الخال

والله تســــــتاهل يا قلبى ليه تميــــــــل ما كنت خالى

انت أســــباب كل كربى وانت أســـــــباب ما جرالى

إيه بقى اللى ح يواسينى بعد ما انهــــــــدت آمــــالى

اذا كان حظى ناســــينى مين اروح له اشكى له حالى

ان شكيت قلبى وحواسى يعمــــلوا مؤامــــــــرة علىّ

وان بكيـت والحب قاسى تشــــــتكى منـــــــــى عينىّ

أعمل ايه واحنا ف غربة والأغـراب دول زى اليتامى

يا مين يواسيهم فى كربه يامــــا بيقاســـــــــوا ويامــا

يارب كل من له حبيــب طــــــال بعــــاده وللا قريب

ما تحـــــــــــرموش منه وهــــــــاته له بالســـــــلامة

بصوت سيد درويش نادرة .. والله تستاهل يا قلبى

يا عيون يا مغرباني | عمار الشريعي على العود- نسخة نقية

كلمات: بديع خيرى
ألحان: سيد درويش


ياللي قوامك يعجبني ليه بس ترضى لي صدودك
ياهل تـــرى بتأدبني اكمن عــــــــــزالي شهودك
ده شيء كتير بعدك عني والقلب ميال لوجــودك
أروح لمين أشكي حبيبي والدهر والعزال حــــــــكام
أحب أشوف في النوم طيفه ألقاه يجيني مع الأخصام
والقلب ده راح يعمل إيه حتى العوازل في الأحــلام
الصب من بعدك هلك
والصبر له أحسن طبيب
تركت أهلى وملت لك
الناس بتعطف ع الغريب
آه الصب من بعدك هلك
وانت لك اخلاق ملك
قلبى انشبك
امتى وصالك ياقمر

دور ياللي قوامك يعجبني - كارم محمود على العود

(تسجيل نادر: ليلي مراد - انور وجدي - تحية كاريوكا - عبد الوهاب (تقليد فنانين و طقاطيق مختلفة

من ألبوم علي قد ماحبينا 1977
كلمات : عبدالرحيم سرور - لحن : بليغ حمدي

Ala Qad Ma Habina

Ali Elhaggar - tab el 3enab | علي الحجار - طاب العنب

النسخة الأصلية من دويتو على قد الليل ما يطول من أوبريت العشرة الطيبة
..
غناء سيد درويش و حياة صبرى 
ألحان خالد الذكر..سيد درويش
كلمات بديع خيرى 
..
1920

على قد الليل ما يطول - سيد درويش و حياة صبرى - النسخة الأصلية

بروفة لأغنية إنتِ طلعتي لي منين
كلمات: سيد حجاب- لحن: عمّار الشريعي

انتِ طلعتي لي منين؟ | بصوت عمار الشريعي

ليلى مراد | laila mourad | ana kol ma2ol altobs |  انا كل ما اقول التوبة

منيرة المهدية - توت عنخ أمون

‫قصيدة احزانى العادية عبد الرحمن الابنودى كاملة‬

قولوا لعين الشمس ما تحماشي
لاحسن غزال البرّ صابح ماشي

كلمات : فؤاد حداد 

قولوا لعين الشمس ما تحماشى - محمد حمام

يامنة - عبد الرحمن الأبنودي

عبد الرحمن الابنودى - سيد مكاوى : حروف الكلام

إذا مش نازلين للناس فـ بلاش

والزم بيتك.. بيتك.. بيتك..

وابلع صوتك..

وافتكر اليوم ده.. لإنّه تاريخ موتى وموتك..

 ...

إذا مش نازلين للناس فَـ بلاش..

مادام الدايرة ماكاملاش

والحاجة ماتامّاش.. وأصحاب الحاجة ماعارفاش..

إيه المعني وأى بطولة فـِ إنّ حياتنا وأحلى سنينَّا..  يروحوا بلاش؟

حاجة ماراكباش!!

...

الله يخرب بيت الفكر.. وبيت اليوم الّى ورّانا الفكر..

لإن الفكر كتاب..

و "عويضة" حياته هباب وتراب..

عايش زمنه الكداب -زىّ العادة- مُرتاب..



 كنكة على دِمْس .. ونفَس مقطوع فى الغاب

ماشبعناش عنه بُعد.. وهوّه ماشبعش غياب..

"عويضة" هناك فى الأرض..

في المدن الأُوَض الّى نايمة على بعض..

...

وأقولّك إيه اللى قطع الدايرة يا أمير؟

وخلّى مابين النبي والخلْق  الغربة وتقطيع المشاوير؟

إن أنا وانت بنلعب طول العمر دورين: طليعة وجماهير..

و"عويضة" بينفخ موت الدِّمس والعالم.. نِمْس..



العالم.. سرقة وقلْع ولبس

و"عويضة" بقلبه الجبس.. الّى معلِّمُه إمتى مايحسش وامتى يحسّ..


بيعدِّى في الأيام جمل المراحيل..

زى ما عدَّاها من أول ما اتخرط الكون

من أول ما طلع للدنيا ووجد قبلُه.. فرعون..

 نفس الأيام نفس النسخة مطبوعة على كل الأعوام..

ماسمعشي بينا.. ماسمعناش.. ماقابلناش.. ما اتكلّمناش.

...

ولإن حمول الأيام مش مرفوعة.. إذا يد "عويضة" ماترفعهاش..

والقولة الحقَّة.. مش حقّة.. إذا صدر "عويضة" ماطلَّعهاش..

والخطوة حتفضل مشلولة.. إذا قُدّامنا "عويضة" ماخطَّاش..

ولإن دى حاجة "عويضة" لسّه مايدركهاش..


ولايدركناش.. ولا يعرفناش..


ولإننا لما دبحنا بعض مناقشة على القهوة لاجل البشرية..

"عويضة" ماسمعناش..

تبقى الدايرة مادايراش..

واما ييجى المخبر يسحبنا عَ الزنازين..



لازم نبقى عارفين..

إن السَّحبة ببلاش..

وان الحدوتة مالافَّاش.. فـَ الدايرة ماتامَّاش.. والدنيا ماحِلْواش..

وانّ "عويضة" لمّا قِبل الظُلم.. ماماتْش..

إحنا مُتنا.. وهوّه.. عاش..

...

الحاجز أكبر من كل الأحلام..

واسْمَك.. من جهلى وجهلك.. واسمي واسمك!!

...

مش حتعلمنى أكتر ما اتعلمت..

روح علِّم أبو الواد والبت..

الّي حيرميهم فى فرن الثورة يطيبوا بُكرة..

والّي لحد الوقت مايعرفشي إزّاي يكتب وازّاي يقرا...

وازّاي يعشق.. وازّاي يكره.. 

ولا عنده فكرة عنّك.. أو عن بكرة..


ولا ليك ذكرى..


لانا.. ولا إنت.. نجحنا ف تغيير الفكرة..

...

الفاس يردم بذرة..

المنجل يحصد سبلة..

الشغل يجيب أجرة..

وانت بعيـد..  بحكاية مامفهوماش..

بينَّنا وبينُه شعْرة وأرقّ من الشعرة..


دة الّي مفروض ناسج علم الثورة وصانع بكرة..


واحنا شهدا.. مع إنّنا.. ماحاولناش..

حاجة ماراكْباش!

الدايرة المقطوعة - عبد الرحمن الأبنودي

الهروب لركن هادئ قد يكون أكبر الأمنيات

عبد الرحمن الابنودى - سيد مكاوى : حروف الكلام

maqamaaaaat

Recent comments

galal

Kamer Naseem

doktor

meh

Related tracks