ساكن في حي السيدة - عود

يا وش السعد

كنت فاهم 
كلمات : محمود جمال 
غناء : إبراهيم عفروتو 
كنت فاهم
إن بكرة مهما طال البعد جي
كنت فاهم
إن قلبك رغم جرحه لسه فيه النبض حي
وان ليل الظلم لازم يقتله في الفجر ضي 
وان بعد سنين جدالنا لسه برضه حتة منك
وان ظلمي وان قتلي مش بإيدك غصب عنك
كنت فاهم
ولا لاء
كنت فاكر قلبي دق
والحياة بقي لونها وردي
والعذاب بعد اما زارني
حس بيا وشكله رق
الحياة السودة هي غيرت كل المعالم
غيرت في الشدة حسي زودت فوقي المظالم
سممت بسمومها نفسي حولتني لنفسي ظالم
الحيقية الكدب خيبة وكدبتي إني أنا كنت فاهم
،،، 
مهما مرت الليالي كل يوم بشوف جديد
وأما أقرب من أمالي فجأة تبقي هدف بعيد 
تفتكر إنك ذكي وإن حلمك بين إيديك 
الليالي وحدها هتعلمك إنك بليد 
يا اللي فاكر إن حلمك وحده كافي عشان تعيش 
وإنت محبوس جو أوضة مقفولة بباب وشيش 
لو تدور ع الأماني جوا منك ألف منها 
لو تدور ع الطريقة مهما تتعب ما تلاقيش 
نفسي أطلع للسما نفسي أطير وسط السحاب 
بس حلمي مش كفاية  إلا لو كان عندي ريش 
...
مهما يحصل مش هموت .. مهما تحبطني الظروف 
مهما تبعدني الشطوط .. ومركبي بيا يطوف 
بكرة لازم ألاقي شط .. طول ما لسه قادر أشوف 
قلبي يمكن مات معاكي .. مش لوحدي وفي ألوف 
إتعدم فينا الظلام .. وإتقتل جوانا خوف 
...
يا مصر رغم كل حاجة لسه عاشق كل أرضك 
لسه في عيوني أمل لسه عرضي هو عرضك 
لسه تابع سنتك .. قاضي فرض الله وفرضك 
لسه جوا قلبي حبك لسه في عيوني حنين 
غير الكل الوجع بس قوتني السنين 
بينتلي إزاي بحبك عرفتني إنتي مين ! 
المهم تعيشي حرة والغلابة تلاقي قوت 
والفرح يملي الشوارع والعمار يملي البيوت 
المهم تعيشي إنتي مش مهم أعيش .. أموت

mahmouadgemy

Popular tracks