Written by: Marshal Medhat
Music: Free Beat
Vocal: Marshal
Master and mix by: Rando
@2014 Marshal Medhat

Verse 1
بتهددنى بالمراقبة لمجرد قولى الحق عايزنى اقول على كل حاجة امين منطقش لأ واما اعارض ابقى خاين او عميل او اخوان وسيادتك عرشك على دم فى الأخر انا المتهان هدفك تعيشنى جبان عايزنى ابقى مهزوز كمان عايز ميكنش ليا حق ف انى اكون انسان ازاى بتقول دى ديموقراطية وانت دماغك مليناة بالدكتاتورية والسلطوية الانتهازية القمعية اللى ملكش بيها احقية انك تخلى الجثث تحت التراب مرمية لمجرد الدفاع عن فكرة او قضية بتخلى الحر ضحية وملهوش اى دية وبتعاملوا بوحشية وطريقة عصبجية ياحبة بلطجية دى دماغك الارهابية اللى بتصنع همجية واخد على الامر بالطاعة الابدية بدون اى تفكير او وجهة نظر علمية

Chours X1
مستنى حضرة الظابط ابو نسر ودبور عشان يجى يحط فى ايدى الكلبش انا فخور بانى اتكلمت ومسكتش زى الجمهور بس لسه الليسته مكتملتش وانت عليك الدور

Verse 2
خليت الاسعار دمار كل سلعة مولعة نار كنت سبب خراب ديار بتعيش شعبك فى حصار هتكلم هتاخد عيار صحيح الشعب عقله طار م اللى صار واللى دار واقتصادنا فى انهيار وانت ليه لساك جبار واخدها معانا بالحديد والنار فالدم فار وبالاجبار وكل ده علشان تمشى فى الاطار وتدوس على دماغ الثوار ياتكون مصايرهم انتحار ايو انا ضد التيار ايوه معاكس للمسار ببارك لك على الانتصار شعبنا واقف زنهار بيطبل طول النهار حابب نغمة الاستقرار خلاصة الكلام انك دوقتنا المرار احنا مش عايزين سيادتك مش عايزين سم معلقتك ولا عايزين نكون حمل فوق 
دماغ سعادتك ادينى وضحت رسالة وبالكلام سبقتك

Chours X1
مستنى حضرة الظابط ابو نسر ودبور عشان يجى يحط فى ايدى الكلبش انا فخور بانى اتكلمت ومسكتش زى الجمهور بس لسه الليسته مكتملتش وانت عليك الدور

Verse 3
عارف قطع النور علينا اللى ضلم نور عنينا كل حاجة اتخيلتها يا مغفل راحت من ايدينا مانت رحت انتخبتوا مشيت ورا صدقتوا يبقى روح دارى كل نقطة دم على ورقتوا حريمك موجودين بيرقصوا عند اللجان طب روح ارقص معاهم وخليك ديوث جبان 
لا مش احنا عبيد السادة محناش لاحاسين بيادة وانتو بقا طبعا كالعادة ظلمكم فى الشعب عبادة طب ايه فايدة الابادة تسجيل تشغيل اعادة والشريط بيتكرر والشعب لسه بيضرر علطول كده بتروح متدور فتقول ايوه بهرى بحور مين فينا كان يتصور ان الثورة ف يوم تموت انك ترجع زى زمان ومصيرك هو السكوت تبقوا ممنوعين م الكلمة ومكانكم هو البيوت
انا فكرت يوم اعارضه ادينى عديت كل الخطوط 
غضيت عنيك عن غزة منبع رجولة وعزة مغتصبة ومدمرة وفيها كمان مجزرة بس بامر الله وقريب هتكون متحررة 

Chours X1
مستنى حضرة الظابط ابو نسر ودبور عشان يجى يحط فى ايدى الكلبش انا فخور بانى اتكلمت ومسكتش زى الجمهور بس لسه الليسته مكتملتش وانت عليك الدور

عرش الدم _ مارشال مدحت

Written by: Marshal Medhat
Music: Free Beat
Vocals: Marshal . Rando . Gome
Master and mix by: Rando
@2014 Marshal Medhat

Verse1
طالب مصرى مفحوت عندى 17 سنة تعليمى فى مصر فاشل عمرى ما شفت الهنا وسنى الحالى هو تحديد المصير لازم تلغى حياتك تلغى طموحك تقطع شوت كبير تلغى كل الاهتمامت تنسى بقى اى ملذات ابعد نظرك على فات السنة دى بتشوه ذات كل ده بقى علشان ايه ندرس 7 مواد ليه فيهم اللى ملهش لازمة طب ليه المرمطة يابيه ثانوية عامة الخانقة الهامة اللى بتضيع الحقوق تحت باند اى مسمى راسى يملها الشقوق وانى لكاس المر ادوق ذاكرة تتشوه بهدوء عزلة منها مش بفوق انا مش شايف اى ذوق اجتهاد ومذاكرة غير حشو و تلقين وضغط نضفوا المعاملة مش هنتعلم بالشخط على دراية كاملة جدا المنهاج فى لغط احذرو من ثورة طلاب هيكون يومها اكبر سخط

Verse2
ذاكر انجح جيب مجموع ولا تعيش مكسوف موجوع بص قرايبك جايبين كام وانت اللى مكسوف ملدوع غير المرمطة والبصات هتلاقى اوحش نظرات القطط الفطسانة تتطلع يمسكوا كل الغلطاط حتى بقى لو جبت كام تتخرج متعيش تمام لو جبت مجموع متوسط المستقبل بقى اوهام بس ده دايما سؤالى ليه عايزين خوف الاهالى لا مش هستسلم لدولة عايزة ان المرمطة تحلالى هو الذل فى كل حاجة حتى يبقى فى التعليم ماتقوموا ياطلبة اعملوا حاجة غيروا النظام القديم انا انسان عايز اتعلم مش هتخرسنى انا هتكلم ليه عايز الطالب بيبلم ولا لازم الناس تتألم علشان بقى للوضع تسلم فى الاخر تقولى اتكلم بق اتفتح كممتوه فكر وسع ضيقته عقل موجود بوظته حب العلم ضيعته ناقص ايه تانى تعملوه

Verse3
من درس لدرس رايح كانى كلب طايح مليت من النصايح السنة دى مليانة فضايح ولا المدرسين النصابين جمعوا الملايين يامغفلين ده الدرس كمين ادونا على عينا قولنا امين ايه .... تانى مطلوب سنة ... لتكفير الذنوب بتبقى فيها انت المغلوب مش بتذاكر ليه يا دبدوب فى الشبشب والخرطوم فى برده رمى لوم هتعيش بالطول والعرض لحد مجيئ يوم مشئوم عارفه .... يوم الامتحان شفته... واتنكدت كمان مشتعرف معنى الامان سنة عايشها مش انسان منظومة تعليمية ولا دى مافيا ارهابية المنهاج زى الطلق دى بتخرق فيك وفيا نفسى حبى للتعليم يكون بيساوى حب الراب حولتونا بنى ادمين بس عندنا راس كلاب سكتوا كتير وكتير فانا جاى اتكلم عنكوا ادونى بقا تفويض عشان اتكلم بأسمكو 

مارشال مدحت_الثانوية العامية

Written by: Marshal Medhat
Music: Free Beat
Vocal: Marshal
Master and mix by: Rando
@2015 Marshal Medhat

البراءة للجميع (المسرحية)_مارشال مدحت

Verse 1

شاب كله طموح خلص دراسته واصبح عاطل
كان بينحت فى الصخر بدون يأس ومع دنيته بيقاتل
فى اى شغلة جاى منه همه يجمع قرشنات
عشان يقولوا ملوى هدومه مش قاعد زى البنات
من شغلة لشغلة بيتنقل يوم شغل و عشرة مفيش
صرخ وقال معيش واسطة عشان كده مبيقبلونيش
كان ده سبب كبير فى دخوله موجة اكتئاب
شهرين قاعد فى الاوضة لوحده قافل على نفسه الباب
اقتنع انه لازم يخرج م الحالة اللى فيها
اتعرف على واحدة حبته عشق تراب رجليها
وبعد حب طويل قرر يروح يتقدملها
قعد بكل صراحة يحكى ظروفه قدام اهلها
ابوها قاله انا اسف انا مقدرش اجوزهالك
ربنا يكرمك بالاحسن بنتى مش مكتوبالك
الشاب حس بضعفه وحس فى نفسه بقلة حيلة
رجع ع الاوضة وقفل الباب خيبت الامل تقيلة
Chours X2
من يأسه جاب الجرام وحط
وشدله كام خط
هموم تروح وبعد الفوقة ترجع فيعوز سطر
فيعيش حياة معروف نهايتها ويغضب ربه عليه
اختار طريق معانته وراح لعذاب ربه برجليه
Verse 2
سيطرة اليأس على عقله بتزيد اكتر واكتر
عايز حاجة تنسيه مش عايز فى الهموم يفكر
قرر يتعاطى والحكاية بدأت بسطر عجبه الامر
ضحكته عليت داس على الاحزان بقطر
مبيدخلش اوفر دوس مهما تزيد عليه الجرعة
كان احسن واحد فيهم يسنف السطور بسرعة
حب المخدر والمخدر اتمكن من عقله
اى حلم فى دماغه وهو مش واعى بيتحققله
اتجر لكل معصية انت ممكن تتخيلها
يزنى يسرق كل حاجة يعرفها عن الضمير قتلها
وفجأة يهديه ربه فيقرر انه ينسحب
فحس ان بعده عن المخدر خلاه كسب
لكنك لاوم تفتكر نفسنا امارة بالسوء
شيطانه سيطر عليه فمنع نفسه انها تتوب
قرر انه يهرب من المصحة ويرجع يضرب
السطر ده بداية نهايته خلاص حياته بتخرب
Chours X2
من يأسه جاب الجرام وحط
وشدله كام خط
هموم تروح وبعد الفوقة ترجع فيعوز سطر
فيعيش حياة معروف نهايتها ويغضب ربه عليه
اختار طريق معانته وراح لعذاب ربه برجليه
Verse 3
من بعد الضربة راح البيت عشان يجيب مصارى
دخل صرخ فى وش اهله ساعتها مكانش واعى
فلحظة وهو متخدر قتل امه وابوه واخواته
مكانش شايف قدامه عايز يضرب ويعيش حياته
رجع ع البيت بعد لما افتكر ايه اللى حصل
لاقاهم ميتين بجد ساعتها ضهره اتقطم
وجه دلوقتى دور ربك المنتقم الجبار
بيحفر الطريق لنفسه عشان يروح النار
م الصدمة مستحملش شد حبل على رقبته
حكمة ربك يموت منتحر قرر يشنق نفسه
فى جنازته اتشال فى نعش على اكتاف متعرفهوش
باقى اهله اتبروا من علشان بيه ميتعايروش
فى القبر بيتعذب وبيتندم على كل ثانية
ضيعها فى الحياة وكان ناسى ان الدنيا فانية
بينتظر وقفته قدام اللى خالقه من الطين
تشهد ايديه على افعاله لما شم الهروين
Chours X2
من يأسه جاب الجرام وحط
وشدله كام خط
هموم تروح وبعد الفوقة ترجع فيعوز سطر
فيعيش حياة معروف نهايتها ويغضب ربه عليه
اختار طريق معانته وراح لعذاب ربه برجليه

تحت تأثير المخدر _ مارشال مدحت

Written by: Marshal Medhat
Music: Free Beat
Vocal : Marshal Medhat
Master and mix and rec by: HBX Studio
@2016 Marshal Medhat
Verse 1
بسم الحرية بناضل وبدون ذكر اسم القاتل
القتلة ف بلدنا كتير فا الاسامى تحصيل حاصل
شبابنا فى المعتقل بينادى وبيقول حرية
شباب راحوا يشجعوا فماتوا فين الانسانية
العو بتاعنا المفروض مهمته يحمينا
الباشا واقف فى البرد عشان يمرمطنا ويرازينا
لقمة عيشك مقسومة اللى كل نايبك حكومة
اضحوكة شعوب العالم الفراعنة بياخدوا ماعونة
صعب عليكى حالى يا بلدى م المعانة اللى بشوفها!؟
شاب ف عمر 18 كاره بلده عايز يسيبها
بس انت مبيصعبش عليكى حد انت قاسية
شهداء 25 يناير ولا يا بلدى ناسية
محناش احسن م اللى ماتوا نموت لاجل القضية
وسط قطيع العبيد انا جاى اطالب بالحرية
العدل والمساواة دى شروط عليك مش منة علينا
اتقال جدع يا باشا لما كانت بتروح عنينا

Verse 2
انا المظلوم انا اللى نفسى يعلى صوتى
انا اللى ممكن غلطة ف التعذيب تؤدى لموتى
واحقر ما ف بلدنا هى دية المواطن
خمستلاف جنيه ثمن رقودك فى المدافن
لو ابويا مستشار انا كنت على الرقاب
لو كنت مش فقير مكنتش ألعن النهاب
معقدين و مرضى بيعاملوا الشعب بفترى
كلكوا عندكم نقص من الامين لحد اللوا
تم نصب المشانق .. تم تكميم الافواه
تم قطع الالسنة .. قد بلغ الظلم منتهاه
الحق يقتل .. فلم يأتى دورى حتى الان
أحمد الله .. اننى على قيد الحياة
السرقة علن حتى القتل صبح علن
العساكر يحكمون الشعب على قفاه اتختم
دولتنا ..عسكرية عسكرية عسكرية
قوم يلا يا باشا بشغلك حط الكلابشات ف ايديا

Verse 3
اذا جاعت البطون..غابت العقول
متلومش واحد فقير جعان بيدى صوته لفلول
نظام العسكر عايز الشباب يكون متخدر
عايز المطبلاتية محتاج اللى جاعنين اكتر
اكتر ناس فادتهم ثورة كانت قايمة عليهم ثورة
اكتر ناس خسروا من الثورة هما اللى قاموا بالثورة
اكتر ناس وقفوا للثورة من اجلهم قامت الثورة
تاريخ الثورة ع السبورة مسحوه بالبشورة
انتو الشعب الجاهل .. شعب بغبائه متأمر
داخلية تذل فيك وتقول جزمتها فوق دماغى
لا يا ذليل .. يا مهان .. بتبيع بلدك يا جبان
راح اموت من اجل الفكرة ولا انى اموت زى الخرفان

دولتنا عسكرية_مارشال مدحت

كنت فى الاول بغنى عادى بس صوتى مش حلو وابتديت اكتب وانا عندى 15 سنة فالناس شجعتنى فقررت اغنى راب لانه مش محتاج صوت هو اكبر احتياجه للكلمات وانا بصراحة عندى هدف انى أسيب اثر للناس بكلمات كويسة من غير تعقيد ولا لف و دوران لان مهمتى انا واللى زى تبسيط المعلومة ومش بفكر انى ادس لانه ملوش لازمة المواضيع ومناقشة الاحداث هى اهم حاجة بالنسبالى وطبعا ده ميمنعش انى ممكن اعمل تراكات فخر وهجاء ويارب اى كلام اقولوا يعود عليكوا بفايدة حتى لو بسيطة
#مارشال #مدحت #ارسطو_الراب

Marshal Medhat

Popular tracks