رجع القائد رجع الفائد ( اهلا بيكو رجعت ارازيكو ) عصام صاصا الكروان - توزيع كيمو الديب
أهلاً بيكو رجعت أرازيكوا

آسف أساميكوا مش بعرف أشوفها

لسه ما مُتِّش بس ما عشتش

ربع العيشة اللي أنت عايشها


حسبة واتأجلت كذا مرة

كان لازم إني أحسبها

أول ما جاتلي الوقعة

أنا كنت هتدمر

كيمو الديب


رجع القائد رجع الفاقد

قلبك جامد زاول الأسد

عين بصاصة استلمت صاصا

لكن ربنا مش على كيف أحد


شوفت الذل أكتر من الفل

وشوفت الغل في عين الكل

وأكيد ربنا هيعوضني

بس ساعتها أنا مش هحل


يلا ده الجاي كله على الله

عشان إنتو ما لكوش ملة

أنا شاب عمره ما جلى

أنا مش بخاف يابا


اسمي للمليارات اتقال

فكك من اللي اتقال

أنا رجعتي بزلزال

صاصا بطوله عصابة


الغلبان بسببكو اتهان

ما لقيتش مكان غير بين جدران

السلكان في السلة يا مان

أيوة يا جدعان عينكم بسنان


وأنت رايح أخوك كان راجع

أنا منحرف مش صايع

مستقبلي كان ضايع

وفوقت متأخر


لما وقعت ما حدش سد

ببص لنفسي ضحكت بجد

قلت يا ريتني ما كنت حنين

الجدعنة آخرتها دي سد


قلبي ساعتها صرخ من القهرة

وكانت سهرة بجد طويلة

لما لقيتني في شدة لوحدي

حسيت إني قليل الحيلة


فينكوا ما بقتش سامع عنكوا

وأنا جوة كنت حارقكوا

ربنا مش على كيفكوا

مستحيل أتظلم


بعد ما دماغي لعبت بيا

وقالتلي لسه شوية

نزِّلوا من اللي عليا

ربنا كان عالم


حسوا بقيمتي ساعة غيبتي

وحسوا إن أنا من بعدي خلاص

غير الأول كنت بحس

إن أنا مش حاجة في عيون الناس


الحمد لله ثابت نفسي

وسط عالم ما فيهاش إحساس

المحترم إتهان وإتفرم

اللي بيتشاف طيب يتداس


عيونها زرق ومش طبيعية

بتبصلي في عينيا

بتغير النفسية

بتخليني مبسوط


البت أمورة دي الأستاذة

يا إخواتي ع الغمازة

علشانك أنا هترازى

ولأجلك أنتي هموت


أنا مش مجرم أنا متعلم

بس الشر إختارني معاه

وأنا في الخير ما لقيتش مساحة

والدنيا دي عايزة اللي معاه


وأنا على باب الله يا إخواننا

وما ليش لا في كيف ولا إرشاد

بس أنا عايز أربي عيالي

لأجل القرش سافرت بلاد


قلبي بنتي اللي كعبها أحمر

في بطاقتها إسمي منور

دي مراتي وأنا مش هقدر

أحب بعديها


لو غبت 100 سنة تستناني

دي بتغامر علشاني

ليل ونهار فاكراني

أنا حتة منها

مهرجان رجع القائد رجع الفائد ( اهلا بيكو رجعت ارازيكو ) عصام صاصا الكروان - توزيع كيمو الديب

تحميل - استماع - اغانى شعبى - اغانى مهرجانات - اغانى عربى - فيديو كليب - Mp3 - تحميل مهرجانات. ... جميع الحقوق محفوظة
موقع مهرجانات دوت كوم - https://mhrgnat.com
 لطلبات الرفع او الدعاية :  01155574705

Comments

Heba Ezzat

Abdelmanem Abdeen

Abdelmanem Abdeen

Mahmoud Shihata

Mahmoud Shihata

محمدعلى أبو علي

عبدالله سيد

Jessica

Jessica

Abdelmanem Abdeen