ياما قلنا .. ياما حكينا ــ
 نص : خالد الحمروني (أبو شادي) والطيب بوعلاق 
ــــــــــــــــــــــــــــــــــــــــــــــــــــــــ
ياما ڨلنا .. ياما حكينا
ياما طْرَزْنا في لْيالينا
لا الطّرز تْهرَّى لا بادْ
لا باد الضَّـيْ بْعينينـا
***
ياما ڨلنا فُكُّوا الڨمرة
من جَرح اللّيل وْخَبّوها
عالنّاس إلِّي ما يْحِبّوها ،
وْياما ڨُلنا خبُّوا الجَمْرة
طَيِّ الغُنَّايَة وْغَنُّوها
يْجِي نْهار وْلازم تلڨُوها ،
تلڨُوهـــا في ڨلب الميناء
وِالملح مْعَرّڨْ في سْفينة
تلڨُوهـــا في الحقل الغافي
في هَبِّةْ فلّاحُه الحافي
في مَنْجَمْ .. مَصْنَعْ بَاكْتَافِي
وَاكْتاف أسْلافي بانِينَــــه
وْياما ڨُلنا .. ياما حْكينا
***
ياما ڨُلنا فُكُّوا الحِلْمَة
من كلمة وْسَمُّوها بْلادْ
وَامْلُوها بْضحكِةْ لُولادْ
ياما ڨُلنا حُطُّوا النَّجْمَة
حِذْوِ النَّجْمَة وْعَدُّوا الوادْ
للخَضْرا غَضِّةْ الَأنْهادْ
مازالتْ تُمْشُطْ في فكرة
تنسج وِتْفَتّڨْ في ذكرى
مازالت تزرع في نخلة
في الْبَرّ وْتِحلِفْ ما يَخْلَى
تحلم بالشَّمس وْلا أحْلَى
مِنْ شَمْسَة في ڨَبْضْ يْدِينا
وْياما ڨُلنا .. ياما حْكِينا
***
وْيا طَرْزِ الكلمة وِالمَعْنَى
يا فكر وْساعِدْ عَرَّاڨْ
ما تْخاف اللّيل الوَهّاڨْ
وْحتَّى لُو الْوَحْشَة تُوجَعْنا
وْجايَعْنا منبع دَفّاڨْ
بالوَعْيْ الهادر ، وِرْفاڨْ
تْحِلِّ العُڨدة .. تْمِد شْراعْ
وِتْجيب الحق إلّي ضاعْ
تْمِدِّ الخَطوة .. تْفِيضْ خْضارْ
وِتْجيب مْنِ اللّيل نْهارْ
تِحْمِلْ ، تِتْحَمِّلْ لَوْزارْ
ولا تْڨُول تعبنا وْلا عْيِينا
وْيا خضرا
لا طَرْزِكْ بادْ
وْلا باد الضَّيْ بْعِينينا
وْياما ڨلنا ... ياما ڨلنا

ياما ڨلنا ياما حكينا ـ نص للطيب بوعلاق وخالد الحمروني أبو شادي

اوجاع انواع.   عمرو كمال 2022    AMR.   KAMAL.mp3

هصفي حسابي جديد 2022 عمرو كمال.mp3

أغنية أنا قادر - من مسلسل جعفر العمدة بطولة محمد رمضان - غناء أحمد سعد وأداء صوتي هشام الجخ

حكم وامثال   يوسف شتا By Ahmed Gamal

احمد شيبة ..بتحوروا وبتكدبوا

Ana Elasas

انا الاساس

مشاركه علي اليوت يوب العالمي ممدوح https://www.youtube.com/channel/UCo-5cVzdo4ZSQ3JtBeFy_WQ

العالمي ممدوح اسماعيل01229293355

مزمار انا الاسد اهوه للمصرى

اغنية حكايت بنت سكرانة غناء مادي مالك - دربكة العالمي - توزيع دربكة - مادي

مبحبش الخنقه ولا الغتاته ... واكتر شي بكرهه بحياتي الغباء 

احمد شيبة ..بتحوروا وبتكدبوا

MALA

Related tracks