بيحبني

لا تتركني أشرد

عزف البيانيست ( مارك عمــاد ) .. ترنيمة بالروح و ليست باللسان .. اجمل بيانو تسمعه
بصوت : العبد لله 

كان نفسى اكون الأبن

لما طلع موسى النبى على الجبل عشان يستلم لوحى الشريعة و اتأخر شوية على شعب بنى اسرائيل ، فيه منهم اللى اتضايق و اللى قال دة هرب و اللى قال هو فين ربنا دة و اللى قال هو سايبنا وحدنا ليه و كانت النهاية جمعوا كلهم دهبهم و اللى يمكلوه و صنعوا عجل و فضله يهتفوا له و يعبدوه .. احنا كدة بالظبط دايما نقلب على ربنا أول واحد لو طالت مدة الاستجابة أو لو ربنا مانفذش طلبنا بسرعة ساعتها بننسى كل عطاياه و ستره علينا و محبته لينا و دايما بنردد نفس العبارات اللى رددها شعب الله زمان ربنا بعيد أو مش سامعنا و بيقسى علينا أو اساسا يظهر مش موجود و نروح نرمى همنا على ناس أو شهوات يمكن تعوضنا و اهو اللى قدامنا اسهل من اللى مش شايفينه .. ماتفتكرش ربنا مش عارف احتياجاتك كويس هو اكتر واحد حاسس بيك بس مستنى منك إيمان و ثقة .. داوود النبى بيقول فى سفر المزامير انتظر الرب و اصبر له و اتأكد هيديلك سؤل قلبك حسب مشيئته .

تأمل _ انتظر الرب

ما تقولش يارب انا عندى خطية كبيرة مش قادر اكمل بسببها .. قول للخطية انا عندى رب كبير يقدر يخلصنى منِك
خادم الرب : فيليب كامل

تقدر تكمـــل ؟ _ أ . فيليب كامل

ماتتطلبش حاجات من ربنا اطلب حاجة واحدة بس ...

عمِّق طلبك _ أ . فيليب كامل

بتخاف تواجه إبليس ؟ .. فكرت تواجه إبليس و تنتصر عليه ؟
ازاى تقدر تواجه إبليس رغم قوته و مشوار الحياة طويل مافيش مخرج؟

تقدر تواجه إبليس ؟ _ أ . فيليب كامل

و يكون فى يوم يريحك الرب من تعبك ومن انزعاجك و من العبودية القاسية التى استعبدت بها ..

الله لم يعطيك روح الفشل_أ.فيليب كامل

انت صدقت الناس ليه !!؟ صدقتهم و ماصدقتش ربنا ؟؟!

انت ليه مش عارف تتكل ؟_أبونا داوود لمعى

مشكلتك انك واخدت كرامتك من الناس ان ملكش كرامة فى عين الناس كتير لو سقفولك انهاردة بكرة هينسوك و لو حبوك انهاردة بكرة هينشغلوا عنك .. انت مش عارف قيمتك فى عينين ربنا

كيف أحبك الله ؟ _ أبونا داوود لمعى

ربنا يسمحلك تفضل فى نفس المنطقة اللى انت واقع فيها لحد ما تفهم درس النعمة .. استخدم الهاند فري لأن الصوت ضعيف 

تأمل درس النعمة _ ماهـــر فايز

حوار و عتاب و حنين بين الله و بطرس و يهوذا فى ترنيمة لفريق للرب نرنم 

ميكس ترنيمة أتحبُني و لماذا جئت يا صاحب

تأمل مؤثر جداً _ هل ممكن اللي زيِ يبدأ ؟

قصيدة اللي اختشى مات _ فريد النقراشي

دة الفرق بين الترانيم و الأغاني _ DEMO

اعتبرها صلوة و صليها معايا و سيبك من الصوت صلي الكلمات 

ترنيمة (لا تتركني أشرد) بدون عزف بصوت العبد لله

اعتبرها صلّوة و صلّيها معايا و سيبك من الصوت صلّي الكلمات

ترنيمة ( وعدتــــــك )بدون عزف بصوت العبد لله

قد حُسبنا مثل غنمٍ للذبح ... بتفكر تموت يبقى تموت في المسيح يسوع

تأمل انتحار من نوع تاني _ ماهر فايز

الرغبة في التغيير باللسان سهل ، الحب باللسان سهل ، أنت عايز فعلاً تُشفى ؟ 

أتريد أن تبرأ بجد ولا هو كلام ؟ _ أبونا اثناسيوس محروس

تفننّ الإنسان في إنتاج فرح صُنع إيديه ،، كفاية تستنىَ الفرح لأن الفرح  اصله جواك مش براك كفاية تتذل عشان تفرح ، أطلب الروح القدس لأنه هو وحده فرحك الكامل

تأمل فرح مغشوش صُنع إيدين الإنسان _ أبونا اثناسيوس محروس

أنا بقالي مدة كبيرة 
عايش متشوش و تايه في حيرة
و بكذب ياما اللي بتشوفه عينيا 
اللي ماشافوش النوم من دي السيرة
و كعب داير لفيت و حفيت 
على حل منطقي ما لاقيت
و مش مصدق حالتي و حيرتي 
و حاسس اني بحلم اكيد 
و كل مادا بخاف زيادة 
بلف في دايرة مفرغة كالعادة 
حياتي مالهاش طعم ولا لون 
بقيت شبه و شكل قهوة سادة
كلمات و ألحان : مارك نجيب

ترنيمة " قهوة سادة " _ مارك نجيب

يادي الحنين
بَعِــد السنين
جوة الألبومات
كومة ذكريات
بقلبها بأيديا اليمين
و الفنجان ف إيديا الشمال
صورة أكشر صورة ألين
و أبكي على حالي اللي مال
ههه كنت شباب يا واد
دلوقتي شيبت و شعري شاخ
بقالي يومين بقولك فراخ
عايزة فراخ
يا شيخة فصلتي اللي جايبني
هسيبلك البيت لجل ترتاحي
ده اللي فالح فيه إنك تسيبني
و ابنك العجل لسه صاحي
انا نازل
غووور
خلي قعدة القهاوي تنفعك
برطمي ولا حد هيسمعك
عيشة مُر
تقصر العُمر
سلام يا بركة سلام يا عماد
بقولك رايح فين مافيش قُعاد
يا عم هصلي ابانا الذي
ياعم بنضف الدكك و السجاد
عم اسحق الله يراضيك
هترزع هنا مكاني من سكات
تنهيدة ،،،
حتى بيتك
ده انا جايلك كفران من حالتي
و بتدارىَ من ياما وشوش
باينة من ورا البرواز صورتي
باينة طفاف أو باينة رتوش
عارف
عايز ابكي في الدِرا و اصرخ بعلو الصوت
واحكيلك ع اللي جرا و معبيه بعلو سكوت 
مانا واحد م المليون 
شايل همومه أطنان
والله يكون ف العون
ماحدش عادله ودان
اسألتي اللي مالهاش اجابات
نِفسي المصدودة من الحكايات
تعرف ،،،
معلش أصلي سرحت 
سرحت في شكل المزود و الزينة و الأنوار
لفوا بيك ف برد ليل اسود ماطلعهوش نهار
خبطت على كل باب وانت نونو في اللفة
بتنحت ياك في صخر في قلوبهم الجافة
لجل تلقى المأوى لجل تلقى الضهر
للأسف مالاقيتش غير رفض و قهر
وسط البهايم
و ريحة الجلة 
كنت نايم
بدون ضلة
على كفوف البتول
و النجوم فوقيك طلة
و تعرف 
تعرف فيك شبه من مين
من كل الغلابة المنبوذين
اللي مالقوش اهتمام
و ملامحهم دبلت م الأنين
و مشققة من كُتر سنين
قضوها وهما منسيين
و مغطي عينيهم الآسىَ
و عسىَ يكونوا متغطيين
و تعرف فيك شبه من مين
من كافة انواع المظلومين
الواقعين في ايدين عدالة
لا ليها ملة ولا دين
و لا حق في ثورة ميادين
توّصل صوت المساكين
فأتلمت آلامهم و اكتر 
وانت يادوب لسه جنين
و تعرف فيك شبه من مين
من ولاد الناس المتبهدلين
اصل ولاد الناس ماتتبهدلش
لجل يعيش ناس تانيين
وانت بقىَ سيد العارفين
و بكلمة بتقلب موازين
لكن أنت مقامك مش مزود
و انت بتخدمك الشاروبيم
عموماً الواحد مايستاهلش
هقوم انا عشان ماتأخرش
يدوبك اجيب فراخ للولية
جيبت في سيرتها
اهي اديها بترن عليا
هضطر استأذن معلشي
ولازم دلوقتي امشي
و اكيد لينا قعدة افضفض
و تستحمل رغي و دبشي

قصيدة عايزة فراخ _ الجزء التاني

ترنيمة راجع ليك
كلمات و ألحان و ترنيم : مارك نجيب
تسجيل شركة ترينتي للإنتاج الفني

ترنيمة راجع ليك - مارك نجيب

تأمل يسوع بيحبك _ ابونا اغسطينوس موريس

اسألني عن عنواني : هقول " يسوع " 

MaRk NaGuib

Popular tracks