متعتذريش.!

غمضت عينيك ثواني صدقني وحشتني

شمس - غمضت عينيك

تشرب قصب؟
يـا خمرة العطشان يا عصير القصب 
يا تسالي كل حبيب 
علي الكورنيش 
يـــــــا ترمس
يا شادر الرحمن ف شارعنا اتنصب
يا منفضة و فضفضة 
يا وشوشة بتهمس

يا بو جبّة يـا كشري بِرشّة ورد
 يا كمالة
يا مهلبية و بليلة سخنة
 يا عاشورة
يا خناق في عيلة 
و بعده قعدوا رجّاله
هيقوم عريسك يبوس راسك يا أمّورة

يا طعمة يا طعمية ياخضر يا بصل
يـــــــــــا خس بلدي
 يا قوطة مجننة الجرجير
يا شاي تاجيل (تقيل)
و خَرَط 
يا خرط ملوخية
يا رز يا مفلفل و يا بدنجان
 يا شعريّة
حب العزيز ... يا عزيز
يا كاكا يا حرنكش
يا غُريّبة بتدوب و جنبك كحك عجميّة

يا دوم تماللي نافعنا نَحت أو كورة
يا عرقسوس 
 البطاطا بتنادينا هناك
يا طبق بصارة قبل البصرة بالفورة
يا قّلتين سقعانين في الحر عالشباك

يا بلوزة متزوقة ترتر و خرج النجف
يا كلّ من شاف كبيره هلّ.. قام له وقف
يا طحينة يا عايمة علي وشّ العسل لاسود
يا حلاوة طيحينية سادة... ربع أو خرطة
يا قرش يابيض نفعنا ف يوم ما كانش اسود
يا خط رمسيس يا محيرّنا بالَشَرطة
يا جبنة تركي قديمة نقشها فلفل
و يا قرن شطة مزوّق جبنة براميلي
يا حاتي سهران يهاتي.. و عمره ما بيقفل
يا سعيد يا لبّان يا معشّي شباب جيلي

 يا لحمة الراس
يا ست الناس
 يا كوارع
يا طَرب نايم علي سرير فرش بقدونس
يا ماتش كورة كاوتش خسرته في الشارع
يا رشة الملح عالممبار... بتاع يونس

يا اسكندراني يا كبده 
و يـــا محشي فريك يا حمام
فلّاحي يا زبده 
و  يا بيض العيون يا هُمام

يا شَوي ردّة حبيبك... يا سمك بلطي 
يا غولة ياللي زمان رعبتني ف طفولتي
يا فتّه لحمة هُبر يا كرنب يا محشي
ياللي حبيبك عازمك عنده ...و لا راحشي
يا بقسماط يا سميط يا لوكس يا قراقيش
سأسأ في شاي بالحليب و الاصطباحة تعيش


يا شوربة الديك عشان ما تربعن النّفَسَه
يا طاولة العيش 
يا سيد الكل يا فايش
يا كل عيّل غلط و إتقالّه "جاك وكسه"
يا حلاقة في الدكان
و يا كردان
و يا غوايش

يا خُضرة القلقاس يا كزبرة يا سَلق 
يا مدان أبو العباس شبرا يا باب الخَلق
يا بط متزغّط و كان من حبّه بيبلبط 
يا حنّة يا بخور 
يا دفعة
يا أربعين يا طهور
يا لحم الاكتاف
 يا ركعة ف زاوية الأوقاف
يا سجق بقّالي
و يــــا سدّ الحنك
 يا خشاف
يا قشدة صابحة 
و يا مشلتت من الأرياف
يا فاكهة الغلبان يا عمّ الفول يا حراتي
يا عديلي يا سلفي 
و يا البكريّة
 يا حماتي
يا نسيبي
 يابني 
يا قولة :"نشتري راجل" 
يا شوق غلبني
و يا استغراب ب "يا راجل؟"
يـــا أبله
 يـــــا ستّي 
و يا ندامتي و يا عيب الشوم 
يا قراية الفاتحة للبنّوتة...
و المرحوم
يا درج كومودينو و يا سرّاحه بالأويما
يا صالون يا مُدهب
يا مش ماضيين علي القايمة

يا حلبة يا ملانة و يـــا شمّ النسيم يا فسيخ
يا كفتة يا مصبّعه و متاكلة من عالسيخ 
يا عويس يا مانجة و يا نمساوي يا بطيخ

يا لفت يا مخلل علي بنجر  فيدّي اللون
يا خيار يا قثّة 
و يا مخبر و يا كراكون
يا بِلي عِتّه يـــــا مدفون مع الشتوي
يـــــا حمص الشام
و غيران م الذرة المشوي
يا سوداني اسواني 
يا مقزقز ف لب أسمر
يا برتقان سكّري و بدمّه يا مسكّر
يا سيّده يا الدسوقي
 قناوي 
يا موالد
يا بوس إيدين إحترام للعمّ و الوالد
ما ترجّعَولي البلد دي إلّ أنا اتمرمغت في خيرها
علشان أنا مش سايبها و مش هشوف غيرها...


تشرب قصب؟

إِذَا الشَّمْسُ كُوِّرَتْ » قمة الإبداع و الإمتاع في سورة التكوير للشيخ عبد الباسط رحمه الله

My fourth song " Tegesh 3 Ska " 🖤 by Mohab Allam

الحان و توزيع: رئيس

كلمات: محمود سليم 

إسمعي كده قلبي ازاي بيدق عشانك
قربي كده شوفي ازاي متوتر قدامك
إسمعي كده قلبي ازاي بيدق عشانك
قربي كده شوفي ازاي متوتر قدامك

‎خدتيني فحلم جميل مش عاوز منه افوق
‎فا سيبيني معاكي اسرح لبعيد بخيالي واطير

‎زي المجنون انا قلبي بيرقص مالفرحه
‎زي المسحور مش شايف غيرك حاجه واضحه
زي المجنون انا قلبي بيرقص مالفرحه
‎زي المسحور مش شايف غيرك حاجه واضحه

‎العمر معاكي انا حاسه حبيبتي فبدياته
‎حاسس ان انا طير فالسما فارد جنحاته
‎العمر معاكي انا حاسه حبيبتي فبدياته
‎حاسس ان انا طير فالسما فارد جنحاته

‎جايلك والعمر اللي اتعاش قبلي خلاص انسيه
‎هاتعيشي معايا فدنيا جديدة بقلب  جديد

زي المجنون انا قلبي بيرقص مالفرحه
‎زي المسحور مش شايف غيرك حاجه واضحه
زي المجنون انا قلبي بيرقص مالفرحه
‎زي المسحور مش شايف غيرك حاجه واضحه

Asala & marwan khoury - kel el 2sayed

Marwan Mousa 1

Related tracks