صوتك حلو جدا وقوي ليه مش بتكمل

joker

الجوكر و عبدالله الحسينى - فى اختلافنا رحمة

الجوكر - الواقع

 شر نفسى عليا بان ، لما إتقفلت البيبان
وعرفت ان طوق النجاه يكونلى حوافر مع نيبان
بقى الجو هو الملك ، الناس حواليه بزمبلك
قمه السعاده وسط العبيد انت بس تمتلك
بينى وبينك ياحمد جدار ، انا عليك سيد قرار
قول إنتحار ، او قتل مع سبق الإصرار

ليه ياجو فرحان بشرك ، والشيطان فطريقو جرك
ناسى ربك دينك أهلك والخضوع لأمرك غرك
اصحى فوق شوفلك دوا ، ده وجود الجوكر فيك عيا
ياريت تصحى أحمد خلاص كفايه دفنتو بالحيا

وأنت ياحمد كنت فين ، لما قسمتنا الدنيا اتنين
نص فكفه الناس داسوها ونص داس عـ الكفتين
نص عاش ملك فغابه ، ونص إتدارى من الديابه
ياحمد فكين المفرمه فزمانا مسكن الغلابه
عايزنى أحييك ؟ وأرجع عروسه فبترينه البوتيك ؟
إنسى ياحمد . رجوعك وهم ساكن بس فيك

واحد حى التانى مات ، واحد عبد التانى ساد
واحد كان لازملو فرصه يبيع فيها التانى فـ مزاد
غايب حاضر بالهمسات ، حلمو يحيى فيه اللى مات
ده يشد وده يشد اتحول لإنفصام حااد

فلاش باك ، على يوم مـ الحظ لعب معاك
حب الناس لشرك قتل حبك لأحمد من جواك
بعد مـ عمو الجو نجح ، عملت من ماضيك شبح
مهزتكش مره كسره صوتى اللى اتنبح

الجوكر فوووق عشان الناب سبق كلامو
وانت مت لما قبلت الدنيا تذل فيك قدامو

لأ الجوكر وهم نفسو لما فسر طيبتى ذل

امال ايه معنى دمعك لما قطع فيك الكل ؟

المعنى ، ان ربك فوق كل اللى باعنا

طب مـ ربك اللى فصلنا وفـ جسد واحد جمعنا

آه جمعنا ، بس الأختيار ده كان بتاعنا

ازاى وشر الناس عـ الشر فكل يوم شجعنا

وعشان الصح صعب تقوم تمشى الطريق الأسهل ؟

هو انت ياحمد ناسى لما الضرب كان فمقل

منستش بس صعب عليا الجو سكينه تسرقو
ويروح طريق يغيب وقلب امو عليه يحرقو

واحد حى التانى مات ، واحد عبد التانى ساد
واحد كان لازملو فرصه يبيع فيها التانى فـ مزاد
غايب حاضر بالهمسات ، حلمو يحيى فيه اللى مات
ده يشد وده يشد اتحول لإنفصام حااد

الطبع يغلب التطبع وانا يا جو الوش القديم

الشر يحكم انى أقوى طلقتى ياحمد فـ الصميم

انت تايه باللى فـ ايدك

وانت عبدى كانلك سيدك

انت اللى الشيطان عماك ووهمك ان الناس عبيدك

آه عبيدى

لأ أصحى يا جو انا لسه مادد ايدى

بعد أيــــــــه ، مـ الدنيا حقنت سمها فوريدى

مفتش الوقت ، بس انوى من قلبك تتوب بجد

وهم ياحمد . الجوكر خلاص مش عبد حد
طب وربك ؟
ربك فسما وأحنا فأرض
يا جو استغفر
هستغفر ياحمد بس بشرط
شرط ايه
متظلمش يقولو قدرى
ولما آخد انسان فحضنى ميزرعليش خنجر فضهرى
أزرع خير ، أحصد خير ، متاكلش بناب الغير
ميبقاش فينا صياد وواحد تانى دورو الطير
بس يا جو

مالك ياحمد ساكت ليه ؟
ها عرفت رجوعك فيا وهم مش هيحصل ليه ؟
واحد حى التانى مات ، واحد عبد التانى ساد
واحد كان لازملو فرصه يبيع فيها التانى فـ مزاد
غايب حاضر بالهمسات ، حلمو يحيى فيه اللى مات
ده يشد وده يشد اتحول لإنفصام حااد


Enfsam 7aad-joker-جوكر- انفصام الحاد

الجوكر - إنفصام حاد

الـــــكـــــلـــــمـــــات

كان نفسى أشق طريقى والفشل يغرق ورايا
الناس مش عايزة تآمن ، يعمل أية موسى بعصاية ؟
مش فاهمين الفرق بين المعجزة والسحر
رغم وجود كل دى تراكات شايفك ساجد لـعجل !

كاره كل شمس طالعة ، بحب كل يوم عدى
هاخد أية لو قالوا عنى عبقرية نادرة ؟
الناس مش عايزة الصح ، الناس دى جاية عشان تصقف
بعدين يروحوا يصقفوله ، اتساوى فنه بفنك

اللعنة مش فى القلم ، مش بستعمى الأعمى أنا
سبب سوء فهم الجمل عدم استيعابكوا وجة الشبة
معقولة شافوا الصورة كاملة رغم عدم وجودك ؟
معقولة تشوفها فى حضنه ملكش الحق تقول بتخونك ؟

بصالى من كل إتجاة ، تكون موناليزا تانية ؟
مش شايفك لابسة تاج ، ولا سامع مزيكا هادية
خايف بعد بوستى  ،،  برضة يقولوا موتى
ساعتها مش هيوافقوا يحطوا جنب قبرك صورتى


لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك

لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك


آسف لوحتى غامقة ، مش قاصد مسح إبتسامتك
طول ما ماتعاقبش حد مش هطيق أسامحك
رايح مصحة يمكن أعيا عشان تقولوا عالجوه
فى الطوفان سفينتى تعوم ، مش فى البحر اللى شربتوه

قاعدين فوق نفس الكنب ، مر علينا نفس الزمن
عشنا نص ساعة سوا ، عشت لوحدى حوالى سنة
متقوليش الذنب ذنبى ، جيتى هروباً من كوكبك
محدش فى المدينة يتوه فى طريقه لقصر الملك

مش لازم كل كلمة تتبعت كتفى الشمال
ممكن تبقى النية مهدى بس أنت تشوفه دجال
مش هتتسمى العروسة  إلا لما يزوقوها
طول ما إيدى ماسكة إيديها عمرى ما همسك إيد أبوها

عمرى ما لعبت كورة ، فـ عمرى ما خسرت فورة
أبويا قالى يابنى متمثلش دور مش دورك
رميت صنارتى ، طلعت سمكة ، أكلتها ورميتها
يمكن تنزل تقولهم مش كل الناس فوق وحشة


لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك

لازم أغرق يعنى عشان تحسوا بـحاجتى لطوق ؟
لازم أبقى تحت الأرض عشان يتشاف معظمكوا فوق ؟
مش دى الحرية برضة ؟ ولا برضة قلة ذوق ؟
كل وردة جاتلى دبلت مش فاضل فيها إلا شوك
___________________________________________

MonaLisa Tania

Written by: El Joker
Music: Free Beat
Vocals: El Joker
Master and mix by: El Joker & Hamboli
© 2013 El Joker

MonaLisa Tania - موناليزا تانية

El Joker - Ib2i Iftkrini الجوكر - ابقى افتكرينى

الوداع و البتاع

غلطة الجوكر.mp3

My Acc : www.facebook.com/OnlyForZamalek1

الجوكر و عبدالله الحسينى - فى اختلافنا رحمة

Mahmoud T. Ahmed

Recent comments

Dodo Dody

Ziad Ørťëĝă

Mohamed Hagrass

Related tracks