قولتِلُه الزَمن حاربنى
و عَلِم الأحباب تسِيبنى
قولتِلُه في ناس بتِبنى
وناس تبيع مُستقبل ابنى
و دُوُل ف وَادى و دُوُل ف وَادى
قالى عادى

قولتِلُه البلد بتِغرَق
والخيانة نار بتِحرَق
والكلاب م الموت بتُرزَق
وبدمِنا تِسكَر ليلاتى
قالى عادي

قولتِلُه بِتّضِيِع حياتي
قالي عادي 
قولتِلُه و مَصير ولَادي 
قالي عادي
قولتِلُه ايه الحِكاية
إنت عَندك كُلُه عادى

قالى ليه تِدَن ف مَالطة
والضماير فيها غَلطة
احنا عايشين ع الأوانطة
ولو بتِكرَه الأوانطة
حُط هَمَك جوا شَنطة
و ارحل لبلاد الأعادى

قولتِلُه و تراب بِلادى 

قالي يابني ليه تِنادى
و لا حياةَ لِمَن تُنادى
عَشان يكون عَندك خَبَر
كُلُه سَكران السَنادىِ .

كلمات :ميدو زُهير

الحان:دينا الوديدي


Mahmoud Mansour

Popular tracks