ياربي <3 الله علي الروعه .. اتوجعت بجد اجمل من راائع .. الله

يخربيت الجمااااال جبااااااااتر بابن خااالتى 
go aheaaaaaaaaaaaaaad (Y) :-D 

فظيعه جدا .... تحفه بكل ما تحمله الكلمة من معني ♥ ♥

كفايه إن اللى عاتبك يوم مهوش لاحق يكمل فى الحياة جنبك ونصه التانى بيدينه

والله جامده تسلم إيدك يا أستاذنا 

من ديوان أكورديونِست

*  مِن مَقام وَجَع الغُنا *

بَطَّلت اقَلِّد صوت مُنير
و اعلا بمقامات الأمَل 
فَـ اليأس يمنَعنى
بَطَّلت اقول 
و الصُحبَه تِسمَعنى
بَطَّلت شَطَحات الجنون 
و اسرَح فى كون
لو شافنى باضحَك  ..  حُزنُه يبلَعنى

مِن صُغرى و انا باسمَع 
لَكِن ما باحكيشى
قَلبى اما باح دَمَّع 
قَصقَص غُناه ريشى
ايه اللى خَلَّا الروح 
تِنزِف آهات أكتَر ؟!!
مِن أى يوم تانى ؟!
ما انا كُنت ضِل بعيد 
و لسانى وَحدانى
ساكِن حِكايَه
راضعَه مِن صِدر الخَطايا
حِكمِة الكون الحَزين

انا كُنت مَقسوم ناحيتين
نُص رافِض
نُص راضى
بالسكوت اللاإرادى
كُنت عايش جوَّا حُزنى 
و حُزنى عايش فيا عادى
كُنت رَغم الغُربَه فيَّا و اعتيادى 
ابقى وَحدى فى الزحام
كُل لَحظَه اسأل سؤال
لحَد امتى هيبقى خوفى من الكلام ؟!!
زى احتضار الشَمس بين إيد الغَيام !
انا المَولود
على شَط الحَزانى و نِفسى ضِحكُه يعود
انا المَوجود
لِزاماً جوَّا أيام الرَفاقَه السود
و دارِت بيا 
أحلام الصَنايعيَه 
و دار بيا الزَمَن دايس على الأيام

مِشيت جوَّا التَناقُض فيَّا 
و انا سَكران
بٍفِعل اليأس و الأحزان
نادانى 
صوت بعيد
لكن
ما يشبهنيش
لَمَحت الزَحمَه فيه ماشيَه على استِحياء
و ضوء الشَمس بيشاهِد 
خَبايا ما وراء الشيش
و انا بطبيعتى شىء تانى
كَمْان واخِد على العُزلَه
كَمْان فاضى و وَحدانى
فى صِدر أفيش مالوش تانى
لِغنوَه سَجينَه إذا طِلعِت 
تِبَكِّى الطوب
و انا يا حَبيبتى مش أيوب
شعور الصَبر مَيِّلنى على كِتفِك
و كان بينى و بين الكُفر شَعرايَه
و طير مَغلوب
نَقَر بالغَصب وَردايَه
جناحاته دراعاتى
آهاتُه نَفس آهاتى
أسير العَتمَه بين الوَقت و الآتى
سلام  و حروب
بتِسرَق مِـ الوشوش ضِحكِة مَلامِحها
بـ 100 نُكتَه
ظريفة بس بكَّايَه
و انا يا حَبيبتى مش أيوب 
وَلا حامِل فى صِدرى طَريقَه وَلا آيَه
فى قَلبى  الخَمرَه رَقَّاصَه
بتُرقَص رَقصِة المَوتى 
على روحى
قابِلت سالومى فى عينيها 
و رَقَبة يحيى مَقطوعَه
و راية الحَق مَمنوعَه
تقوم مِن نومِة الأسفَلت 
و يوصَل عِلوَها سطوحى
يا عينى 
يا ليلى 
يا جروحى
وَداعاً لِلأبَد 
مُرغَم
يا حَنجَرتى
لا غَيَّرت بإيديا الكون 
وَلا بِغُناكِ غَيَّرتى

وَداعاُ لِلأبَد 
مُرغَم
يا آخِر حِلم
تَرَكت الحَبل مِن إيدى
فَـ سافِر لِلقَدَر و الغيب 
على 
المَلعونَه 
طَيارتى

17 / 2 / 2016
-------------------------------
محمد عبد الرازق

من مقام وجع الغنا _ كلمات و أداء / محمد عبد الرازق

بعد الوقوع والانهيار بعد اما غصب عني قلبي مال
حبيت أقول نص الكلام وأسرد حكايتي
بمثل وكأني حقيقي مبسوطة 
بقول عادي وأنا في الأصل مجروحة
قوية من برا ومن جوا مضغوطة
حكيت وبقول عادي وأنا في العادي مكسوفة 
وقعت وبعد الوقعة ضحكت كأني في موقف كوميدي وأنا قلبي من الوقعة بيبكي
سألت الكل عن روحي وكل ما يحكوا أشتاق لروحي أكتر
بأنساه وأنا كل شوية بفكر أصارحه ازاي!
جوايا جوابات بأكتبها وبغير من مفهومها
جوايا سعات بتغير مواعيدها علشان تقابله صدفة
غنيت من وجعي يمكن انسى لكن بافتكره وانا اصلا فاكرة
لميت أوهامي من إنه يشوفني أو حتى يفكر فيا في يوم
وبقيت بأحلامي بأهرب للنوم يمكن أقابله

بعنوان جديد بأكتب في صفحة جديدة 
أنا وحيدة
في الغربة واللمة وليالي السهر وحيدة وأكدب وأقول سعيدة

بحبك رغم خوفي منها لكن بأنطقها جوايا أكتر من اسمي
اختارتك رغم اختيارك عذاب لنفسي لكن حبك مونسني

جزء الأغنية 
بيعدي وأنا واقفة مكاني والكون حواليه
بيعدي وعيونه مش شايفاني وأنا باصة عليه



قصيدة بعد الوقوع/ أماني ربيعي

شعر وإلقاء: بسنت عبداللاه

صبر جميل | بسنت عبداللاه

مهزوم ..
وكإن روحي بتبكبي وبحرقه !
ما عرفش لو كان السبب في البعد ..
ولا السبب في طريقة الفُرقه .!

مهزوم ..
زيّ اللي خسران م الزمن قُوتُه 
اصبح عويل من غير دوافع عيش 

زي اللي مسلوب أرضه بعد الحرب 
راجع لأهله أسير في ربطة خيش 

مجرور وإيده معلمه في الطين
مكسور و عينه مغميه الاتنين
مهزوم ..
 لإن الوضع في الحالتين .. 
إحساس كفيل بسهوله يقتلني .!

صعب أوصف الوجعة اللّي مكوِّيها
مش نكته بايخة .، وسهل أعديها 
صعب أوصف النكسة اللي أنا فيها ..

كل اللي عايزه،
الأرض تبلعني.! 
.
#مهزوم
#محمود_ياسين

قصيدة مهزوم ل محمود ياسين

كلمات / محمود ياسين
.
بعيد عن إني مش قادر أغنيلك 
وألبيّلك ..
لكام رغبة كانت من عهدي بالأيام 
وكام حاجه بنعملها وعيشّانا بقالها زمان
فهثبتلك !!
فأنا جايك عشان خاطر ..
أموت ساند على كتفك !
لاخر كام دقيقه بقول ,,
يا أغلى من عمار عمري ..
وأطول من ليالي الليل ،،
انا يا عشقي وقُليبي ..
بناشد فيكي كل جميل ،،
لتنسيني !!
بحلّف قلبك الصاين ليالي العشق وعهودها ,,
وايدك اللى يوم شالت عهود القلب فى خطوطها 
لتنسيني !!
وأشوفك بعد ما أطع فوق ,, بدبلة وطرحة الفستان
وصية قلبي دا التعبان ,,/ فقوميها !
وعارفك قد ايه صاينه العهود مني ,,
فدي أمنية من قلبي 
ف لبيّها !!
ودوسي علي الوجع فيكي ..
وقوّيكي !!
ولو مش هتشوفيني انا .. هكون شايفك وبحميكي 
ياروح روحي انا روحي مهيش بتموت 
فليه تدمع عنيكي على الجسد / بالي !
وليه عنك كده راح تشغلي بالي 
وأموت قلقان علي ضعفك ,,
أمنت كتير أنا بحبك 
ومؤمن بيه لفوق حلمي !
مهوش معناه عشان ميّت 
تموت روحك بُكي عنيّ !
كفايه عليكي دي الفرقه 
ودي الحرقه !! 
وده المعني وتكوينه !!
كفايه ان اللى حبك يوم ,,
ماهوش لاحق ,,
يكمّل فى الحياه جمبك ..
لنصه التاني من دينه !!
ولكن فيه كتير أحلي ,,
وإوعي في يوم ما تنسي تسمي زي ما قولتلك "رضوي" 
وإوعي تخافي م العتمه .. 
وبير السلم الواطي !
وهلوس الحيطان / عادي ,, ماهوش مخصوص هيأذيكي !
ياريت تتعودي دايما ,,
تعدي الشارع الفاضي ,, ياريت أبدا ما تحتاجي ,, 
فى لحظه للمسه من ايدي !
وخِفي الكولا والشيبسي ,, 
وبعد الفجر ما يأذن .. ياريت كام دعوه توصلي 
هكون فرحان !!
فداري عنيكي عن عيني ,,
خلاص حان الفراق بينا ..
وعيني بجد عايزه تنام !!
.
https://www.facebook.com/mahmoud.y.nasr


ساند على كتفك _ محمود ياسين

سيدةُ الكلماتِ ..
باللهِ رأفه .. لإشتياق العين لرؤيه بتعشقك !
ألحَدت أنا بكل الهوي .. 
( فإعتنقني مذهبك ) !
.. وآمنت ب العشق الحلال .. !!
باللهِ دُلي هوه إيه معني الجمال .. 
لو بعيد عن ملمحك ؟!
أو بعيد عن نظره تايه من عنيكي بتوصفك ..
لو هقولك قد ايه أنا عِشقي فاض !!
اه بحبك حب واصل للعياط !!
لاقي إيدي ع الصراط ..
عدّي قلبي خطوتين ناحيه يمينك 
مدّي إيدك وإنزعي كيل الغوي .. 
كل نزعه تخص طيشي ف الهوي ،،
سيبي بس حاجات ( تزودلي حنينك ) !!
سيبي إيدك .. 
فوق قُليبي تزكي عن عشقي اليقيني !
( علميني أبجدية معني كلمة احتويني ) !
قلبي خايف ..
طمنيني ! / فوق مناهل رقِّتك !
طبطبي على حضني أكتر ..
قربيني ناحيتك !
بستحلفك  ..
وحياة جموح الشوق وقلب بيعشقك .. / حد الجنون !
علميني ازاي فى حضنك ..
أبقي عارف فرق إني ،،
( بيكي أكون او لا أكون ) !!
.
‫#‏محمود_ياسين‬
‪#‎mahmoud_yassin‬


سيدة الكلمات

كتير بشتاق 
KTEER BASHTA2
كلمات : محمود ياسين
لحن وتوزيع : احمد كمال
https://www.facebook.com/Ahmed.Kamal.New.music/

احمد كمال _ كتير بشتاق _AHMED KAMAL _ KTEER BSHTA2

لعنة وجع .، متسلطة في الروح .. 
في حاجات بتوجع كل ما بتيجي ؛ 
وحاجات بتوجع لما تيجي تروح .!
.
" زي اللي تايه عن بيبان روحه ، 
عمال بيشكي جروحه لجروحه .! " 
.
كل السكك أخرتها سد بيبان 
والرك ع اللي هيفهم الألغاز
بلعب في دور الكل فيه خسران 
عريان ونايم فوقه فرش إزاز
.
عماله تنزف روحي من جوه ، 
مره بضيقه ومره من حوّا 
لدغة حياة مسمومه من حّيه 
و السم سايل في الوريد والدم .!
أعمي مغمض عين وفاتح عين .. 
كات إيه هتفرق عنده في الحالتين ؟!
بلعب في خان الكل فيه تعابين ..
بطلع يدوب من هم فأغرق هم .!
.
" زي اللي تايه عن بيبان روحه ، 
عمال بيشكي جروحه لجروحه .!
.
لعنة وجع .، متسلطة في الروح .. 
في حاجات بتوجع كل ما بتيجي ؛ 
وحاجات بتوجع لما تيجي تروح .!
..
كلمات : # محمود ياسين

أحمد كمال I  Ahmed Kamal _ La3net Waga3 I لعنة وجع

-من ديوان خايف ما اطولش السما-

( روح القصيدة )

كلمات / محمود وجيه
أداء / محمد عبدالرازق محمد

ماتزوديش جرح القصايد بالبعاد
ومتبدأيش بالشعوذة نحت الخرايط والصور
ومتبعديش كف الأحبة عن القمر
لسة اللى طالبين السما..
مستنظرين الفجر وبزوغ الصباح..
عريتي ليه جسم الشتا فـ عز المطر 
وكتمتي سر الشمس فـ عنيكي لساعات
وامرتي قلبك يبعدك عنك فـ مات 
روح القصيده بتشتكي ..
زعلانه مني اكمني مش بشتاق 
والحلم نايم مش لازمله فراق
حَضرت عينك بالدجل
وكتبت ييجي اربع قصايد بالدموع 
فاشوفيلي بين ضلعك حجاب
او زار يفك القلب بس ويربطك
فيدق قلبي بكل وجدان حضرتك  فوق السحاب ..
اسف كتييير 
ماعرفتش اتخيل فـ يوم .. ان انتي ممكن تبعدي
ماعرفتش احلم بالوجع 
ولا حتي اخون فرح القصايد بالامل
والحلم مكتوب ع الجبين
وانا غصب عني بحلمه
نَص القصيده بيتسرق
لما اكتشف قلمي الحزين
انك مجرد بنت قلبي على الورق 
عمدانها خط ومنحنى
دستورها من طفح الدُخان
وشعارها كان …….
وهم التمنى …………….
……………….. فاتحرق 
لا الناس هاتقدر تفهمه ..
ولا عاد في حاجه بتلهمه ..
بعد اما طيفك يوم ما زار نور القصيده وضَلّمُه !

ساند على كتفك _ محمود ياسين

Mahmoud yassin

Recent comments

Enas Hamoud

Abdallah Omar

User 366134711

Briñcëŝŝ Ṃoŉa

Related tracks