نوم

وأعلم يا هذا أنك سوف تخطئ، سوف تخطئ كثيراً، فلا بأس، لسنا أنبياء نسير بوحي من الله، كل الذين نقرأ اليوم سيرهم الذاتية أو نشاهدها أفلاماً، بصفتهم أبطالاً وشخصيات خلدها التاريخ، إنما كانوا يوماً في حيص بيص يضربون أخماساً في أسداس، يخطئون هنا ويخطئون هناك ثم يصححون مساراتهم، ثم شبوا عن الطوق عندما كانت لهم عزيمة لا تقهر.

أسعد طه | مع التحية | هل  تعلم ماذا تريد؟

هل يعقل أن تلهم فتاة في السابعة عشر من عمرها حركات التحرر العالمية؟ هل لفتاة في هذا العمر أن تخوض حربًا على جميع الجبهات التعبوية والقتالية واللوجستية؟ إنها ليبا راديتش، الفتاة الريفية الشيوعية التي خلدت اسمها في حرب تعددت الانتصارات فيها والهزائم، لكن الأقدار عادت وأنصفتها وكرمتها بعد موتها بحكاية فريدة يرويها لنا أسعد طه بصوته، في "حكايات الحرب".

ماذا فعلت الصغيرة في الحرب؟

هناك نصوص توقفنا عندها .. حتّى دون أن نشاء ذلك .

من رسائل غسان كنفاني إلى غادة السمان

ريتا تُرَتِّبُ لَيْلَ غُرْفَتنا : قَليلْ هذا النَّبيذُ

وهذه الأزْهاُر أَكبَرُ مِنْ سَريري

فافْتَحْ لَها الشُّبَّاكَ كَي يَتَعَطَّرَ اللَّيلُ الجَميلُ

ضَعْ ههُنا قَمَراً على الكُرْسِيّ

ضَعْ فوق البُحَيْرَةَ

حَوْلَ مِنْديلي ليَرْتَفع الْنَّخيلُ أَعْلى وأَعْلى

هل لَبسْتَ سِواي ؟ هَلْ سكَنَتْكَ إمْرَأةٌ

لِتُجْهِشَ كُلَّما الْتفّتْ على جِذعي فُروعُكَ ؟

حُكّ لي قَدَمي وحُكّ دَمي لِنَعْرفَ ما

تُخَلِّفُهُ العُواصِفُ والسّيولُ

مِنّي ومِنك....


تَنامُ ريتا في حَديقَة جِسْمِها

توتُ السَّياجِ على أَظافِرها يضيءُ

المِلْحَ في جَسَدي . أُحبّك 

نامَ عُصْفورانِ تحت يَدَيّ....

نامَتْ مَوْجةُ القَمْحِ النبيل على تَنَفُّسها البطيءِ

وَ وَرْدَةٌ حَمْراءُ نامَتْ في المَمَرِّ

ونامَ لَيْلٌ لا يَطولُ

والبَحْرُ نامَ أمامَ نافِذَتي على إيقاعِ ريتا

يَعْلو ويَهْبِطْ في أَشِعَّة صدْرِها العاري

فَنامي بَيْني وبَيْنَكِ

لا تُغَطِّي عَتْمَةَ الذَّهَبِ العَميقَةَ بَيْنَنَا

نامي يَداً حَوْلَ الصِّدى

ويَداً تُبَعْثِرُ عُزْلَة الغابات

نامي بين القميص الفُسْتُقيِّ ومَقْعَدِ اللَّيْمون

نامي فَرَساً على رايات ليلة عُرْسِها.... 

هَدَأ الصَّهيلُ

هَدَأت خَلايا النَّحْلِ في دَمنا

فَهَلْ كانَتْ هُنا ريتا

وهَلْ كُنَّا مَعا ؟

... ريتا سَتَرْحَلُ بَعْدَ ساعاتٍ وتَتْرُكُ ظِلَّها

زَنْزَانَةٌ بَيْضاءَ . أين سَنَلْتقي ؟

سَألَتْ يَدَيْها ، فالْتفتّ إلى البَعيد

البَحْرُ خَلْفَ البابِ ، والصَّحراءُ خَلْفَ البَحْرِ

قَبِّلْني على شَفَتَيَّ قالتْ 

قُلْتُ : يا ريتا أأرْحَلْ من جَديد

مادامَ لي عِنبٌ وذاكِرَةٌ ، وتَتْرُكُني الفُصولُ

بينَ الإشارَة والعِبارَة هاجِساً ؟

ماذا تَقولُ ؟

لا شَيْءَ يا ريتا ، أَقلِّدُ فارِساً في أغنية

عن لَعْنَةِ الحُبِّ المُحاصَرِ بالمَرايا....

عَنّي ؟

وعن حُلُمَيْن فَوْق وسادَةٍ يَتَقاطعانِ ويهربان

فَواحِدٌ يستل سكيناً وآخرُ يودِعُ النَّاي الوَصايا

لا أَدْركُ المَعْنى ، تقولُ

و لا أنا ، لُغتي شظايا


كغيابِ إمْرَأةٍ عن المَعْنى ،

وتَنْتحِرُ الخْيولُ في آخِر المَيْدان.... 

ريتا تَحْتسي شايَ الصَّباحِ

وتُقَشِّرُ التُّفاحة الأُولى بعشر زنابقٍ

وتقول لي: 

لا تقرأ الآن الجريدة ، فالُّطبول هي الطُّبولُ

والحَرْبُ لَيْسَتْ مِهْنَتي . وأَنا أَنا . هَلْ أَنتَ أَنتَ ؟

أَنا هُوَ

هو مَنْ رآكِ غَزالةً ترمي لآلئَها عَلَيْه

هُوَ مَنْ رَأى شَهَواتِهِ تَجْري وَراءَك كالغَدير

هُوَ مَنْ رَآنا تائهَيْن تَوَحَّدا فَوْقَ السَّرير

وتَباعَدا كَتَحيَّة الْغُرباء في الْميناءِ

يأْخُذُنا الرَّحيلُ في ريحِهَ وَرَقاً

أمام فَنادِق الْغُرَباء

مثلَ رسائلٍ قُرِئَتْ على عَجَلٍ

أَتأَخُذُني مَعَكْ ؟

فَأكونَ خاتم قَلْبكَ الْحافي ، أتأْخُذُني مَعَكْ


فَأكونَ ثَوْبَكَ في بلادٍ أَنْجَبَتْكَ ... لتَصْرعَكْ

وأكون تابوتا من النعناع يحمل مصرعك

وتَكونَ لي حَيّاً ومَيْتاً

ضاعَ يا ريتا الدِّليلُ

والحُبُّ مِثْلُ المَوْتِ وَعَدٌ لا يُرَدُّ .. ولا يَزولُ

... ريتا تُعِدّ لِي النَّهارْ

حَجَلاً تَجمَّعَ حَوْلَ كَعْبِ حِذائها العالي: 

صَباحُ الخَيْرِ يا ريتا

وغَيْماً أزْرَقاً للياسَمينَة تَحْتَ إبْطَيْها:

صَباحُ الخَيْرِ يا ريتا

وفاكِهَةً لضَوْء الفَجْرِ: يا ريتا صَباحُ الخَيْرِ

يا ريتا أعيديني إلى جَسَدي لِتَهْدَأ لَحْظَةَ

إبَرُ الصَّنَوْبِر في دَمي المَهْجورِ بَعْدَك 

كُلَّما عانَقْتُ بُرَجَ العاجِ فرت من يَدَيّ يَمامتان 

قالت : سَأَرْجعُ عِنْدما تَتبَدِّلُ الأيَّامُ والأحْلامُ

يا ريتا طويلُ هذا الشَّتاءُ ، ونَحنُ نَحنُ

فلا تقولي ما أقولُ أنا هي


هِيَ مَنْ رَأتْكَ مُعلَّقاً فوق السَّياج ، فأنْزَلتك وضَمَّدتْكْ

وبِدَمْعها غَسَلَتْكَ ، انْتَشَرَتْ بسَوْسَنها عَلَيْكْ

وَمَررْتَ بينَ سُيوفِ إخوتها ولَعْنَةِ أمِّها وأنا هِيَ

هل أنتَ أنتْ ؟

.. تَقومُ ريتا عن رُكْبَتَيَّ

تَزُورُ زينَتَها ، وتَرْبُطُ شَعْرَها بفَراشةٍ فضيةٍ 

ذَيْلُ الحِصانِ يُداعبُ النمش المُبَعْثَرْ

كَرَذاذ ضَوْءٍ فوق الرُّخام الأْنْثَويِّ

تُعيدُ ريتا زر القميصِ إلى القميصِ الخَرْدليَّ ... أأنتَ لي ؟

لَك ، لو تَرَكْتِ الباب مَفْتوحاً على ماضِيّ ،

لي ماضٍ أراهُ الآن يُولَدُ في غِيابِكِ

من صَريرِ الوَقْتِ في مِفْتاح هذا البابِ

لي ماضٍ أراهُ الآن يَجْلسُ قُرْبنا كالطَّاوِلةْ

لي رَغْوةُ الصَّابونِ

والعَسَل المُمَلَّحُ

والنَّدى

والزَّنْجُبيلُ

ولكَ الأيائلُ ،إنْ أرَدْتَ ، لَكَ الأيائلُ والسُّهولُ

ولكَ الأَغاني ،إنْ أرَدْتَ، لكَ الأغاني والذُّهولُ

إني وُلدُتُ لكي أحبَّكْ

فَرَساً تُرقّص غابَةً ، وتَشُقُّ في المرْجان غيْبَكْ

ووُلدتُ سيِّدةً لسيِّدها ، فخُذْني كَي أَصُبَّكْ

خَمْراً نهائيّاً لأشْفي مِنْك فيكَ ، وهات قلْبَكْ

إني وُلدْتُ لكي أحبَّكْ

وتَرَكْتُ أُمِّي في المزامير القديمةِ تلْعنُ الدُّنْيا وشَعْبَكْ

وَوَجدْتُ حُرَّاس المَدينة يُطْعمون النَّار حُبَّكْ

وإنا وُلدْتُ لكي أَحبَّكْ

ريتا تُكسِّرُ جوْزَ أيَّامي ، فتَتَّسع الحُقولُ

لي هذه الأرْضُ الصَّغيرةُ في غُرْفَةٌ في شارعٍ

في الطَّابِقَ الأرضيَّ من مَبْنًى على جَبَلٍ

يُطلُّ على هَواء البَحْرِ . لي قَمَرٌ نَبيذيٌ ولي حَجَرٌ صَقيلُ

لي حِصَّةٌ من مَشْهَدِ المَوْجِ المُسافِرِ في الغُيوم ، وحِصَّةُ

من سفْرِ تَكْوينِ البدايةِ و سِفْرِ أيّوبٍ ، وَمنْ عيد الحصادِ

وحِصَّةٌ مما ملكْتُ ، وحصَّةٌ من خُبْز أُمي

لي حِصَّةٌ من سَوْسَنِ الودْيانِ في أشعار عُشَّاقٍ قُدامى

لي حصَّةٌ من حِكْمةِ العُشَّاق : يَعْشقُ وَجْهَ قاتِلهِ القتيلُ

لَو تَعْبُرين النَّهْرَ يا ريتا

وأين النَّهْرُ ، قالَتْ.... 

قُلْتُ فيك وفيّ نهرٌ واحد

وأنا أسيلُ دَماً وذاكرَةً أسيلُ

لمْ يَتْرُك الحُرَّاس لي باباً لأدخل فاتَّكأتُ على الأفُقْ

وَنَظرُتُ تَحْتَ

نظرتُ فوْقَ

نَظرْتُ حَوْلَ

فلَمْ أجِدْ

أفقاً لأنْظُرَ ، لَمْ أَجِدْ في الضوء إلا نظرتي

تَرْتَدُّ نَحْوي . قُلتُ عُودي مَرَّةً أُخْرى إليَّ ، فَقْدَ أَرى

أَحَداً يُحَاوِلُ أنْ يَرَى أُفُقاً يُرَمِّمُهُ رَسولُ

بِرِسالةٍ من لَفْظَتَيْن صَغيرَتَيْن : أنا ، وأنتِ

فَرَحٌ صَغيرٌ في سَريرٍ ضيِّقٍ ... فَرَحٌ ضَئيلُ

لَمْ يَقْتُلونا بَعْدُ ، يا ريتا ، ويا ريتا .. ثَقيلُ

هذا الشِّتاءُ وبارِدٌ

... ريتا تُغنِّي وَحْدها

لبريدِ غُرْبتها الشَّماليِّ البَعيد : تَرَكْتُ أَمّي وَحْدَها

قُرْبَ البُحَيْرةِ وحْدَها ، تَبْكي طُفولتَي البعيدَةَ بَعْدَها

في كُلَّ أُمْسيةٍ تَنامُ ضَفيرَتي الصَّغيرةِ عندَها

أمي ، كَسرْتُ طُفولتي وخَرجْتُ إمْرَأةً تربّي نَهْدَها

بِفم الحَبيب . تدورُ ريتا حَوْلَ ريتا وَحْدَها: 

لا أرْضَ للجسَدَيْن في جَسَدٍ ، ولا مَنْفىً لمَنْفَى

في هذه الغُرَف الصَّغيرَة ، والخُروجُ هو الدُّخولُ

عَبَثاً نُغَنِّي بينَ هاويَتَيْن ، فَلْنَرْحَلْ ليَتَّضح السَّبيلُ

لا أسْتَطيعُ ، ولا أنا ، كانَتْ تَقولُ ولا تَقولُ

وتُهَدئُ الأفْراسَ في دَمها : أمِنْ أرْضٍ بعيدَةْ

تأتي السُّنونو ، يا غَريبُ ويا حَبيبُ ، إلى حديقتك الوَحيدَة ؟

خُذْني إلى أرْضٍ بَعيدَة

خُذْني إلى الأرْض البَعيدة ، أجْهَشَتْ ريتا : طويلُ هذا الشَّتاءُ

وكَسَّرتْ خَزَف النَّهار على حَديد النَّافِذَة

وَضَعتْ مُسدَّسَها الصَّغير على مُسَوَّدَة القَصيدَةْ

وَرَمَتْ جَواربها على الكُرْسيِّ فَانْكسَرَ الْهديلُ

ومَضَتء إلى المَجْهول حَافيةً ، وأدْرَكَني الرَّحيلُ


شتاء ريتا الطويل - محمود درويش

موسيقى و هندسه صوتيه : رفيق عدلى

Recorded and mixes at One Take Studio

هيحزّموك زي الجنيه ف الأستك
هيسيبولك الفُتات
و يبيعولك الأمل ف الإعلانات
و الهجرة لبلاد البلاستيك
و ف خطبة الجمعة عن الجنة
و قُولِة استنى.. فات الكتير هانت خلاص
لحد ما خيل الحكومة..
يدوسه عَجَل الميكروباص
النظام العالمي بيقتل
أوقات كتير ..
من غير رصاص
الهوا ..
هيحَصّل المَيّة اللي بقت ماركات
تعددية تعني.. تعدد الشركات
حرية تعني حق فتح القفص ..
على الناس اللي ملهاش باب
الأخطبوط الرأسمالي اتساب
على الناس اللي ملهاش حظ
على الناس اللي ملهاش فرص
حياتك 
مهمة لبياعين الحلم 
وفاتك
مهمة لبياعين القُرَص
حسابك حتى في قبرك مهم
رخصة الجنة مهمة لبياعين الرُخَص
و لبياعين الدين 
و لبياعين الآخرة اللي هتنصف المساكين
"العالم بيتطوّر"
يمشي إسم مسرحية..
أما الحقيقة المضحكة المُبكيّة..
العصاية اللي بتوقّف و بتدوّر..
بتمشي..
من إيد صحاب الجنة..
لصباع صحاب البندقية..
لجيوب صحاب البنك...
دم الغلابة بيتحرق ف التانك...
شامم ريحتهم و انتا بتفوّل...
الغرب هيموّل..
إعمار ِبيار النفط..
لضمان زيادة منسوبات الشفط...
و ضمان بقائك عبد متسوّل...
يا زميل الكوكب المنكوب..
رَكب الحضارة ماشي بالمقلوب...
يا زميل المنطقة المنكوبة...
رَكب الحضارة كان لازم له ركوبة...
العالم بيتطوّر...
و انتا شمعة بتتحرق علشان ..
برج التجارة ينوّر..
..العصاية هي هي و شكلها بيتحول
العالم بيتغوّل
و انتا واقف ف وش الطيارات بالطوبة.. هتعيش حمار و تموت حمار...
أخرك تحس بإنتصار لما...
بتولّع الأعلام..
و تدوس على صورة إصحاب الدولار و القرار بالجزمة..
القناة ..في نشرة الأخبار.. 
هيقولوا عنك فوضوي و قاتل..
نفس القناة وقت اللزوم ..
هتطلّعك مقتول و بتناضل..
فيه ناس كتيرة أكل عيشها الأزمة..
و ده عيبه..
إن هذا العالم صوته من جيبه.
و مفيش حقيقة صعب تتأوّل..
و دي ناس تعرف تبيع الآه
زي ما بتعرف تبيع اللأ 
الميديا بائع حق...
متجول..
بشرى لابناء العالم التالت م العالم الأول
بشري لابناء العالم الهمجي
م العالم الإنسان
العالم الحر اللي ما بيضربش ف المليان
بس بيجوّع بلاد لحد الموت
القاتل الشيك المحترف
أبو طلق من غير صوت
فيه الجيوش ما بقوش
لابسين هدوم ميري
و الطيارات ما بقتش بتوزع منشورات اليأس
و البنوك مش هيسيبوك تتحبس ...بالعكس
النهارده حاطط إعلانات ع التاكس
علشان عليه أقساط
بكره تتعلق على هدومك 
زي اللعيبة ف الماتشات
عالم جديد 
هتخشه بمزاجك قبل ما نزُقّك
الكهنة فيه لابسين بدل و كرافتات
هيأكِّلوك الحقيقة بمعلقة ف بقك 
و كسر حُقّك ياللي مش عايز
عالم ديمقراطي رأسمالي سعيد
الشركة فيه اقوى من الاوطان
غضبان ؟...أكيد غضبان
مربوط ف ساقية و بتجري في مكانك
مسجون و مش عارف وش سجّانك
عايز تخبّط كوبايات الحبس ع القضبان لكن هتعمل إيه ...معذور
أمريكا عملت سجن من غير سور
أمريكا رابطة الناس ف بعضيهم
أمريكا رابطة الناس و مربطّاك بيهم
تدّن في مالطا قد ما هتدّن
أمريكا هتفضل بتحب البشر جدا...
و بتعمل جِميل فيهم..
فيها الخير يا هل ترى
ولّا فيها فلوس؟
أمريكا فيها الحلم
و بلادنا فيها كابوس
الناس تخاف
امريكا تحميهم
الناس تجوع
امريكا تديهم
تِكسي بالإيد اليمين اللاجئين 
بعد ما إيديها الشمال تعرّيهم
شركة بتهِدّ البلاد
و شركة تبنيهم
شركة بتبيع السلاح
و شركة بتطبطب على اللي يموت
العالم بيتقسّم دول
العالم بيتقسّم بيوت
العالم بيتقسم لبني آدم
و لبنكنوت
مكتوب على شهود البلاد الممسوحين بأستيكة
أنتَ حر
ما لم تضر
أمريكا

Mostafa Ibrahim
https://www.facebook.com/mostafa.ibrahim?fref=ts
Rafik Adly
https://www.facebook.com/pages/Rafik-Adly-Works/105834799486969?ref=notif&notif_t=page_user_activity
OneTake Studio
https://www.facebook.com/pages/Onetake-Studio/627330647334095

البنكنوت(بموسيقى) - مصطفى إبراهيم

قصيدة رضوى كاملة بصوت مريد البرغوثي من حفل توقيع كتابها الأحدث الصرخة بالقاهرة 

مريد البرغوثي قصيدة رضوى

مصطفي ابراهيم ft مزيج شعر العامية عمرو حسن
https://soundcloud.com/dr-mahmoud-amer/ft-1

مزيج الفيلسوف المشاكس مصطفى ابراهيم
https://www.facebook.com/dr.3amer07

مزيج الفيلسوف المشاكس مصطفى ابراهيم

كتبها في الثمانينات ونشرها في ديوانه السادس ’طال الشتات‘؛ معشّقة بمقطوعة «أين أنت» لعازف الكمانچه الكردي کیھان کلهُر
Where Are You - Kayhan Kalhor

ِمريد البرغوثي - لِيْ قَاْرِبٌ فِيْ ٱلْبَحْرِ

 -------------(م)-------------- 
ماسبيرو أخطر م الرصاص و القصر
ملّى عنيك بالدم...قبل الطلوع قدام
ما تسيبش جيشك تِقسمه الأعلام
مش كل مين جنبك....جواه بيهتف مصر
 
--------------(ا)---------------
الوقفة جنب النار ..بتقلل الدخان
- إهتف هتاف إبن المكان و الظرف
- إضرب بعزمك ... أو ما تضربشى
إرجع بضهرك ... أو ما تهربشى
إمسك عصاية ثورتك م الطرف
التاريخ ضمن الغنايم ..و بيكتبه الكسبان
 
 
 
--------------(ن)--------------
نقى دايما طوب صغير حدفتك توصل بعيد
نفترق ساعة المطاردات ..أربعات
نشّن الباراشوت ناحية الصف العريض
نجرى فجأة.. نردّ فجأة.. نص قوتنا المفاجأة
ندّم اللى يعورك........و إقطعله إيد
 
--------------(ي)--------------
يؤتَى الحِذر من مكمنُه
يأتِى الغبى باللص ثم يحلّفه
يؤتَى الهتاف... رَّجاً بممن يَهتِفه
- يؤتَى الجدع... قلبا بمما إتجَدعنُه
 
--------------(ف)--------------
فّرق ما بين....الجرأة و القلب الحديد... و الرمى جوا التهلكة
فتش بإيد ع المستفيد ..و بإيد عن الصاحب الجدع
فتح اذا الناس غمضت....غمض إذا نظرك خدع
فرّغ عياطك ع الصحاب... دم و خميرة... مش بكا
 
--------------(س)--------------
 
سمى الحاجات دى بإسمها...الكدب... و الخوف... و الخيانة
سجادة المسامير... تتحط ع الناصية ...غطّيها بالدخان ..ولّع قصادها كاوتش
سد الطريق لورا علشان ما تترددش
سيب باب لجيشهم يهربوا منه
سلّم رايات الحلم لحد من سِنُّه
سلّم قراركوا لأكتر كفّ عرقانة
 
--------------(ت)--------------
تبّت يدا من ساب رفاق المعركة بطولهم
تمن القضية اللى اندفع مبقاش يجوز يرجع
تتعب تبص ف عين.. إصحابك الطايرة....شوف مين من الآخر دفع....لو زيهم... إدفع
تلت الرصاص نحو العدو... .تلتينه للخاين..الطعنة جاية من هنا مش من هناك
تعب النهاردة غير تعب بكرة....الوقت مش دايما معاك.
تحتك فيه ناس عاوزة الأمل...مش عاوزه؟... سيبهولهم
 
--------------( و )--------------
وسّع الجبهة لو إنتوا كتير... و .ضّيقها لو إنتوا أقل
ولع شماريخ وسطكوا اول ما تلقى الرتم قل
وقّع لمض كل العواميد اللى كاشفة ناحيتك
وّدى الإعاشة قبل ما تدوق لقمتك
وجّب مع السكان و أهل المنطقة...حتى لو فاهمين غلط...فيه ناس كتير متلخبطة ...إكسب عدد ....و إكسب غطا
وزع عيونك فوق و تحت....و خاف من اللى يصورك
وطّى و عينك باصّة فوق ع الطوب و إلا يعوّرك
وقّف إذا سحبوك على شارع طويل
وفّر بديل
وافق على الهدنة إذا سحبوا الكلاب...لو سابوا خليك انتا آخر حد ساب
واحد بيفرق ف العدد جدا
- و عشان كده.... أول ما تلقى إن الصفوف ناقصاك -
 وسع مكانك... للى جاى وراك


https://www.facebook.com/Mostfa.Ibrahim


موسيقى و هندسة صوتية : رفيق عدلى
تم التسجيل بأستوديو بداية 
شكر خاص لأحمد العايدى 



المانيفستو - مصطفى إبراهيم

الزمان..
أيام ما كان لسه فى ناس ممكن تموت..
مش لاجل لقمة و لأجل قوت
يعنى الزمان كان من زمان
المكان..
جوه العراق..
صحرا على مد البصر ..
رمله بدون نقطة مطر
و الكوفة على رمية حجر من كربلاء

السيين يبدأ..
صوت نفس ..
مزيكا توحى بالقلق
دقات قلب بينتفض
منظر لحبات العرق ..على جبهة من الشمس استوت
الكاميرا تعمل زووم أوت
السيين بدأ..
أصوات حوافر ع الطريق..
الصوت بيعلى ويقترب
فى نقطة ع الشوف من بعيد
الزووم يزيد ..
يظهر بتاع خمسين فرس..
من لبسهم واضح بأن دول حرس..
من جيش "يزيد"
يغمس حصانه فينطلق زى الهوا
تلمح عينيهم م العفارة جريته
تلمع عينيهم..كله يجرى ناحيته
مشهد مطاردة بدون أمل ..
خلفيته.. صوت طبل افريقى اشتغل
و مفيش دقيقة ..بعدها كان سهم لحقه و إتقتل ..
ف يسيب حصانه و يتهبد..
يمسك السهم بإيديه..
و يشوف شريط الفيلم كله قصاد عينيه

الشاشة تبهت لون ضباب
علشان تجيبه بيفتكر
والذكريات دايماً بتصحى..
لما نيجى نحتضر

كنا قصاد قصر الخليفة ..باالآلاف
من كل شارع ف المدينة ..حتلاقينا
شئ مهول و مهما أحكى أو أقول ..
اللى سمع طبعاً مش زى اللى ..شاف
كان هوه جوّا بيرتعش و زى منه حاشيته
طوفانّا عمّال يقترب .. والكل جاى ف سكته
و الكاميرا جايه ع الرؤوس مع صوت ..هتاف
الصورة تعمل فيد أوت..
كل الملامح تختفى..
الصورة ترجع..الإضاءة نور قمر
و المشاعل اللى باقية نورها قرّب ينطفى
و اللى فاضلين م الآلاف يتعدوا يمكن ع الإيدين
معرفش لسة الغلطة فين ..
بس الحسين لازم خبرنا يوصله قبل ما يفوت الأوان
خوفنا خلّانا عبيد مالناش أمان
إحنا مش قد اللى عاوز يعمله
و صوتنا النهاردة جمب صوته
وموتنا موته ..
و بكرة قدام الخليفة إحنا اللى ممكن نقتله ..
صمت تام ..بعده يبدأ صوت يبان
صوت لعزف حزاينى جداً ع الكمان ..
سيين المظاهرة خلاص خِلِص ..
و سيين العقاب واضح إنه فى أوله ..
الكاميرا فجأة تلتفت ..
جايبة شكل القصر كله من بعيد ..
زووم ع الفراندة اللى طلّة ع الجنينة
من وسط ظباط حاشيته يظهر "يزيد"
زى اللى دبت روحه جواه من جديد..
يكشف سنانه و يبتسم ..
و بسيفه يشاور علينا
من غير ما ينطق كلمة واحدة ..
فى ظرف لحظة إفترقنا
كل واحد ودّع الباقيين بنظره
و هو بيلف بحصانه .. وانطلق
كل واحد فى إتجاه
كل واحد منا يجرى .. وألف كلب صيد وراه
معرفش مين فينا اتصلب
مين انضرب ..
مين فينا بالمدنة احتمى .. مين اللى من فوقها اترمى
أو حتى مين قتله العطش بعد اما تاه ..
كل الشوارع مصيدة وكل البيوت ..
الكوفة نايمة حتى من قبل العِشا..
حَطَّت صُباعها ف ودنها ..
وسابتنا بره الباب نموت ..
الليل يفوت..
و الحظ يلعب لعبته و يسيبنى أعيش .

الكاميرا قدام الحصان
الحركة ماشة بالبطئ ..
الكاميرا تعلى لفوق اوى ..الصحرا تملا الكادر كله
و الشمس ف نهاية الطريق..
ع الضُهر حسيت بالتعب ..
بطّلت جرى..الشمس حامية وصدرى من كتر العطش
عمّال يضيق ..
ريقى بحاول أبلعه مش لاقى ريق..
حسيت ساعتها إن النهاية بتقترب
ف نزلت من فوق الحصان ..
طبطبت على كتفه وسندت ..
و بنظرة بصيت للسما زى الغريق

الصورة تتثبت بتاع أربع ثوانى ..
الصورة فجأة تجرى بس بسرعة جداً..
مع صوت كأن حد بيسف الشريط ..
الصورة تثبت مرة تانى
جثة فوق الرملة نايمة ..
سهم راشق نفسه فيها ..
زى شاهد من فوقيها
الكاميرا تبعد حبة حبة ..
والإضاءة تنطفى..أصوات نايات ملو السمع
و الكادر بيلّم الوجع .. وبعدين يقرر يختفى
صورة سودا للسما من غير نجوم..
مع صوت هوا عمّال يزووم فوق الرمال..
قدام بعيد ..أشباح جِمال..أصوات خفيفة للخيول
ينزل كبيرهم من على جناح الفَرَس .. و يلف كفه ع اللجام
بعدين يقول ..
الليلادى نبات هنا ..دقّوا الخيام
ساعتين وكان الكل نام ..
يصحى فى نص الليل لوحده من القلق ..
ابنه الصغير يسأله ..مالك؟
مفيش..
هو إحنا مش ع الحق برضه ؟
يبقى تفرق إيه نعيش..
تلمع عيونه بدمعتين ..
يحضن دراع "الحسين"
و الحضن دايماً يختصر نص الكلام
يا رب مغلوب ف أنتَصِر
الظلم عمره فى يوم ما دام ..
و تفوت ساعات الليل قوام
الفجر يبدأ..يوم جديد
و ينكتب ع الشاشة بالفونت العريض ..
يوم كربـــلاء
آخر ساعات قبل المصير
و الكاميرا تتسحّب ع السيين الأخير..قبل الختام
الكاميرا جايبة صقر طاير فوق بعيد ..عمّال يلف
ويرسم دايرة مقفولة ..
كأنه حاسس ب اللى هينقتل تحته..
و إن الحسين على وش مدبحته..
و إن الرمال تحتيه بالدم راح تشبع ..
و إن الهوا حواليه حبة و حيبقى تراب ..
و حيبقى هوّه وصُحبته أغراب
و إن المدد مش جاى مش هوّه ده عَلَمهُم
إللى قالولك تيجى ..رجعوا ف كلامهم
يا حسين هتيجى تموت لمين ؟
إرجع..
كل إللى جاى عشانهم تِفدى وتناضل ..
راضيين يعيشوا عبيد ..
و المشهد الفاضل هتموت ف آخره وحيد ..

الشاشة تتفتَّح بالراحة ع المشهد ..
الصورة سودا و تاريخ بينكتب بأبيض ..
الزمان ..20 ديسيمبر
شهر و نكمل سنة ع الثورة تقريباً
الوقت..قبل الفجر
المكان.. أسفل إشارة عمر مكرم
جمب الصينية تحديداً..
و يخش آخر كادر فى القصة على غفلة ..
فيد إن ..على الكريشيندو والقفلة .
أصوات هتاف ..
و بتقطعوا أصوات بعيدة لسراين الإسعاف ..
و ساعات قريبة لضرب نار ..
الكاميرا بتزووم ع الهدوم الكاكى ..
الكادر فجأة فيه بشر ظهروا ..
صفين عساكر جيش مترصصين بالعرض ..
و بلاط رصيف الحى مخلوع و متكسر ..
و الراوى يبدأ حكايته .. وصوته متأثر

أمسِك"محمد مصطفى" ع الأرض ..
و أبكى و أنا بقلبه من كتفه على ضهره ..
و نشيله جرى فأشيله من باطه
و صوابعى حاسة بقلبه بيدقدق ..
مع كل نبضة تخف نبضاته ..
كان قلبه مش بينقّط ..
قلبه بيدلدق..
قالوا الدكاترة بعدها ..
اللى اتقطع شريان مهم..
المهم .. لفّينا وِسطه بشال
و عقبال ما جرينا للشارع ..
و لقينا عربية ..
و لحد مستشفى الهلال ..
و لحد ما استلموه طقم النبطشية..
كان هوّه متبرع بنص دمه للطريق ..
و عرفنا بعديها بيومين ..
إنه إتبرع بروحه للقضية ..
و إنه ساب لإصحابه ف هدومه وصية ..
الكاميرا جايبة شاب بيغرّق إيديه بالدم ..
و جايبه صاحبه معدى جمبه بيدمّع ..
بيقول كلام و يعيد كأنه بيسمّع ..
شيّع صحابك من معركة بِالليل..
و الصبح فرَّج دمهم للخلق
و لأتوبيسات الناس الرايحة للأشغال..
زعّق بصوت رايح.. و بحشرجة فى الحلق
و اسكت عشان مبقاش فاضل كلام يتقال

الكاميرا ماشية بالبطئ جمب الصينية ..
الكاميرا ماشية بالبطئ فوق الطريق الأحمر
يتودّع الواقفين فى الكادر و بتطلع ..
و أصحاب محمد لسة بيحاوطوا الأمل بالطوب..
زى ما يحاوطوا قَدَر الشهيد المحتمل ع الأرض..
أفتح وصيته وأقرا إيه مكتوب
الكاميرا طايرة ع الميدان من فوق ..
و الصوت يرن لوحده فى سما المنظر ..

إنى رأيت اليوم...الصورة من برة
و قلت الحسين لسة ....حيموت كمان مرة
إنى رأيت اليوم ....فيما يرى الثائر
ان الحسين ملموم ...فوق جثته عساكر
بيدغدغوه بالشوم
كل أما ييجى يقوم
و ان البشر واقفة
تبكى بدال ما تحوش
و ان العلم مصفاه
م السونكى و الخرطوش
و ان الطريق مفروش...بالدم للآخر...
إنى رأيت اليوم...
الدم ع الآيش....
و إن الحسين إحنا....
و مهما اتقتل عايش 

إني رأيت اليوم | من ديوان المانيفستو "مصطفى ابراهيم"

شهوة أن تكون الخنازير مطرحها
في الحظائر أو في المسالخ أو في البراري
وليس على المقعد المخمليّ

نوم

Mahmood