يسقط يسقط حكمـ العسكر

فى طباعها صوره منى <3
فهمانى وشايله عنى بأستمرار <3

Dodo & Yortii & Lartii & Bosbosty

قبل ما تقرأ ياريت تشغل المزيكا اللى تحت دى :)) 

#هلوسه " الجزء التااسع "

- بوابات الانفصامـ - 

" اعترافات  - البوابه الاولى "

المكان " كافيه "

الزمان " من شهرين " - من قبل اول جلسه - 

المشهد " براح قد ما خيالك يسمح "

البطله " ساره " 

مع " منى " صاحبتها من زمان :)) ~


منى : ازيك دلوقتى ؟!

ساره : أسوأ مما تتخيلى !

        - لسه مفيش جديد ؟

        - فى

        - أن ؟

        - كلمنى ,,

        - عنها ؟

        - عنى ..

        - قالك ايه ؟

        - قالى انى ملكت جزء كبير من حياته .. وانى حد كويس

        - بس انتى مدركه وجودها جدا يا ساره 

        - لأبعد مدى

        - صارحتيه ؟

        - صارحته 

        - وكان الرد ؟

        - ان مفيش حد فى حياته وانه مش مستعد لخوض قصة حب 

        - بس بيكدب

        - عارفه

        - وقولتيله ؟!

        - أقوله ايه ؟! أقوله انا بحبك وبثق فيك بس انت كداب ؟! بتحب ومخبى وجود الحب دا ؟

        - وكان ردك ؟

        - انى راضيه بأى وجود فى حياته ,, تحت اى مسمى ,,

        - ليه ان شاء الله ! للدرجادى بتحبيه ؟!

        - للدرجادى محتاجه ليه

        - نفسى افهمـ ايه مدى حاجتك ليه ,, اللى يحول الحب للخضوع والاستسلام دا

        - عمرك سمعتى عن " الببلومانيا "

        - لأ دا ايه دا كمان ؟

        - دا مرض نفسى .. متعلق بالكتب ,, المريض بيحب الكتاب اكتر من نفسه ,, وبالتحديد الكتب القديمه ,, رغمـ ان الكتب القديمه ممكن تأذيه ,, وتجبله مرض صدرى ,, الا انه بيتعلق بيها اكتر من مامته ,,

        - والمعنى ؟

        - انى رغمـ عارفه عيوبه وحدود اذاه فيا واصله لفين ,, الا انى بحتاج حاجات كتير فيه ..

        - الحب ؟

        - الصمت ,, ريحة عطره ,, الامان ,, القوه ,, الضعف ,, البعد ,, الرغى ,, 

        - التناقض

        - الانفصامـ ,,

        - غريبةة ,, دا مجنون ,,

       - بمقاييس الكوكب ,, بمقاييسى انا ,, هو اعقل الموجودين

       - وجودك جنبه هيحرقك

       - عطارد جنب الشمس ولسه متحرقش

       - بس مفيش حياه جواه

       - كفايه انه فى حضن الشمس

       - هتصارحيه امتى ؟

       - لما يبطل يتعامل زى الشمس 

       - نعمـ ؟

       - أى مجنون يقدر يقف قدامـ الشمس ويعترف بالادمان ؟! 

       - المجنون اللى بيحبها 

       - فى وجوده يا منى بنصهر ,, ببقى سامعه صوت نفسى كأنه صوت بركان جوايا ,,

       - للدرجادى ؟

       - حضوره بيبقى زى حضن الشمس للأرض

       - بتتحرقى ؟!

       - بدوب

       - ولما يغيب ؟

       - كلامه بيصبرنى عليه 

       - أى كلام ؟

       - أى كلامـ بينا ,, رساله قديمه بعتها زمان ,, كلمه كانت بينا .. Like سابه على كلمه كتبتها ,,

       - ياااه

      - كل حاجه بيعملها بتبقى توهه جوايا ,, بتتحفر ,, كأنها وشمـ

      - بتحبيه ؟

      - بكرهه ,, بحقد على كل حاجه حواليا كل حاجه لمساه ,, بتخنق من فكرة انه عايش

      - ازاى يعنى ؟

      - كونه عايش ومش جنبى وفى حاجات لمساه وبشر وياه بيجبرنى اكره وجوده

      - بتتمنى يموت ؟!

      - بعد الشر

      - انتى متناقضه 

      - احتمال اكون ,, بس راضيه جدا بالجنون 

      - ليه كل دا ؟

      - عشان الملايكه مبتتوجدش بينا كتير ,, وعشان مش كل واحد هقابله هحس فيه حب الغياب
 وعشان مش هلاقى منه فى كل راجل موجود ع الكوكب الا جزء بسيط ,, 

     - يعنى محدش يشبهله ؟ ولو فى حاجه واحده !

     - عشان اقدر أوجده فى حياتى ,, لازمـ اجمع بين 100 انسان ودا حرامـ شرعا ~

     - فيبقى مفيش حل غيره

     - هو الحل لكل حاجه فى دنيتى فى نفس الوقت هو سبب كل التعقيدات

     - هتصارحيه امتى ؟

     - بعد أول غياب ,,

     - يعنى أول حضور ,,

     - هو على طول فى حضور فى قلبى :)) ,, اول حضور دا تشبيه مينفعش ,,

     - أول غياب له من حياتك ؟

     - أول اختفاء له من El Chat Box 

     - غريب اللى رابطك بيه

    - شريان ,,

    - وهتقوليله ايه بقى ؟

    - هقوله يحاول يكون قمر ولو لـ ليله واحده ,, عشان اقدر اعترف ,,

    - رغمـ انك عارفه بوجود حبيبه للقلب وحبيبه للرغبه و و و ؟!

    - رغمـ انى عارفه انه ملاكـ وكتير عليا ,, محدش بيتناقش مع الشمس فى تفاصيل حياتها

هلوسه - الجزء التاسع - بوابات الانفصامـ - أول بوابه

هلوسه - الجزء العاشر - البوابه التانيه

رساله من الفرسان - Message From Uwk07

ماشى بدون قدمـ .. مسنود على العدمـ 
أضحك فى الضحكه شوكه ..
بتضحك مـ الألمـ ..
ألمـ يطول واصرخ واقول ..
مين ياخد قلبى المليان ؟؟

Manar Tawfeek

Popular tracks