زياد الرحباني

ديار بكر- زياد الرحباني

... مربى الدلال ربوكي و تعذبوا فيكي يا دلال 
... ورحنا نكلم ابوكي و يا ريتك كنتي و شفتي شو قال ابوكي 

... على كل على كل حال يعني بكل الاحوال ممنونو انا لبوكي ممنونو ع الاستقبال

... قللي يا ابني كيف احوالك .. و صرنا نتحذث بالاحوال
... قلتلو سيدي بطمنلك بالك عيشة رضية قد الحال
... قللي بتعرف بنتي طلبا هالمحامي و اللي بيجوا لعنا من احسن عيال
... و مش كل ساعة في محامي لكن في متلك امتال 

... مربى الدلال ربوكي و تعذبوا فيكي يا دلال 
... ورحنا نكلم ابوكي و يا ريتك كنتي و شفتي شو قال ابوكي 

... على كل على كل حال يعني بكل الاحوال ممنونو انا لبوكي ممنونو ع الاستقبال

... قللي شو عندك وين راسمالك .. قلتلو بتعرف والله يا خال
... حبي راسمالي و هياني قبالك لا هدية جايب و لا اموال
... رح قلك للدغري احوالي ما بتغري .. ورتوني المكنسة و طلعت سؤال
... و اذا بيني و بين المحامي شغلة ما بدا سؤال

... مربى الدلال ربوكي و تعذبوا فيكي يا دلال 
... ورحنا نكلم ابوكي و يا ريتك كنتي و شفتي شو قال ابوكي 

... على كل على كل حال يعني بكل الاحوال ممنونو انا لبوكي ممنونو ع الاستقبال

...قلتلو ساكن خلف العمارة لا هي تخشيبة ولا عرزال 
... بغسل ع ايدي و بنشر بالحارة لا فريزر جايب و لا غسال
... عندي صوفا صغيرة فيها تصفي كبيرة بتقدر تستعملها بكل الاشكال
... و هيدا المحامي منين نبت لا ع الخاطر و لا ع البال

... مربى الدلال ربوكي و تعذبوا فيكي يا دلال 
... ورحنا نكلم ابوكي و يا ريتك كنتي و شفتي شو قال ابوكي 

... على كل على كل حال يعني بكل الاحوال ممنونك انا يا عمي ممنونك ع الاستقبال

زياد الرحباني - مربى الدلال

زياد الرحباني - خطبة الزواج الثوري

زياد الرحباني - تلفن عياش

كيرياليسون  - زياد الرحباني

زياد الرحباني - إيلي ناكوزي  | ضربت يا معلم ضربت

طللي ضحكيلو- جوزيف صقر / زياد الرحباني

حياتي بالمختصر- زياد الرحباني

صحيح انت استشهدت و خسرناك 
لانه ما عاد فينا نشوفك بعد اليوم 
صحيح يمكن متل ما عم يقولوا كتار انك رحت رخيص 
بس لا 
شو بدك 
انت اساسا ما عرفت شو عادوا عملولك من بعد ما متت حقيقة يعني 
هلئ شو بدك ..
خدني انا من برا عم احكي 
الحقيقة يعني عملوا كيف بدي قلك عملوا شي بعد ما نعمل هيك 
هلئ حقيقية ليش ليجي الواحد ما تواخذني يجقجق انه يا با راح على الفاضي 
و منشان شو استشهد و هال الاشياء هايدي ..
لا 
مش هيك القصة ..
انت استشهدت من هون و الله العظيم استنفرت كل الاقسام بكل المناطق
ما عاد استرجى حدا من العباد مد راسه اساسا من الشباك 
و جو رعب ... و صمت ... و وجوم 
هايدا الوجوم يعني اقوى من الصمت 
هايدا صمت بس 3 نجوم 

و خود بقى لحق كيف ما فتلت بكل وسائل العالم تبعهم 3 اذاعات 
نعت ... يعني نعت .. مين عم ينعو .. بعدوا كله لالك 
بعدين نكسوا اعلام الحزب .. كلها كلها اعتبر 
يعني انا عملت فتلة صغيرة كله منكس 

و انطلقوا من حد المركز الرئيسي مسيرة شي فظيع 

ووصلوا فيك لقدام الكنيسة و ساعتها شوف الوجوه 

هادا يالي بيقولوله التاثر البالغ ..سامع عنه انا بس ما عرفت شو هو لحتى شفته 

تأثر بالغ السن القانوني 

ايا تأثر كيف بيقولوله يعني

يعني مفجوعين انت الصادق 

وقفلوك صفين عسكرية على الميلتين .... و عسكرية مش حيا الله يعني ..

ووصلوا بقى رؤسا الاقاليم .. رئيس الشرطة العسكرية .. و المجلس .. و النجدة

وحدات الاشارة .. شو بيعرفني كلهم كلهم كانوا موجودين ...

و لحق بقى على كشافة اسراب كشافة لا عارفة و لا شايفة ليه عم تنشد ما عارفة 
بس عم تنشد و المدرب تبعهم ضرب ولد كف كان قتله لانه شافه ساند على شجرة قال ما عم يمشي
كل الاولاد عم يغنولك يعني ... ما منيح ؟

و اجى وفد من المخاتير .. المخاتير بعدهم طيبين تصور و انت استشهدت 
قليلة هي ... لا مش قليلة ... عظيمة

و الخوري عم يأبنك بالداخل و رئيسك برا ... رئيسك اجى شخصي .. تصور 
وواقف بهي الصقعة اي والله ... واقف و يخطب ما خلى كلمة فيها بتبكي الا ما قالها .. ما منيح 
و فجأة طلع ضرب انئزنا يعني ..لفتنا تاري بلش المدفع 21 طلقة 
يوه وين صاروا 31 طلقة 
شي بلش مدفع تاني من حده 
شو هالدبابات يعني كلهم 
طيب يزتوهم عالضاحية فرد مرة

اساسا هو كرمالك الضرب بس ما حنقلك انو كله كرمالك 

منه كرمالك و منه على اعدائك

ما هنن حلفوا ... بخطاب .. رئيسك قال راح نمشي على دربك ... 

راح نضل اوفياء للوعد و اعدائه و اعدائك 

بلشو بالدفن ينتقمولك 

صار وقف اطلاق ناري 

بعد أخد وعطا

و طلعلك زغلول الدبور 
طلع طلعية انا بعد قديه انا سامع للزغلول بعد ما قايل متلها بحياته 

الله اكبر 

و الشباب طبعا موزعة السطوح حتى ما يصير اي شي يعكر هي الدفن 

هيك لازم يكون الدفن 

هيدا  الدفن

بشرفي يا ريت تكون موجود بدفنك لتشوف لانه الحكي مو متل الشوفة 
هايدا دفن من الاول 

شو بدك 

موت ! 

موت بس .. و خود نتيجة 
..

العقل زينة

زياد الرحبانى | صحيح أنت استشهدت

قصة الاستقلال-زياد الرحباني مع جان شمعون

بيانو | زياد الرحباني

شكيب - زياد الرحباني

بكل العالم و التاريخ القديم و المعاصر كان في شي اسمه الانصار
انصار الجيش ربما الجيش الحاكم الجيش الثوري انصار البيئة انصار الثورة
يعني انصار من جميعه هدوله بيجهم وقت بيعبروا عن دعمهم و بيستلموا كل واحد بارودة
بارودة بارودة على الماشي
هلئ كل بارودة الها رقم هلئ بس يخلص الجيش او تخلص الثورة او البيئة
بيجوا يا خيي ورا بعض بيوقفوا يالي بقيوا منن, بيوقفوا و بيردوا هي البواريد
شو عاد بدهم فيها شو بدهم يروحوا على الصيد؟ هي مش بواريد صيد
هون بالعشرة الاف و اربعمية و تنين و خمسين بعد ما حدا رد شي
و ايا عم يخبوا شو حاجتهن فيهم بالله انو الثورة ما خلصت
ما هي مش ثورة

أنصار للجيش؟
مش هيك بيكون الجيش و العالم ناطرة الجيش يا ولد
شو حاجتكم بكل هي البواريد بالله
شو حاجتكم بهي البواريد غير الاشيا يالي ما حدا بحاجة الها
حماية ذاتية ؟
من شو؟ من مين ؟
ما صايرة الحماية من الناس متل حكايتكم ما ردوا بورايد استلموها
من بعد ما خلصت القضية
انت خايف ترد بارودة لانه يالي بوشك بعد ما ردها
ماهيك؟ طيب يا خيي ما هو خايف لانه انت بعد ما رديت
خود بئى تعى قيمني هلئ
ايه يلعن فخامتك بعزى فخامته
كل هالسلاح مش زينة و لا رجال
و لا مراجل شو هو لكان؟
هايدا خوف قال
ايه هي تسطيلة مش تسطيلة الحشيش تسطيلة

زياد الرحباني - العقل زينة - الأنصار

لتعمل ثورة ع النظام لازم اول شي يكون في نظام

لتعمل ثورة ع النظام لازم تاني شي يكون في نظام

لتعمل ثورة ع النظام لازم تالث شي يكون في نظام

لتعمل ثورة ع النظام لازم اول ع أخر يكون في نظام

ولك لتعمل ثورة ع النظام لازم اول ع أخر يكون في نظام

اه هـهـهـ

حيالله نظام بس نظام

شي نظام

اي نظام بال او سيكام بس معروف ربه مثلا انه معين هالنظام

ليك اذا عملت ثورة عشي مش موجود كيف بتزبط معك

طب مافي نظام كيف عملت ثورة عليه

اي ساعة عملتها وين كنت انا ماشفتك

اول ثورة بدها تصير من اجل النظام

وتاني ثورة لتغير النظام

يخليلي عينك

الله يرد عنك

-------------

انا ما عم جرب غير شي وبسحب كل إلي قلته

انا عم جرب غير البلد ! يا عيب الشوم, شو هالحكي ؟!

انا ما عم جرب غير البلد .. ولا عم جرب غير شي

انا عم جرب بس ما خلي هالبلد يغيرني

هيدي وحدها اذا بتزبط معي يعني انتصار .. انتصار لنفسي اولًا 

وبعدين ع شو ما بدك ع الرجعية وع الامبريالية وع الرأسمالية وع الإقطاعية وع القوة المعادية للتطور والتقدم والحرية والديمقراطية ... 

هيدي لبلاد هي الي بتغير ما حدا بغيرها

واذا الجماهير نفذت بريشها بتتحسن العيشا

تصبح احلى عيشة

نفذت بريشها يحرق حريشها ...
___

زياد الرحباني 

سلمى مصفي 

جوزيف صقر

العقل زينة

ziad rahbani

زياد الرحباني - خطبة الزواج الثوري

Mahienour

Recent comments

Mahfouz

Taqwa Khaled 🐈

وتر.

Taqwa Khaled 🐈

Related tracks