Arrolo recollido no Concello de Rianxo. Letra:

"Ai que miniño tan bonitiño, quen che me dera darlle un biquiño.
Ai que miniño tan bonitiño, quen che me dera darlle un biquiño.
Durme, durme, ben che preste."

Ai que miniño

Arrolo recollido no Concello de Rianxo. Letra:
"Arrunrún runrún, meu neno, arrunrún arrunrún, meu amor,  arrunrún runrún, meu neno, arrunrún arrunrún, meu amor".

Arrunrún runrún

Arrolo recollido no Concello de Rianxo. Letra:
"Ora meniño, ronrón, ora quen che ha dar a teta, 
túa nai vai no muíño e teu pai na leña seca, ailala, ailalala.

Ora meniño, ronrón, ora quen che ha de arrolar,
túa nai vai no muíño e teu pai vaina buscar, ailala, ailalala.

O meniño quer durmir, o soniño non lle vén, 
a culpa non é do neno, é do sono que non vén, ailala, ailalala,

Cantade baixiño, petade pouquiño, para que non desperte o noso meniño
cantade baixiño, petade pouquiño, para que non desperte o noso meniño."

Ora meniño

Arrolo recollido no Concello de Rianxo. Letra:
"O meniño é pequeniño.
Se é pequeno ha de medrar, ten o tempiño por diante, se dios o deixa quedar. 
Río Miño vai caladiño, non despertes o meu meniño.
E rorró, e rorró, e rorrón.
Vaite deitar estrella.
Non quero que son vella.
Cómela cococón, cómela, fácele miedo, fácele. 
E ronrón, e ronrón, o home do saco hoxe non.
É meniño é, para San Tomé a carne do lobo nunca boa é."

O meniño é pequeniño

Arrolo recollido no Concello de Rianxo. Letra:
"O meu meniño pequeno ten ganiñas de dormir,
ten un olliño pechado, o outro non o pode abrir.

Durme meu repolo na cuna deitado,
non fagas barullo, podes despertalo.

Marcha do seu lado diaño ladrón,
que o meu pequerrecho non o levas non.

Na beira da cuna canta un reiseñor,
canta paxariña para cos teus cantos durma o meu meniño.

Nin de día, nin de noite estás na cuna soliño,
pois de noite e de día túa nai está contigo."

O meu meniño pequeno

Arrolo recollido no Concello de Rianxo. Letra:
"Este meu neno, neniño, é como a flor do laranxo,
ten os olliños azuis, ten os olliños azuis,
como os olliños dun anxo, como os olliños dun anxo."

Este meu neno, neniño

Arrolo recollido na vila de Rianxo e cantado por Lolita a Rianxeira. Letra:
“Eh, meniño, eh,
e teu pai quen é,
a Virxe María e máis San José.
E máis San José, e máis San José,
eh, meniño, eh,
e teu pai quen é.
Este meniño é bonito
que o dixo súa nai.
En toda a calle de Abaixo
como ela non a hai.
Eh,eh,eh, eh, eh.
Eh, meniño, eh
e teu pai quen é,
a Virxe María e máis San José.
E máis San José, e máis San José,
eh, meniño, eh,
e teu pai quen é.
Este meniño é pequeno,
é pequeno coma un rato.
Heino de levar á feira
e sacámoslle un retrato.
Eh, meniño, eh,
e teu pai quen é,
a Virxe María e máis San José.
E máis San José, e máis San José,
eh, meniño, eh,
e teu pai quen é.
Este meniño é bonito
de bonito caelle o pelo.
Hei de ir a Vilagarcía
a comprarlle un caramelo.
Eh, meniño, eh,
e teu pai quen é,
a Virxe María e máis San José.
E máis San José, e máis San José,eh, meniño, eh,
e teu pai quen é”.

Eh, meniño, eh, e teu pai quen é

Arrolo recollido na vila de Rianxo e cantado por Lolita a Rianxeira. Neste caso é unha canción tradicional que se empregaba como arrolo e que se lle cantaba ás crianzas. Letra:
“Aí veñen as nosas lanchas,
pola punta da Fincheira.
Aí veñen as nosas lanchas.
As mociñas de Rianxo,
cando van chegando,
cantan na ribeira.
As mociñas de Rianxo,
cando van chegando,
cantan na ribeira.
Corre Maruxiña, vente lixeiriña,
que van a chegar, os nosos mociños, que veñen do mar.
Que veñen do mar, que veñen do mar,
que veñen pola ría,
mira como veñen, cheos de sardiñas.
Non te poñas enoxada, Maruxiña dáme un bico.
Non te poñas enoxada.
Dáme un bico, Maruxiña,
anda lixeiriña que vou para Losada.
Dáme un bico, Maruxiña,
anda lixeiriña que vou para Losada.
Corre rianxeira, vente mariñeira,
que van a chegar, os nosos mociños, que veñen do mar.
Que veñen do mar, que veñen do mar,
que veñen pola ría,
mira como veñen, cheos de sardiñas”.

Aí veñen as nosas lanchas,

Arrolo recollido na vila de Rianxo e cantado por Lolita a Rianxeira. Cantábase cando a crianza choraba para acompañala no choro. Letra:
“Miña nai, miña naiciña,
cando non ten que me dar,
éncheme a cara de bicos
e despois rompe a chorar.
Eu tamén choro, eu tamén choro, trailalá,
por unha miradiña, meu ben,
deses teus ollos.
Tamén eu choro, tamén eu choro, trailalá,
porque non me alumean, meu ben,
eses teus ollos.
Chora, meniña, chora,
que os teus olliños rinden amor.
Que os teus olliños choran e cantan no meu corazón.
Ai, meniña, non me fagas a min chorar,
que os teus olliños fanme a min lagrimar.
Chora, meniña, chora
que os teus olliños piden amor,
que os teus olliños choran e cantan no meu corazón”.

Miña nai, miña naiciña

Arrolo recollido polo alumnado do IES Félix Muriel. Letra: 
“Durme meu meniño durme.
Quen che ha dar a teta?

A túa nai vai no muíño, 
a túa nai vai no muíño,
e teu pai na leña seca.

A túa nai vai no muíño,
a túa nai vai no muíño
e teu pai na leña seca”.

Durme meu meniño durme

Arrolo recollido polo alumnado do IES Félix Muriel. Letra:
“Vai dormindo fillo,
vai dormindo xa,
que a túa naiciña
aínda ten que lavar.
Aínda ten que lavar
aínda ten que lavar, 
vai dormindo fillo
vai dormindo xa.”

Vai dormindo fillo

Arrolo recollido polo alumnado do IES Félix Muriel. Letra:
“Dorme pequeniña,
dorme tranquiliña
que a túa naiciña
vela os teus soniños.
Vela os teus soniños,
dorme pequeniña
que a túa naiciña
vela os teus soniños.”

Dorme pequeniña

Arrolo recollido polo alumnado do IES Félix Muriel. Letra:
“A nosa neniña
que guapiña é.
Dorme pequeniña
que tes que crecer,
que tes que crecer.
que tes que crecer.
dorme pequeniña,
que bonita é.
Dorme nosa mininiña,
nosa pequerrecholiña,
quen che quere a ti moito
quen che quere é a abueliña.”

A nosa neniña

Arrolo recollido polo alumnado do IES Félix Muriel. Letra:
“Rianxo, barco xeiteiro
e Diego é moi piquiniño.
É neto dun mariñeiro,
seu abuelo quérelle moito,
seu abuelo quérelle moito.
Canto lle quere seu abuelo,
canto lle quere seu abuelo.
Canto lle quere seu abuelo,
canto lle quere ao noso miniño,
noso miniño pequeno,
ai, noso miniño pequeno.”

Rianxo, barco xeiteiro

Arrolo tradicional interpretado por José Luís Orjais. Fai parte do percursos musical de "Cousas de Castelao", da compañía teatral Os Quinquilláns.

Pai de Migueliño

Arrolo recollido no Concello de Rianxo. Letra:
“O meniño ten soniño
e o soniño non lle vén;
a culpa é do soniño,
que o meniño non a ten.
Darara, Darara; 
darara,darara;
darara,darara."

O meniño ten soniño

Maos Innovación Social somos unha empresa de economía social comprometida coa cultura de proximidade como medio de transformación social.

Maos Innovación Social

Popular tracks