حاجة فيك  خلتني ارجع للقلم واتحدى بالحرف الألم

 بالله شوف "العوااصف" دي بقولها كيف، لا حول الله ♥️

واضحك مع الزمن العنيد ، وانسب متاريس الطريق ، واعرف متين ابقى المطر ، وافهم اصبح حريق ...💙✨

حاجة فيك انت ده والله  ، كيف كان لنا أن نواجه كل هذا دون صوت مصطفي 

ي جميييل ي راقي احسااسك

أبو السيد - عود

حبيبي  اكتب لي - مصطفي سيد احمد

ما نحن بين الأمنيات والتضحية ..
بين المعزات والعذابات في الحياة ..
بينا الهوى إخلاص على قلبي إنكوى ..
وكلام كثير قلناهو آخر الليل سوا ..
إنو راح نتلاقى لو طال النوى ..

����� �������بعد ما عز المزار ... مصطفى سيد احمد | Facebook - Goo

يا سلام عليك - مصطفى سيد أحمد

فلق الصباح - حنان النيل

بنت النيل - مصطفى سيد احمد

وجيدة - مصطفى سيد احمد

الزمان زمانك - سميرة دنيا

ياحليلهم دوام بطراهم...عبدالعزيز محمد داوود

مصطفى سيد احمد ملامحك ما غريبه علي

طه سليمان و معاذ -  وشوشني العبير - اغاني و اغاني 2013

أُمّاتِي القِبيلْ

بي حِنّهنْ لجّـنّي

كَرفة وقَلدة

كيف شوق اللّبن رَجّني

حُزناً جاني في مَيْع الصِّبا يلَجِّني

أطلعْ مِنِّي يا جلدي المِنمِّل جِنيِّ

واطلعْ مِنِّي يا حُزناً بِقى مكَجِّني

 

خَلّني أبدا مُسداري

وأودي قفايا لي داراً بِقَتْ مِي دَاري

جِيتَا ..

وجِلْدِي بينو وبين عضاي الشّحَمَة

إلا النّار بِقَتْ قِدّامي

جِلْدِي اللّيلة بينو وبين عَضَايَ المافي

إلاّ تراني شَوّالْ الكِبِسْ

نِفّيخْ جَراريب الوَرَمْ هَدّامِي

في جِلدي الورم قُولَنْلي

وللاّ صَحِي الورم عَضّامِي

سفريتك مِي الفي النيّة

وميها الكانت محريّة

خابراكْ عِرِّيفْ ..

ذم العُربانْ واللاّ قِيام الوردية

مالكْ ؟؟؟

تَرْيَانْ ومندِّي

كاسي الكِتّان والهندي

قولَكْ كِكّيفْ ترجى البيشان

واللاّ الغُربة البي الزِّنْدي

برقاً عِبْدِللِّي الوَزْنِ

يا طاشْ .. يا جاب المُزْنِ

فَرِّقْ يا الضّيفْ

فِعْل الغَضْبان ..

أم فِرفيرات الحُزْنِ

وشِنْ القَعدة

يا أبو السُّرة

في ضُل العمارات أم كمرةً برّة

ضُقْنا الحَنْضَل اليانكي

وبَلَعْنا المُرّة

كِمْلَتْ كوتة التُّمبَاك

صَقَعْنا الجِّـرّة

ووكت إتقفّلَتْ شِقّيشْ

قَبَلْ بي المرّة

نَرْمي أمُرنا في بلد المعاني الحُـرّة

الشّمْ خَوّخَتْ

بَرَدَنْ ليالي الحّـرّة

والبرّاق بَرَقْ ..

مِنْ مِنّا جاب القِرّة

شوف عيني الصِّقير بجناحو كَفَتْ الفِرّة

تلقاها ام خدود الليلة مَرَقَتْ بَرّة

مَرَقَتْ بَرّة تغلي مديدة الحِلْبة التَسَمِّن رِدْفَها

السَمِنْ المبَسْتَرْ يانْكي

والويقود بعيرات الدُّخان في العين

وفي الفَشْفَاشْ يسوِّي عمايلو

شِنْ فايدة مديدة الحلبة والويقود بشيلو اليانكي ؟؟

يا ابو السُّرة

قامت من دخاخين العمى تلمِّع وشِيها

اليانكي مِسْتَنِّيهَا

كان اليانكي مستنيها في مراية السَجَم في اللّيل

لقيتها مِتِلْ فريخ الطّير

مَرَقْ ود عينها من ود عينها

رجّافة المزمّلْ حُمّى

جَفَلَتْ مِنّو

وَقَعَتْ عندي

صدرها بغلي

يا ابوالسُّرة

شُفْتَ اليانكي في ود عينها

سُقْتَها للبحر

يمكن يغسِّل عينها من اليانكي

فُتْنَا الحَجْرة بالكَتّة وغطسنا مسافة

تبقى قَدُر مسالك الرّيدة

ما لاقانا من يغبانا في البحر الفَدَرْ تحتاني

ناس عارفاها

ناس عارفاكا

ناس عارفاني

ناديت القعوي والبُلْطي

قرقور السّمَك ودّاني لي دابي الخُشَشْ

نادينا عُمّال الطّمِي

عُمّال الطّمِي الصّارقيلا

والقَرْمُوط

وود الموية

فُتْنَا عليها

كانت نايمة

عَجّال البحر حارساها كانت نايمة

بين حجرين وضُل ساسوية كانت نايمة

وعُمّال الطّمِي الصّحونا لّمُو حصى البحر

قسموهو ياتْ من كان سبع جمراتْ

دابي الخُشّة قال :

أدُّوها في الجمرات تلات سبعاتْ

قُلْنا :

أدُّوها في الجمرات تلات سبعاتْ

 

مَسَكْنَا دَرِبْنَا

عُمّال الطّمِي الصّحوها

خابرين الدّروبْ

مَرَقوبنا فوق مُشْرَعْ مسارب الضّيْ

لقينا الدُّنيا تترجّانَا

قُوقَا القِمْري

خَوّى صِقيرْ

وعَوّى حِديْ

وعُمّال الطّمِي الصّحونَا

لَمُّو على البعرفو الصّيْ

حَصَى القيزان

دوابي الدّارْقَة

والسِّحْليّة

والنّاسْ التِّحِتْ

النّاسْ التِّحِتْ خابرين عَمايْل اليَانْكي

مَرّة معونة لي اللّغّاف

ومَرّة دَوانْكِي

شِنْ معناهو جيبها إن كان ملوهو بوانكي

صوتها مكتِّمو القَرَبين سيوف وسَوانْكِي

مسدار ابو السرة

ما ضهبت اقول لقيتك
وانتى فى كل الخواتم والمياتم
والنجيمات والعواتم
ما حزنت اقول بكيتك
نحن فى حزن المخاليق
والمغنين المطاليق
الفرح جاييك وعد
غنوة اولاد التحاريك
السعد ولا البعد
البعد ولا السعد
كنتى فى ليل الخوابى
تهاتى بينات الطوابى
تحاكى جقليب السعى
الجنيات خلو حجرك ريح يفوفى
وعين مزرزرة من شقى الفرح المرابى
ومنية الوعد الدعى
يا ديارى الوين ....أنى
تور عفين الشين .....أنى
ما اضينة وزين انى
تور عفين الشين انى
وانت فى شوفك تخاتل رفة الطير والحفيف
وانت فى خوفك تكاتل عينة الجلبت خريف
وانت فى لالوبة مصلبة البنيات
النسيمات الهفيف
وانت فى لالوبة مشنقة الوليدات
ناس نجومى ومحبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم نافيت .. صدق الوعد جافى
وكت العلم جافيت .. مر الصدق وافى
وكنا بنشيل الغباين والاناشيد
جهدية الاورطية
جهدية الحلبونا
شدو جمالم جونا
حلبنا ليهم سمسم
والسمسم ما كفاهم
جلبنالهم سعية
وجينا للبقعة ام قبايل
سيل من الوادى الكبير
الكفيف شايل الكسيح
يا عيون ود الضكير
واحدة من توشكى
تقلع
تانى تقلع فى المطامير
يا جبة الدرويش
البابا بسل العيش الله بسلا
والبابا خدمة الديش الله بسلا
البابا القول بى شويش
يا عيون ود الضكير
عماك فى حقك ديه
لى زمنا مو جهدية
جهدية الاورطية
جهدية الحلبونا
شدو جمالم جونا
وحلبنا ليهم سمسم
والسمسم ما كفاهم
جلبنالهم سعية
يا عيونى شن بتشوفى
ويا امونة شن بتشوقى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
ويا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
ويا عيونى شن بتشوفى
تلت التلاتة شلق
تانى التلات محلق
والتالت جا يبشرنى
سرقوهو الدايرين حتوفى
يا امونة شن بتشوفى
ويا عيونى شن بتشوفى
شايفة الدموم واللمة
بين الدقون والعمة
ولانى فوق معلق
صقر الحدى مندوفى
يا عيونى شن بتشوفى
ويا امونة شن بتشوفى

رائعة القدال # أمــونة # ماضهبت أقول لقيتك # عقد الجلاد

مصطفى سيد احمد‏ - حاجة فيك

فلق الصباح العميري والجابري.mp3

قلت ليها وإيدى فى إيديها .. 
دمعة حزن سالتْ 
جايى منـِّك .. وماشـِّى ليك 
يا مداين غربة طالت 
لو مدارات نجمى ضلـّتْ 
سكة السفر إستحالت 
كونى فى دربى الحقيقة 
اللَّيها ديمة مشاعرى مالتْ 
********** 
قلت ليها ... وكنت راجع لى عينيها 
من أسى الزمن البسافر .. فى المشاوير العصيبة 
من متاهات الأماسى 
الفى مداها .. الحزن مضناها .. وحبيبا 
بينى لا بينك .. مزار 
لا محطات إنتظار 
ولا مواعيدك قريبة 
إنتى يا الفرح الحقيقة .. المستحيل 
هدْهِدى الصبر الجميل 
وأمسحى الألم المخيِّم .. فى المدارات الرحيبة
********** 
قلت ليها 
الحقيقة الضايعة بين قلبى .. وعيونك 
إنى لا قادر أفوتك .. لا أجيك 
وإنِّى ما عارف بدونك 
أبقى كلمة حب .. تزف البشرى فى ساعة مجيك 
إنتى عارفة .. وقلت ليك 
يانى أكتر زول بريدك 
يا نى صفوة عاشقيك 
يا نى أكتر زول بريدك 
ولسـّة بى حبك .. متيَّم .. ومبتلِى 
إلاّ ريدك .. زادنى حيرة .. على العـَلىْ 
لا مراكب القدرة ختـّنْ قلبى عندِك 
وإنتى لا قلبِك نسانى 
 .. ولا خَلىْ  ..


دمعة حزن سالت - مصطفى سيد احمد وصلاح حاج سعيد

دفقَة عبير فوّاح
مليان طرَب صدّاح
و من أعماقِ قلبي أُرسلُ الألحانَ شلالاً رويّا
~ 🎶🌹

مصطفى سيد احمد‏ - حاجة فيك

Mahgoub hassan

Recent comments

mazin

Sayed Attia

Abas Ahmed

User 964202220

Related tracks