Í sjötta þætti koma bæði himnaríki og helvíti við sögu.

Málfarslögreglan veltir fyrir sér muninum á skírn og nafngjöf og vitnar í biblíuna sér til stuðnings.

Og fyrst að vitnað er í biblíuna má líka bölva og ragna. Það gerir málfarslögreglan þegar hún veltir fyrir sér blótsyrðum.

Hvernig er eiginlega hægt að blóta á íslensku? Svör við því fást í sjötta þætti.

6. þáttur

Hvað þýðir að lesa sér til gagns? Málfarslögreglan veltir því fyrir sér ásamt dauða íslenskunnar.

Það er ástæða til að vera áhyggjusamur yfir dauða íslenskunar, því það er blika á lofti í framtíð hennar.

Í þættinum er einnig fjallað um sjaldgæft orð, virkir í athugasemdum fá sinn skammt af ráðleggingu og lokum verður spáð í veðrið.

7. þáttur

Málfarslögreglan pælir í hvað gerist ef við tökum upp númer í stað nafna, reynir að koma í veg fyrir forheimskun virkra í athugasemdum og blæs til kosninga.

Er hægt að vera forheimskur?

Hvert er orð ársins?

Svör við þessum spurningum má ef til vill nálgast í áttunda þætti.

8. þáttur

Málfarslögreglan Veltir Fyrir Sér Stórum Og Litlum Stöfum Í Upphafi Orða, hugleiðir jólatengt orðalag og segir frá valinu á orði ársins 2017.

Hlustendur fá loks tungubrjót til að japla á yfir jólin.

9. þáttur

Hér hefst önnur þáttaröð.

Málfarslögreglan veltir fyrir sér nýjum íslenskum orðtökum og afhjúpar orð ársins. Virkir í athugasemdum fá skyndikennslu í stafsetningu. Hvað þýðir að kasta inn handklæðinu? Svar við því fæst í þessum þætti.

10. þáttur

Í ellefta þætti svarar Málfarslögreglan bréfum frá hlustendum, veltir fyrir sér stafrænum tungumáladauða, einkaleyfum á orðum og gefur virkum í athugasemdum og fjölmiðlamönnum góð ráð.

11. þáttur

Loforða- og yfirlýsingaglöð málfarslögregla snýr aftur úr góðu hlaðvarpsfríi, veltir fyrir sér mismunandi tilefnum, talar um tölur og afhjúpar orð ársins 2018.

Hvort á að segja að eða af tilefni? Hvers konar ritháttur á tölum fer í taugarnar á Málfarslögreglunni? Og hvert er orð ársins 2018? Svör við öllum þessum spurningum leynast í tólfta þætti.

Málfarslögreglan

12. þáttur

Málfarslögreglan gefur fjölmiðlamönnum nokkrar athugasemdir, fjallar um sameiningu greinarmerkja og jarðar nokkur ofnotuð orð.

Hvað þýðir að vera kýrskýr‽ Hvað er Interrobang‽ Má ekki draga úr notkun einhverra ofnotaðra orða‽

Svör við þessum spurningum leynast í þrettánda þætti.

13. þáttur

Í þetta sinn veltir Málfarslögreglan fyrir sér yfirvofandi viðburðum, pælir í eignarhaldi og svarar bréfum frá hlustendum.

Geta jákvæðir og skemmtilegir hlutir verið yfirvofandi? Er hægt að eiga alla skapaða hluti? Hvort á að prófa eða prufa?

Svör við þessum og fleiri spurningum má finna í fjórtánda þætti.

14. þáttur

Málfarslögreglan snýr aftur úr nokkuð góður sumarfríi, hrósar stórfyrirtæki í þættinum, veltir fyrir sér mismunandi áhrifum orða, skoðar óþolandi orð og blæs til kosninga um orð ársins.

Hvenær fá orð þegnrétt í íslensku?
Eru öll orð jafn rétthá?
Hvað er málfátækt?
Hvert verður orð ársins 2019?

Svör við þessum og fleiri spurningum leynast í fimmtánda þætti.