منار صديق

اكرام بت العز الكي كدي

طه سليمان الاوصفوك

منذ استقلال السودان ظل سؤال تأسيس الدولة السودانية رغم إلحاحه سؤالاً غائباً عن ذهن الحكومات المتعاقبة، من دكتاتوريات وديموقراطيات، مثلت أيدولوجيا حامليها، غير آبهة بواقع السودانيين ومعاشهم، بل ومسرفة في البطش والتشفي من مخالفيها. أتت ثورة ديسمبر مدفوعة بآمالٍ وأحلام بحجم الوطن، ظلت تدفع بزخمها لتخلق واقعاً جديداً وتكسر تكرار الحلقة الشريرة، لكنها ووجهت هي الأخرى بذات العقبات، وذات التساؤل، قول لي يا سودان متين، تختار طريقك بي فهم؟ فهل كانت على قدر السؤال؟ 
يأتي فيلم #الدروب كمحاولة لتوثيق مأزق الدولة السودانية منذ استقلالها وحتى تتويجها باعتصام القيادة العامة، كحلم جميل، يجسد أقصى آمال السودانيين وأحلامهم بشكل بالوطن المنشود. الدروب، أغنية للسودان والسودانيين في كل مكان وزمان، دروب الماضي والحاضر والمستقبل، وتذكيرنا جميعاً بأن: #الأمر_أبسط_من_كدا.
الدروب أوبريت غنائي وفيلم وثائقي موسيقي ذو طابع ميلودرامي. 
زمن العرض: 22 دقيقة
يتركب الفيلم من عناصر بصرية مختلفة مبنية من مواد أرشيفية ذات طابع سياسي وثقافي وفني واجتماعي بالإضافة إلى عناصر جرافيك معالجة مع بعضها في شكل طبقات بصرية.

استغرقت صناعة العمل حوالي ثلاث سنوات عولج فيها أكثر من:
10,500 ملف (صوت وصورة)، 500 مجلد و4500 طبقة بصرية.

استغرقت مرحلة تسجيل الأصوات فوق ال100 ساعة عمل موزعة على مدة سنة متقطعة نسبة لظروف البلاد في تلك الفترة، بينما استغرق التوزيع والتنفيذ الموسيقي والميكساج أكثر من 3000 ساعة عمل. واستغرق التصميم الصوتي للفيلم مدة أسبوعين. ويأتي العمل في حوالي 276 طبقة صوتية (تراك موسيقي).

رابط الفيلم على يوتيوب: https://youtu.be/EVJieWKn9fI
#سودان_وبس_سودان_كفى



الدروب | Alduroob

Compass Creative Productions


31 مارس2023
الدروب أوبريت غنائي وفيلم وثائقي موسيقي ذو طابع ميلودرامي

كتبت كلماته بعد سبتمبر 2013، وبدأ تسجيله أثناء اعتصام القيادة العامة في مايو 2019. أما العمل على محتوى الفيلم نفسه فكانت بدايته في أبريل 2020.
الدروب فيلم موسيقي حقوق نشره مفتوحة لكل سوداني في كل مكان وزمان (فيما عدا المواد المشار إليها في المصادر إذ أن حقوقها تعود إلى مالكيها)

كلمات : محمد الحسن، الحان : حسن زروق ، توزيع وتنفيذ : مازن حامد
اداء: 
ماهر سامي، يوسف سعيد، محمد عبدالجليل، محمد صغيرون، 
هاني عابدين، الشاب أمير ، أحمد كمال الحاج، رانيا حسن، 
محمد توفيق البرير، محمد الفاتح زولو، روني، مازن حامد،
محمد شبكة، ملاذ غازي، سلافة الياس ، آلاء قدور

الكلمات:

قول لي يا سودان عليك 
عرق الغلابة و همهم 
إنت بتمش فوق الدروب 
أم هي بتمش فوقك تجرب حظها 
و كل مرة هي بتحرق دمهم 

و قول يا سودان عليك 
دمع الثكالى و نخجتن 
سايل على خدّك سنين 
إنت البتذرف للدموع 
أم هي بتسوقك خلفها 
لجمات حزن طول الزمن 
شقيش يسيل دمعك تمش 
وين ما يكون حزنك تكون 
كل ما تناديك أنتن
 
واقف 
أظنك ليك زمن 
كل ما سمع عنك طريق 
جا وجرّبك 
أو خربك 
يمشيك يدوسك ما بخاف 
فزعة ولاد واقفين حداك 
ولعلّهم 
نايمين كمان عنك زمن 
و ما بهمهم 
ماشين سنين درب الجمر 
تعب الجمر من تحتهم 
يدفن خطى الأحلام هشيم الأمنيات 
تذرو الرياح آثارهم 
تاه الطريق من خلفهم 
لا هو استبان 
لا وصلوا هم 
يا وطني ملطشة الدروب 
حتى الدروب ملّت خلاص 
ملت رمادك تحتهم
ما بحسو هم
 
من روسيا جابو لك طريق 
تملاو رفاق 
كسوك من لبساتا صوف 
صيفك بيضحك اختناق 
عرّاقي بس 
بقضي الغرض 
يا اولادي ما هذا الطريق 
الكلو ضيق 
الحر نضم 
و الحر وهم 
والثورة تاكل في جناك 
والأمر أبسط من كدا 

من مصر جابو لك زقاق 
قالو بتمر 
أخوان منو؟ 
أخوانا أم أخوان بعض؟ 
صالح منو العام في الفساد 
هل نحنا هم؟ 
ياخ هم منو؟ 
و الأمر أبسط من كدا 

ما بين مصر والروس 
دريبات من وهم 
أسياد نهم 
خمّونا خم 
باسم الذي ما أرسلم 

هل ديل ولادك يا وطن 
هل كنت عاق؟
لا
أبدا وحاتك لم تكن 

لم تكن 
إلا النسيمات في الصباح 
تملا القلوب 
و تفيض سماح 
إلا البسيمات 
في وجوه أطفالنا 
كم علّمتها الحب في كفاح 
إلا المعالم في الدروب 
أشجارك 
أحجارك 
و أنفاس الملاح 
تحكيك بدون ما تقول 
فللطيب افتضاح 
تحكيك تنادينا وتقول 
الفجر لاح 

ما قلت ليك الأمر أبسط من كدا 
سودان وبس سودان كفى 
الكل غلط 
وانت اللي صاح 

آخر سؤال ليك يا وطن 
قول لي سألتك بالقبيل 
رفعوا العلم 
رفعوهو ليه؟ 
وفضل الألم 
في كل شبر 
دمعات ودم 
فرحتنا هل كانت وهم

قول لي يا سودان متين 
تختار طريقك بي فهم 
تختاها ملطشة الدروب 
تختى الوهم 
شان الغلابة وهمّهم 
شان الثكالى وأنتن 
قدام هناك 
شايل مزامير الفرح 
نبراك نحنا وحلمهم 
نبراك نحنا وضحكتن 
في كل قلب 
تلقى الدرب 
تبقى الدرب 
نبرى الوطن

الدروب | Alduroob

يا ودود الابتسامة - العقد

‎⁨حامد أب سبح خسارة

الملاك السامي – منار صديق

منار صديق - حبيبي اكتب لي - ليلة عبيد عبدالرحمن 2017(

منار صديق ليه يامرادي

منار صديق في حبك ياخليلي

منار صديق عشان هواك حبيت

تم التسجيل بإستديوهات شركة سوني بكاليفورنيا لوس أنجلوس عام 1999
برعاية منظمة Sudan Information.
ظهر التسجيل لأول مرة بتاريخ 5 مارس 2012.
قام بالتنفيذ والمشاركة كل من:
يوسف الموصلي بالتعاون مع مهندس صوت أرجنتيني في الإشراف الفني والمكساج يدعى راؤول فيرناندو 
كورس الفنانة هادية طلسم وآمال النور
وتريات: مجدي العاقب - ميرغني الزين - أحمد باص - ميكائيل الضو - عمر منصور - عثمان مبارك 
أورغ: ماهر تاج السر
ساكسيفون: حامد ساكس 
وسيكشن براس: عازفين أجانب
جيتار: كاميليو 
بيز ودرمز: عبدالحفيظ عبدالقادر كرار

Album

حبيناك من قلوبنا - إستديوهات سوني، كاليفورنيا، لوس أنجلوس 1999م

منار صديق ليه يامرادي

Manar Siddig

Related tracks