مش بافي مني غير شوية ضي في عنية
أنا هديهوملك و أمشي ... بصبري في الملكوت
يمكن في نورهم تلمحي خطوة
تفرق معاكي بين الحياة و الموت .... 

مش باقي مني غير شوية قوة في إرادتي
حسبي عليهم و أنتِ بتخطي

مش باقي مني غير شوية ضي في عنية
أنا مش عايزهم ....
لو كنت يوم هلمحك و أنتِ بتوطي
في معركة مافيهاش ولا طيارات ولا جيش
و أنتِ في طابور العيش
بتبوسي إيد الزمن .... ينولك لقمة

من حقك المشروع
مش باقي مني غير شهقة في نفس مقطوع
و أنا صوتي مش مسموع
يا حلمنا الموجوع
من المرور ممنوع

مستني لما يمر موكب سلاطينك

و مش باقي مني غير شوية كفر بشروقك
على شوية رحمة من طينك
على شوية صبر من تيبك

مش باقي مني غير شوية لحم في كتافي
بلاش يتبعتروا في البحر
و مش باقي مني غير شوية لحم في كتافي
بلاش يتحرقوا في قطر الصعيد في العيد
بلاش لكلب الصيد تنوليهم
خدي اللي باقي من الأمل فيهم

و أبنيلي من عضمهم في كل حارة مقام
و زوريني مرة وحيدة ... لو كل ألفين عام
ألم الجراح يتلم
و مش باقي مني غير شوية دم
متلوثين بالهم
مريين و فيهم سم

و مش باقي مني غير شوية دم
مقدرش أسقيكي مواجعهم
و برضه مقدرش أرميكي و أبيعهم
يمكن في مرة تطلبيني شهيد
هحتاج يوميها الدم
يمضي على شهادتي !!!

▶ مش باقي مني - أحمد سعد

قل للمليحة في الخمار الاسود .ماذا فعلت بناسك متعبد
قد كان شمر للصلاة ردائة ..حتى وقفتي له بباب المسجد
فسلبت منه دينه وبقينه وتركتيه فى حيره لا يهتدي
ردي عليه صلاته وصيامه لا تقتليه بحق دين محمد
قالوا تسلي عن المحبوب .. قلت بمن ؟؟
كيف التسلي؟؟؟ وفي الأحشاء نيرانِ..
إن التسلي حراام في مذاهبنا ... وكيف أرضي بكفر بعد إيمانِ
فشارب الخمر يصحو بعد سكرته ...وشارب الحب طول العمر سكرااان
أي شئ في العيد أهديه إليكي يا ملاكي ..
وكل شئ لديك أسوارا .. أسوارا ..
أم خمورا..!
وليس في الأرض خمرا كالتي تسكبين من عينيكي ..
أم ورودا ..!
والورد أجمله عندي الذي قد نشقت من خديكي..
أم عقيقا..!
كمهجتي يتلظي والعقيق الثمين في شفتيكي.
ليس عندي أعز من الروح ...وروحي مرهونة في يديكي
بلغوها ..
بلغوها إذا أتيتم حماها ..أنني مت في الغرام فداها..
وأذكروني لها بكل جميل عساها أن تحن عليا عساها ..
وأصحبوها لتربتي ...فإن عظامي تشتاق ان تدوسها قدماها ....
----------------------------------------­----------------------

قصة قصيدة قل للمليحة فى الخمار الأسود

في العصر الأموي الأول
عاش ( الدارمي ) وهو أحد الشعراء والمغنين الظرفاء في الحجاز
وكان يتشبب ( يتغزل ) بالنساء الجميلات، إلا أنه عندما تقدم به العمر ترك نظم الشعر والغناء وتنسك وأصبح متنقلاً بين مكة والمدينة للعبادة ..
وفى إحدى زياراته للمدينة التقى بأحد أصدقائه وهو من أهل الكوفة بالعراق يعمل تاجراً ، وكان قدومه إلى المدينة للتجارة ويحمل من ضمن تجارته (خمر عراقية)

فباع التاجر العراقي جميع الألوان من تلك الخمر ما عدى اللون الأسود،
فشكا التاجر لصديقه الشاعر ( الدارمي ) عن عدم بيعه اللون الأسود
ولعله غير مرغوب فيه عند نساء أهل المدينة فقال له: ( الدارمي ) لا تهتم بذلك فإني سأنفقها لك حتى تبيعها أجمع،
ثم نظم ( الدارمي ) بيتين من الشعر و تغنى بهما كما طلب من مغنيين بالمدينة وهما (سريح وسنان) أن يتغنوا بالبيتين الذي قال فيهما
قل للمليحة فى الخمار الأسود ** ماذا فعـلت بـناســك مـتعبـــدش
قد كان شـمر للصلاة ثــيابــه ** حتى وقفـت له بباب المسجـد
و أضاف إليها أحدهم بيتين آخرين هما:
فسـلبت منه دينــه ويقـيـنــــه ** وتركتـه فى حــيرة لايهتــدي

ردي عليه صلاتـه وصيــامــه ** لاتقـتـليـه بحـق دين محمــــد
فشاع الخبر فى المدينة بأن الشاعر ( الدارمي ) رجع عن تنسكه و زهده
وعشق صاحبة الخمار الأسود، فلم تبق مليحة إلا اشترت من التاجر خمارا أسوداً لها. فلما تيقن ( الدارمي ) أن جميع الخمر السوداء قد نفذت من عند صديقه ترك الغناء
و رجع إلى زهده وتنسكه ولزم المسجد

قل للمليحه ابعتلى جواب على الهلباوى‬  كامله

بنداري..ليه؟

دينا الوديدي - السيرة الهلالية كاملة

كلمات والقاء/ عمرو عابدين 
https://www.facebook.com/Amr.Abdeen114

وجودَك شئ ماهوش فارق ..
ولا يعنى مِكملنى ..
هتفضل جنبى اوفارق ..
فمش فارق أكيد يعنى ..

ومن أول كلامى معاك ..
لا حبيتك ..
ولا إتمنيت أكون مِلكَك ..
معيشتش لحظه جوايا ..
ولا رفرفت ف سمايا ..
لا عمرى حسبته من عُمرَك ..
ولاسلمتلك نَفسـى ..
وقلبى مكانش طُوع أمرَك ..
ولا بتهز من لمسة سلام إيدك ..
ولا دمك بيسرى جُوه ف وريدى ..
ولا عيونك دى كانت وقفتى وعيدى ..
ولا كسوفى بيبقى بنظره من عينك ..
ماكنتش يوم ضيّا نهارى ..
ماكنتش يوم قمر ليلك ..
ولا دعيتلك ف اى صلاه ولا سجده ..
ولا إتهجيت ف يوم إسمك على لسانى ..
ومليتُه ..
ولا كنت  ف أمس ّالحاجه ليك أبداً ..
ولا نشفت يوم ريقى ..
وبليتُه ..
ولا نِفسى أعيد عهدك ..
وفاض بيَّا ..
ولا حبيت أدوق شهدَك ..
ولا فصَّلت من روحك غطا ليّا ..
ف عز البرد ..
ولا انت أى أمنيه هتسعد حد ..

وف السِكه مشيت سيبتك ..
وبالتحديد ..
ف يوم ما إحتاجتنى نسيتك ..
وآه صُدفه بدون ترتيب ..

وكنت فلان على الهامش ..
ولا إتونست بيك أصلاً ..
وكنت مُعادله محسوبه ..
ناتِجها  ( فاى ) مفيش أصلاً ..

ولا لصَّمت بيك جَرحِى ..
ولا صَارِعت أمواجى عشان خاطرَك ..
ولا فِهمتـَك ..
ولا برمجت إحساسى على فَرْحَك ..
ولا سِمعتـَك كمزيكا بتنقلنى ..
لعالِم كُله ف الخيالات ..
ولا عَلِّـمت ف ضلوعى ..
كتير علامات ..
ولا كتبتك ف أشعارى ..
ولا شِربتَك ف يوم قهوه ..
ولا بوستَك على سهوه ..
ولا إسمك رسمته جوه كشكولى ..
 ف دايره وقلب ..
ولا أَمِّـنت إحساسى ف يوم م السَلب ..
ولا صورتك بشوفها ف لحظة التغميض ..
ولا بَسرَح وانا ف حضنك ..
ولا حكيتلك ف يوم حواديت ..
ولا حسيت أمان منك ..
ولا مَلامحَك دى منحوته على قلبى ..
وتفاصيلك أهو بالعافيه بجمَعها ..
ولا أنفاسى كَت رِيحتَك وبسمعها ..
ولا بتحرقنى تنهيدتك فبوجعها ..
ولا عنيا الفُراق أبداً يدمًّعها ..
ولا سألتك ف يوم مالِك وطمنِّى ..
ولا ف مره قلقت عليك ..
ولا بتوحشنى إكمنَك ..
تمللى ضعيف ..
وبالنسبالى  كنت انت ..
سحابة صيف ..
وهتعدى ..
وفصل خريف ..
وسَقَّط كل أوراقى من الاشجار ..
وبالترتيب ..
ولا بنهار ..
ف يوم بَعدَك ..
ولا بنهار ..
ولا أصلاً .....

_كفايه كدب _
كفايه كدب يا قلبى ..  
أنا بكدب على فكره ..
لأول حرف أنا قولتُه مانيش صادقه ..
كلامى كله ده كِدبَه ..
و أى حد هيقولـَّك ..
( وجودَك حاجه مش فارقه ) ..
أكيد كداب و 100 كداب ..
كلامى عكس إحساسى ..
حبيبى القلب فيك غارق ..
ومهما قولت ع فكره ..
وجودك شئ أكيد فارق ..

#ولا_فارق
#عمرو_عابدين



قصيدة : - ولا فارق .. كلمات والقاء/ عمرو عابدين

.. لو نويت تنسي اللي فات .. بصوت مجهول

يا مالكا قدري

نهج البردة : على الهلباوى وإيهاب يونس ومحمود التهامى

FBi_ArabLionZ@Yahoo.CoM

انا مش عارفني عبد الباسط حموده

شعر عبدالرحمن الابنودي 
العمه امنه
القاء اسراء عوض

العمه امنه للشاعر عبدالرحمن الابنودي

( المــــصـــري )

لو أكلمك خليك معدول
وافهم كلامي بالمعدول
وعشان ما يوصلك المعنى
اسمع يا سيدي خلاصة القول

المصري عِندي وزيه مافيش
على راسه دقت ياما طبول
ولا عمره خاف يوم م التهويش
ولا همه من دول ولا من دول

أستاذ ودكتور ومعلم
قرب وعاين واتعلم
حقه برقبته ما يسلم
مهما السنين هتزيد ف حمول

ف الشدة فاهم ومذاكر
ويقول مسيرها تروق وتخف
ف الهم واقف يتريق
يضحك ويضرب كف بكف

ف الصبر باله طويل سلبة
غلباوي وبيحب الغلبة
بيقوم ف لحظة على الظالم
ولا عمر حاكم يوم غلبه

بسيط كإنه تراب الأرض
واضح كإنه حد السيف
عايش الحياة بالطول والعرض
عارف بإنه مجرد ضيف

حبوب وعشري جدع ونّاس
والدين ف قلبه مافيش تصنيف
الخير شريعته وحب الناس
حتى ف صلاته دمه خفيف

السن .. عمره بالألافات
عجوز وخبرة واراري
عدت في عمره كتير ازمات
وعشان كدا خالي وقاري

شوف التاريخ ازاي محفور
واضح وباين على وشه
وف لحظة يهدا ولحظة يثور
لو مرة فكرت تغشه

مهما الزمان هيكون جاحد
يصبر ويتحمل ناره
عارف حبايبه بالواحد
ولا ينسى ابدا يوم جاره

ع العشرة يحلف بالعشرة
ولا عمره يوم ف الحق يخاف
الدنيا عنده دهب قشرة
ولا تسوى حتى رغيفه الحاف

جايز يكون طيب وصبور
وبيخزي ف الشر شيطانه
لكن اذا فكرت تجور
على حقه ياكلك بسنانه

سمّاوي ويا السمّاوي
لو مرة فكرت تضره
حريته بروحه تساوي
أمِن هتأمن من شره
آدي الحكاية وما فيها
يارب تفهم معانيها
احسن ما تبقى ف يوم فُرجة
عبرة نقولها ونحكيها

بنداري..ليه؟

Mahmoud Bindary

Recent comments

Haytham Shoman

Mahmoud Moez

Related tracks