موسيقي رياض السنباطى

 غريبة غريبة غريبة ومش غريبة
انى اكون ويا الحبيبة دنيا مبتسمة ورحيبة
وفجأة اكون زى القلوع ساعة الغروب مروحين
بلا شطوط ولا حنين وانطفى فى الحال من غير سؤال
غريبة غريبة غريبة ومش غريبة
انى اكون فى لحظة مخيفة خبر كان وسط الصحيفة
وفجأة اكون زى السطور المليانين بحاجات كتيرة منورين
وانطفى فى الحال من غير سؤال
غريبة غريبة غريبة ومش غريبة
انى اكون فى خطوة بريئة لما ادور على الحقيقة
وفجأة اكون زى الجنون جوة العيون ملهش كون كلهش لون
وانطفى فى الحال من غير سؤال 

(mansey) محمد منير _ غريبة

سيد مكاوى _ عندك شك في ايه  (Mansey)

بعد السلام و المرحبا
يا ولاد بلدنا يا طيبين
نفرش كلام المصطبه
واضح لكل السامعين
مصر الحبيبه الطيبه
أم البنيه والبنين
إشحالها في عز الصبا
إش حال ولادها المخلصين
وسط العواصف مركبه
بين ريح شمال
وريح يمين
***
جابوا
الطبيب ابن الحلال
كشف ما خاف
وشاف وقال
أهل البصيره في البلد
جواب كل السائلين
قالوا البلد
عايزه ولد
ياخد بتار المظلومين
ولد يعوض اللي راح
و يعلا فوق كل الجراح
و يمد إيده في الضباب
يشدّ أنوار الصباح
فيكم ولد يا سامعين؟
أجدع ولد
طب هوَّ فين؟
وهو مين
إبن البلد
يا ابن البلد يا ابن
الوقت وقتك يا ولد
يا قلب مصر ونبضها يا ابن البلد
يسري بطولها وعرضها يا ابن البلد
يا صبحها يا ابن البلد
يا ربحها يا ابن البلد
يا قمحها يا ابن البلد
يا نور سماها وأرضها
يا ابن البلد يا ابن البلد
الوقت وقتك يا ولد
آدي كلام المصطبه
يا ولاد بلدنا يا طيبين
بعد السلام والمرحبه
واضح
لكل السامعين

كلام المصطبة _ الشيخ إمام

 يا واد يا يويو
يا مبرراتي
يا جبنه حادقة على فول حراتي
أستك لسانك
فارد ولامم
حسب الابيج
يا مهلباتي
يا واد يا يويو يا مهلبية
فوق الصواني
سايحه وطريه
فى كل جلسه تلبس قضيه
وتخيل عليها
يا مشخصاتي
حسب الوظيفة
وأنت وشطارتك
تظهر حلاوتك
تظهر مرارتك
لو خفضوك ترفع حرارتك
لو صعدوك
تقلب جيلاني
وبالمناسبة
وأنت اللى أدرى
كان لك تحفظ على المبادرة
ليه النهاردة بترش بودره
يا بن الأبالسه
يا ملطفاتي
وفى النهاية
لك عندى كلمة
آخر طريقك زحل وضلمه
حيث ان آخر القرع ضلمه
يا إما كفته
عند العجاتى 

الشيخ إمام _يا واد يا يويو يا مبرراتى

شال الهوى بينا
حط الهوى تاني
و احنا و السفينا
في بحر الأماني
عمي يا للي ماشي
ع الشط القريب
قوللي و انت ماشي
لأ و طيب
حبي راح ماجاش
مش حييجي تان
شال الهوى بينا
حط الهوى تاني
شال الهوى شاله
بان المستخبي
شاف قلبي نداله
يا عيني يا قلبي
حط الهوى شاله
خبى السحر عني
هو الهوى ماله
داير باله مني
كل ما يلاقينـــــــــــي
اشوف عينه تراعيني
كأنه بينادينــــــــــــي
أفوت أهلي و جيراني
شال الهوى بينا
حطالهوى تاني

شال الهوى شيلة
حطالهوى حطه
هما يوم و ليلة
كان فرش و غطى

شال الهوى بيا
من بين الحبايب
حط الهوى بيا
و أنا قلبي دايب
و التقيتني ماشي
أدور ما التقاشي
و اللي راح ما جاش
فكرني و نساني

شال الهوى بينا
حط الهوى تانى
شال الهوى بينا
رحنا عشمانين
حط الهوى بينا
جينا عطشانين
يا عشاق بلدنا
يا ولاد الغرام
لا رحنا استفدنا
و لا جينا بسلام
خدنا الهوى رحنا
و احنا زي ما احنا
و رجعنا بجراحنا
و بحبة أماني
شال الهوى بينا
حط الهوى تاني

:)) الشيخ إمام عيسي _ شال الهوا بينا حط الهوا تانى



يا أبناء صلاح الدين لا تزفوا شهداء حطين
لترفرف أعلام الثورة وتتمختر في سماء فلسطين

رفي يا أعلام الحرية النصرة شديدة وقوية
والهمة الوطنية عفية بالدم تنادي فلسطين
يا أبناء صلاح الدين

أرض وابتنبت أبطال شيبة ورجالة وأطفال
عالظالم يا زمن دوار في الغربة قضينا سنين
يا أبناء صلاح الدين

ثورة ثورة يا فتيان في الأحجار رجم الشيطان
يا أرضي غليان غليان ونرجع أمجاد حطين


الشيخ إمام عيسي _ يا أبناء صلاح الدين

القواد : سلمى يا عزيزة على الأستاذ
فنان اليوم و المستقبل
محمود محمود محمود الباز
بنتي السنيورة الأمورة
على فكرة بترقص ممتاز
ارقصي يا عزيزة ما تنكسفيش
محمد بقى منا خلاص و لا فيش
يا عزيزة النيزة كوا النيزه
كان ممكن تطلعي مركيزة
المطيباتية : تكي تم تكي تم تكي تم تم تم
الرقص النقص
يزيح الهم
تكي تم تكي تم تكي تم تم تم
و يمشي الحال
و يجري الدم
تكي تم تكي تم تكي تم تم تم
****
القواد : على فكره يا كابتن محمود
و برغم الكبت الموجود
انا راجل ثوري و متحرر
و عزيزة بتلعب ع العود
إلعبي يا عزيزة ما تنكسفيش
محمود بقى منا خلاص و لا فيش
يا عزيزة النيزه كوا النيزه
كان لازم تطلعي مركيزه
*****
المطيباتية : ترى لم ترى لم ترى لم لم لم
العود النود
بيزيح الهم
ترى لم ترى لم ترى لم لم لم
و يخلي القعدة
شهية يا عم
ترى لم ترى لم ترى لم لم لم
القواد : أنا رأيي يا سيد محمود
و برغم الصمت المقصود
انك فنان المستقبل
و نشيد العصر المنشود
قربي يا عزيزة من الاستاذ
محمود مبقاش محمود الباز
محمود بقى منا خلاص و لا فيش
قربي يا عزيزة ما تتأخريش
يا عزيزة النيزة
كوا النيزة
انا رأيي
إنك مركيزة
المطيباتية : هلا لم هلا لم هلا لم لم لم
محمود النود
بقى نازل
هم
هلا لم هلا لم هلا لم لم لم
و عزيزة
النيزة
تحب الهم
هلا لم هلا لم هلا لم لم لم

▶ Mansey_  القواد الفصيح - الشيخ إمام


يا ولدى .. يا ولدى 
    لاتبك ِ فأحزان الصغَر ِ
    تمضي كالحلم مع الفجر ِ
    وقريبا ًتكبرُ ياولدي
    وتريدُ الدمع َفلا يجري
    - - -
    إنْ سهرتْ أمطارٌمعنا
    أو غطى البردُ شوارعنا
    فالدفءُ يعمّرُ أضلعنا
    ولهيب الشمس بنا يسري
    - - -
    وإذا بحّـتْ لك َ أغنية ٌ
    أو أنـّتْ قدم ٌ حافية ٌ
    فشموس رفاقك َ آتية ٌ
    وستشرقُ من غضب الفقر ِ
    - - -
    قد أ ُرمى خلف الجدران ِ
    وتحنّ ُ لحبي وحناني
    فانظرْ في قلبك َ ستراني
    لنْ يقوى القيد ُعلى الفكر ِ
    - - -
    سأضمك َوالصدرُجريحُ
    وسأعشقُ والقلبُ ذبيحُ
    مهما عصفتْ بيّ الريحُ
    لن أحني َفي يوم ٍ ظهري
    - - -
    وإذا ما الدهرُبنا دار َ
    ومضيتُ إلى حيث أوارى
    أكملْ من بعدي المشوارَ
    لاتــُخْـلفْ ميعاد الفجر ِ
    - - -
    لن يسقي َ دمعٌ أشجاركْ
    لن تبني َ بالآه ِ جداركْ
    فاصرخْ بالخوف إذا زارك ْ
    لاتخشى النارُ منَ الجمر ِ
    ياولدي
    ياولدي 

 

 

الشيخ إمام _ يا ولدى _ Mansey

عطشان يا صبايا
وانا عاشق.. ع السبيل
عطشان والميه ف بلدي
على عكس ما يجري النيل
والنخل العالي مطاطي
والجذع الواطي ذليل
والريح العاكس كابس
والريح العاطي بخيل
والنسمه اتعكر لونها
من هم الناس يا خليل
عطشان والنيل في بلدي
والزرع اخضر وجميل
وانا كنت امبارح خالي
واليوم دا صبحت عليل
عطشان ودوايا حبيبي
يسقيني العشق دليل
ودليل الحب عمايل
وكلام الحب جميل
وانا كل ما أقول التوبه
تغويني المواويل
تطرح في القلب جناين
تفقس فيها الزغاليل
عشاق يا حمام الغيه
ولا فيش قدامنا بديل
سكه ومحسوبه علينا
نمشيها جيل ورا جيل
ع الشوك نفرد خطاوينا
في الليل تضوي القناديل
حوالينا قلوب حبابه
ومعانا العقل دليل
والشمس تصب صبابه
والمنبع نهر النيل
وان لاموا علينا يلوموا
ما لهمش علينا سبيل
ما هو شوك العشق ملامه
والشوك في الورد أصيل
ودوني ع السبيل
ودوني ع السبيل

الشيخ إمام   عطشان يا صبايا

الشيخ إمام  _ عطشان يا صبايا

زليخة و جوزيف _ أوبريت صندوق الدنيا _ الشيخ إمام وفنانة تونسية

اهداء للخروف الذى يحكم مصر 
.............
فزورة
شوف عندك يا سلاملم
اتفرج يا سلام
فزوره قرعاويه
من انتاج النظام
سمك لبن طماطم
بصل عسل سخام
يساوى حزب حاكم
واخر انسجام
ولسه نشوف طلاسم
مادام الوعى نام
واتفرج يا سلاملم
وافهمها يا سلام
واحد بقال تموين
كان مطرح طه حسين!
وكمان مرضيش بالمطرح
تفتكروا يروح فين
كان قال فى الجامعه مدير
على درجه نص وزير
اظهر فى القرع مواهب
اكبر من سنه كتير
ولان الشله اياها
مواهبها
ما هيش وياها
فاعتبروا صاحبنا هديه
للاوساط القرعيه
هيلا بيلا وشيله ويا للا
لفعوا البقال اسم الله
على مجلس انس الشله
بقي ريس فرقه كبير
واحد بقال تموين
تفتكروا دا يطلع مين؟

فزورة _ أوبريت صندوق الدنيا _ الشيخ إمام وفنانة تونسية

شوف عندك يا سلاملم 
واتفرج يا سلام 
ع المدعو دومة عيسوى 
وزير الإمن عام 
ف الفصل الإنتخابي 
من مرسح السلام
سارح بالبلطجية 
والهجامة القدام 
عشان ضمان عبوره من دايرة الانتقام 
واتفرج يا سلاملم ع العيسوى يا سلام 
العيسوى بيه .. العيسوى بيه
بشرى لجميع الحشاشه
العيسوي بيه
رمز الماشه
سبحان الله من أومباشه
حكم المأمور يا ما شالله عليه 
- العيسوي بيه
- العيسوي بيه
- صاحب البوكسات
- العيسوي بيه
...- والحبسخناتات
...-العيسوي بيه
- ملك اللومانات
- العيسوي بيه
- والمعتقلات
 العيسوي بيه
هاها هأ هأ هأ هأ
- بشرى لجميع الهباشه
العيسوي
رمز الطفاشه
سبحان الله
من أومباشه
بقي كل الإمن العام في ايديه 
- العيسوي بيه
- العيسوي بيه
من أجل ضمان الحرية
لجميع تجار الباطنية
العيسوي بيه ميه الميه
حيخلي القرش
بربع جنيه
- العيسوي بيه
-العيسوي بيه
انتخبوا مين 
العيسوى بيه 
خليكوا فاكرين 
العيسوى بيه
فليحيا أمين 
العيسوى بيه
ابن أم أمين 
العيسوى بيه

الشيخ إمام _ الانتخابات (العيسوى بيه )  (Mansey)

من أشعار فؤاد حداد 
لحن وأداء _ سيد  مكاوى 

▶ المسحراتي - فؤاد حداد و سيد مكاوي



اِصْحَ اِصْحَ طال النُومْ أمَّكْ قَمْرَةْ وابُوك نْجُومْ
أمَّكْ تِضْوِي ع البَوادِي وابُوك جْناح الطِير الشادِي
والدُرُوب علِيك تْنادِي والصَباحْ فايدَكْ مَشْمُومْ...

اِصْحَ يا أسْعَدْ مَوْلُودْ وامْشِ لِلوَعْد المَوْعُودْ
إنْتَ حَبّةْ في عُنْقُودْ والعُنْقودْ يْطِيبْ فْي يُومْ
اِصْحَ اِصْحَ طال النومْ...

اِصْحَ والْعَبْ بِينْ رِفْقاتَكْ واخْطُ واعْثَرْ في خُطْواتَكْ
غَدْوَةْ تِبْنِي قْصُور حْياتَكْ ما يْرُدَّكْشِي عْلِيها لُومْ
اِصْحَ اِصْحَ طال النوم...

اِصْحَ واكْبَرْ بِين أيّامَكْ واجْمَعْ صابَةْ مِنْ أحْلامَكْ
ما تِبْكِيش عْلى آلامَكْ الدمْع سلاح المهْزُومْ
اِصْحَ اِصْحَ طال النوم...

اِصْحَ يا كِبْدِي ويا ضَنايَ وارْسُمْ فوق الشوك ثنايَا
حُلْمِي نْراك تحفظْ لِي غُنايَ وتْغَنّؤيه لولدَكْ يُوم
اِصْحَ اِصْحَ طال النوم...


الشيخ إمام _ إصحى إصحى طال النوم

https://www.facebook.com/mansey1

https://soundcloud.com/mansey-1

https://soundcloud.com/nostalgia-mansey

Mansey II

Popular tracks