Words

احمد حلمي - قصيدة ازرق || من مسلسل الجماعة

-انا كنت فاكرة إنك سافرت
 -ما قدرتش أسافر من غير ما أشوفك.. لسه مخصماني ؟!.. ما هو لازم حاجة من اتنين ، يا مخصماني يا خايفة مني ! 
- وهخاف من إيه ؟ 
-سؤال وجيه .. الواحد بيخاف من شخص تاني ليه ؟! إما إن الشخص ده مؤذي أو .. خايف يحبه ! 
-أنا عمري ما هاحب حد ! 
-متأكدة ؟! 
-طبعا متأكدة ! 
-أنا شخصيا مش متأكد ! 
-قصدك إيه ؟ 
- قصدي إن إنتِ حتحبيني ..حتحبيني أنا .. حتصبحي في يوم من الصبح وتكتشفي إنك بتحبيني .. بتضحكي على إيه؟! 
-ياريت يكون عندي ثقة في نفسي زيك كده يا حسين ! 
-مش فاهم حاجة ! 
-إيه اللي بيخليك متأكد بالشكل ده زي ما أكون أنا شخصياً قلتلك إني .. إني بحبك ! -الحاجات دي الواحد ما بيقولهاش بلسانه قد ما بيقولها بعينيه 
-وعينيا قالتلك إيه بقى ؟ 
-كفاية إنها ما بتلمعش إلا ليا أنا بس .. كفاية إن وشك ما بتنوروش الابتسامة إلا ليا أنا بس - انت بتتخيل حاجات وهمية .. حاجات ما حصلتش أبداً ! 
-خديني على قد عقلي .. 
- أنا آسفة يا حسين 
-لا أرجوكي أنا عايز أشوف وشك منور النهاردة زي ما شفته أول مرة .. عايزة صحيح تسعديني قبل ما أسافر ؟ .. طب خلينا نحلم مع بعض .. نفرض مثلاً إنك صحيتي يوم الصبح واكتشفتي إنك بتحبيني ! 
- وبعدين ؟!
 - وبعدين حتروحي على مكتب التلغراف وتبعتيلي تلغراف على عنواني في ألمانيا 
- أقول فيه إيه ؟ 
-قم بالترتيبات اللازمة لعقد زواجنا .. سأخبرك في البرقية التالية بموعد الوصول - وبعدين ؟ - تركبي المركب وتيجي
 - كل السكة دي لوحدي !!! 
- دي السكة اللي ضروري تمشيها لوحدك !
 - طب افرض إن البحر كان هايج والموج عالي ؟!
 - عشان نوصل للبر ضروري نواجه الموج والبحر 
- وعالبر ألاقي إيه ؟.. قهوة مدلوقة ؟!.. ما تضيعش وقتك ..أنا مفيش فايدة مني ! 
- ليلى ..عارفة حتلاقي عالبر إيه ؟! حتلاقي حاجة أهم مني.. أهم من أي إنسان تاني .. حتلاقي نفسك .. ليلى الحقيقية !

الباب المفتوح:صالح سليم_فاتن حمامه....نفرض مثلا انك صحيتى الصبح و اكتشافتى انك بتحبينى

غناء وتلحين : أحمد غازى
https://www.facebook.com/Ahmed.Alaa.Ghazy
كلمات : محمد انسان
https://www.facebook.com/mohamed.ensan1
يا بنت الناس ماتتعبنيش 
ده انا طيب وحُبى يعيش 
ولو فى القلب شىء ليكى 
بقول على طول ومابخبيش 
فـ إياكى صراحتى فى يوم تأسًيكى 
وإياكى تشوفى الحُب لعنيكى 
دليل للضعف والكسرة
لا تخسرى قلب كان حابك
ولا هاتنفع فـ يوم حسرة 
يا بنت الناس ..
انا ع الوحدة متعوّد 
وقلبى من زمان مهجور 
وادوس على قلبى لو زود
لـ قلب يعيش عليه الدور 
فـ خليكى على طبيعتك وحبيّنى 
وخلى كلامك الدافى ده يروينى 
ده انا لو كنت قدامك .. أبان غضبان
بـ همسة ونـظرة مِن عينك تهدّينى ..

يا بنت الناس . Ghazy&Ensan


مِش كُل ورقة تتمضَى

خَلاص فِهمنَا مِن اللّي فَات

حَكمونا حبة أغوات

دَا بَعد مَا رَاح اللّي رَاح

خَلاص فِهمنَا مِن اللَي فَات

بَحر الدّقون اللّي غِرقنَا فِيه وخَان

وَمَا زَال يخُون

وَبَاعنَا م الأربَع جهَات

لحَيزَبُونَة وَحَيزَبُون

كَل الكُوع واللي بات

دلوقتي وبيملوا السّجون

يوم غيّبونا في الكلام

يُوم مَا اشتَرونَا فِي الحَرَام

بزجَاجَة الزّيت والسّخام

تاجروا في فقرنا الرّدِي

ولاد الرّدِي

مِش حِلو كُل مَن رضَى

ولا كُل ورقة تتمضَى

إمضَا خَدتنا للغَرَق

كَاس الهموم عبّى وفضَى

لازِم نفتّش فِي الوَرَق

مِش كُل وَرَقة تتمضَى

وقالولي فيه دُستُور جديد

سَرح دمَاغي فِي اللي فَات

سرح دماغي بعيد بعيد

فسألت عن عدة حاجات

وقلت يا صحَابي العزاز

هَيستر البنت اللي على بَاب الجواز؟

هَيعالج السّت اللي مرمية سنين مِن غِير علاج؟

عَايشة ولو إن الروح يا بوي

كَام مرّة هِربت من الجسَد

هَيجيب الوظيفة للولد؟

هيزوّد الكام لقمة لقمة؟

راح يحارب اللي فسد؟

ييجي ميت سؤال طوال كأنهم أبد

هيجيب لنا زعيم أسد

يرد حق الغلبانين

اللي ظَلَمهم الزمن؟

ويسد ريحة العفن..

اللي بقينا نشمها مدة ومدد؟

ويفك حبل الظلم

عن رقبة أبوكو "عبـ صمد"؟

ما بدناش من العاركة غير دستور كريم

شمس وهُدى

يعوض الزمن الأليم اللي ابتدا

من ميتة البطل العظيم

هييجي استجابة للندا

ويزيح كفوف المغسُولين

الفاسدين والكدّابين والظَّالمين والمفجُوعين

اللي كلوا لقمة عيالنا في جُمعتِين؟

واللي بيترَبّص بحِلم المَلايين

واللي فتح دكان يبيع فيها دين

ولحى تداري عيون مريبة لراسبويتن

دستور أمين

هيجبلنا حاكم كما شعبه يعيش؟

ساعات معاه وساعات مفيش

لو حتمت الأيام ينام على فرش خيش

ويبات مايملاش بطنه عيش

يحميها أرض وناس وجيش

يفهم كلام عم عليش

واللي ورا عيونه عين

يكره هتاف "يعيش يعيش"

ونيّته مش نيتين؟

يرِدنا تاني يصدق حلمنا

وقصاد أعادي الأمة نفتح صدرنا

ويحس بينا لما يزهق صبرنا؟

إن كان كدا هَحل بسنَاني الحِبَال

وَاخُد زبيدة والعيَال

ونفُك صُوتنا اللي اتكتَم

ونقول نَعم

لكن نعم غير النعم

نعم اللي طَالعة من هنا

من قلبنا

ضد الوُحُوش الرابطة في سِكَك الصباح

ضد الحروب بالأجرة ضد الشعب

ضد الشماتة في المماتة والجراح

وإزازة النار في إيد الكلب

ضد اللي بيبيع الوطن وهما فاكرينه كفاح

ضد اتفاق الأجنبي مع اللي خان

ضد اللي ماعرفوش مكانة المكان

ضد اللي مش منا ولا نعرف له أصل

ضد اللي بدلوا عصرنا بأغبى عصر

ضد الكارهين اسم مصر

ووش مصر وحس مصر

وفن مصر وعلم مصر

لمم فلولك واندفن تاني يا عم

يا اللي مليتها نار ودم

نعم نعم

بصوت أجدادنا صاعد م الثرى

ثورتنا متعرفش تتقهقر ورا

احنا صحيح بنحب لا

ياما علي صوّتنا بلا

ودفعنا حق الـ"لأ" سجون وقطع عيش

لكنما نعم النوبادي بألف لا

لِم اللي عاوزين يوصللها بالكتاف

واجمع بناتك اللطاف

عمى عيونكم الغرور

ُثُرنا وكان لازم نثور

معادش في قلوبنا العجاف حتى تخاف

هنقول نعم

تفكر الدنيا بلحظة العبور

نعم تخلي الدنيا نور وخير عميم

غير إنها هتجيب لنا رئيس عظيم

رئيس يفكرنا برئيس مصر القديم

نعم تزلزل البلد

نعمكوا انتو غير نعم عبد الصمد

الأبنودي - مِش كُل ورقة تتمضَى

قصيدة " عُمر اللى جاى " ـ
تأليف والقاء : محمد انسان 
هندسة صوتية : أميرة توفيق
--------
اطلبلى مـ البُعد الحساب ..
وضيف ع الشيك بدل حرمان
10% غياب . حساب تقيل
مقسوم على اتنين من زمان 
تربيزة دايرة وناس كتير 
لف عينيه نص لفه 
عقله كان قرب يطير 
لما فجاءة لقاها داخلة 
جرسون بيقطع لحظة مرت الف عام
صوته كان زى الكابوس مصحوب بـ صوت دوشة وزحام 
- الشيك يا فندم . وانا تحت أمرك 
زودلى كاس مـ الحُب صافى . وهاتلى عينيها اتملى فيها 
ابيع هدومى وامشى حافى – لو إيديى تانى تلمس ايديها
- مشهد بعيد تربيزة تانية . هيا قاعدة بـ روح ماجتش
على كتفها كتـ ايديه ساندة . مشهد اميرة فـ قلب نعش
قلبى اللى داق الحُب منها . اتكتف فـ لحظة . الكون ماسعش
مزيكا تعلى بصوت اغانى . ضحك البنات ممزوج بوابل مـ الامانى
كل اللى كان فـ القعدة سارح . حسيته كان جايلى وعشانى 
مزيكا تعلى وتعلى اعلى . من كل صوت سمعاه ودانى 
قامت بترقص على غنوة مرة . صحيت لاقيتها بعتهالى .
قلبى اللى طار مـ الفرحة يومها . مات لما جيتى وسمعها تانى
- تصقيفة عالية لـ جرسون بعيد . بعديها صدمة بسؤال غريب -
مين لسه فاضل فـ الموجودين . حاسس بـ إنه راح يوم يسيب
كل اللى قالوا مكملين . كانوا فـ الغرام متعشمين . فاقوا من حلم لـ كابوس . وقعدوا زيى مستسلمين . لـ تربيزة دايرة وناس كتير . وضحك عالى وقلوب تطير . بس إنت خالى والقعدة غير . السهرة تخلص . تنده سكير . اطلبلى مـ البعُد ديًة وضيف ع الشيك بدل حرمان . وبلاش تواسى بطبطبة ولاتهدًى فيًا . عُمر اللى جاى ماهيكون بنفس جمال زمان . !!


محمد انسان | عُمر الـ جاي

"رباعيات علي غير العادة"

أنا اللي عمري اشتياق في اشتياق
وقطر داخل في محطة فراق
قصدت نبع السم .. وشربت سم
من كتر شوقي وعشمي ف الترياق

عجبي

على رجلي دم نظرت له ما احتملت
على إيدي دم سألت ليه ؟ لم وصلت
على كتفي دم وحتى على راسي دم
أنا كُلي دم... قتلت ؟ولا انقتلت؟

عجبي

غسل المسيح قدمك يا حافي القدم
طوبى لمن كانوا عشانك خدم
صنعت لك نعليك أنا يا أخي
مستني إيه .. ما تقوم تدوس العدم

عجبي



رباعيات "صلاح جاهين" بصوته



عادي بقا ...
اديني فرصه للقا ...
خليني اشوفك بس مره ...
وتكون عينيا مصدقه ...
اديني فرصه فضفضا ...
الدنيا بعدك ليه فضا ؟
ولا شوفت بعد اي حب ...
ولا لاقي من حد الرضا ..
دا انا لسه فاكر بسمتك ...
طب ليه تسيبني بذمتك ...
ابنك حبيبك اهو كبر ...
بتخبي ليه بقا فرحتك ...
امي ارجعي ... ويا فرحه ليه بدمعي ؟
ويا امي لما بكلمك ...
هو انتي عادي بتسمعي ؟!
انا كل يوم دايما بشوفك ...
وافضل مكاني ابصلك ...
واحضن ملامحك في الصور ...
طب حاجتي ليكي بتوصلك؟؟
لو مره كنت مزعلك ...
يبقي هعيش ذُل وشقا ...
فـ متزعليش عادي بقا ...
واديني فرصه للقا... :)

متزعليش - محمد هشام رجب

الحاله  صعبه ياريت ما تتحركش  .
فيه كام وجع لازم  نشيلهم من سكات دلوقت 
_دكتور . .  في ايه غير الوجع شايفُه  ؟
_في حلم ميت  من سنين جواك 
علشان غبى وساذج ما بتفكّرش 
تايه وماشي  ف وضع مش عارفه 
وبقيت ضعيف وأسير وعبد. لتوهه الايام 
علّقت روحك ف اللى مش ملكك 
_دكتور . . تسيبك م الوجع  وتسيبنى احكيلك وتاخد كام ؟
_فضفض  ماجايز بالكلام ترتاح . . وتطلع الوجع اللى فيك منك 
                     
                        _حبيتها اكتر مما تتخيل 
                         او يمكن اكتر مما انا اتخيلت 
                         اديتها كل كيانى  مابخلتش
  
 _ انا قولت برده الليله دي فيها بنت .             

                     

 
                       _ مظلومه هى زي ما انا مظلوم
                         والظلم ؟ خارج عن ارادتنا . . 
                       طب كات تقولى  هى كارهانى 
                        ولا حلاوه القرب . . هى اللى كرهتنا 
                         
                     _خففنى منها  بدون وجع ارجوك  . . 
                       أو . . او سيبها فيا بدون ما هى تحسّ
                       انا كنت جايلك جسم شايلاه روح 
                        دلوقتى همشى  بروح و " هي" وبس .

_ حالتك بقت اصعب من الأول 
ونزفت. . لازمك اسبوعين راحه 
امّا ان لاقيتك وجعك دا هيطوّل . . 
من رأيي لازم يبقى فيه جراحه !!
#salwa_osama 
الموسيقى من مسلسل  موجه حاره ^^

وصف حاله

سيد رجب يحكي قصة حرب الزناتي خليفة و دياب بن غانم من السيرة الهلالية 

الحرب اللي دارت بين الزناتي خليفة و دياب بن غانم ..
استمرت تلات اسابيع ..
تلات اسابيع تمُّوا الكفاحِ ..
والخلق بالعين شايفين .. ليل نهار داير الصياحِ ..
الحرب داير ليل نهار ..
يا ليالي العز عودي .. و دموع تجري كأنهار ..
لمّا كلّت الجهودِ



فن الحكي | سيد رجب يحكي من السيرة الهلالية

جتلك من فتره بفضفضلك 
قولتلي  حالتك  صعبه وموجوع 
وكتبتلي على راحه وجراحه
وفضلت افضفض واشتكي لحد اما عيني من الكلام  نزفت دموع 
مابقتش  نافعه معايا جراحه ولا راحه 
 انا لسه بتهته في كلامي  وبقعد مع  نفسي وباخد جنب
مش قله  ثقه في الناس  لكن  .. مقتنع ان دا اضمن واحسن 
بتجيلي  ساعات خنقه وضيقه  على حبه من الاحساس بالذنب
قربت اقتنع ان انا عيبي  ومشكلتى ان انا بعند وافهم 
مش جي  علشان تكتبلي علاج 
ولا جي  عشان  توضفلي  دوا
انا  جي احكيلك مشكلتي ونجاول نلقى حلولها سوا 
تعرف كام  مره  قالتلي امشى ةمع ذلك بفضل  مستني
مش عارف بتسنى عشان ايه 
في غيابها انا راحت منى  الروح 
فات وقت عشان افهم اني .. 
دكتور في  بكا ف عينك  خبيه 
انا  حالتى ما تستدعيش  تبكي 
والجلسه الجايه ان كنت بموت 
وطلبت عشان اهدى اني احكي 
مش  عاوزك تتكلم  عنها  . . !

وصف حاله 2

الحكاية هنا عن رجل، يذهب إلى الصلاة، فيرى درويشا يجلس بالقرب من المسجد،  ويصيح: قادر هو الله على أن يضع الدنيا كلها في "قشرة بندقة".
الرجل يعتبر كلام الدرويش من تخاريف المجذوبين، فينهره، ثم تدخله يد الله في التجربة، ينهض للوضوء، فيجد نفسه قد تحول إلى امرأة على شاطئ نهر، يعثر عليها رجل، يصطحبها لبيته، تموت امرأته، فيتزوج صاحبنا في صورته النسائية، وبعد أن تنجب منه ولدين وبنتا، تخرج للاستحمام في النهر، فتجد نفسها وقد عادت سيرتها الأولى: رجلا يتوضأ استعدادا للصلاة.
عقب الصلاة، يخرج من المسجد ليجد الدرويش ما زال يصيح بأن الله قادر على أن يضع الدنيا كلها في قشرة بندقة، فيقول: "نعم، آمنت". ينظر له الدرويش نظرة أسى ويقول له: وهل آمنت، إلا بعد أن رزقت بولدين وبنت؟

حكاية عارفة عبد الرسول .. من كتاب حكايات الدقهلية

حكي سيد رجب في  اسعد الله مساءكم | قشرة بندقة

- صوت أحمد قطليش -
- نص المغيرة الهويدي -
أحببتكِ لأنك جميلة 
بهذه البساطة، وبالسهولة التي لاتقنع دور النشر 
ولاخشب المسارح ولا شاشات السينما
يحدث أن يحبَّ الناس البطلاتِ الجميلات 
لكنني أحببتك؛ لأنك جميلة 
وماكان مهمًا وقتها إن كان في الأمر بطولة!
أحببتك لأنني لم أستطع أن أبعد عيني عنك،أن أمنع نفسي من تشرّب جمالك، من تأملك وأنت تقفين على الرصيف...
يحدث أيضًا أن يأخذنا الجمال تمامًا، فلا نعرف كيف نتصرف بلباقةٍ أمام امرأة ترفع يدها لسيارة الأجرة
كان قلبي يرتجف
كأنّني أختبر البردَ أوّل مرة،الرجفة التي تجيء دون أن تعي معها كيف ولماذا لاتفقد قدرتها على استحواذك تمامًا
هل هذا هو الحب؟ ألا تغيب الدهشة بالتكرار؟
ليس مهمًا تعريف ماحدث!
ليكن،هو جمالك وجَمع مصادفاتٍ تقودني إليه ...
لم أكن محمّلا بتوقعات أخرى
وكان أن جربت الحب لأسبابٍ كثيرة:
رجل في الحرب يبحث عن هدنة طويلة 
رجل بلا بيتٍ ونساء تمثّلن أوطانًا صغيرة 
رجل بلا أم تقدّم له الطعام بيديها، تخيط قميصه وتغسل مخاوفه بالامتنان
رجل بلا حاضرٍ،رجل بلا ذاكرة 
وألف سببٍ آخر تحاشيت معها السبب الذي يدفعني للوقوف ثانية على الرصيف المقابل!
أحببتك لأنك وأنت تقولين ماتقولينه تبدين جميلة 
لأنك وأن تفعلين ماتفعليه تظلين جميلة 
لأنك وأنت تفكرين بأن الحب أكبر من أن يختصره مهبول مثلي بجمالك تكونين جميلة 
لأنك وأنت تتقدمين بالعمر تصرّين على أن تبقي جميلة 
وأنت تحسسين بشرتك،تبحثين عن المكياج المناسب، عن علب الترطيب وأقلام الكحل، وأنت تفكرين بفستانك الذي سترتدين، وأنت تقضمين أظفارك تبدين جميلة ...؛لأنك وبعد أن مضى من الوقت مايكفي لنغضب ونتشاجر، مايكفي لنتناول الغداء صامتين، لنشاهد التلفاز منشغلَين بهواتفنا، مايكفي لنتعب ونبكي ونفكر بعبثية مايحدث، مايكفي لنتذكر كيف كان من الأفضل لو لم تجمعنا مصادفة، مايكفي لنحمد الله على ماحدث بعد ذلك...لأنك وبعد كل هذه السنوات مازلت جميلة
***
أحببتك لأنك جميلة 
وكل الأسباب التي تدفع الرجل للوقوع في حب امرأة ليست مهمة ..
صدقيني!
أحببتك؛ لأنك غدًا جميلة!




المغيرة الهويدي - أحببتك لأنك جميلة

القلب له كلام تاني | من مسلسل أرابيسك أيام حسن النعماني

‏"حينما كان حبّك جوابًا، ذكرني ما كان السؤال؟"

 's Album

! حينما كان حبّك جوابًا

جوابات حراجى القط 2_ الابنودى

الناس اللي أيامها بتشبه بعضها 
وحياتها حاجة بين المسلسل المتعاد
والكوميديا الفارص ..
مزيج بين الأمل و الصبر
حاجة ما بين السواقة 
و بين ركوب القطر
بين المعافرة و التسليم
خلطة مابين آمال بكرة 
علي أماني عودة إمبارح
علي محاولات إنك تعدي من النهاردة سليم
حاجة بتخليهم يقوموا كل يوم الصبح
يقاوحوا في الدنيا لمدة يوم كمان
ويقولوا يمكن
النهارده..
الدنيا تلمحنا
الناس دي هم احنا
في فيلم طويل 
..أبطاله كلهم كومبارس

-----------------------
لينك فيديو
https://goo.gl/UPoESJ

فيلم طويل - مصطفى إبراهيم

عينان تائهتان في الألوان
خضراوان قبل العشب
زرقاوان قبل الفجر
تقتبسان لون الماء
ثم تصوبان الى البحيرة نظرة عسلية
فيصير لون الماء أخضر
لا تقولان الحقيقة
تكذبان على المصادر والمشاعر
تنظران الى الرمادي الحزين
وتخفيان صفاته
وتهيجان الظل
بين الليلكي وما يشع من البنفسجي في التباس الفرق
تمتلئان بالتأويل
ثم تحيران اللون
هل هو لازوردي أم اختلط الزمرد بالزبرجد
بالتركوازالمصفى

تكبران وتصغران كما المشاعر
تكبران اذا النجوم تنزهت فوق السطوح
وتصغران على سرير الحب
تنفتحان كي تستقبلا حلما ترقرق في جفون الليل
تنغلقان كي تستقبلا عسلا تدفق من قفير النحل
تنطفئان كاللاشيء شعريا
غموضا عاطفيا يشعل الغابات بالأقمار
ثم تعذبان الظل
هل يخضوضر الزيتي والكحلي فيَّ انا الرمادي المحايد
تنظران إلى الفراغ تكحلان بنظرة لوزية طوق الحمامة
تفتحان مراوح الخيلاء للطاوس في احدى الحدائق
ترفعان الحور والصفصاف أعلى
تهربان من المرايا
فهي أضيق منهما
وهما هما في الضوء
تلتفتان للـ لاشيء
حولهما
فينهض..ثم يركض لاهثا
وهما هما في الليل
مرآتان للمجهول من قدري
أرى او لا أرى ماذا يعد الليل لي من رحلة جوية بحرية
وأنا امامهما أنا أو لا أنا


عينان صافيتان غائمتان صادقتان كاذبتان
عيناها..
ولكن من هي..؟

عينان تائهتان في الألوان - محمود درويش

انا بتكلم عن الحب المثالي ♥ بعذريته ورومانسيته , بلمسة الطُهر اللي فيه , بروح الشاعرية اللي جواه
زمـان كنا نحب زي ما نقرا الشعر أو نسمع مزيكا ، كانت لمسة من الإيد , مجرد لمسة تغيبنا عن الوجدان ونظرة من العين تسهرنا للفجر وكانت رعشة الكلمة الحلوة على الشفايف تبكينا 
♥ تصوري إن احنا كنا بنخاف من القرب أكتر ما بنخاف من البعد ..  وفي البعد طبعا نرجع نحن للقرب تاني  


مسلسل ابو العلا البشرى 
اسامة انور عكاشة - عمار الشريعى - محمود مرسى 


انا بتكلم عن الحب المثالى ♥  ابو العلا البشرى

!! أنا مش كداب هى العقود عندكوا ورق وبس
! حضراتكوا بتاخدوا قرارات بملايين الجنايهات فكل مرة بتمضوا عقد ولا الكلمة بتبقى عقد
العقد مبيعملش الحقيقة العقد بيثبتها بس
كلمة أنا بحبك عقد !!. اللمسة عقد ....النظرة عقد
 ..الوعد بالجواز ده أكبر عقد 

أحمد زكي -العقد مبيعملش الحقيقة - من فيلم أضحك الصورة تطلع حلوة


Follow on Social Networks:

http://www.twitter.com/amrsobhy
http://google.com/+amrsobhy
http://www.facebook.com/amr.sobhy

 عن الخطط المؤجلة، والأحلام الباهتة. عن البعيد الذي لا يقترب، وعن القريب الغريب. عن الدفء الذي لا نجده سوى في كوب قهوة في ليلة شتوية حزينة، والقرب الذي لا يجاوز احتضان وسادة مشبعة بالاكتئاب. عن العالم الذي لا ينتهي، وعن الخواء الداخلي المتنكر في صباحٍ ملئ بالطقوس المكررة. عن التنهيدات المسائية، وعن الصحبة المزيّفة. عن الخذلان. عن البُهتان. عن الرضا بالقليل الكثير. عن الغربة في الوطن، والاغتراب في النفس. عن الهمس، وعن الأشخاص الذين لا يتكلمون، مهما أردنا ذلك. عن الحبيب المفقود، وعن الجميل الذي لا يأتي. عن الحضن الذي يتسع للكون وعن البكاءِ على صدر امرأة. عن الخريف، والاكتئاب الشتوي. عن لعن الصيف والتوق للربيع. عن الجميع. عن القلوب الصدئة، والأرواح المهترئة. عن المشاهد المكرّرة والمشاعر المعبئة. عن الأرق الذي يستوحش وعن المساء السرمدي


عمرو صبحي - عن العالم الذي لا ينتهي Amr Sobhy

💕 ابق حيث الموسيقى .... فالاشرار لا يغنون

Words

Mahmoud Gamal...💕