عمتا الجوكر بيجب من الاخر

اجيب كلمات الاغنيه ازاى من على السوند

أخرك تغير فكرة مش تغير التصرف

انا جميل بس مش بعرف اعيش انا بنسبة لية حياة انا جامد في الطيبة انا محدش بيهتم بيا الا الجوكر بيوصف حياتي   ilove t

El joker

احمد الجوكر El - Joker   اغنية عارف 3aref

ماسك القلم ، ودى مناسك الألم
آسف حاسس إن أنا ، ندمان إنك شوهتها
بظهورك بس ، ظهرت ليه ؟
كنت إمشى بس ، صلحت ايه ؟
فكرك موناليزا تروح منى كـ جوكر فين ؟!

تروح مطرح ما راحت ، اللى عملته ده لمصلحة
الجزء اللى باقى على اللى باقى من جملة إتصلحت
ماتمنيتش شيئ يتهد ، أعتقد حبيت بجد
مهما بان فى شبه بينى وبينهم ، أنا مش شبه حد "شبح حد"

بس
أوضح مشهد كان ، أكتر مشهد فاضح ساب
أذكى شخص رابح بان ، آخر شخص يلبس تاج
روحى
خدى المهلة كاملة ، فرغى الطاقة الكامنة
أهم حاجة لما تيجى تانى تكونى مآمنه

خايف يطلع ذكائك خانك ، وتكون مش رجعالك
تطلع كانت علامة ، ربك قاصد إنه يوريهالك
تفتكر عينى بتيجى فى عينها كل حياة علشان
لازم أفهم بس إن إحنا عشنا فى كذا مكان وزمان

يمينى جثة فيل ، ده مش المشهد الأخير
مع إنى ماشى مُبتسم وفى ضهرى الواشى على الصليب
يعنى إحنا مكملين ، وهما هيفهموا التشبيه
أصل أكيد هيبقوا جوكريانز زى ما بقينا مسلمين

ياترى كل جسمين كُنا فيهم إتألموا
فكرك مـ المرة الكام عن التكرار بيتكلموا
آه كان ممكن يبقى طفرة "لولا غباء الكاتب"
مش أعظم مئة رجل ، أعظم مئه رجل واحد

أيوه الورقة غضبت إنى لمستك أكتر منها
رغم إنى عايزك إنتى بس قوى أكبر عايزينها
معقولة إحنا اتقاطعنا كل مرة مرة واحدة
بعدين روحتى ناحية ، وأنا ومعجزتى طبعًا روحنا ناحية

لما القلب بيقف العقل بياخد كل الطاقات
فـ بيهديك تناسى آمن كمجرد عربون صداقة
برضه ماقتنعتش إنى مش هكون معاها
وإنى علشان أؤدى الغرض منى لازم أعيش بعاهة


طب هى عارفة أنا مين ؟ ولا هى للتذكير ؟
وقبل أول إحتياج لإنى أفتكر ، عشنا كتير ؟
كـ جوكر يرضى غرورى تكون دى كينونتها
كـ أحمد خايف لـ منساهاش ، تفضل خلفيتى صورتها

مكنتش أعرف إنك مش معاه وإنك رجعالى
فصنعت منها آلى شبه يحاكى حياتى معاكى
وهدفعها تمن ، كل جرة قلم ، لحظة ندم
رد أى سؤال الفترة الجاية سؤال مين اللى بدأ ؟

فى مواضيع بناقشها فى سطور انت متفهمهاش
بالمعنى اللى يبين إنى مسبتش حاجة ماقلتهاش
مش بجرى ومش هلحق لقب ، أنا النظام جابنى هنا
لو دى أول مرة ليك عـ الكوكب تبقى مش زينا

فى أسئلة كتير ماتجاوبتش غير سؤالك
لازم ما خلف الحياة مش الحياة اللى تشغل بالك
كان لازم يبقى ليها معنى ، يبقى ليها كمالة
كان زمان العصر الحجرى أذكى لولا عصر الآلة

El Joker - Manasek El 2alam l الجوكر - مناسك الألم

الـــكـــلـــمـــات

بطلت أكلم حد لحد ما حد خد بإيدى
لو مكانتش إقتنعت بيا مكانتش ظهرت عبقريتى
كله أصاب فيما أصاب ، وأخطأ فيما أخطأ
الحق أحق أن يُتبع مهما هنوصل أبطأ

إنت عمرك ما اقتنعت بـ قد إيه بنكمل بعض
أنا لاحظت كون الفكرة بتقوى بنقد نقط الضعف
تعدد عصبياتنا فى العموم شيئ مفيد
وإن استمر الفيل فى إعتقاد إن الإله فيل

بلجألك إختصارا فى اللى أنا فيه فعلا محتاجك
مستحيل حد من الصفر لوحده يعرف كل حاجة
ده مش معناه إنى أقل ، ولا إن انت أعلى
أنا بقفل التآويل ، وانت بتغرق فى المعنى

لسه معرفتيش من إمتى مبتفهميليش ولا كلمة ؟
من ساعة ما كل حاجة معاكى إبتدت تكون مملة
عمرك ما شوفتى حقيقتى ، ولا فهمتى حقيقة ده كله
كل واحد شاف التانى الواحد اللى حب يكونله

مضطر أسيبك وأمشى منعا للمخاطرة
الورقة رافضة أعيشلك وأبقى أزورها كل فترة
أنا بشرح على قد عقولكوا ، ولسه متفهمش شرحى
انت كلامك مات ، وإنت لسه عايش ، إنت سطحى

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

ظروفه كانت غير ظروفهم ، فخرج عن الإجماع
ظروفنا الآن شبه ظروفه فـ اجتمعنا على فتواه
مش فى صالحك يبقى مثالى طول مـ انت فى قمة متعدد
باب الإيمان قصير ، مبيدخلوش متكبر

سيبيلى حاجة أفتكرك بيها ، حاجة ريحتك فيها
حاجة استخدمتيها ، فى أوقات مش حبانى أعيش ناسيها
للهروب من واقعهم ، للأسف لازم توقيعهم
يؤسفنى أقولك -فى بعض الحاجات- شبة طيعهم

بس ده مؤقتا ، هما يقولوا بطل وأبقى بطل
وأوعى إنتظارهم إنك تقع هو اللى يسقطك
وتبدأ النهاية بـ إنى أقبل حاجات مرفوضة
واحدة بجمالك إنتى فى بالى صعب تكون موجودة

أجزاء شبه عشوائية سوا تبان مخيفة
انت سامع مـ الغنوة آله بتعزف صوت مؤامرة سخيفة
اللى فى صالح السيناريو طول عمرى بنفذه
لو أبرهة بيغرق قبل عام الفيل هروح أنقذه

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

معرفتش أشكر مين ساعتها وعدى الموقف عادى
مجاش فى بالى إن أنا الشخص اللى أنقذ حياتى
براجع نفسى لما ألاقينى تهت فى التفاصيل
فـ أنفصل عنى الجزء اللى مراقبنى من بعيد

شايفك يا بلدى بتبصيله ، وإنتى بترقصيله
بصة فلسطينى لإسرائيلى ناهب محصول طينه
فى لوحات يادوب ، فيها بسيب كذا خط ولون
كوّنوا فى كل عصر كل رسمة تفيد الكون

غلبانة ، بتقول للناس إنها بكره هتنسانا
مش عارفة إن اللى يعيش من غيرنا أكيد معاشش معانا
صدقى اللى إنتى بتحسيه ، كدبى اللى إنتى بتشوفيه
استخدمى البعد اللى إنتى عارفة إنك فى حضنى فيه

كان باين فى عينيكى الزهق
مبانتليش فى عينك غيرة
قلتلك إنى عارف إن دى الرقصة الأخيرة

أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها

________________________________________­_

El Ra2sa El 2a5ira

Written by: El Joker
Music: Free Beat
Vocals: El Joker
Master and mix by: El Joker
© 2015 El Joker

El Joker _ El Ra2sa El 2a5ira I الجوكر _ الرقصة الأخيرة

Money Fiends .mp3

كلمــآاآت تــراك سلمــى 2

يا ورد مليك الشوك يا بحر كلك موج 
يا عين غمت ف اتسمت ماللي شافتني ليها زوج 
66 يوم صبروني سنين
شوفت فيهم ضحكه صبرتني ف رحله 1000 ميل 
يخرج احمد ماللي فيه 
يوم عن يوم بتملكيه 
يبعد ميل بتقربيه 
يتقل حلمه ف تشليه 
علمتيه انك تكوني طريقه بدونك هيتوه فيه 
كنتي ليه طعم اول نبض قلبه مستنيه 
نسمه بيتنفسها ريح وبينافسها ف حضن بيداريه 
كنتي دي ولا د وش بيه بتخدعيه 
كنتي حضن بيدفيه ولا برد بينهش فيه 
حد هرب من ماضي ليه ايام والحد دا بقي ماضيه 
تاه فكنتي حبل نجاه وبنفس الحبل بتشنقيه 
شاف ايام كنتي بتحييه قدامها سنين بتقتلييه 
3 سنين لو سألتي مين يحكي بالتفصيل
شيل بشيل اهرب ليه؟ حملي تقيل 
برضي بالقليل بوهم نفسي اشوف سعادتي فيه 
ببتسم واداري دمعي منك كل مره يسيل 
3 سنين بموت 3 سنين مش حاسه
3 سنين الكاس مفارقش ايدي بحاول انسي 
3سنين اللحن يبكي ف ابكي ف ظهره
3 سنين بتمني الموت عايش بجمع ف مهره 
3 سنين بتذل والجرح زاد ما قل 
3 سنين مش شايف غير الموت قدامي حل 
3 سنين يقولولك ع اللي ف قلبي شايلهولك 
غلطي مره شلت ف قلبي منك واستحملت 
ادوس علي نفسي مره غصباعني التانيه قبلت 
اه زهقت غلطه ف غلطه مبتحسيش مهما اتكلمت 
بعدت عشان تعبت تعبت اكتر بعدك لما سبت
يوم ورجعت لما سمعت منك كلمت بعدك ضعت 
قولت لنفسي ليه البعد اديها بتقرب لما بعت
قربتلك قربلها
بلاش انت تصدها 
مش يمكن حست بعدك اد ايه انت صنتها
جمله الواقه بحرقها وحروف الزيف الزقها
كون منها عذر ليها بكدب كدبه وبصدقها 
بنام علي السراب واصحي سامع صوت غراب 
ببني لوحدي ف القصور وابكي لوحدي ع الانقااض
يومين وايه اللي فاض رجعتي زي المره الاولي 
يومين وايه اللي فاض مايله وشوفتها معدوله 
يومين رجوع وراحو زي اول ايام ما راحو 
ترجع سلمي لحياتها واحمد يرجه وسط جراحو 
يومين فرحنا واحنا مش احنا د انا سنه فوش الريح كافخنا 
هي وانا لسه بتسأليني مين 
هي اللي شالت واللي قالت طول ما فيا نفس 
هبقي ف ظهرك عوضك ع المر اللي دقته طول سنين
وده مقللش منها مفتكرش غيرها
كت ممكن تقبل بواحد ميت وبروده بيقتلها
شوفي السنين دا من سنين كام مستحيل 
اسمع صوتك ومبكيش 
تيجي سيرتك ومحكيش
جايا النهارده فجأه بتقولي تعبت وراجعه 
جايا النهارده يا واحده عرفتني معني الدمعه
بتقولي ارجعلك بتقولي اسمعلك 
وبتسأليني مين من بعدك شوفت انها ممكن تنفعلك 
هي اكيد مش انتي هي مسكت فيا لما سبتي 
هيا القمر ف سمايا لما كنتي الشمس وغيبي 
هيا ضهري بعد مانتي قطمتي ببعدك ضهري
انتي يا سلمي عطشي هي كل نقطه ميه ف نهري

El JoKer - Salma II l الجوكر - سلمى 2


الـــكـــلـــمـــات

صحي في يوم مش فاكر من حياته اي حاجه
سأل نفسه : انا مين! ، و قام يدور علي إجابه
لقي في دولابه صورة صاحب عمره قال "محمد"
"انا فاكرك" ، و بدأ ييجي في باله أكتر من مشهد
لقي موبايله و لقي الرقم ، طلبه بدون تفكير
رد صاحبه بـ :يااه يا صاحبي ، فينك من كتير؟
انا فقدت ذاكرتي
عشان كده اتصلت
خليها تحكيلك إزاي علشانها بعت طوب الأرض
بعد ما اتقفل في وشه سأل نفسه مين اللي أنا
بعت عشانها صاحبي ؟ ، و هو بيسأل نفسه لقي
دبله و تحتيها ورقه ، مسك الورقه و بدأ يقرأ :
صعب عليا أقبل مكونش أم ... أتمني تفهم
إنهار وكسّر كل حاجه جت في طريقه ..إتجنن
فين و فين أدرك إن ده مش حل ..استسلم
بيُحاط بذكرياته مع مراته كأنه فيها
اي نعم ناسي كتير لكنه إفتكر حبه ليها

في حياتنا النسيان يُعتبر مرض و لا نعمه ؟!
أغلب ذكرياتنا حمل تقيل ، أكيد نسيانها إعفاء
إستسهلنا الغلط و إتجاهلنا صوت ضميرنا
دايما نشبع رغبات دلوقتي علي حساب مصيرنا(x2)

بعد يومين طوال قرر ينزل بين الناس
قعد على قهوه ، قابل عجوز مسميينه الخال
سأله: مالك يا ابني شايل هم الدنيا لوحدك؟!
رد : نسيت الناس ، و الناس نسيتني، إيه اللي يضحك؟
ضحك الخال .. الواد اتنرفز ، سأله: ايه مشكلتي تافهه؟
رد : يا ابني انا ابني رماني في الشارع ،اديني مرضك لفه
في الآخر خده يكشفله و قاله : يا ابني ثق في الله
و الدكتور طمنه : هتفتكر بالوقت و العلاج
رجع بيته و حبس نفسه لمدة اسبوعين 
أدوية و تمرينات ذاكره بالكاد إفتكر شيئ
قبل ما ينهار عصبيا قال ينزل يرغي مع الخال
قعد مستنيه عالقهوه و زهق بعد تالت شاي
سأل القهوجي عليه ، رد القهوجي بكره غريب 
الخال ربنا افتكره ، و الله ما أعرف ليه ناسيك !
طلع محفظته يحاسب كان زعلان أد ما مذهول
وقعت من محفظته صورة الخال ... بمعني اصح أبوه

اللي ناسي بيجري ورا ماضيه و لو دقيقة دقيقة
و اللي فاكر نفسه يبدل الحقيقة بصفحة جديدة
لو قدامك فرصة تصلح غلطة متسيبهاش
غيرك إتأخر علي ما فهم إن الحياة مبتستناش(x2)
________________________________________­____________

Ba3d El Nesyan

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker

El Joker - Ba3d El Nesyan L الجوكر - بعد النسيان 0


El Joker - Abyad w Eswed l الجوكر - أبيض وأسود
￼ الكلماتّّّّ.....
من حضن البيت لـ كف الدنيا ... نقله كبيره
قالوا صعبه ، بس لقيتها مستحيله
آخرك تغير فكره ، مش هتغير التصرُف
دى ناس بتحارب التطرُف بالتطرُف

قولت موجه .. نطيت .. محدش نط
أتارى ده إرتفاع المياه على الشط
والعادى إن انت تغرق شخص ، تنجى شخص جديد
قادر ياخد خطوه تانيه لمركز المُحيط

الواحد ليه من فتره محسش إنه تِعِب
خدى اللى نحّس ، ولا كفك اللى نِعِم ؟
أومال إيه بقينا تُقال أوى ، إنتى مش واخده بالك ؟
مرضاش تتاخدى منى وآخد أيا كان بدالك

بدون شك إختياري ، أنا اللى عارف ناري
إرتفاعي حقي ، وإنت هبوطك إضطراري
دول مش فاهمينى ، ومفيش أمل يفهموا
مفيش شخص عاش قمة إنتصار مذهبه

إنت اللى بتخسّرنى ، أنا اللى بكسب ليك وليا
إنت خطوة الجنون ، أنا الثبات عـ العبقريه
صح ـك بيبقى مُضر ساعات ، والغلط مُفيد
لوم عليا مع إن التناقض فيك

أيامى بينوكيو كانت مناخيره بتطول لو يكدب
أنا مُجرد إنت عاش وضوح أيام الأبيض وإسود
مُذنب ، وميشفعلكش إنك فى الأول كنت بريئ
عمرك ما هتغلب شخص بتبقى هو بالتدريج

مش مهم رأى الأحدث ، المهم رأى الأفضل
فكرك إنت إمبارح رأيه إيه فى إنت النهارده ؟
وهل إنت اللى عايش كل دول إرتحت كده ؟
ولا يادوب أنقذت منك اللى توصل بيه مركبه

خليك مسئول ، مش مُتماشى مع الموجود
إضرب السايب ، وإدى الفرصه للمربوط
ومتقولش مذهب بس .. إحنا مذهبين من مذهب
سيب اللى عاشنا يدى كل حاجه مقاسها

مفيش نظره تكشف دايرة المعارف
مفيش حد سعيد وأنا سعيد لإنى عارف
هو اللى يقول النار فى الآخر طلعت إيه
التواضع ضافلى نُقطه .. درس لينا إحنا الأتنين

إنت اللى بتخسّرنى ، أنا اللى بكسب ليك وليا
إنت خطوة الجنون ، أنا الثبات عـ العبقريه
صح ـك بيبقى مُضر ساعات ، والغلط مُفيد
لوم عليا مع إن التناقض فيك
________________________________________­___

Abyad w Eswed

Written by: El Joker
Music: Free Beat
Vocals: El Joker
Master and mix by: El Joker
© 2016 El Joker
الفئة
موسيقى

الجوكر أبيض وأسود

الجوكر-سيمفونيه


Published on May 10, 2016الـــكـــلـــمـــات


زهقت من صحابه و من سهراته و من رجوعه 
وش الفجر كل علاقته بيها سد جوعه 
تصونه ليه و هو خاينها الف مره
بيبصلها كل فين و فين هتبص فين غير بره

لا ده كلام شيطان انا بنت ناس و متربيه
هو اختارني فمهما لف مسيره في النهايه ليا
بس لامتي هموت بالحيا عشان يعيش حياته هو
جبان ، شاري راحة البال و بايع الابوه

زهق من نكدها و من طريقة اهتمامها 
كره غيرتها لما بالغت في المبالغه
زمان كانت كل يوم بشكل و بتسريحه
دلوقتي مياه عديمة طعم و لون و ريحه

كانت كل يوم جديده ، كل بنات الدنيا فيها
دلوقتي المخبر اللي مراقبه دقيقه دقيقه
و مقدرتش كونه اصبح ثور في ساقيه
عشان يعوض جنة بابي اللي في المنيل


المشكله ان من البدايه كل طرف بيكون اناني 
يداري عيوبه و يدرس اللي بينهوله التاني
فطبيعي ان اللي اخترته بعد ما يجمع بينكوا بيت
تتصدم في شخصه التاني او تتصدموا انتوا الاتنين


ليه بتخون؟ ليه بهون؟ ان شاء الله ، و مش بيكون
ليه مسجونه؟ و مش مسجون؟ ليك دنيتك و انا بدون؟
دنيتي اللي هي الشغل و سجنك اللي هو بيتنا !
اقتنعت ان انتي الطرف اللي بتتعبه علاقتنا !

انت خاين ، في الواقع ده اسمه هروب
من ان كل اللي انا حبيته فيكي ملوش جواكي وجود
طب ما انت مش انت اللي انا حبيته ، يبقي اخونك عادي!
احنا في مجتمع شرقي ،انسي شعارات التساوى

انا اكتفيت ،انا لسه عايزك جنبي
انت اناني لدرجه انك عايز تبين انه ذنبي
مش ذنبي لا انا و لا انتي، الحياه اللي ضغوطها زادت 
و مخدر البدايات انتهي ،فعقولنا فاقت

مبقولش اننا وحشين ،ولا مش مناسبين
احنا يا دوب بشر زي كل البشر و البشر ناقصين
متبررش الخيانه ، انا اصلا مببررهاش 
انا بقول اننا خربنا علاقه حرام منصلحهاش 


المشكله ان من البدايه كل طرف بيكون اناني 
يداري عيوبه و يدرس اللي بينهوله التاني
فطبيعي ان اللي اخترته بعد ما يجمع بينكوا بيت
تتصدم في شخصه التاني او تتصدموا انتوا الاتنين
_______________________________________________

Kabel Lel Kasr

Written by: El Joker
Music: Free Beat
Vocals: El Joker & A Jokerian
Master and mix by: El Joker
© 2016 El Joker

الجوكر - قابل للكسر

كل ما تبقى الأرض أصلب تحت رجلي أترعب
لـ أنسى كوني شخص بكل معاني الكلمة تعب
وبستغل خوفي في إني اتقدم ، مش في إني اتحجم
عارف الفرق بين الراحه ، وبين ألم مطفي بمسكن

بقالي وجود لما بقالي أهداف أحققها
بسعى للمثالية ، وعارف إني مش هلحقها
بس هفضل ببقى أحسن كل يوم عن اللي قبله
وده يستاهل إني أتعبله ، ويطمنّي وانا بقابله

انا كنت شايفه رماني ، لا في زماني ، ولا في مكاني
وكنت فاكرني هبقى المهدي لو اتولدت في ظرف تاني
تلميذ مذاكرش ، وفاكر امتحانه اللي ميتحلش
مع إن الكل واخد نفس الامتحان مقلش

من هنا بدأت أحل الأزمة ، لما بدأت أشوف
إن العيب كان فيا من البداية ، مكانش في الظروف
آمنت بكون الله بيديني بس اللي استحمله
فبقيت بواجه أي شىء ، وانا راضي ، ومتقبله

فجأة بقالي دور .. بقالي حياه .. بقيت بتبسط
بقالي مكان في دنيا كنت رافضها .. خوف لأترفض
بقيت بفرح بحاجات كانت تافهه في عيني وصغيره
لما عالجت عيني وشلت من عليها المرض

لما تاخد فرصه تانيه وانت قبل الموت بمللي
يبقى صوت مـ السما بيقولك: جه الوقت تآمنلي
فـ تفوق تشوف كام موته .. كام أوفر .. كام شوطه
كام حادثه .. ليله سودا .. كان وارد فيها موتك

واتكتبلك عمر جديد ، وانت كنت أعمى وعنيد
تقوله أموت .. يقولك عيش .. تقوله ليه مبترحمنيش
وكل دي تجربه ، ومكانش فيها صدف
ده احنا وقعنا عشان نقوم ، وعشان نتعلم إزاي نقف

خطائين .. لكن ده مش هيحدد نوطى ولا نعلى
مش محتاج تغير نفسك ... محتاج تغير فعلك
عمر ما جوهر المُزارع  زاد أو قلل الحصاد
الفراعنة لما اجتهدوا شوفنا بعيننا الأهرامات

ولو تعبت في ص ، ولقيت النتيجه في س
بعد فتره هتعرف إن الـ س أحسنلك بكتير
آمن إن ربك أدرى بأفضل حاجه ليك
فـ بيكافئك في الميعاد ، وفي المجال المناسبين

فجأة بقالي دور .. بقالي حياه .. بقيت بتبسط
بقالي مكان في دنيا كنت رافضها .. خوف لأترفض
بقيت بفرح بحاجات كانت تافهه في عيني وصغيره
لما عالجت عيني وشلت من عليها المرض

Èl Joker - Forsa Tania l الجوكر - فرصه تانيه

El Joker - Met.hamesh L الجوكر - متهمش

اعملو repost  للاغنيه❤️

الــكــلــمــات

البشر غرقوا في شر نفوسهم وانت مش رسول
طول ما محدش عايز يسمع يبقى إياك تقول
الكلمة مبتغيرش إلا اللي بيسعى للتغيير
متقولش "هخسر ايه؟" عشان اعداء الكلمة كتير

لازم تفهم ان الناس بتكيل بمكيالين
والفرد بحد أدنى يمتلك وشين
مش هيبصوا اللي انت فيه دفعت إيه مقابله
كل يبكي على ليلاه وشيطانه بيطبطبله

اللي ادى استنى ياخد ، واللي خد خلع من بدري
القلم بص على الخشب اللي راح مبصش انه مبري
مستكترين عليك قيراط ما هما رضيوا ب شبر
اشمعنى آدم يتسجدله أنا أحسن منه كبر

لو لمحوا الهمة هيحبطوك بكلمة لأجل ما تهمد
عايزين يشوفوك بتموت بشفرة تلمة عايزك تجمد
ولا بيجروا في طريق ولا انت عقبة لازمها إطاحة
بل سولت لهم أنفسهم إن موتك راحة

الغل كل قلوبهم واللي اتبقى منهم غيرة
اسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض

هييجي من أقصى المدينة شخص عكس الباقي
أوعى تشوف بعين القاعدة ما هو إستثنائي
نحن نشك حتى نُدفَع أن نثق
الدنيا مره مش لازم تشربها سِك

لو لو رجع الزمن سنة مش هتمشي في طُرق تانية
اعرف ان مرت سنة من غير ما تكبر ثانية
لو غلطت راجع نفسك وهتدفع لو تمن بصه
واجه .. أوعى تدفن راسك في التراب وتندب حظك

في ناس بتحس بكبر على تجارب ناس سبقتها
كل اللي كانت دماغه ناشفة الدنيا دغدغتها
في ناس بتعرف تستفيد من كل شخص جرب
وناس لازم ايديها تتحرق عشان تحرم

بين طبقات الناس وتسلق جبل شبه بحت
كل بصة فوق لازم توزنها ب بصة تحت
لو فضلت باصص فاضل أد ايه ومين فوقيك
مش هتحس طلعت أد ايه ولا عمر شئ يرضيك

هتضحك عل انك بتقول دلوقتي جبت آخري
دايما اللي جاي أصعب ، إنشف لسه بدري
عايز جلدك تخين ، ولو يا تتكسر يا تميل
إتكسر تلحم عضم أنشف م العضم القديم

لو بصيت للسما بعين الغِل تلات تربعها
اعرف إنك ماشي في طُرُق بقى لازم ترجعها
أنت عدو نفسك ديننا بيمنعك تتمادى
آلهنا مش فوق الاولمب بيتنفس عبادة

في أصول الأعتقاد كل الفرق أصابت
الكُفر كبر .. مش اجتهاد في فهم غامض
لا تنغلق وتشخصن الأمور ف تبتذل
نحن أشاعرة في بعض الأمور نُرجئ أو نعتزل

هتحس الاختبار تقيل عليك .. ومين محسش
إبراهيم قال : أرني كيف ؟ .. وإبراهيم متهزش
فيه قبيح بديله أقبح ، وقريب بعيده أوضح
وصاحب جنتين اتمنى لو إنه كان الأصلح

هتبان الدنيا ظالمه متصدقش اللي انت حاسه
يوسف لو مترماش في البير مكانش هيرمي نفسه
ساعات شرور نفوس الناس تكون خطوة في طريقنا
مش عارفين رايحين لفين ؛ ف متقوليش بعدنا

الغل كل قلوبهم واللي اتبقى منهم غيرة
اسهل تبرير لشر النفس إن الحياة شريرة
العين بتكره كل اللي أحسن منها طول الخط
لو مش أد العيشة بين أحياء أموات إتعض

هتضحك عل انك بتقول دلوقتي جبت آخري
دايما اللي جاي أصعب ، إنشف لسه بدري
عايز جلدك تخين ، ولو يا تتكسر يا تميل
إتكسر تلحم عضم أنشف م العضم القديم
_____________________________________

El Wasaya

Lyrics: El Joker
Vocals: El Joker
Music: Mostafa Ebrahim
Master & mix: Youssef Anwer
Video by: Mostafa Karim & Adham Karim
© 2018 El Joker

الجوكر - الوصايا

El Joker

El Joker - Fora2 Salonat l الجوكر - فراق صالونات

El Joker - Resala Rakam 1000 l الجوكر - رسالة رقم

الــكــلــمــات
ضهرك لحق مش من مصلحتك تنصفه
سبب جمال الغنوة قبح اللي بتوصفه
ساعات اللي انت شايفه يبقى اللي انت شايفه
أغلب الأوقات شجاعتك جت مـ الخوف اللي انت خايفه

من دوشة تل الغلطات .. مش سامع مـ السما أصوات
بـ الغل وبـ الخوف متحاط .. مش عارف تاخد خطوات
كله غرز بوزه في التراب في أول نطة
هما حاولوا تاني .. وانت اختارت حاجز أوطى

قتلوا مننا كتير بحجة شىء أهم
خلوا الهوا اللي بيني وبينك ريحته دم
مداقوش ازاي الوجع شىء ملموس وطعمه في بقك
ظنوك بتقول مجازا إن الظلم كسر شوكتك

مش أرق اللي مسهرك للميعاد ده
كل اللي عدى مستنيك على المخدة
واللي فاكره حب قالوا عنه غدة
معظم النجوم اللي بتحكيلها مات من مدة

قتلت جزء فيك عشان يعيش أغلبك 
معظم الحقيقة على ورقة في سلة مكتبك
لو رموا الشبك ، والتيار بدأ يسحبك
وانت عومت عكس الإتجاة للحظة ده مكسبك

فرض السكوت يموت شخص بالبطيء
قص كلام من السياق يضل ناس عن الطريق
بعض الوجع داين تدان ، وبعضه حظك كده
في ناس بتعبد الحياة ، والباقي كبش فدا

وبصراحة مفيش مؤشرات إن الزمن هيدور
الضلمة اللي في عالمنا قادرة تبلع أي نور
وضع معادش مبلوع .. خلافنا في أصل وفروع
ملكنا لا سيف ولا دروع .. ملكتوا الطلق والجوع

سعرك سعر ترس في عجلة الإنتاج
وبصراحة يعني من أسباب إيمانك الإحتياج
لبسّوا الرجلين فردة .. عبدوا الحس والمادة
نزعوا المعني مـ الوردة .. ينفوا المطرة لو تندة .. فوقهم

شوهونا .. أصبح زوقنا زوقهم
إتعاطفنا لما إتعاطفوا ، وقولنا قوم لوط بشوقهم
قصاد الريح تفضل جدور ، وجدور تتقلع
أول مرة أمسك كبريت العلم الأزرق ولع

قتلت جزء فيك عشان يعيش أغلبك 
معظم الحقيقة على ورقة في سلة مكتبك
لو رموا الشبك ، والتيار بدأ يسحبك
وانت عومت عكس الإتجاة للحظة ده مكسبك

الجوكر أبيض وأسود

الجوكر

Recent comments

Mohamed Ahmed

Omar Ali

Eslam Muhamed

Nasr Ashraf

Related tracks