يا حبايبنا
فين .. وحشتونا
لسه فاكرينا
ولا نسيتونا
دا حنا فى الغربه
م الهوى دبنا
وأنتو فى الغربه
اوعوا تفكروا
إننا تبنا
مهما فرقونا
ولا بعدونا
يا حبايبنا


كلمات: بيرم التونسي 
ألحان: الشيخ امام 
تاريخ: 1984

الشيخ امام - ياحبايبنا فين وحشتونا - عود

وهبت عمري للأمل ولا جاشي
وغمرت غيطي بالعرق ما عطاشي
ورعيت لمحبوبي هواه ما رعاشي
والليل عليّ طويل
وأنا العليل
موجود دوا بس الطبيب ما رضاشي
والصبر فين ؟!
الصبر فين يا سنين طوال وليالي
الصبر فين
عيني على الجمل الأصيل العالي
الصبر فين
لمّا ينخ بحمل من أحمالي
لكن في كل صباح
بانسى الجراح
وانقش بفاسي ع الغيطان موالي
يا ليل يا عين
يا ليل يا عين يا أرض يا معزوقة
يا كاشفه من شوقك خطوط مشقوقة
لما حضنتك والبذور مرشوقه
غنيت وفي المغنى فرضي للسمرا أرضي
هيَّ اللي باقيه ع الزمن معشوقه
والعشق زين
العشق زين بس الهموم سبّاقة
والشوف حديد بس الغيوم خنّاقة
والانتظار للوعد نار حرّاقة
امتى تطول العيدان دا من زمان
مشتاق أنا والحلوه مش مشتاقة
والذل شين
الذل شين…

Mahmoud Magdy

Popular tracks