لكل اللي بيفكر ان دخولك كلية بحد ذاتها (حتى لو مش مكانك) هو النجاح الوحيد، مجموعك في ثانوية عامة مابيحددش أبدا انت مين.

كلمات و أداء صوتي: مرام بكري.
Track #1 .. Album: من وحي الحياة
Background music: Forgotten dream.
Sorry if you found the quality unsatisfiable!

الكلمات:
إحلم كمان.. 
إحلم عشان تعرف تعيش.
شيطان ده إيه يقولك مفيش؟
ده أنا وإنت مانساويش غير هدف عايشين عشانه
و بديله لو ترضى بيه.. مايرضينيش.
تكون ما تكون مش ده المهم،
محسوب ع البشر إنسان بلحم .. و دم .. و حلم،
أيوة بحلم!
لكن في العسل حطولك سم.. واهمينك تشوف النور،
نجاحك موجود هناااك .. غير كده فاشل تغور!
تفكر و تحلم ليه؟ أسكت و عيش مستور!
يفوت الوقت و تتنسي .. يعدي عليك الدور.
-
بعبعة مجتمع، اتكلم و سمعناه..
لا ضره فقر حالك، ولا نفعه غناه..
نزلوا في شراعك، كسروا في مجاديفك..
كأنهم أعدائك! ربيعم بيكون.. خريفك
فإحلم كمان..
إحلم كمان ماتتهزش كونها بلد شهادات، ولا يهمك
و قول كلمة للبشوات و اللي جاي يسمك..
"لا أنا تافه ولا فاشل ولا جربوع، 
قولتوا المهم المجموع؟ لكن حلمي أكون مسموع"

Maram Bakry.

Popular tracks