جميل بشكل 🥺💙💙💙💙💙

متألقة كالعادة🥹♥️♥️♥️♥️♥️

اللهم بارك يامنوره ♥️♥️♥️♥️♥️🥺

جامد يا منار اللهم بارك🥹♥️♥️♥️

عااااش لحبيب قلبي 🥰♥️♥️♥️♥️♥️♥️♥️

جوابات الأسطي حراجي القط
الجواب الثاني والرد
عبد الرحمن الأبنودي 

الجواب الأول والرد https://youtu.be/TX3ILW3BceE

الكلمات

الجوهره المصونه
والدره المكنونه
زوجتنا فاطنه أحمد عبد الغفار
يوصل ويسلم ليها
في منزلنا الكاين في جبلاية الفار
أما بعد ..

فهذا تاني خطاب ..
باعتين طيه ما قدرنا المولى عليه ..
وعنبعتلك في ظرف الجمعه .. طرد
الطرحه والجزمه بتوعك ..
وكساوي عزيزه وعيد .
دورت الحسبه ف راسي وقلت يا واد يا حراجي ..
هو يعني قانون العيل ما يدوقشي الكسوه ..
غير في العيد ؟
أمال كيف العيل حيحس بأبوه جنبه
إذا كان الأب .. بعيد .. ؟

بقى أول ما دلقنا يا فاطنه بابور السد على محطة إسوان
أنا والجدعان
حسيت بالدوخه .
مش أول مره باسيب جبلاية الفار .. ؟
رحنا المكتب
طلعنا البطاقات ..
ومضينا على الورقات .
أآآآه يا (( فطاني )) لو شوفتي الرجاله هْنِهْ
قولي .. ميات .. أولوفات ..
بحر من ولاد الناس ..
إللي من (( جرجا )) واللي م (( البتانون ))
واللي من (( أصفون)) و (( التل))
جدعان ..
زي عيدان الزان ..
سايبن الأهل .
وتطلي في عين الواحد يا ولداه ع الغربه ..
عارفه يا مرتي الراجل في الغربه يشبه إيه .. ؟
عود دره وحداني ..
ف غيط كمون ..

حسيت بالخوف ناشع في عروقي زي البرد .
قضينا الليله الأولانيه في أي مكان .
العين مشقوقه..
والبال ..
زي الغله اللي بتسرسب من يد الكيال
وندهت عليكيم قلت :
(( يافاااااااااطنه أنا بنده
سامعاني ؟
سامعيني يا عيال ؟ ))
النبي لولا الخوف واللومه من الرجاله ..
لركبت القطر وعدت
قبل ما أروح لموظف
قبل ما أرد سؤال.
وقعدت أعقل نفسي وأقول : يا حراجي يا بوووووي
أمال جيت ليه ؟
الخايف من الغربة ما يجيش
اتحمل علشان كسوة عيد ..
ورغيف العيش
لكإنك ياخي رحت (( الديش ))
من خوفي يا مرتي
قعدت أهدي الرجاله .

فاطنه ..
أول ما تفكي الخمسه جنيه
اطلعي ع الفور ..
وإدي حساب (( عمران )) وجنيه (( بمبة الصباغ ))
والباقي زيحوا بيه القارب
لما يعدلها الرحمن.

سلمى ع الوِلد ..
وع (( الحاج التايب ))
بلا كتر كلام ..
سلمي على كل اللي لينا فيهم نايب ..
وإوعي يا فطنه لما ارجع وأبص ف وش اللولاد ..
أعرف إن أبوهم كان غايب .
وإحنا هنا بنستنى الجوابات بفروغ صبر
طول ما الجوابات رايحه وجايه .
اعتبري كإني باجي أشوفك..
واجى .

زوجك لوسطى حراجي

رد فاطمة علي زوجها
وصلنا الطرد وجانا المبلغ يا حراجي ..
أحياك الرب وأبقاك ألفين عام ..
ولا عاد يقطعلك عادة ولا حس..
ولا يقفل لك كف ..
ولا يطوي من قدامك سجادة الخير والسعد ..

اما بعد ..
فإحنا وزعنا المبلغ زي ما قلت..
ولعلك ما تشغلشي بالك بينا وأبقى في راحة بال ..
إحنا يا حراجي – بعد الشر-
إن ضاقت بينا الحال
يكفينا ريال
كفايه علينا البسطاوي الظهر يخطي عتبة الدار .

إمبارح ..
جانا (( الشيخ قرشي )) ..
وخبط ع الباب ..
جه ساعة المغرب
قاللي : لا بدن ما نبص لعيد ..
قاللي : (( يا بت المرحوم ..
الواد لازمه الكُتاب ..
يوم السوق ..
إتدلي هاتي له قلمين بوص ..
ودواية .ولوح )) ..
وضحك .. بعدين قاللي :
(( لحسن يطلع لوح ))
وأنا بيني وبينك يا حراجي عاوزاه يكبر
ويعوضنا عن الأهل
ويعمل لنا قيمه .
عاوزاه تكون قيمته ف جبلاية الفار قيمة القيمه .
اللي بتقوله عن أسوان يا بوعيد ..
حكايه ولا حكايات أبو زيد ..
هي يعني .. مش زي بلدنا .. ؟
أمال ناسها بيسووا إيه .. ؟
ما بيشتغلوش ليه ؟
وإنت ..
طول عمرك راجل صاحب فاس
فهمهاني دي
لاحسن عامله في راسي زي الخبطه ..
كيف صاحب الفاس يصبح أوسطى .. ؟
في الليل يا حراجي تهف عليا ما عرف كيف ..
هففان القهوه .. على صاحب الكيف ..
وبامد إيديا في الظلمه ألقاك جنبي ..
طب والنبي صُح ......
ومش باكدب يا حراجي .
وباحس معاك إن الدنيا لذيذه .
كيف حال (( عبد العال )) و (( على اب عباس ))؟ ..

وقوللي يا حراجي ..
بتاكل كيف . ؟
وبتلبس إيه ؟ وبتقلع إيه ؟
بتنام فين ؟
قاعد في المطرح مع مين ؟
مين اللي بيغسلك توبك
وبتتسبح فين .. ؟
في نهاية القول ..
أنا رح أشيع عيد ع الكتاب ..
فابعتله ووصيه على شد الحيل ..

وجميع الناس في الجبلايه
عايزين لك كل سعاده وخير ..
وبيتمنولك تاني ترجع في سلامة ..
تعمر مصطبتك ..
وتقيد اللنضه في الدار ..


زوجتك
فاطنه أحمد عبد الغفار
جبلاية الفار

ــــــــــــــــــــــــــــــــــــــــــــــ

لمتابعة جيتار على مواقع التواصل الإجتماعي : 
يوتيوب: https://www.youtube.com/channel/UCWdWKizKPIyHbIIr9j76BzA
فيسبوك: https://facebook.com/guitaar.official


جوابات الأسطي حراجي القط | الجواب الثاني والرد | عبد الرحمن الأبنودي

كان نفسي تفضلي ..

من كتاب "توأم الشعلة" 
تأليف: هند البنا
أداء وهندسة صوتية وميكساج: زينب فرحات
في دار المكتبة العربية للنشر والتوزيع قاعة 2 جناح 22 B

صوت الونس

من كتاب "توأم الشعلة" لهند البنا

اصداف علي بحر

يا نجاة!  أنا كامل ـ أحمد إبراهيم إسماعيل

ماذا تفعل عيناك هنا!

الأيام الصعبة

 كتبت القصيدة في فبراير 2021. في فترة خدمتي العسكرية، بعد الانتقال من مركز التدريب إلى القوة الأساسية


.

في الأيام الصعبة..
في الأيام اللي كإنها غُربة
ومش غُربة
الأيام اللي بقيت فيها هَزيل..
خسران وزني
ولوني الأصلي
وقلبي..شويه شويه.. بيفقد كل جميل
بافتكرك...
فا ترِق الشمس الحاميه على «الكـاب الميـري»
وبَحس ان ماحدش فـ الكون - وقتها - فرحان غيري
وان انتي جميلة
جميلة وأكبر من طاقتي..
أكبر من إني أغيّر «أعزَب» فـ بطاقتي
وان الجنيهات اللي فـ محفظتي.. وما تقضّيش مصاريفي
لما افتكرك.. هاتقضّي

وهاقولّك ايه..؟


الليل فـ «الخدمة» غبي وبَردُه ما يرحمش
لا «الأفارول» بيدَفّي
ولا بعرف اشِّد سلاحي تمام
م التلج فـ كفي..
بس انا زي ما سيبتك.. واكتر
أخشَن م الأول
خَدت على الرمل لحد ما شَرّبني خشوْنتُه..
خَدت على الليل ونجومه
وع القمر النعسان
واتعلمت فـ مُدّة بسيطة حاجات ما اتعلمهاش إنسان :
الصبر... ماهوش مفتاح
الصبر سلاح
ومافيش ولا حاجه تحوّأ فـ اللي اتعلم يصبر
واتعلِّم..
إن الأيام على قد ما هيَّ بتمشي بطيء
هاتعدّي

إمبارح
ودّعت صحابي اللي اترحَّلوا
وكإننا في المينا..
ودَعيت :
إن كان الحظ ها يتغابى معاهم
تبقى اسماعيلية.. سويس.. إنشالله حلايب
مش سينا..
وقولنا: مسير الحي ها يتلاقى
وحَضَنِتني أيادي.. يا دوب عرفِتني ايام معدودة
وشَدّت على كتفي كإن العِشرة ما بيننا سنين..

تحترم الأيام حُزني..؟
لا.. دي تزيدُه!
وأنا مكسور
مَسكاه الأيام من إيده
أمي النخلة.. الوتد الثابت في الأرض
اتهزّت
فا اتهزّيت..
وكتمت الآهه فـ حَلقي
لحد ما واحد صاحبي - بدون قَصد - لَمَس جرحي 
بكيت..
والصول لما عرِف حالتي
ادّالي أجازة
جريت
وكإني بسابِق خطوِة رجلي لحد البوابة..
وكإني بَزُّق فـ جسمي عشان يوصل أسرَع
وكإن فـ إيدي حِبال.. وبَشِدُّه بعِزم ما فيّا
عشان يبقى قُرَيّب مني
بَشِدّ البيت...
رايح لِلّي من قبل ما اقولّها ألف سلامة
هاتحضُنّني
وهاتقول: مالك؟ هَفتان كده ليه؟ .. واسمَرّيت!
هاتبوسني
وهاتبَلّل خَدّي الناشف بدموعها..
هاتحَسّس ع الضلع الناقص من صدري
وتملاه بضلوعها..
وانسى فـ زحمة حكاويها انا ليه أصلاً جيت!

سَنَدِتني النظرة الراضية اللي فـ عينها....
وسألت الكُتُب
المترَمِّيّه فـ كل مكان
عن سر الإنسان.
عن خوفه
هزيمته
صموده
عن الأحزان..
وازاي قدام جيش كامل يبقى أسد؟!
ويخونه حَنينُه لـ أُمه
فا يعرف إنه جبان! 
...

الأيام الصعبة - شعر - خالد سليم

برومو ديوان السياله

مقاطع من رواية (سنوات الجري في المكان)
*****************************************
تأليف: نورا ناجي
هندسة صوتية وآداء:زينب فرحات

مقاطع من رواية (سنوات الجري في المكان) لـنورا ناجي

ايه هو الأثر وازاي ممكن يعيش زمن مع ناس غيرنا ويغير حياتهم من غير ما نحس حتى بعد ما نفارقهم.

ماذا تفعل عيناك هنا!

Manar Atef

Recent comments

Sherin Ahmad

Shahd Mustafa.

Walaa Esam

Sara Salah

Related tracks