شيلة نجوم الليل البوم شيﻻت حامد الضبعان

شيلة  سقاك الله يا يوم التلاقي كلمات الشاعر محمد صالح اداء نايف البذالي

سجة مع الهاجوس طبيعة لي 
طبيعة باموت ماجزت عنها 
أشكي على الخلاق وارفع له يدي
لاكثرت الأفكار يفك منها 
أما الكرم قد فاز به حاتم الطي
حتى الفرس من شان ضيفه طعنها 
خلوني اكرم في حياتي وانا حي 
ولامت مدري جثتي مدري من دفنها 
خلقت بالدنيا وانا ما معي شي 
وبروح منها مامعي شي منها 
مسكين ياللي تحسب الواجد شوي 
العافية لو تنشرى وش ثمنها 
ياجاهل الدنيا تراها كما الفي 
يامخبر اللي في حياته ومنها 
والا حارت لك قامت تروح وتجي
مثل الذلول اللي طويلن رسنها 
وان دبرت خلتك طايح ومرمي 
وكم واحدن له حاجتن ما ضمنها 
ولابد ما نرحل عن المزح والغي
ونسكن بيوت قبلنا من سكنها 
النفس مثل الغصن عايش على الري
ولولاه كل الناس عافت وطنها 
يالله عسى الحسنات تقضي على السي
لاقربوا للنفس ذرعات كفنها 

سجة مع الهاجوس = فهد مطر

الجو ماهو جو بيوت ودوامات

شيلة بعض البشر ودك حدود المعرفة معهم سلام ، وجهة نظر || علي بن رفده

على حسب تجارب الاولين.


الاوله
اترك مسافه كافيه بينك وبين الاخرين
بعض البشر ودك حدود المعرفه معهم سلام


والثانيه
اصمت ولاتحرص على كثرالكلام الصمت زين
اللي سكوته ساتره يمكن يعريه الكلام


والثالثه
واذا تكلمت احذر تكون اطول المتكلمين
السالفه لاطولت يضعف معاها الاهتمام

والرابعه
وامزح ومزحٍ باللسان اخير من مزح اليدين
مزح الرجال العاقله على حدود الاحترام

والخامسة
واضحك ولاتضحك برفع الصوت رفع الصوت شين
من الادب والذوق عند الضحك ضحكٍ بإبتسام

والسادسة
واكرم وبيبان الكرم واجد ولا يحتاج دين
وترى الرجال إكرامها ماهوب في كثر الطعام

والسابعة
واحلم ولا تعجل ولا تغضب ولا تشري بدين
وشاور ولو رايك معك لا شرت عداك الملام

والثامنه
واذا شريت بدين لاتبطي على المتجملين
كلٍ حلاله غاليٍ عنده لو انه مايسام

والتاسعة
ولاجاك مديونك معه بعض الوفى وبعضه لحين
فأستد باللي جاك وشدراك لله الدوام

والعاشرة
وترى التغافل فيه لذه وانشد المتغافلين
وان جات كلمه توجع اطلقها مع سرب الحمام

و 11
وارضى ليا جاك الرضى لو العذر ماهو سمين
وترى التسامح ميزة الساده رفيعين المقام

و 12
وصادق واذا صادقت ماجربت ماصادقت لين
اما يطول بك السهر والا يطيب لك المنام

و 13
واصدق مع نفسك وتلقى نفسك من الصادقين
والنفس خيل ابليس لاتعطيه نفسك واللجام

و 14
وليانصحت انصح خفى لاتفضحه فالحاضرين
ترى الرجال يقودها لين الحكي قود الخطام

و 15
ولا اتواضع في حضور العالم المتكبرين
تكلم بنفس الطريقه معهم ونفس النظام

و 16
واخلاقك وتواضعك عامل بها المتواضعين
ونصف الادب مجامله جامل ولاتجامل لئام

و 17
واذا تسولف عن طموحاتك مع المتفرغين
كنك تسولف للنصارى فالحلال و فالحرام

و 18
والعمر ماهو فرصةٍ وحده ولاهو بفرصتين
مع كل مطلع شمس لك فرصه وخطوه للامام
و 19
واهمها دينك وصير من المؤمنين
تدخل جنة ربك المعبود وتعيش بسلام
والأخيرة
هذا ولازلنا تعلمنا الليالي والسنين
والعلم اخير من الجهل والنور جلاي الظلام.

-شيلة بعض البشر  عبدالله علوش ( بصوت الشاعر علي بن رفده )

#منيف_الخمشي
#محمد_ال_مسعود
#زد_رصيدك6

لا تحرموني - محمد ال مسعود - كلمات: منيف الخمشي

Maimona.

Recent comments

بسمة الحياة

Noona Al3mri

User 564037206

User 202945656

Related tracks