أنا بعشقوا في حبيبي

ع الطَرْف التاني من الدنيا ..
الشمس صديقه لكل غريب ..
النور بيوضَّح تانية حُزنك / مابيفضحش ..
والأرض عفيفه عن الساسه ..
العاشق يقدر يملك قلب عشيقته هناك ..
بمجرَّد " قلب فـ كُرَّاسه " ..
والشاعر زاهد أحياناً عن قلمه العَاق ..
النَفْس : مرايه بتعكس كل حقيقه وزور .. 
والقلب بيقدر يتمعشَق .. لو حتى مُعاق ..
-
ع الطَرْف التاني من الدنيا ..
كات عايشه بتحلم بيك على طول ..
كات راسمه لروحك ميت تابلوه ..
اتحرقوا بنار الفرقه قوام ..
كنت انت القاضي فـ آخر نَقْض فـ تهمة شوق ..
وبَدَل ما تفصل ليها بإيدك فستان نور ..
الحكم الصادر فصَّل لها بدلة إعدام ..
ع الطَرْف التاني من الدنيا ..
كان قلبك شايل ذكرى سعيده ..
والف قصيده ماليهُم شُوق /
وما ليهم سُوق /
اتسرسبوا منه بفعل الوَقت ..
كان عقلك عاجز مـ المُعاناه ..
كات كل ما روحك تنبُض / تجري ..
وتنبُض ليها /
وتنبُض فيها /
فتنبُض بيها /
وتعرف إن الفَرْحه " حياه " ..
وبإن الحزن أساًسا سِجن .. 
بيقتل فيك الروح .. بهدوء ..
وبإننا أصلا كنا جُناه ..
-
ع الطَرْف التاني من الدنيا ..
أنا لسَّه فـ قلبك ليَّا مكان ..
أنا جُندي مؤهَّل إنه يحارب " جيش مِن أهل القَتل بسيف /
والقَتل بزيف "..
ولكني معاكي بكون مولود .. 
وبيحلم ينطق باسمك يوم ..
فينام / ويقوم ..
ويصير من أهل القتل بزيف ..
مش قادر يحيى ويمسك سيف .. !
-
عوَّاد قد فرط ليه في الأرض ؟!
- دي الدنيا مَجَاز - ..
والعَبد استهون ليه بالفَرض ؟!
- ده القلب إزاز - ..
وانا بيني وبينك حَرب وتار ..
والعين بالعين ..
والسِن بسِن ..
وانا عبد مُسِن عصاه اللحن .. 
فطلَّع صوتِك منُّه نَشَاز ....
-
ع الطَرْف الأوَّل مـ الدنيا ..
- الدنيا مؤنَّث شئ داني - ..
ع الطَرْف التاني من الدنيا ..
- كل اللي اتساب / هيعيش تاني - ..
على طَرْف موازي لتجاعيدَك ..
- الدنيا حظوظ - ..
على آخر طَرْف بقي فـ إيدَك ..
- هتعيش على آخر جنَّه بفوز - ....

لـ أحمد فهمي

الطرف التاني من الدنيا

مش مرتاحة _Mariam Adel

كل يوم بيفوت عليا ❤ gehad

dmc دراما

أغنية - لقانا نصيب - ... ساعات البعد بيبقى علاج يد

الراجل لما بيحب اللى معاه مبيشوفش غيرها فعلا

غريب الحب مين فاهمه رامي صبري _ghareb el7ob ramy sabry

زمن العجايب...💔💔

البوم _ تامر حسنى _  البوم 2020(MP3_160K).mp3

مهرجان " مفيش حد سالك " كلمات - غناء - توزيع - محمد مساهل 2020

مهرجان قرار ازاله_ كلمات - غناء- توزيع محمد مساهل 2021

كلما داقت بنا الحياه تذكرنا شئ جميل فقدناه

الراجل لما بيحب اللى معاه مبيشوفش غيرها فعلا

Mahmoud Fathy

Related tracks