اول تسجيل ليا 
إعترافات نفسيه
مارك عادل كيرلس (المصوراتى )

كلام من جوه المسرح

و اما قالوا إنى شاعر قلت راح ابطل اكتب
و اما قالوا إنى عارف قلت لا و قعدت اكدب
راحوا جابوا جمله كبيره و قعدونى قالو إعرب
قلت لا ده غلط و حرام قالوا يلا قالوا إذنب
إكتب اكدب إعرب و إذنب
ذنبى كان إنى كتبت و بدل السطر كتبت كتير
كدبى كان إنى حلفت و كنت بهلل اقول تكبير
و الإعراب ده كان نصاب مرفوع مجرور بحرف اسير
و التنوين كان مرفوض اصل المبتدأ كان تأخير
هربت .... كدبت .... حلفت .... شتمت .... كفرت
و الاعتراض مبقاش له مصير
إخرج بره الدايره دى هى
إلبس للناس طراطير
و إقلب بلياتشو و أراجوز
و طلع من جيبك عصافير
و إنزل فى الشارع بلبوص
و قول ده show للتغيير
هتلاقى بقى ليك page
و هاش تاج و fans و كلام كبير
و كام واحد تعجبهم الفكره
و يمشوا وراك بالطوابير
و يقولوا ده قاعد عريان 
علشان السلام و الإصلاح و التفكير
و هما يعينى مش عارفين
إن الأصل ده كان تحوير
اصل الكدبه دى كبرت جدا
و البلياتشو معرفلو مصير
إخرج بره الدايره
إخرج شوف الدنيا
إخرج إفهم معنى الفكره
مترددش كلام و خلاص
رأيك وحدك ليك و بتاعك
ميهمكش كلام الناس
يإما ......
تلبس تانى زى البلياتشو
و ترجع تعمل فيها حساس
كتبت ... كدبت ... شتمت ... هربت
ركعت ... شكرت ... تبت ... رجعت
‫#‏مارك_عادل‬
Mark Adel 
21-1-15
FB : https://www.facebook.com/BoOoOoX
Instagram http://instagram.com/mark_kirollos/



markAdel

Popular tracks