هذه المزيكا غير متاحة في بلدك 
هذه الحبيبة لن تُنير قلبك 
وهذا الكون هايفرفط جناح أملك 
وهذا الطريق هايكسر عظام قدمك 
فمتمشيهوش..
كل سعيك يا صديقي 
هايروح فاشوش 
وإن كنت حالم بالسعادة 
وإن بكرة يوم جميل 
وإنه مهما جف فرحك 
هايبل ريقك سلسبيل 
أرجو إنك يا صاحبي
تصحى.. 
هذه الحياة مش ليك 
انت موجود يا صديقي 
عشان الدنيا تهد فيك
ومهما زورك يتنبح 
ماحدش راح يحس بيك 
ياسطا الناس ماتت 
وماحدش حس بيهم 
لما حتى ريحتهم فاحت 
انا شُفت 
أرواحهم جوا جتتهم المتحللة 
مش عارفين يطلعوا
شُفت الرعب مشوه وشوشهم 
وكأنه كان أخر شعور 
يحسوا بيه قبل مايموتوا 
وكبتهم فمعرفوش يدمعوا 
انا شفت مرة الناس 
بيسربوا الاحساس برا 
ارواحهم 
واقفين صفوف للخوف 
فيدور ويدبحهم 
انا شفت كل الناس عبيد لدباحهم 
بيسلموه النصل لاجل يدبحهم

غير متأقلم

مساءك خير او
مساءك شر
على حسب 
ما لجأ اليه من مستقر
انا جي أحكيلك حبة
عشان مالقتش مفر
وإن كنت هاتمشي يا صاحبي
هاقسمني لنص ونص
وهاقول للنص التاني
إني يا صديق وحداني
والبؤس مكبل فيا
توبه مطلسم وحدة
محبوس جواه وحديا
منحوت في ملامح وشي
مظبوط البؤس عليا 

والحزن طارح نخلته جواي 
وأنا قلبي اصلًا منطوي وبكاي 
والكون دة اصلًا مأسوي ونساي 
بينسالك بإنك يوم 
كنت ترس في بهجته 
ويرمي عليك هموم 
في هموم 
وكأنه همك نشوته
.......
تفتكر يا رفيق 
هل هذا الكون هايضيق؟ 
¬
نضحك في الحاضر حبة! 
ونرتاح أيامنا الجاية!
ولا إحنا يا صاحبي غلابة 
مغمورة حياتنا كآبة 
ولا إحنا يا صاحبي كآبة 
والكون متعته يكائبنا 
او ممكن برضو يا صاحبي
عفاريت الكون ركبتنا 
ويجوز الكون زعلان 
أصبح فاضي من الناس 
أصبح من الفضى ملان
مافهوش نص ونص 
يجوز الكون يائس 
عشان مالهوش غيرنا 
يجوز الكون بائس 
ساير علة سيرنا 
يجوز كمان حزنان 
قتل شعور الفرح
زودلنا الأحزان 
... 
تفتكر يا صديقي 
إيه شكل النهاية؟
هل هانكون للكون كفاية؟
ولا هايزود عذابنا 
هل هايمزجنا في حكايته 
ولا هايزيد اجتنابنا 
هل هانكون للكون كفاية؟
أتمنى يا صاحبي نكون كفاية

آسف لو طولت 
وإن كان وراك مشوار وعطِلت 
اعذرني!
كنت هاجن ان مُش حكيت 
آسفي شديد يا صديق لو من شكواي مليت 
ايه دة هو انت مشيت؟!

شيزوفرينيا ~ schizophrenia

.. محمود درويش مع خليط من الوحدة

مزج -وحيدا

Random Thoughts..

1) Eternal Sunshine of the Spotless Mind 
2/3) رسايل بحر
4/5) الباب المفتوح
6)الكيت كات

Random Thoughts..

Then ? 

1)13 reasons why
2) before sunrise
3)10 Things Ihate about you
4)City of Stars - Lala land movie
5)Lala land

Into The Darkness.

مزيج ما تيسر من نوستالچيا الفراق "

ابتسم، لا احد يهتم كيف تشعر | مزيج °

لست وحدك 

أعِي تَمامًا حقيقة أن يكون المرءِ وحيدًا
طريدًا ،أن تمر بهِ الأشياءُ عنوةً
 للوحدةٍ صقيعٌ يَخضمُ أطراف القلوب
 وينخر في العظام

الوحدة ميدان يُصلب فيه الوحيد وحيدًا! 
الوحدة فَمٌ شره يلتهم نورانية المرء
 الوحدة هي أن يسقط المرءِ فجأة
ويظل يسقط دون ارتطام وهو في الحقيقة
 واقِفًا بلا حراك! 
ونصلٌ ينخر فيه من الجنب بحركة بطيئة

رُغمْ ضألة الأذى إلا أنه وقتما يكون المرءِ وحيدًا
تزداد فظاعته
نعم أنا علىٰ دراية تامة بالوحدة
 أنا ووحدتي لنا نفس العمر تقريبًا
لكن الغياب يَكبُرني سِنًا

أعلم جيدًا ما معنى ألا يكون للإنسان
 قلبًا يآوي إليه إذ نبذته الأشياء
 أو كتفًا يَتكئ عليه إذا مَسَّته الوحشة
 أو يَدًّ تُفتش في صدره عن الحُزن الخبيث وتقتلعه
أو عيّنين مكدودتين ذابلتين تلْوح فيهما ضحكة!
عينين حافزًا للحياة ودرعٌ يحمي من الأذى

أعلم ذلك جيدًا
ولكن لست وحدك
إننا ها هنا نتجرع الخواء
مهجورون لأبعد مدى
 ونشفق علىٰ أنفسنا أيما شفقة
لست وحدك
الذي ترعى الأحزان في قلبه
وتنام في بركة من الدموع
وتتقطع أنيّاط قلبك خِلسة
وتتصنع الكثير من الأقنعة
وتتجمل بأقبح الإبتسامات
الذي يهرب من سوط العالم
 ويختبئ في اللوحات
 أو في نوتات الموسيقى
 أو بين الزهور الذابلة أو في توابيت الكلمات

 لست وحدك، أنا أعلم ذلك الشعور جيدًا
رُغم ذلك أتسائل دائِمًا
لِمَاذا لم أقتل نفسي للآن، لست أفهم!
|وائل محروس |

لست وحدك" وائل محروس"

(1)

-قالت الدنيا للولد ف الفصل..
يا تعيش بتكتب ورايا ف الحصة..
يا تعيشها..
إنسي إن فيه في الفصل سبورة..
- قال المصور للي جاب الكاميرا..
يا تعيش بتاخد صور للقصة.. 
يا تعيشها..
الكادر دايماً أغلي م الصورة..
يا دنيا أنا بكتب للجاي بَعْديا..
و انا جاي بعدي ألوف..
و ان كنت بَاخُد صور للقصه مش ليّا..
ف انا نفسي غيري يشوف ..

(2)

قال الولد لرِفاقته ف المعتقل...
بوسوا  المسدس و احضنوه وناموا...
العار لمن داموا ..
و المجد للّى إتقتل...

(3)

قال الكلام ده ثم حَط الكاس...
(الغياب هو الغياب)
و الذكرى ف قلوب الصحاب.. أبقى 
أبقى النهارده معاكم بُكرة مش هَبقى 
و الدنيا سابقة.. بخطوة كل الناس
حتى أنا... 
قفشت نفسى من يومين بَضْحك...
و انتا ما كمّلتش يا صاحبى ف التراب .. أول سَنة 
و حِلمت بعديها بساعة الصالون..
و بإن عقاربها أبتدت تاكلك ..
و إنى براجع م الصور شكلك..
حتى هدومك نِسيت الريحة ..
ما اعرفش خايف أصدق .. إن أنا نسيتك
و لَّا إنى بُكرة مسيرى هتنسى .. زَيَّك؟
 
#ديالوج
#مصطفى_إبراهيم

دينا و مريم × مصطفي إبراهيم

متسألنيش ده إيه عشان معرفش.. 
كُل العشوائيات دي هنا بدون أي سبب منطقي.. 
قعدة هَلس مع صاحبي "أيمن كرم" 
صاحب المزيكا واحد صاحبنا بردو عادي " محمد مسعد " عازفها هو :"D 


نصوص تحت تأثير المخدر.

العشوائية، التشرد، اللامعنى والمعنى، التيه، والحب.
كل هذا هنا.

Random Thoughts..

Marwan Abdelazem

Related tracks