الارض فاضيه عقل محتل
فكر مجتمعي مختل يشل
الوضع مستقر عشان التخلف مالوش حل
و العيب مش على واحد بس العيب على الكل
تتشل لما تلاقي اتنين بيرغوا في السياسه
ده مش فاهم و ده حافظ و الفكره افتكاسه
ازاي تتمنظر بالجهل و الودن مجبوره و حساسه
فيتلوث العقل اكتر ماهو ملوث مالرياسه
محدش فاهم حاجه و عمر اللعبه ما كانت مفهومه
حتى انا مش عارف استوعب فمش بهتم بالمعلومه
الاحداث عكس بعض و الاخبار علطول مسمومه
بس اتعودت من صغري ان الطرف التالف هو الحكومه
ائتلافات فساد مين مات العب برموز الدوله
جوله بعد غلوه فيلم قصير سموها الثوره
سمموها بفكر عتاوله ولا حول للميتين ولا قوه
بس استنى و شوف بلدنا فين بعد الفتوي
--------
بص شوف بلدنا بقت فين
انا عارف اني ميت في الحالتين
لو مشيت مع ده او مشيت ورا ده
اصل هما تبن مخبوز بالطين
عشان لما اموت محدش هيفتكرني
ولو افتكروا هيتاجروا باسمي 
الفكره من غير صوت مش هتموت
عشان كده هفكر و اموت في سري
-------
واقف وسط الغاز وسط طلقات الخرطوش
بتسألني عن حبي لبلدي فين لما كنت محبوس
كابوس بقيت رئيس لكل المصريين
سوري قصدي للاخوان المسلمين
فلو كنتم ناسيين احنا مين احنا الثوره يا جاهلين
بالنسبالكو الثوره كانت دوره باسم الدين
فاكرين مش خايفين حق اخواتنا اكيد راجعين
مهما طالت الايام كله عالظالم امين
 بنات بتتخطف في النهار مش قرار شعب ثار
 دخول ايران اعدام افكار قتل ثوار اغتيال احرار
مرشد اخبار رئيسكم دميه بتتحرك من ورا ستار
مبروك على الشعب زياده الاسعار
مصر للجميع طب ليه وطني بيضيع
مؤيد معارض و الفتنه في عرض و بيع
انت بتسمع الاغنيه و في ناس نايمه في الشوارع
بس افتكروا لما اموت ان الثوره فعل مضارع

Exotika (thank you for fucking up my life)

mahmoud refat

Related tracks