Name: عبده داغر / سماعي بياتي شوري by Mamdouh Elgebaly 2
Duration: 15 min 25 s
Description: الفنان الكبير عبده داغر في سماعي بياتي شوري من مؤلفاته بمصاحبة كبار عازفي مصر .. حفل بالمركز الثقافي الفرنسي بالقاهرة 1995

إذاعة الجمهوررية  العربية المتحدة  من القاهرة  
~~~~

أول كلامي سلام
وتزققيني الكلام
أيام في حضنك أنام
يا مصر يا أمنا

وأطلع في نور الأدان
إذا دعا الوالدان
المدرسة.. والميدان
الأنسانية هنا

~~~~~~~~

من نور الخيال وصنع الأجيال نقدم هذا البرنامج عن تاريخ القاهرة

أشعار :  فؤاد حداد
ألحان وغناء : سيد مكاوي
 
يا سامعين  أبناء بلد واحده
تحت السما الواحده وجيل بعد جيل
القاهرة  قالت  وقولها  الحق
أشهد بأنك يا ابن آدم جميل
بانى البيوت  على بعضها  بتميل
فى الجو ريق الإنسانيه يسيل
شفتك  بتمشى ونظرتك على فوق
ودايرها  زغروطه وحطب وغسيل
شفتك يا سقا مالى  ماء النيل
شفتك منادى وشفت خطافك
من سوق لتانى لألف ليله يشيل
شفتك  بطبله وناى وزماره
حتى بأماره زادت الشخاليل
شفتك تقلد   ضحكة  الهتما
أيام تبيع  العطر والمناديل
شفتك يا جندى بسن رمح طويل
شفتك يا شيخ الفضل يا عبد ربه
فرحان بالاخضر والنسيم العليل
شفتك يا حاج وانت راكب جمل
زى الهلالى وحَبّه  طلت النخيل
شفتك يا فارس يا غنى يا أصيل
شفتك يا سهار النهار بالليالى
يا منحنى وماسك دولاب الفنون
بقانون تقسمنى
والبسط ترسمنى
واكبر تسمسمنى
وأتوه تجيب لى دليل
ولمّا عرب الصحارى عمروا الحاره
وأصبحوا فى الغرام ع السطح بحاره
شفتك يا شاعر تنشد المواويل

**
شفتك وانا طاله من المشربيه
تشبه فى رايحاتك وجايّاتك
إلف الحمام له غيه فى التهليل
يضرب بمنقاره على  الجؤجؤ
خفيف وتقيل
شفتك وجاتنى من العيون مراسيل
سَمّعنى سجع هديل
وتعالى قول لى إن جفنى كحيل
ولا يستحيل
من ألف عام أرجع على نياتى
من مشربياتى إذا طليت

***
طليتِ بشعور البنات الحور
يا فجر متكحل بليل مسحور
انتِ اللى حنّت لك جبال وبحور
الوعد وبياتك
فى مشربياتك
ريحة ماورد وجنّه يا قاهره
غاوى القمر  واللى غوى يشفيه
صوتِك يلاغى والغوايش فيه
طَمّنّى قلبك انى عايش فيه
وشكرت  آياتك
فى مشربياتك
ريحة ماورد وجنّه يا قاهره
شباك فى بيت مؤمن وقلبه دليل
نوّر لى بالسهريه والقنديل
أمشى القيراط اللى سقاه النيل
واسمع حكاياتك
فى مشربياتك
ريحة ماورد وجنه يا قاهره
غمضت عينى وعشت ألف ميعاد
وفتحت عينى وزاد معاى الزاد
كنت الولد وصبحت ابو الأولاد
ما دريتش وحياتك
فى  مشربياتك
ريحة ماورد وجنه يا قاهره

***
حبيتك الحب اللى عمره سنين
متّعت عينى  وما انتهيتش حنين
كل اللى عاشوا فى حضرتك حلوين
والأحلى جاياتك
فى  مشربياتك
ريحة ماورد وجنه يا قاهره

**********
يارب تشفى الصدور

يارب توفى الأمهات الندور

يارب تمنع عن ولادنا الويل

زاحفين على السواحل سلاسل نور

والبحر من دمياط يحيي السيل

واترتبت ع الخطوة رجلين الشهور

والصبر أملك من عنان الخيل

حتما على قدام وحتما ندور

والحصن فى عكة عظيم الليل

يلقى الآذان بيشق فوق السور

الحق ياولاد العرب منصور

فى كل أرض اتكلمت عربى
.
**********
الأرض بتتكلم عربى وقول الله

ان الفجر لمن صلاه

ماتطولش معاك الآه

الأرض ..الأرض .. الأرض

الأرض بتتكلم عربى
الأرض بتتكلم عربى ومن حطين

بترد على قدس فلسطين

أصللك ميه وأصلك طين

الأرض ..الأرض .. الأرض

الأرض بتتكلم عربى

الأرض بتتكلم عربى سبل وكروم

تجرى اللقمه على المحروم

ما تثبتش حصون الروم

الأرض ..الأرض .. الأرض

الأرض بتتكلم عربى

الأرض بتتكلم عربى ياخيال

بيعد سيفك أم عيال

ظهرك ياما من الأجيال

الأرض ..الأرض .. الأرض

الأرض بتتكلم عربى

الأرض بتتكلم عربى ولا ترتاح

واصل كالسيل المجتاح

فتحك ياعبد الفتاح

الأرض ..الأرض .. الأرض

الأرض بتتكلم عربى
يا سامعين أبناء بلد واحده
تحت السما الواحده عرب بيقول:
أيام تسعتاشر بتحيى الحى
و تخلى فنان البلد مسئول
يا سامعين يا اهل الزمان الجاى
ليلكم منور فى العزب والقرى
كان ياما كان من مبدأ الذاكره
الشمس طالعه وصوتى مش سامعاه
حرمت أغنى لها وانا فى الدرا
فتحت شباكى وقلبى معاه
وجبت ريح البحر للقاهره
وطلقت حنجرة الفتاه والشاب
ورفعت فنى الى مقام الشعب
الثوره ضاربه فى صميمى جدور
أغنيه أمنيه قدر مقدور
الحدادين نافخين معاى الكور
الثوره ضاربه فى صميمى جدور
أغنيه أمنيه قدر مقدور
الحدادين نافخين معاى الكور
والخبازين قايدين معاى الفرن
أخبز لكل الناس عشا وفطور
والفلاحين ماليين معاى الجرن
داقين فى قلبى السبع والعصفور
منورين المونه والمعجنه
كاتبين لى أيام الزمن والسنه
نسمه بنفسهم جايه متلحنه
وسؤال فى ودنى زى نبض النور
يا مصرى يا سيد وابوك درويش
النيل بيجرى والا ما بيجريش
النيل بيجرى والعجل بيدور
والفجر طالع بالصنايعيه
ومصر لازم تبقى مصريه
وكل كلمه تقولها أغنيه
وكل أمنيه وأمل دستور





 

من نور الخيال وصنع الأجيال في تاريخ القاهرة | سيد مكاوي وفؤاد حداد | من تسجيلات الإذاعة

‎⁨ لونجا النيل القديم / كمان - الأستاذ عبده داغر / العود - حازم شاهين

Abu El Ila Muhammad - Ya Malih Al Lam/ الشيخ أبو العلا محمد - يا مليح اللمى

من ديوان أبو فراس الحمداني وألحان عبده أفندي الحامولي.

الشيخ سيّد الصفطي - قصيدة أراك عصي الدمع 1920م

الفنان الكبير عبده داغر في سماعي بياتي شوري من مؤلفاته بمصاحبة كبار عازفي مصر .. حفل بالمركز الثقافي الفرنسي بالقاهرة 1995

عبده داغر / سماعي بياتي شوري

Abdu Dagher & Ammar El-Sherei

بمناسبة ذكرى القصبجي، مقطعين من تسجيلين مختلفين. الأول يعزف فيه القصبجي مقدّمة رقّ الحبيب على العود في حفل ما، يليه مطلع الأغنية من حفل لأم كلثوم 
--
https://soundcloud.com/aesamk5/sets/26-1966p

موسيقى رقّ الحبيب (محمد القصبجي - عود) مع مقطع من حفل 1954

صالح افندي عبد الحي
قصيدة/ كم بعثنا مع النسيم سلاما
مقام بياتي

عبده داغر / سماعي بياتي شوري

Mamdouh Elgebaly 2

Recent comments

Nshwan

Nshwan

Related tracks