5 Nov 2024

يا شمس ياللى هاله ياحبنا الحلال
يا مدهبنا الغاله يا مكبره العيال
يا مخضره﻿ الحدايق يا محمره الحرايق
يا مسيبه الشعور لينا و للخلايق
بنشوفك بالطابور بنشوفك بالدقايق
يا سايحه عالضفاير يا ورد عالستاير
يا منشفه الهدوم يا ملمعه السراير
يا منقرشه النجوم يا منفسه العماير
بستنظرك بدمى فى كل الزنزانات
و هرسمك بكفى على صدور البنات

الشيخ إمام - شمس الزنزانة

سال دمعي يا إلهي - وليل طويل - الشيخ نصر الدين طوبار - خشوع واحساس يبكي الحجر mp3

ساعة العصاري يا نسايم - الشيخ إمام

فى نور محياك - أم كلثوم

على حســــــــب وداد جلبي ومزاج البلديات
أبعد م الشين واتاخر وإجول للزين  سلامات
على حسب وداد جلبي 

على صهد الآرض السمرا أنا أبوي النيل  سواني
ممصوص وخشن من بره زى الطينه إلآسوانى 
والخضرة ف قلبي وقلبي  دايما على طرف لساني
ولساني حصاني رماني وتعبنى كتير وأذاني 
ياما جابني وياما وداني من جولة في الحكايات
على حسب وداد جلبي

على بحر النيل يا جناوي  ضليلة وجلة ميه
وناسات ع يجولوا حكاوي ع تخلي اللجمه هنيه
وشطوط مزروعه غناوي وغيطان ألحان مروية
وألزين يغزل مواله من كلمة عمه وخاله
وأنا زى ناساتي ما جالوا لفيت الجول حكايات
على حسب وداد جلبي

على حسب وداد قلبي - الشيخ إمام

هتجن يا ريت يا اخوانا ماروحتش لندن ولا باريس
دى بلاد تمدين ونضافة وذوق ولطافة وحاجة تغيظ


ملاقيتش جدع متعافى وحافى وماشي يقشر خس
ولا شحط مشمرخ افندي معاه عود خلفة ونازل مص
ولا لب اسمر وسودانى وحمص وانزل يا تقزقيز
هتجن يا ريت يا اخوانا ماروحتش لندن ولا باريس

ولا واحد طالع يجرى وواحد تانى بيجرى وراه
ويقول ها هع حصلتك يابن اللى ابصر ايه عاملاه
لا الشارع غيط يا اخوانا ولا احنا بداره ولا احنا معيز
هتجن يا ريت يا اخوانا ماروحتش لندن ولا باريس

ولا واحده فى وش الفجر تبرطع مالية الدنيا صوات
قال ايه جوز خالتى ام احمد سلفة اخوها السيد مات
سبحانك ما اعظم شانك والله الموت دا مفيد ولذيذ
هتجن يا ريت يا اخوانا ماروحتش لندن ولا باريس

ولا واحد بيبيع حاجة يقول بريال وتاخدها بصاغ
يا اخوانا دى حتى الابرة تاخدها بوشة وقلب دماغ
حلفان وخناق ومناهده ويمكن ضرب كفوف يا حفيظ
هتجن يا ريت يا اخوانا ماروحتش لندن ولا باريس

ولا شفتش ده اللى بلاسة وده اللى بعمه وده بطربوش
ملابسنا يا ناس تشكيلة تعد أصحابها ما يتعدوش
والنكتة ان احنا قراشوة وضحكة وشاطرين في التهليس
هتجن ياريت يا اخوانا ماروحتش لندن ولا باريس
 
ولا عركة فى نص الليل دايرة بالحيل وساحبها بوليس
قدامها جدع متجرجر وشه معور قال دا عريس
الخلق ماهى بتتجوز واشمعنى احنا مفيش تمييز
هتجن يا ريت يا اخوانا ماروحتش لندن ولا باريس


ولا فيش ميت الف جعيدى بتوع يانصيب هاجمين ولا فيش
ميت الف معوض هاجم جاي معاه صندوق ورنيش
والله كرهت القهوة وحرمت اقعد ع الافاريز
طبعًا هتجن يا ريت يا اخوانا ماروحتش لندن ولا باريس


دول ناس كنا احسن منهم قول ومسيرنا باذن الله
نبقى احسن منهم برضك بعد الدرس اللى اخدناه
والله ده عيب نتهجى دروس يا اساتذه على التلاميذ
هتجن يا ريت يا اخوانا ماروحتش لندن ولا باريس


كلمات : بيرم التونسي

هاتجن ياريت ياخوانّا مارحتش لندن ولا باريس - بصوت الشيخ امام

الشيخ إمام يغني رأيت خياله (أحب أشوفك) لمحمد عبدالوهاب في البرنامج الإذاعي "جرب حظك" بتاريخ ٤ اغسطس ١٩٦٥

الشيخ إمام - رأيت خياله

أوعى تفكر او تتصور
يوم اشتاق واحن اليك
كنت أتمنى انى اتهنى
كنت أتمنى انى أتهنى
لكن انت الحق عليك
أوعــى تفكر

طبعاً عامل نفسك ناسي
شوق وفراق وسهر ودموع
ولا ع بالك حب يا قاسى
ولابتحِس بنار فِ ضلوع

أبداً أبداً عمري ما اسلِم
كده احسن لي ومش حتكلم
ولا حتألم ولا حتندِم
أوعي تقولي لسه شاريك
كنت أتمني انى اتهني
لكن انتَ الحق عليك

فاكر يوم ماحلِفت بحُبى
انك آية فِ الاخلاص
فاكر يوم ماغدرت بقلبي
أنا ياحبيبي توبت خلاص

أبداً أبداً عمري ما اسلِم
كده احسن لي ومش حتكلم
ولا حتألم ولا حتندِم
أوعي تقولي لسه شاريك
كنت أتمني انى اتهني
لكن انتَ الحق عليك


اوعى تفكــّر- الشيخ امام

أحنُ شوقًا إلى ديارًا رأيت فيها جمال سلمى | الشيخ إمام عيسى

الشيخ امام عيسى - على بحبو ياعينى ياليلى اللى مسهرنى بطول الليل
من تسجيلات فرنسا
Theatre des Amendiers - Nanterre

الشيخ امام عيسى - على بحبو ياعينى ياليلى اللى مسهرنى بطول الليل

كلمات: أحمد فؤاد نجم
 ألحان : الشيخ إمام

الأولة آه
والتانية آه
والتالته آه
***
الأوله آه
والغدر لمن حكم
صبح الأمان بقشيش
والتانيه آه
والندل لما احتكم
يقدر ولا يعفيش
والتالته
آه
والحر مهما انحكم
للندل ما يوطيش
الأوله غربتي
والتانيه بلوتي
والتالته كلمتي
***
أرغول يا أرغول
يا أبو النغم موصول
شطره تجيب شطره
والشطره غنيوه
منظومه وحليوه
والسامعين أدرى
والسامعين أشتات
زي النغم مقامات
قسَّم وغني وهات
واملى المكان خضره بالفن والقدرة
والأوله آه
والتانيه آه
والتالته آه
***
يا عم يا قوال
يا أبو الحرير موال
كيفك
وكيف الحال
اغزل وسمعنا
واشطح مع النغمات
ودوس على المقامات
هات اللي عندك هات
لمن تشبعنا
دا حنا الحيارى دليل
مستنظرين مواويل
توصل مع المراسيل
والصهبة تجمعنا
صهبتنا صباحي
طول ما الألم صاحي
يا شوقي يا جراحي
يا حبي يا بكرة
يا صحبتي في الهم
يا شركتي في الدم
عزوتنا
لو نتلم
ونغني للفقرا
أخضر خضرضر مال
للعشق والموال
وكان أصيل الخال
لكن فقير الحال
شد الرحال في الحال
جاب البلاد رحال
ينزف على الأرغول
دم الصبا سلسال
أخضر خضرضر مر
على كل بحر وبر
داق الشتا في الحر
والعشق له أهوال
رجع صاحبنا حزين
يقعد مع المساكين
ويغني للعاشقين
ويقسم الموال
يا ليلي آه يا عين
يا عم يا جمال
ترعى جمالك وين
وأنت فقير الحال
يا ليلي آه يا عين
والمرعى للأندال
والخطوة للخيال
يا عم يا جمال
يا ليلي آه يا عين
يا عم يا جمال
 والصبر مهما طال
ما حينفتلشي حبال
ألزم قلوب وإيدين
يتمدوا ع الشطين
ويعمروا العيارين
ويطخوا راس المال
والأوله آه
والتانيه آه
والتالته آه

الشيخ إمام - على الأرغول

الشيخ امام - موال فى ظل اهداب عيونك ورد خدك قال

من ألحان سيّد درويش 
كلمات : يونس القاضى 
عزف وغناء : حازم شاهين

Hazem Shahen - Eh Al-3ebara حازم شاهين  إيه العبارة

اناديكم . الشيخ امام

قولوا لعين الشمس ما تحماشي
لاحسن غزال البرّ صابح ماشي

كلمات : فؤاد حداد 

قولوا لعين الشمس ما تحماشى - محمد حمام

من عذابي في هواكي - الشيخ امام

بينما تجري الحياة.. ثمة أغنية ما تدور في الخلفية
بينما تدور أغنية ما.. ثمة حياة تجري في الخلفية.

الشيخ امام عيسى - على بحبو ياعينى ياليلى اللى مسهرنى بطول الليل

Maqamat2000

Recent comments

فرحة صلاح

Related tracks