مين فينا﻿ جاي مرساها مين رايح
لحظة ميلاد الفرح كان في حبيب رايح
يا ابو الروايح يا نرجس ماتجس وتر القدر
تلقي حكايات البشر فيها عبير العبر صادح

زي النهار الطفل لما ينفلت
من بين ايادي الضلمة ويشقشق
انا شوفت روح الحق لما اتسللت
صرخت و في وش الخرس﻿ انطق
ادي البشر اوراق فيها عبير العبر صـادح

بان في عيون العصر لما زغللت
الليل يجيها يحني ضهر السيل
انا﻿ شوفت روح الخطوة لما اتبرجلت
عكازها ماشي بالخطي علي فين
ادي البشر اوراق فيها عبير العبر صادح

فؤاد حجاج

أنغام - حديث الصباح والمساء - المقدمة

وينفلت من بين إيدينا الزمان
كأنه سَحبة قوس فى أوتار كمان
وتنفرط ليّام.. عقود كهرمان
يتفرفط النور.. والحنان.. والأمان
وينفلت من بين إيدينا الزمان
***
الشر.. شرَّق وغرَّب.. داخل فى حوشنا
حوشوا.. لا ريح شاردة تقشقش عشوشنا
حوشوا.. شرارة تطيش.. تشقق عروشنا
وتغشنا المرايات.. تشوش وشوشنا
وتهيل تراب ع الهالة والهيلمان
وينفلت من بين إيدينا الزمان
***
الغش طرطش.. رش ع الوش بُوية
ما دريتش مين بلياتشو.. أو مين رزين
شاب الزمان.. وشقيقى مش شكل أبويا
شاهت وشوشنا.. تهنا بين شين وزين
ولسه ياما وياما ح نشوف كمان
وينفلت من بين إيدينا الزمان

(سيد حجاب)

مقدمة مسلسل أرابسك

الموسيقار ياسر عبد الرحمن - موسيقى أغنية ليه غناء روبي من فيلم ليلة البيبي دول

"ياسر عبد الرحمن - موسيقى أغنية ليه - من فيلم "ليلة البيبي دول

ما عارف والنهاية واحدة
اخرها بترسى عالوحدة
مش فارقة واحد من واحدة
محدش امن الدنيا ولا الايام

فى حب يعيش باسراره
وحب بتحرقة ناره
بناءا على الى نختاره
حياتنا اخترنا تفاصليها لسنين قدام

عينى عينى على الى حبوا الفتره ديه
عايشين كده زى التمثيليه
ده ضحى بدى وده ضحية
وده بلا احساس

عينى ده مدارى عينيه ودارا دمعتها
ودى دبلت قدام مرايتها
ودى عملت عشان كرامتها حساب للناس


ما عارف والنهاية واحدة
اخرها بترسى عالوحدة
مش فارقة واحد من وحدة
محدش امن الدنيا ولا الايام

عيون مش صافيه وتامل
فى ناس مضطره تتحمل
وناس كان  نفسها تكمل
وفى اللى فراقه كان دنيا لقاها عذاب

فى وحده بتقسى تتاوى 
وتتلون وتتلوى
ووحده ضعيفه من جوه
ومن غير حضن يحميها ولابتنام


عينى عينى على الى حبوا الفتره ديه
عايشين كده زى التمثيليه
ده ضحى بدى وده ضحية
وده بلا احساس

عينى ده مدارى عينيه ودارا دمعتها
ودى دبلت قدام مرايتها
ودى عملت عشان كرامتها حساب للناس

ما عارف والنهاية واحدة
اخرها بترسى عالوحدة
مش فارقة واحد من وحدة
محدش امن الدنيا ولا الايام

Mahmoud Ismaiel

Popular tracks