grande parte da populación. 
Cantan e tocan, nesta gravación, As Maghúas, as nosas compañéiras de asociación.
Nesta área adoitan acompañar as cantareas cun elemento ben comun nas casas (sonre todo, na época da matanza): a lata de pementón. 
O salto que marca o cámbio da parte do ponto à volta de Liñares, con seus golpes, é ben recoñecíbel

Liñares

Olimpia Puente e Felisa Bello. Santa Margarida e Nebrexe, Montemaior, A Laracha, AC
	As festas en Montemaior e na contorna adoitaban recibir o nome de foliadas, porén eran tamén chamadas ruadas. Sona tremenda tiñan na redonda as que se celebraban tanto nas festas da Santa Margarida como nas da Santa Ana. As pandeiretas calaban unicamente cando viñan tocar as bandas (ollo, que non orquestras!) vestidas de branco impoluto para a ocasión...
	A diferenza doutras zonas próximas, o maneo non é tocado como jota de cinco, senón abaneando a man, maneándoa. De aí, probabelmente, o nome que receben na zona tanto o ritmo como o baile que o acompaña. Tamén botan muiñeiras, tocadas co puño, así como distintos tipos de agharrados, entre os que destaca a muiñeira corrida, que une pasodobre e muiñeira. 
	Nunha boa ruada das de Montemaior, as pezas que botan non levan unha orde determinada, como noutros lugares do País, senón que van botadas ao chou... Para mostra, un agharrado (pasodobre) e un maneo.

Montemaior

Veciñas de Queimadelos. Queimadelos,Santa María, Mondariz, PO
	Nun serán celebrado no ano 98 en Meirol , coincidimos na festa con estas veciñas de Queimadelos. Alí partillamos cos compañeiros Luís Prego e Chisco, entre outros. Foi, sen dúbida, unha boa festa...
	Se ben no Corricán recollemos unha Aña composta por ribeirana e jota, con esta peza queremos amosar un tipo de Aña, formado unicamente pola ribeirana. En Queimadelos dixéronnos que a jota ía acompañada por pandeiretas, non por leghóns... 
	Situémonos: mes de abril, ou maio, preparando os labradíos para botar as patacas ou o millo. Os veciños e veciñas, divididos en dous bandos, comezan a traballar o terreo en cadanseu cabeceiro. Quen primeiro remate (o bando que bota a aña), comeza a tanxer nos leghóns con seixos apañados na propia terra. O bando que non remata (o que leva a aña), é apurado polo bando gañador para rematar co seu labor. Unha póla de loureiro, adobiada con panos, rosquillas, ou garrafiñas de licor, é portado na man no baile, e logo chantado no terreo, para pedir unha boa colleita. 
	Traballo comunal, competición, baile, merenda e rito de fertilidade..., todo conflúe neste facto cultural. Pulemos por conservalo!

Teresa d’Os Cucos. Pontella, Santo Tirso, Malpica de Bergantiños, AC/ Veciños e veciñas de Limiñoa, Cores, Ponteceso, AC
	Galiza é un país morado por mulleres bravas. Na bisbarra de Bergantiños hai ben de tempo que coñecemos a dúas destas mulleres: Teresa d’Os Cucos e Matilde Castro. 
	As dúas cantaban, e cantan, xuntas, decote. É por esta relación, que vén de vello, que gravamos as dúas pezas unidas no mesmo curte. Ambas as dúas recibíronnos nas súas casas, a primeira en Pontella e a segunda en Limiñoa, onde se reúne co resto dos veciños e veciñas para botar unhas pezas cada semana. Faladoras, comentáronnos todo tipo de anécdotas sobre as súas vidas e as pezas que cantan. 
	Unha jotiña, do tipo das que botan pola zona, na voz de Teresa, xunto cunha muiñeira vella (esas cousas que se están a perder...), recuperada na casa de Matilde. Que ben a bailaba José Rama!!

Pontella Limiñoa

Música: Delfín Vilas. Sabaxáns, Mondariz, PO / Letras: Maghúa
	Antes de publicarmos o Corricán, no que aparece a brincadeira baseada no Paranoid de Black Sabbath cunhas copliñas sobre o deporte tradicional galego da billarda, e baixo a fórmula Billardoid, xa tiñamos feito unha outra adaptación doutro tema baixo a mesma temática. 
A petición da Liga Nacional da Billarda, LNB, preparamos unhas coplas sobre un tema tradicional, recollido a Delfín Vilas e o seu grupo de Riofrío. Conservamos a forma na que o recollemos nós, aínda que está máis espallada outra versión, con repetición do primeiro verso da copla. 
Foi gravado no Estudo 5 da Casa da Radio a tarde do 7 de San Xoán de 2010. Decidimos introducir aquí este Gholpe de billarda en Sabaxáns como recoñecemento aos compañeiros que pasaron polo grupo e xa non están, en sinal de respecto e agradecemento. 
Se agardabas outra brincadeira como a do Billardoid, terás que agardar até o seguinte traballo.... Rsrsrsrs....

Sabaxáns

Manuela Cortizo, Gumersinda Castro e veciños e veciñas de Barro, Arén, Cerdedo, PO
	As primeiras pezas que montamos Maghúa, aló polo ano 2006, foron recollidas en Barro de Arén uns cantos antes no local veciñal e na casa de Manuela, entre viños, bica e tortilla.... Daquela desfrutamos da compaña e do saber de numerosos bailadores e cantadores do lugar, que nos fixeron conscientes do que nos queda por aprender. Os anos pasan, e aquelas catro pezas hai tempo que non as cantamos, mais que de cando en vez...
	Unha visita posterior, xunto co compañeiro Guillerme Ignacio Costa, coa escusa de lles cantar os Reis a Manuela e a Sinda, supuxo un pulo para nós, á hora de montarmos outra ruada de Barro, como homenaxe ás xentes do lugar e ao seu bo facer... Dalgún xeito, fechamos un ciclo..., ou será que abrimos outro? 
	A primeira das pezas que compoñen esta ruada é unha ronda. Manuela e os veciños cántana tamén como jota, acompañada polo son das pandeiretas, porén escollemos a versión a capella. A segunda, unha jota que sempre nos prestou, por bonita e representativa das jotas que cantan en Barro: Dime a donde vas, morenita, morena... A terceira delas é unha muiñeira ben bailábel, como a cuarta, un dos pasodobres dos que aprendemos en Barro. E é que hai que arrimarse....

Barro

Florinda Antelo (Florinda d’A Ghrota) e Carmela Antelo (Carmela d’A Casanova). Santa MarÍa, Cereo, Coristanco, AC
	A través de Consuelo, neta de Florinda, chegáronnos estas dúas melodías. Son típicas da zona de Bergantiños. Unha muiñeira empuñada e un maneo ao xeito da bisbarra. Destacan, as dúas, polas súas voltas, sobre todo, no caso do maneo: é diferente. 
	Nesta terra de patacas, que rivaliza coa d’A Límia na produción deste tubérculo, a pandeireta e a voz son as raíñas das foliadas, das festas. Nos concellos da redonda así é tamén. Pezas botadas con enerxía, e co sabor do antigo.... A saber cantas bailas teñen acompañado estas dúas peciñas...!

Cereo

Canto de Reis recuperado en Neira de Rei a Guillermo Álvarez (1931)

Embajadores.mp3

Do repertório de Rosa e Adolfina Casás.
En marzo do 81 do século XX, Dorothé Schubart e Antón Santamarina entraron na cociña destas mulleres, en Cerceda.
A nosa reelaboración basea-se nestas gravacións, cedidas xenerosamente por Ríchi Casás hai case que un ano e meio.
Estas recollas atopan-se hoxe à disposición do público xeral,tanto para a sua consulta como para descarregar, no Arquivo APOI, do Museu do Povo Galego

Pezas gravadas ao resultarmos un dos proxectos gañadores da edición 2023 do Interritmos: Sons do rural, nos Estudos Mans.


Fuliada na Vila da Igrexa (Cerceda).mp3

Grupo de cantareiros nado n'A Coruña no ano 2006. 
Facemos música tradicional. Após dun traballo de campo, levamos onde nos chamen os tesouoros recollidos. Tocamos por pasá-lo ben, e tentamos que a xente tamén o pase igual. 
Publicamos dous traballos discoráficos, através de Inquedanzas Sonoras.:
- Corricán (2012).
- Mátria (2014)
O vindeiro ano 2024 verá a luz o noso terceiro disco.

Tamén participamos en gravacións colectivas ou colaborando con outros grupos nos seus proxectos.
Levamos tocado por todo o País, polo Estado e en Europa. 
- Primeiro prémio no !º Concurso Folkarria de música e baile, celebrado no seo do Folkarria Eco Festi-Bal, o encontro de Bal-Folk mais importante de Europa (Alcalá de Henares).
- O noso foi un dos proxectos gañadores do certame Interritmos: Sons do Rural na edición de 2023.
Xiao, Nacho, Serxo, Serxio, Xosé, Mánu e Davide.

maghua.cantareiros@gmail.com

Maghúa

Popular tracks