أمل الحيارى | الشيخ حسين الأكرف | ليلة الأربعين 1444 هـ

📍 حسينية آل ماجد - كربلاء المقدسة
موشح قصيدة يوم 16 صفر 

[ الله يزيدك ]

🔹أداء :
الشيخ حسين الأكرف

🔹كلمات :
أ.رضا درويش 

🔹الهندسة الصوتية:
محمد عليق

🔹 إنتاج:
AlAKRAF OFC
__________________
🔹 الكلمات:

‎يا شوق المحبين .. كــلهـا تـريــدك
‎زُوارك مــلايــيـن .. والله يـزيـــدك
‎يا كـلمة هـله بـحجم الـسماوات
‎عشنه وشفنه يحسين الكرامات
‎والله يزيدك
#

‎ابـكـلـشي يــمُـر .. مَـــدّ وجـــزُر
‎إلاْ أربـعـيـنك خــارج الـمـقياس
‎فــي كــل سـنه .. ايـزيد الـمُنى
‎و أْكـثر مِنِ أول يكبر الاحساس
‎أرض و سـمـه .. نـفـس الـسِـمه
‎حتى الملايك زحمه مثل الناس
‎مــــن كـــل جِــهـه .. مـتـوجِـهه
‎والــجـاذبـيّـه قُـــبــة الــعــبـاس

‎وجـعنه .. بس ابحضرتك يبرد غليله
‎دمـعـنه .. ويّه فاطمه الـزهره نـسيله
‎سـمَعنه .. وصّـل كـربله ظعن العقيله
‎رجعنه .. غير حسين ما عدنه وسيله

‎نـعجز نـلقى تـفسير ..  لو أي عباره
‎أعظم مُعجزه اتصير .. يوم الزياره
‎نــار امـحـبتك بَــرْد و سـلامـات
‎عشنه وشفنه يحسين الكرامات
‎والله يزيدك
#

‎مـــن أربـعـيـن .. لأربـعـيـن
‎وانـته بـعمرنه سـيّد الأيـام
‎عشنه النِعَمْ .. شـفنه الكَرَمْ
‎والله يِكِثّر خيرك ابكل عام
‎لــو نـخـتلف .. مـا نـختلف
‎نـتوّحد اقلوب ودمع وآلآم
‎نــوصـل إلـــك .. نـتـوسّلك
‎تـكتب أسامينه من الخدام

‎ابكـتـابك ..ضـامن جـنته كلمن تـسجلَه
‎مُصابك .. ماحد في القلب ياخذ محلّه
‎فـي بابك.. كل مستعصيه نلقاها سهله
‎تُـرابـك .. أفــلاك الـسـمه تـنـزل تِـقَـبله

‎زوارك ريـاحـين.. تـفـرش دربـهـم
‎الله ايحبنه يحسين.. كلما نحبهم
‎خِـدْمـَةْ زايــرك أعـلى الـمقامات
‎عشنه وشفنه يحسين الكرامات
‎والله يزيدك
#

‎شـفـنـه الـنـهـر .. يـنـزف صــور
‎بــس الـصـور كـلـها بــلا جـفين
‎وشـفـنـه خـيـم .. تـرسـم عـلـم
‎بس العلم صابه سهم في العين
‎شـفـنـه بــعـد .. هــامـه وعــمـد
‎وكـلمة (يـزينب) نازفه صوبين
‎وشـفـنـه جــرح .. مــا يـنـشرح
‎كـلما نـشيله نـاده خويه حسين

‎عـلـينه .. مــرت ذكـريات الـغربه والـويل
‎لـقينه .. عطشانه الصور بس الدمع سيل
‎اجينه .. من ليل احدش عشنه العمر ليل
‎بجينه .. كد ما داستك فوق الصدر خيل

‎رد امـصاب عـاشور .. جاب إلنه مقتل
‎نسمع زينب اتزور .. بس مو على التل
‎من دون الزياره نصبح أموات
‎عشنه وشفنه يحسين الكرامات
#
‎عـشـنـه الـسـفـر .. عـــزه وفــخـر
‎بـــس الـعـقيله عـاشـت الأهــوال
‎طـــبـــع الـــيـــرد .. بـــيـــده ورد
‎وزينب ترد لك واعله جفها احبال
‎مـــتـــغـــيـــره .. مـــتـــحـــيـــره
‎عــنـك تـسـايـل والــدمـع ســيـال
‎رجــعـت تـــون ..شـــوف الـمـتـن
‎وانـتـه الـلي أدره سـيدي بـالحال

‎يـخويه.. جـم مـره الـشمر شفته ضربني
‎يـخويه .. جـم مـره مـِنِ احـبالي جذبني
‎يخويه .. أصعب لحظه من يقعد يسبني
‎يخويه .. ذيك اللحظه بس دمعي غلبني

‎جـيـتك قـلبي مـحروق ..  عـيني أهـلها
‎خدر الزهره في السوق .. تمشي بحبلها
‎بـس اطــمّــن ابـــرغــم الــعــذابـات
‎عـشنه وشـفـنـه يحسـين الكرامـات
‎والله يزيدك

موشح - يا شوق المحبين - الشيخ حسين الأكرف

أعمال | الحاج باسم الكربلائي

التَّسجيل والهندسة الصوتيَّة 
مأتم السَّنابس 
مملكة البحرين
1446 - 2025

‎كم جرح قاسي | الرَّادود سيدجلال البلادي | ليلة ذكرى استشهاد أمير المؤمنين"ع" | 1446هـ | 2025مـ

من اكون | قحطان البديري | قدمت وعفوك عن مقدمي

التَّسجيل والهندسة الصوتيَّة 
مأتم السَّنابس 
مملكة البحرين
1447 - 2025

‎ جيل الحسين | الرَّادود كميل عاشور | ليلة 2 محرَّم الحرام | 1447هـ | 2025م

‎ إباء الحسين | الرَّادود سيدهاني الوداعي | ليلة 3 محرَّم الحرام | 1447هـ | 2025م

‎ عرفتك | الرَّادود حسن نوروز | ليلة 4 محرَّم الحرام | 1447هـ | 2025م

‎ انتصار النحر | الرَّادود حسن نوروز | ليلة 4 محرَّم الحرام | 1447هـ | 2025م

منبر الحب

موكب_زنجيل_مأتم_الحاج_عباس    
        ~~ِ 
 ليلة سابع محرم   ١٤٤٧هـ       
     ~~
ليلة ٧ محرم 1447هـ     ~~  

الرادود: #حسن_التحو
~~ 
الشاعر : #سعيد_العصفور
~~   
قصيدة : #ياكفيلي
~~

الرادود #حسن_التحو | يا كفيلي | ليلة سابع محرم ١٤٤٧هـ

مأتم السنابس: تأسس سنة 1965م، أعيد بناءه سنة 2002م. إدارته تنتخب كل 3 سنوات انتخابا عاما مباشرا من خدماته إقامة الشعائر الدينية والمحاضرات واحتضان تعليم الصلاة.
البحرين · alsanabis.org

‎كم جرح قاسي | الرَّادود سيدجلال البلادي | ليلة ذكرى استشهاد أمير المؤمنين"ع" | 1446هـ | 2025مـ

mAlsanabis

Related tracks