تيم

مع الطيور - مصطفى سيد أحمد

الكابلي: 
أي صوت زار بالأمس خيالي
طاف بالقلب وغنى للكمال
وأذاع الطهر في دنيا الجمال 
وأشاع النور في سود الليالي 
أي صوت زار بالأمس خيالي 
(...) 

الكورس 1: 
إنه صوتي أنا 
زاده العلم سناً 
إبنة النور أنا 
أو تدري من أنا
أنا أم الغد أسباب الهنا 
أنا من دنياكم أحلى المنى 
كل حب في الورى نبع حناني 
كل نبع دافق بالخير داني
من ينابيع يغذيها كياني 
أنا نصف قد حوى كل المعاني 
من يدانيني أنا؟
أنا أم الغد أسباب الهنا 
(...)

الكابلي: 
نعم هذا الصوت قد زان خيالي 
بجمال دونه حسن اللئالئ
فهو للمجد نداء واستجابة 
جفوة الظلمة للنور مهابة 
يا شباب الغد أسمعني جوابا 
يقتنيه الجيل في الدنيا كتابا 

الكورس 2:
إن عزمي.. من فتاتي مستمد 
فهمي ذاتي،، ومرآة لصفاتي 
كل خير في حياتي 
لك آت.. لك آت 
فاطمأني يا فتاتي 

الكورس 1+2:
كل ما فات يرتجي 
قد سلمنا من الزلل 
فلنعد ولتعد لنا فرحة العيد والأمل 
فلنعد ولتعد بنا سنة الله في الأزل 
سوف نرقى سلم المجد رقيا 
ونفيض العلم ينبوعا رويا 
وننادي بتلاقينا سويا 
ونشيد العلم صرحا أبديا
نحو سودان جديد
نحو سودان جديد 

الكابلي - فتاة الغد (أي صوت زار بالأمس خيالي)

وجيده اغنية الفنان سيد خليفه بصوت اﻻميره نانسي

اغنية بلدا هيلي انا من البوم موجه

نانسي عجاج/ بلدا هيلي انا

ما بتشبه القمر البتاوِق مِن سما 
ولا بتشبه البحر الخدار
جمالا ماحاق في غُنا
مشيها زي قدل البشاير بي مَهَل 
وحديثا زي همس النسايم للنخل
ايدينا صابِغِن الورِد 
وسلاما زي روق الجداوِل في الأرض

نانسي عجاج ورائعة أبو عركي -من معزتك إنتي ليا-

محمود عبدالعزيز - بحسك

النص الكامل لقصيدة الراحل الشاعر الكبير محمد الحسن سالم حميد :
كلمات اغنية ست الدار محمد النصري

لقد عجبت جدا حينما قيل لي ان محمد النصري غنى هذه القصيده
ولم اصدق حتى سمعتها فاصابتي الدهشه 

محمد الحسن حسن سالم (حميد)
ست الدار بت أحمد قالت :
ليك يا الزين ود حامد شوقنا
أما بعد ،
المبعوتة المنك .. وصلت
ورُح فكيت الطلب الفوقنا
باقي الدين يا الزين خلصتو
قدر الفاضل .. مصروف راشد والتومات
والجايات من جاي .. لا جاي
زي ما قت لك قبال ده 
شهر إتنين حا نطهر راشد
شهر إتنين المدرسة تأجز
الله يبعد العارضي تجينا
وراشد حالف ما يطهر
إلا أبوهو وعمتو تحضر
وإلا يجيبو الغنايين
شان الشوق بت سرنا ترقص
قلنا نجيب المداحين
طنطن .. أنا جاي من الحج
وعارف راشد لما يطنطن
كل الدنيا الفيي تطنطن
غايتو بشر .. بس ربو يهون
ما كلمتك بالتومات
أول البارح جني يرطنن
قالن نحنا الخواجات
بسم الله .. مرق حصلت
لقيت لك جعفر زارد البيت بالخواجات
يبقى حداشر وخواجية
ناس البلد الكسرو عليهن
صدو يقلبو في إيديهن
عدمانين من إسم حكيم
واللا خبيراً للمشروع
علماء آثار .. فضلت في آثار
ما خموها الجونا قبلكن .. شن خلولنا بلا حجار
الله يصرف الخواجات
بينات جعفر والمحجوب .. والمحجوب والخواجات
طقت حجي .. العمدة طفاها
باقي الناس الجات للفرجي ..
قنبو قيلو شبعو لحوم .. والخواجة يصور ساكت
ستة خرفن وتيس ما كفن
ستة خرفن في فد يوم
المعدوم أشكال وألوان
أي خدار في اليوم داك في
كملن رف كمين دكان
أول كفو الخواجات
بعدو العمدة وصمد الساقية
ناس المجلس والمشروع
بعدو الطلبة وباقي الناس
حتى الشفع والحروم
ستة خرفن وتيس إنصفن
ستة خرفن في فد يوم
جات من صالح بت كلتوم
تسكت تخبز طول اليوم
لمن حرقت الدولاب
قنبت المسكينة تدعي
الله يصرف الخواجات
غاية الليلة السقا يشولق
واطات الله دي ست رشاها
ما في غنوتاً ما غناها
ما في مدحتاً ما سواها
حمارو صبح لحق أمات طه
سب الدين والأمريكان
جنس بدع
زولك ده يحير
عند الجد كان أده ينقنق
عند الفارغة يشيل ويبعزق
إذكرت كلامك ليا .. 
إنو في ناس لاعبين بالدين
وناس لاعبابا الأمريكان
الله يصرف الأمريكان
الله يصرف الصرفيكان
ما خلوني نشدتك منك
كيفن حالك والخرتوم
كيف المصنع والعمال
حالم لسع نفس الحال ؟
وما رقوك سووك باشكاتب ؟
يورينا الله زيادة الراتب
كيف الناس والحالة عموم ؟
والعزابة الكحيانين
سيد البيت عل ما زكاكم
لسع تقعو تقومو براكم ؟
قلبي معاكم
ربي يخدر عود ضرعاتكم
بالي معاك يا الزين ود حامد
بالي هناك والشوق الشوق
خلى شدير الجوف محروق
راجي مطيرة الزين ود حامد
نحنا نصاحاً زي واطاتنا
نحنا نصاح إلا القراص والتجار والحاص البحصل كل صباح
شتلاتك قبضن
الحملان كبرن بلحيل
العضمين الروكة إنزرعن
اوعك تشفق من تالانا 
ولا نبقالك مشغولية
زيك واحد مستورين وما ناسين المسئولية
هي يا الزين زغرد 
ما قتلك ...
بت ام زين جابت لها بت
ستة أولاد حتان البت
المحجوب ينشد من خبرك
شافعو محسب من يومين
التومات طيبات ونصاح
إلا هباش بلحيل آ الزين
راشد كرر .. شهر اتنين كان ما جيت أنا ما بطهر
الله يبعد العارضي تعال
كان فد دور يدوك يا تعال
كان بالخصم إن شاء الله تعال
وما تتوصى .. وداعة الله
أوعى البشغل والعربات والحيكومة السمها فاير
أم أولادك ست الدار بت أحمد جابر
ست الدار بت أحمد كيفك
جاني جوابك مفتوح شارع
جاني جوابك وانا بتصور في ناس راشد والتومات
في الشتلات والحالة عموم
ناس حلتنا التحت .. الفوق
الليهم الله وعيشة السوق
جاني جوابك وانا بتصور 
في المشروع وعمايل جعفر
ولما بكيت .. يا ست الدار
أيوة بكيت .. يا ست الدار
لما قريت علماء آثار
علماء إيه يا بت الناس
سواح إيه .. ما عندك راس
ست الدار تتوهدبي ليه
ديلا جماعة السي آي إيه
تعرفي إيه السي آي إيه ؟؟
امريكان في كل مكان
ديل مالين الدنيا ملي
ديل قالين الخلق قلي
باسم الدين والأمريكان أي عوج مبدي ومختوم
صوتنا هناك وهنا مكتوم
ومافي فرق في الوقت الراهن بين واشنطن والخرطوم
أنا مأزوم .. مأزوم .. مأزوم
يا خرطوم وينك وينك
يا خرطوم شن شبّ وقلبك وسلبك
حلبك ؟ زنجك ؟ بجتك ؟ نوبتك ؟ عربك ؟
أنا مأزوم .. مأزوم .. مأزوم
يا خرطوم أزمني الصلبك فوق الطلحة الأمريكية
يا خرطوم .. أوه خرطوم .. أوه واشنطوم
طن .. لفتك فجراً يقطع رحطك
ست الدار سامعاني يا اخيتي ومرتي وامي وأم الكل
أنا بندهلك من شارع الله .. فوقي هجير والتحتي بقل
سبي معايا الشردو راجلك .. والحرمونا شوية الضل
سبي الحالة العالة علينا .. حتى احكيلك بالتفصيل
حاصل الحاصل يا بت أحمد
جاني وفد في المصنع زاير .. وكان الوفد ده أمريكاني
لفّ وفات اليوم التاني
جانا مدير المصنع فاير
وشو حمار العمدة العاير
نف.. المصنع فيهو خساير
وقالوا يخفضوا مائتين عامل
مائتين عامل في فد مرة
مائتين عامل .. مائتين عامل
يبقوا هوامل .. يبقوا هوامل ؟؟
ما يهموش .. الهم المصنع
تفّ قراروا وفات في حالو
مسئولين ونقابيين مافي العارض واللا اترجى
العمال من سمعوا احتجوا ... سيرو موكب صامد وصامت
إتضامنا معاهم سرنا ..
أب عرام دور عربيتو .. العربية الامريكية
زنقح خلا الموكب ثابت
احتجينا مع الإحتجو
إتكلمنا كلام موضوعي
قلنا المصنع حق الدولة .. والعمال أصحاب الحق
هي اللي تقرر والتتولى
هي البتحدد سير المصنع
إيد العامل هي القاع تنتج
ما المكنات الأمريكية
زيت العامل ياهو البطلع .. مو المكنات الأمريكية
ودرن الأيدي العمالية 
أنضف من لسنات الفجرة
ودين الدقن الشيطانية
ومن كرفتة البنك الدولي .. وكل وجوه الراسمالية
وأشرف من ..............
داك الحين المصنع هاج
جات عربات اللات بوليس .. فضوا العالم بالكرباج
والبمبان الأمريكاني
شرقت شمس اليوم التاني
كنا حداشر ونوباوية
متهمنا بالتخريب والتحريض والشيوعية
البوليس صاقع شيوعية 
وفاكر نفسو بنبذ فينا
هي آ بوليس أمك مسكينة
البوليس عمدني شيوعي
التحقيق طلعني مدان
التحقيق طبعاً تحقيقهم أو تحقيق الأمريكان
اسبوعين عديتن جوه
اسبوعين زادننا قوة
ست الدار ما تشفقي خالص
ست الدار أنا ياني الزين
ست الدار سامعاني كويس ؟
كل الهم ما يغشى الغم بيتنا وراشد والتومات
وكل الناس الحالهم شاهد
ست الدار الشوق الواحد
لي حلتنا وليكم ليكم
وللإشراقة في عينيكم
وكل الناس الزولهم صامد
شوق وسلام .
الزين ود حامد
ردي سريع .. باليد .. باليد
في دورين موعود بي شغلة
لمت لمت .. كان ما لمت أنا جاييكم وما ندمان
(بعد الحاصل والإتحصل ست الدار بت أحمد تكتب) :
زيني الزين .. أب حالاً زين
جاني جوابك .. يا المبروك
وسابني أشوف الدنيا كويس
وأعرف غلط الصاح مظبوط
سابني أميز .. وأقدر أفرز .. وأرجع أميز
فرحانابك يا أحزان 
فرح النار بي لوح الزان
مبسوطابك يا المبسوط
ما هزاني مصيرك
قدر ما أذوني الميتين عامل
ميتين عامل في فد مرة
ميتين اسرة تروح وين
في الأيام النجسة المرة
ميتين عامل؟؟
والله مهازل
والله عمايل
يا أوغاد .. وينا نقابة السجم الشوم
وين عمال السكة رماد
وين الطلبة ووين الوين
بعتو شفيعكم يا عمال
بعتو وجيعكم للراسمال
وشن راجين يا تعسا الحال
هاكم دي ..
والله مهازل
ميتين عامل ؟
والله عمايل
عامل ساكن في آخر الدنيا
وصل المصنع بآخر بنية
ينتج كيف؟ شغال بي فونيا؟
عامل ينتج عشرين حتة
تلحقو منها قيمة إتنين
ستة بغطوا المنصرفات
سبعة.. تمانية .. تسعة بغطوا
أدها تسعة المنصرفات
كل الفايض ..بدخل وين؟
قولوا البفضل بمشي لي مين؟
وبرضو خساير؟
والله مهازل
يا مضغوط .. خفض ميزك حبة تين
تنك القعدة تلاتة خطوط
خفف مرتك توب مضغوط
من التمسحبو كبابي الصين
خفض عمرك يا ابن الفانية
وبي نظارتك واجه ثانية
ثانية عيون الشغالين
ثانية وبس
والله مهازل
ميتين عامل ؟
ميتين بيت ؟
ميتين اسرة بلا راس خيت؟
ميتين اسرة ملوها جراح
ميتين اسرة حا تولد صاح
وليكم يوم يا أولاد الهرمة
ليه يا الزين بتوصي عليّ
وانا بت احمد ست الدار
ام اولادك وهم صغار .. ثم اولادك وهم كبار
وياك الزين ود حامد داك
كان متوظف .. ياكا الزين
كان متوقف .. ياكا الزين
ليش يا الدخري توصي عليا
اسبوعين قضيتن جوه
يبقى غصب .. زادنك قوة
ليش يا الزين بتوصي عليا
ليش يا الدخري توصي عليا
وعارف ام راشد والتومات .. مرتاً دغري وغلباوية
آه يا الزين .. لو كنت معاكم .. كنت بقيت النوباوية
ما تهتم يا الزين بالحاصل
واصل سعيك .. واصل واصل
واصل سيرك
كان ما كنت الزين ود حامد كان حا يكونك واحد غيرك
في فضاء فالك يا إنسان
نسمة تقولك في الإمكان
أبدع واحسن من ما كان
ياتو مطرتاً سوت شو .. فرقو غيما الأمريكان
ياتو رصاص ما عقبو خلاص 
ياتو سجن يا الزين ود حامد
ياتو محن تمحى الإحساس
لما يكون في الساس والرأس
ياتو وطن يا الزين ود حامد
ياتو زمن دام للأنجاس
طه ترابلتو راحو الديش
غزّا بكانا اتنين رطانة
صاقع كلو من اسماعين
هو الفسر لهن الشغلانة
ويا اسماعين
ما كان الديش شقّ مسيمعك بالجبخانة
لو المجلس قبل اوراقك .. أو في الثانوي لقيت لك خانة
لكن قدرك يا إنسان .. بلداً هاص هيصة جبانة
طالو الناس التريانين .. ضلو الله الما ضلانا
أخّدو نورة الحاج بالدق
باكر دور ما خشّ عليها
خاتي اللوم قطع التمرات الفوق راس بيتو
الخلفاء شكوهو وما لقو حق
المحجوب إتلقى اخبارك وقال جاييك في أول بص
البرسيم طهرنا البارح
نعجة راشد صبحت والدة
الحيضان سقناهن لوبي
التومات طيبات ونصاح
راشد طيب
وانا طيبين
كل الناس يا الزين طيبين
ينشدو منك في الأفراح
وفي الأتراح .. الزين الزين
ما تشغل بالك
بس يا الزين كان درت مشورتي
اصلو كتالك ياهو كتالك
تجي مندلي
الواطة تراها
وبي جاي جاي .. بندبر حالك
ما الحيكومة الضاقت دمك
عينا محل قبلت قبالك
شورتك عندك
عندك شورتك
والببقالك .. الببقالك
التمرات بعناها آ الزين
خفنا السوس ونزالة السوق
مبعوتالك عشرة جنيه
والأشواق من هنا لا عندك
ست الدار بت احمد جابر
تلغرافات :
نوري . السوق .. ست الدار بت أحمد جابر
المحجوب في قطر اليوم
عفش الزين
النوباوية
\\\\
الخرطوم .. الخرطوم بحري .. كشك الشعلة \ الزين ود حامد
راشد راقد والواطة جعفر طالق فيها بهايمو
ست الدار بت احمد جابر
\\\\
نوري السوق المحجوب ود أحمد جابر
كتب الزين .. كل الاوراق .. راشد كيف
النوباوية
\\\
الخرطوم .. الخرطوم بحري .. كشك الشعلة
النوباوية
أنا في السكة وست الدار
راشد ود الزين ود حامد


محمد النصري - ست الدار بت احمد

( Prod. by BlackStar ) نانسي عجاج - حنين

Broklin: "A ideia é a seguinte: a gente transforma "Ctrl+Alt+Destroy" na coisa mais calma e agradável que a gente sabe fazer. A gente transforma numa #BossaNova Clássica.
Imagina só: a batida suave do violão de nylon, a vassourinha na bateria... e nossas vozes, em dueto, sussurrando "Kernel panic! Segmentation fault!" como se fosse um segredo de amor no pé do ouvido. O contraste vai ser tão absurdo, tão desconfortável e tão lindo, que vai ser a nossa obra-prima mais subversiva." #TimeTraducao #TeamSoft

CTRL+ALT+BOSSA

رحلة بين طيات السحاب فرفور ليالي البروف

كلمات الشاعر هاشم صديق والحان الاستاذ ابوعركي البخيت

مركون في الوحده ونبضك يناجي القمر الغايب 
للحب تتشابى
 تغرس غرسك و تحصد حلمك شوك و غرايب
 لا الحب يديك سلام الرفقة.. لا عيونك تقرا سريرة صاحب
جواك قفر الرحلة و الغبن المجمر و السموم
جواك سيل الشده نازل من جبال الرحلة لي وادي الهموم 
جواك نقحي الوحده و العرق المفصد من مسام لهف النجوم 
قدرك تقيف في العاصفه منصوب الشراع 
مكتوب علي سكك السفر تعتر علي نصل الحصي 
و تزحف علي جمر الصراع
 
عيونك صايمة رقرق فيها الزمن المافي 
أحزانك صاحية دجت فيها حوافر الذكري النصلها حافي
معذور الفرح اللملم نفسو وقبل وشو وأصبح جافي 
لي متين يرجانا ونحنا نكابر 
لي متين يرجانا و ليلنا مشاتر 
نحنا نكابر و ليلنا مشاتر 
ووجعو خرااااااافى

ابوعركي البخيت - الوجع الخرافي

جديد : نانسى عجاج -حكايت "اغنية وطنية"

كان الفنان محمد الامين ينتظر وصول خطيبته سعاد زوجته الحالية من مدني وهو يقيم بأم درمان وتاخر وصولهم ..

وفي الاثناء جاءه صديقه الشاعر المرهف اسحق الحلنقي ورأى توتره لعدم وصول سعاد ..
فقال له :
( بيقولو الغائب عذره معاهو )

هنا صرخ ود الامين وبي احساسو الفني قال له ; دا مطلع اغنية
فكانت وعد النوار ...

(النسخه دي اضفت  فيها بعض اللمسات في الصوت عشان الجوده تطلع بشكل اكتر متعه)

وعد النوار (شال النوار) ✘ محمد الامين (نسخة خاصه) 🎧

رفقـــه 
الشاعر يحي فضل الله
 الحان ضياء ميرغنى 
غناء نانسى عجاج
----------------------
يا رفيق الهجعه
والليالي النجعه
في شروق النجمه
والقمر الصديقك
مين رفيقك ... مين رفيقك
التقتني يا صديقي 
في الدروب الما بتجيبك 
دفئ حضنك بالأغاني 
كلما يضهب طريقك 
وامسك الجمرة البتبرق
بين رمادك 
وبين حريقك 
رافق الدمعة البتعرف 
شاسع الحزن البعيقك 
لو فضل في العمر خطوة 
وسع الأحلام 
واهرب منو ضيقك
لي براح في الشوق بيتاوق 
من شبابيك غربة حبيبك 
ياخي سيبك 
من متاهات في الخواطر 
والمشاوير التشاتر 
ياخي سيبك 
هي ضلمة وانت عارف 
ضي بريقك 
برضو عارف 
قبل ما تختار طريقك 
ابقي واثق من رفيقك 
وامسك الجمرة البتبرق
بين رمادك 
وبين حريقك 
مين رفيقك
مين رفيقك 
غير شجن 
واشواق 
ولوعة 
وشحنة الحزن البصيبك
مين رفيقك 
انت عارف سر عشيقك 
كلما اتخمر عتيقك
مين رفيقك
ياخي سيبك 
من سليبك 
ومن سريقك
ياخي سيبك 
وابقي فتش عن طريقك 
يمكن الاحزان تسيبك

جديد : نانسى عجاج -حكايت "اغنية وطنية"

Mano Gamal

Recent comments

Mohammed Maaweya

فتح الرحمن عبد الحليم

انفال هاشم

انفال هاشم

Related tracks