الكل عندو الف عذر  
 باخدش منهم روح 
بعمل جهدي كل الوقت 
حتى يجيني الموت 
تارك وراي اسم 
فش حدا بجيني بصوب 
انا كتير واضح 
فش عندي للمزح صوت 

بعمرك ما تاخد الخطوة السهلة 
اذا بدكش تتعب مش دائما بتضمن عطاولتك لقمة سخنة 
عندي الوضع شغل شغل شغل ثم عطلة
بزيّن التعب بجوينت المسا هالشيڤا كحلة 
مش داخل وانا ساحب لا، بس معبي الجعبة
سنين ساكت وبدّي احكي قصص عن حالي للامة 
ولك انا من زمان ناطر اطلع اللي براسي من غرفة 
بكتب كل الوقت، بغطي كلشي شفت، بجوعي للكلمة 
بييجي وقت الكل بروح 
وانا محتاط من غير احباط صرت ماستر بالوحدة 
ايش فيك تقول قدام هيك عقول متحدة 
رح نخلي الكل يشوف كيف مندخن السنة ونطفيها بمكتة

روح - انتاج ميرك | Ro7 - Prod. Big Murk

لحقت النجاة، حبل عرقبتي لف 
تركت قلبي، حمل برقبتي دم 
سهرت ليالي اراعي، وانا بناجي بخيالي 
ليالي سنين مرت عيوني بعبوا سم 
بكل اهتماماتكم ما بهتم 
بواجه خرى اكبر من جيل شايل نفس الهم 
عايش اضعاف عمري، ومش شافي وجودي 
بحارب كل لحظة بضبط نفسي حتى الامور تتم 
افتح راسي لتشوف ايش ضالل من فيوزي 
قلت بقاتل الموت لضب عن ناسي وحوشي 
غبّيت كل الاذى لجرفني مع سدودي
بندمش عتضحية قد ما البال للهدا حنّ
واضحة ملامحي فش داعي احدد خطوطي 
خسران كلشي، فش اشي بهدد ظروفي 
اي معركة ما بتشيلني تاركها برا حدودي 
 مش اي خطر بهدد، مالكوم مل 

بعد كلشي شايفه مش لاحق اي كلام 
بضل دخن لاغفى غير هيك بقدرش انام 
كل الشكوك اللي براسي، بضل ماشي لقدام 
خضت حروبي لحالي، ومش فارق ان في كمان 
انا ميت من جوا، الخسارة بالهوا خال 
بعرفش ايش في برا، براعي قصر البال 
ماضي ععقد ترحال، ناسي الاستقرار 
شايف كلشي فاني، فجاني عقد الحال 
ايش ما يصير بضل هادي، بدخلش استنفار 
جرب تصيد بحارتي، بعمل منك غربال 
هيك العي بييجي، العين الحمرا بايدي 
واذا ما بتروح بتصير مبحوح ومنقص لسان 
مال مريض، ببعد عن البسط والالوان 
فال ابليس، ببعد عن البشر والاصوات 
فش حدا ممكن حاكيه وبعدها ارتاح 
لهيك بضلني اكتب لقيت لصدري مفتاح 
الكل بقلي وينك، بيعتب وبزت رماح 
فش طاقة اني برر، فبردش من الاساس 
كل الحمل عكتافي، بديش هموم للراس
ان ما بغرق بغراضي بتعطيني فوقهم كمان

حدود | "Prod: Big Murk"

كل الحديث اللي بينقال غالباً بروح بالهوا
تسألش عاللي بقلبي اذا عارف رح اقلك تعا 
بعملهاش الحمل اكبر مما بقلبك وسع 
ان كنت فاهم فاهم وان مش فاهم بلا 
ما تربيت اكون جاهز اواجه هالدنيا الخرى 
بعمر صغير من اخطائي تعلمت ربيت حالي انا 
كتير هادي، بفكر صافن بالسما من انا ولد 
بس الفرق هلق عارف من وين ممكن ييجي الاذى 
بكب سطول من القصص، اغلبهم مرض 
صرلي سنين شوي مشغول ومش عارف ايش مرق 
كتبت كتير من اللي عشتو ورق كلشي انحرق 
بذكر حالي بحالي باخد نفس وقت الشِدد 
مالكوم قارف الدنيا وكلشي انفرض 
جاهز اكون بالخدمة لنخلص اللي لسا ما انقرض 
حيوان او بشر، من النبات منخلي اللي فيها THC فقط

أحاديث "انتاج محراك"

الكل بيستنى مني خير، كاني ضيف ببلادي 
بقلب حالي كل الليل، بين يهر من جيابي 
لحالي متل سهيل، فش طريق لحبابي
بشرب من المرض ويل، كانه هيل بفنجاني

عندي كفاية حيل، بس وين صفي بالي
بناديه ولو بالحيلة، ومعدش راضي 
بحاجة وقت لسكينة، بضمنش حالي 
الحولي مش فاهمينّي، حقص اطرافي 


بس سلبي بحس، بس نبضي ادس
دم براسي بحمّ  او بكون يا دوب بنز 
من زمان بكز، هلق بختار البز
عالقليلة عارف الضرس، من وين الاشي جاني

بنقي الموت عالعز، بس ناطر اخر عنادي
وانا شايل هالحس، كيف بصيد احلامي 
بهرّب راسي من الوش، بالشغل والسم بالوجه
ممكن اقتل ما بكش،  كوابيسي باحضاني 

ابعت جنود وما بموت، بدي طقوس جلمود
قلق زت هالسيف وانا قلت يا كيف جود
انزل وابدا بقص الروس، من عقد لعلب السوق
اكبر عدد يركب من اصحابي والسين منسوق 

انسى كلام اهلك انا صاحب سوء 
بفتّح العين وما بذوق 
بدي اغط اصابع ذهب بالعسل و ادوق
صابر كتير وهاد الجوع، النِفس معدش تطوع 
عندي الخلق ان طلع ولطيزي يروح فجور 


ان ما زبطت مش حنروق، ما؟
انا عندي خلصت الحلول، فا 
راسي والف ساطور هالطاولة بدها تدور 
عندي حكي لدهور موسيقتي بتجبلي نور

Heel Bi Finjani هيل بفنجاني | Prod. '9L'9

Track produced by @cashew.prod Mixed and mastered by Satti

Thabit

Thabit | ثابت

رابرك المفضل الجديد 
جو معطّر من بعيد 
كلامي مدكّن تنجيد
راسي محشّى تأتيء
تقتيل الموت ليأتيك
من بين الموج يقصيك
من ايام اللوج مرّيض
من قاد الفوج تهريب 
صاحبي الزين صوّيب الخطوة للهدف غالية
جماعتي حيل الطريق الدفشة منهم كافية
ناسي بالشارع ترويق، بقولوا بدهاش تخطيط 
بمكالمة وحدة منجيب ارواح ان نفسك رايدة

ما بعمره جاني ستريس من ناس كايدة 
المرض الدايما بحس بس صدمات قاسية
قدامي الكون ومصرّ بدي حارة دافية 
قبالي الكوك ما بشم ولا بحب انوف صاحية 
عبالي اشُك بالسر حط اوهامي بخاتمة 
سكين شرياني تحز، ان بكس سنيني الباقية 
بهيك قلب كيف بحب، بسب تعليقتي السايبة
بقلها وحوشي بينا تحد، بفهمش ردت راضية
بضربة قاضية، يا انا يا انا هالسنة حاسمة
احمالي راسية، يا بر يا قبر عالباقي دايمة 
خيبتي حالها بانية رضا من اوجاع باينة 
افكار فانية، بغير قدر بحبة فشك نايمة
اكتفيت من القرف، الوان الغرف بتخري بترف
لون السما حيادي للعما مالوش بالاذى
بضوج من ولا شي شي بتيجيش من الهوا 
بمشّي وبشدّ ايد من حديد بقيس المدى 
تفكيك ضغوط بتعنيف، تكفيف عيون بتقليع
تفتيل عضلات ترجيل بطخ ركبة بخصيه
سكيني ساخنة زبدة كليتك دايبة شريك
سنيني خادمة زنزانة براسي ايمتى الريليس

Iqsaa' - إقصاء | Prod. nasam

في جرح براسي كتير قديم 
بالغضب بشد العصب ومش هاد الطلب لهيك بتشوفني حليم 
بحاول ما احرق حالي، سنين الروزنامة وراق خريف 
بس اتطلع بالمراي كل الندبات بوجهي بتصير 
صارت اربع صفار، افتح الباب واطلع صيد 
اي غبي بيلعب بالنار، بشوف بعيوني جحيم 
بكره الاستهتار، بنهار من اللي بيغلط و مع مين 
بكذّب النهار اللي رح كون فيه بنابلس وجنين 

وين يروح الحقد؟ ايش بتحتاج؟ كم سكين؟
بكون يوم سعدي اذا بطعن علب هالسردين
مش جاهز اشوفهم برجعتي عالحواجز منتشرين
الكل بيسرح بارضي وانا عند الكل غريب 
بعرف اضرب، دايما بمرّن ايدي كيف اصيب 
سنين صاحي بقاتل القلق، هلق القلق حليف 
كل النهار شغل، بنص الليل كتابة وتسجيل 
النا بالعي ضُلُع، منعد الاضلاع بتكسير

اذا بكون الموت بالقرب، ما بنطر، انا باجيه
ما بخاف من شي، بمشي لمصيري، وانا قابل فيه
لما يتكرر الاشي ببطل نجاة، بصير روتين
عارف نقطة قوتي، مش متوقع ولا بخسر شي

جرح قديم | Prod. '9L'9

El-Mahatta L'oula Album By Jundi Majhul .

Mixing : Hello Psychaleppo 
Mastered : Yahia Tello 
Artwork : Mohammad Saudi
Translated: Dana Muhajer

Lyrics English :

I learned how to fly without spreading a wing
They taught me that death of the people is a source of profits
Nobody gives you bread but the farmer
Except here, you own the land and its wheat when you hold a weapon
We weren’t raised to have ambitions
And it’s easy to generalise when you say we weren’t raised to be successful
We accept what we have
If it was a little
We left them ghosts
Who’s gone is gone, and the ones who stayed are loyal to the slaughterer

Chorus : 
Who told you i’m staying here ! Who told you i’m staying there !  
I draw circles in my head, I’m swirling
Wondering if I should come back or stay abroad
I will not be a slave, I won’t betray
I’m a prisoner without walls
And the helmet never holds a thought
Especially if you were deprived
Words affect with repetition
Home can never be built upon revenge
Slaves slaves
I will not move my hand from the paper until you move your finger from the trigger
Those who don’t have a home, don’t have the feeling of belonging 
There’s no doorstep
And there’s no more room for more differences
We all leave when all that’s left are few stones and few people
We travel
The righteous have betrayed
Death is destiny, but we are against it
Against the judges
When they use the monsters inside us, we write them a satire
We wake up on the voice of a stranger screaming “you are victims“
He eats what he can, and leaves us as left overs
I’m searching for my home.. So I define all the angles
We will get there, we will get there,  and we are confident even if we were walking barefoot

Msafer | مسافر

فش غير كفوف لجنون زنود لسجون 
عيون نار وعيون بتشفش منها غير جفون 
ايام رافع الرمح ايام مخطوف اللون 
شهور مخطوف اليوم سنين محروم النوم 

كل يوم بصحى اكتر من اللي قبله ماليش نفس اقوم 
نبشت قبري لأهرب من النكد طلع فيني مدفون
عايش عالصبر، ع جلدي قطع ملح بتحور 
فايش عالكره قطعت البحر بفلوك
بايع غراضي شاري ويد وخدود 
حارق وراقي بحبر جديد وبارود 
حاطط حطاطي من حطاط السين والجنود
كاتب كتابي عالبخت من قلة الحظوظ 
تارك سلاحي شايل جفت لاشيل هالطيور
تارس كياسي معبي حمل ومن غير اي صوت 
فالت كلابي فش حدا بجيني من اي صوب 
بحس بالوحدة ولو كنت مرافق من خمسين ابن موت 
شربت شفة من حياة بعيش فيها الف حوت
بقلبي بس وحدة جنتي فش فيها اي حور 
قبري عتمة ليل ما بتضويه شعب نور 
كلشي عتمة وانا بايدي معمّر براسي قبور

فش غير كفوف لجنون زنود لسجون 
عيون نار وعيون بتشفش منها غير جفون 
ايام رافع الرمح ايام مخطوف اللون 
شهور مخطوف اليوم سنين محروم النوم 

ما بهمني حدا، بفكرش بولا اسم 
بقلبي صور وعسواعدي حيكونو الف وشم 
الموسيقى شغف مش بعمل فيها اسم 
سمعتنا طيبة بس قلوبنا بشعة هاي مالكوميزم
بسمعش مالكوم هاد مالكوم نزق 
مش رح اعمل البوم قبل ما اضمن رزق 
مش رح اخد دبلوم قبل ما ادفن جسم 
بو كان قاصد السين لما قال تارك قشر بزر 
انا مكنس السيط من تحت اللي بقول فلان نزل 
بتركك تطير ولتصيد بدك من مالكوم درس 
اجمع حالك وجيب بتطلعو من مالكوم فخد 
بتكونو حابين تفوتو بلعبة بس مالكم جلد 
ببدا جلد والسوط ممدود بطول رقبة ملك 
اللي بدو يفوت بيسأل مباركة واذن 
ياما آسر وحوش، عامل جسمي سجن 
بقاتل الموت حتى على ناسي ما اطلعهن

Malkomism - مالكوميزم

كسرت أصنام عقدي وبطّلت احس 
فش غير بلطات وسيوف هالرقاب بتحزّ
حقيقي بكل وجوهي وولا واحد منهم بحبّ
ضحكتي مصطنعة اكتر من ضحكة ويل سميث
بطلعش مكان، بقعد بس وبلف سبليف 
ما بقابل حدا، لان ممكن افوت ب الف تريب
مش قادر او يمكن انا بديش اخفّ
ما بقاتل حدا بس اللي ببدا ايديّ جبال عليه بتكب
مالكوم بشع لهيك لسا ما عملت كليب 
مالكوم جشع ما بدوّر، كل مين لحاله يلف 
فترة خرى وما بتطول، بفضّل عحالي الف 
بحبش كلام الصبر، بس تشعل النار فيني بهبّ
تسألش ليش تغيرت، صرلي يومين ما عم سب 
بعرفش كيف صرت اللي انا عليه، ومن كم سنة كنت ولد احلامه بعدّ
آكل القلق بعضامه وعضراسي ستريس صوّان كل الوقت بشدّ. 



Recorded on my iPhone.

Jbaal - جبال

من سنين قلت مش قادر لسا جبال شايل 
كنت دايماً ولد شاطر ،الوقت خلّاني مسخ دايح 
مكنتش اسمع أديب الا اذا كان دايخ 
كل نهاري وليلي الجوينت عليّ داير 
شايفيني بدائرة وانا بس مبعد عن باقي الدوائر 
قاعد راخيها ماسك حالي عليكو صابر 
الورقة اللي بتنحرق فيكو ما بتمليها محابر 
كلكو محروقين ولو جيتو بأسطول، سطوري دروع 
بتجوعو وما بتلاقو لا فرع ولا مداخل 
فش اي قصد بس كلامي اهم من اي احساس تافه 
يا بسكت يا بكون للي قبالي قاتل، ما بحتاج أواجه 
بيني وبينك لازم تترك للامان مسافة 
الارض اللي مالك فيها خبز منها سافر 
وأنا عندي هون أفران، صغار بتغلط، كبار منحاسب 
كلكو صرتو جنود،  إعدام ميداني فيكو مطالع 
فيران بتفعي وانا موزّع مصايد فش داعي اطارد
بسكر الطريق بس اذا ايديّ بكون فارد 
عامل فيكو فواتير، وكتير فواتير مش دافع 
الف اصبع بعيوني وماشي، طريقي عارف 
حتى لو انطفوا، بتلاقي جماعتي بآخر الشارع 
الك مني عين او عير، عن لساني العتب رافع 
اذا الهيب هوب game بتهمنيش قوانين ولا اتخن لاعب
عندي بانش لاينز اقدم من كمان عبده داغر 
اذا بتسمعهم بتسأل من وين باراتك جايب

Jbaal - جبال

Malkom

Recent comments

rapid one

Related tracks