يطلع الدجال بزيفه
يملي بحر النيل ضباب
ينزل الجلاد بسيفه 
يزرع الموت والخراب
يطول الليل زي كيفه
يصطبحله الف باب

الشيخ إمام

يا عرب ● أحمد فؤاد نجم ● الشيخ إمام

كل ما تهل البشاير من يناير كل عام .. يدخل النور الزنازين يطرد الخوف والضلام 
يا نسيم السجن ميل ع العتب وأرمى السلام ..زهر النوار وعشش فى الزنازين الحمام
***
من سكون السجن صوتي
نبض قلبي من تابوتي
بيقولولك يا حبيبتي
كلمتي من بطن حوتى
سلمي لي ع الحابيب يا حبيبتي
سلمي لي 
كل حب وله نصيبه من سلامي بلغي لي
احضني العالم عشاني بين عيونك وابعتي لي
نظره منها أشوف حبايبي
واشفي قلبي واسأليلي
كل عالم في بلدنا كل برج وكل مادنه
كل صاحب من صحابنا كل عيَّل من ولادنا
حد فيهم شاف علامة من علامات القيامة
قبل ما تهل البشاير يوم تمنتاشر يناير
لما قامت مصر قومه بعد ما ظنوها نومه
تلعن الجوع والمذلة والمظالم والحكومة؟
***
سلمي لي ع الولاد السمر خُضْر العمر في عموم الحواري
سلمي لي ع البنات المخطوبين في المهد لسرير الجواري
واسأليلي بالعتاب كل قاري في الكتاب
حد فيهم كان يصدق بعد جهل وبعد موت
إن حس الشعب يسبق أي فكر و أي صوت
هي دي مصر العظيمة يا حبيبتي هي مصر
اللي فضلتي ف هواها
عشنا على ألف قصر 
هي دي يا عزة مصر

كل ما تهل البشاير .. الشيخ أمام

ابوك السقا مات من شرب المية طين

شيلنى واشيلك-تسجيل نادر

كلمات : احمد فؤاد نجم

اتجمعوا العشاق في سجن القلعة … اتجمعوا العشاق في باب الخلق
و الشمس غنوة من الزنازن طالعة .. ومصر غنوة مفرعة في الحلق
تجمعوا العشاق بالزنزانة …. مهما يطول السجن مهما القهر
مهما يزيد الفجر بالسجانة .. مين اللي يقدر ساعة يحبس مصر
اتجمعوا والعشق نار في الدم ….. نار تحرق الجوع والدموع و الهم
نار تشتعل لما القدم ينضم …. لما الايادي تفور في لم اللحم
قدم العدو غارسة في لحم ترابي … و الكدب عشش مخبرين على بابي
و المخبرين خارجين كلاب سعرانة … بيجمعوا العشاق في الزنزانة
مصر النهار يطلقنا في الميادين .. مصر البكا .. مصر الغنا و الطين
مصر الشموس الهالة من الزنزانين .. هالة و طارحة بدمنا بسا تين
مصر الجناين طرحة مين يقطفها .. مصر الجناين للي يرفع سيفها
مهما يطول السجن مهما القهر .. مهما يزيد الفجر بالسجانة
مين اللي يقدر ساعة يحبس مصر

الشيخ امام - اتجمعوا العشاق ف سجن القلعه (جوده عاليه | Sheikh Emam - Etgama'ao El Oshak

إحنا مين و هما مين - الشيخ إمام & أحمد فؤاد نجم

تسجيل نادر يذاع لأول مرة - الشيخ امام  عيسى على الربابة كلمات فؤاد قاعود 
لحنت عام 1968
http://www.misrfone.net/

تسجيل نادر يذاع لأول مرة - الشيخ امام  عيسى على الربابة كلمات فؤاد قاعود

ع اللى حاصل ف الحواصل
يا سلاملم يا سلام
الكلام عايز أذاعة
والوطن عايز كلام
وإلإذاعه مستباعه
للمياعه في الغرام
والبلد آخر مجاعه
والجماعه فى انتخام
وإللي يخشى إنه يمشي
جيم وريه ودال ولام
ينقح الكلمه الرصاصة
ع القصيدة وع المقام
تدوي زي الرعد تدوش
تهتك الذوق واللتام.
ينكشف جسم الحقيقة
تظهر اللقمة الحرام

يا سلاملم يا سلام
والوطن عايز كلام
إلإذاعة مستباعه
قول ياعم الشيخ إمام

بينما و الحاله نيله
والبلد بالعه الفتيلة
والخواجة بألف حيله
جاي يلغوص فى البرام
يحكوا عن أسطي الفلاسفة
إنه أفتى ولا أفسى
فى القضية الهيكلية
وإن دي ما هوش منافسه
وأنت مالك يا أسطي فلس
جاى تحسس أوتملس
الخواجهة لما فلس
جاب دفاترينه القدام
دشدش الباترينة تبعه
شد شعره
عض صابعه
إنت إيه شأنك تتابعه
أما مخك مش تمام
شالوا هايكل جابوا علوه
كلهم في الهم بلوي
إنت شوف لك سهره حلوه
بكام ازازه وجوز حمام
وإحنا صاحيين للخواجة
وإللي جايبين الخواجة
وإحنا كاشفين كل حاجه
وأنت تتنيل تنام

ع الهيافه في الكلام
شوف يا عم الشيخ إمام
ديه خلق فاضية وعامله قاضية
وهى موضع الاتهام

بينما شهدانا لسه
دمهم أخضر .. ولسه
جرحهم في القلب لسه
بيواجعنا لو ننام
يحكوا عن واحد صاحبنا
كان أمين دايرة صاحبنا
والدواير قرع داير
ع الجميع قرّان صاحبنا
نزل العداد وهاتك
واعلا وأنزل بجنيهاتك
خد مراتي وهات مراتك
كله ماشي يا عب سلام
واما ريحه القرع فاحت
ع إللي باني و ع إللي فاحت
والإشاعة جت وراحت
جابوا تفسير المنام
عابوا فنانه في زمانها
بعد ما الزمان غبنها
رحنا مصر وجينا بنها
وإحنا سارحين في الكلام

يا سلاملم يا سلام
والوطن عايش آلام
والإذاعة مستباعة قول
يا عم الشيخ إمام

ع اللى حاصل في الحواصل يا سلملم يا سلام .. الشيخ أمام (تسجيل نادر)

يا نطره رخي رخي
على شباك البت اختي
والبت اختي سنيوره
شاغله الترتر ع القوره
***
و القوره صوره وبرواز
حواليها التاج الهزاز
وخدودها
فرط الرمان
ورموشها
تفرش فدان
يا نطره يا بنت النيل
شبابيكنا بتطرح مواويل
في غيابك موسم واتنين
نرويها بدموع العين
خطفوها الغربان السود
دفنوها في الطين للدود
يا نطره يام مرايه
هاتي عيون القمرايه
رخيهم قطره قطره
في عيون الحلوه الشاطره
والشاطره تغزل موال
و الموال يولد زلزال
والزلزال أن ما هدمشي
حيصحي صحاب الشبايبك
و اللي يصحصح ما ينامشى
شبابيكه حتضرب مزازيك
طبل طبل غناوينا
زيحي الخوايش م الطينه
يا نطره رخي واسقينا
أنا واصحابي و بنت اختي
يا نطره رخي رخي

أحمد فؤاد نجم

(يا مطرة رخي - الشيخ إمام (جودة عالية

ابوح يا ابوح 
غناء / الشيخ امام 

الشيخ امام - أبوح يا أبوح

جيفارا مات الشيخ امام

الشيخ إمام عيسى - أحمد فؤاد نجم

******

شال الهوى بينا
حط الهوى تاني
واحنا والسفينة
في بحر الأماني

عمّ ياللي ماشي
ع الشط القريّب
قولّي وانت ماشي
لأه ولا طيب

حِبي راح ماجاشي
مش هييجي تاني

شال الهوى بينا
حط الهوى تاني


شال الهوى شاله
بان المستخبي
شاف قلبي ناداله
يا عيني يا قلبي

حط الهوى شاله
خبى السحر عني
هو الهوى ماله
داير باله مني

كل ما يلاقيني
أشوف عينه تراعيني
كأنه بيناديني
أفوت أهلي وجيراني

شال الهوى بينا
حط الهوى تاني


شال الهوى شيلة
حط الهوى حطّة
هما يوم وليلة
كان فَرَش وغطّى

شال الهوى بيّا
من بين الحبايب
حط الهوى بيا
وأنا قلبي دايب

والتقتني ماشي
أدور مالتقاشي
واللي راح ماجاشي
فكرني ونساني

شال الهوى بينا
حط الهوى تاني


شال الهوى بينا
رُحنا عشمانين
حط الهوى بينا
جينا عطشانين

يا عُشاق بلدنا
يا ولاد الغرام
لا رُحنا استفدنا
ولا جينا بسلام

خدنا الهوى رُحنا
واحنا زي ماحنا
ورجعنا بجراحنا
وبحبّة أماني

شال الهوى بينا
حط الهوى تاني


شال الهوى بينا
حط الهوى تاني
واحنا والسفينة
في بحر الأماني

عم ياللي ماشي
ع الشط القريب
قولّي وانت ماشي
لأه ولا طيب

حِبي راح ماجاشي
مش هييجي تاني

شال الهوى بينا
حط الهوى تاني

شال الهوى - الشيخ إمام

الشيخ إمام  يا اسكندرية

اتجمعوا العشاق - الشيخ امام

بوتيكات - الشيخ امام

يعيش اهل بلدي -  الشيخ امام

كلمات الاغنية لـ نجيب شهاب الدين و ليس أحمد فؤاد نجم ..
لذا لزم التنويه

يا عرب ● أحمد فؤاد نجم ● الشيخ إمام

maha shaltout

Recent comments

Adham Moteer

Mostafa Basuony 3

Related tracks