مروان موسي - غبي غباء Marwan Moussa - (Unofficial Audio)

Marwan Moussa X Oxide - Maba2etsh Bahtam _ مروان موسى واوكسايد - مبقتش بهتم

سايكو - مروان موسى

قربت منها سيكا وقلت جُملة شيك
زعلت مني، جبت ثلاث تفاحات من بورسعيد
قلبي ميت، مرحوم ادفنوه
في جنينة الحيمومات حطيت أفيون للاُسود

مش هاقول أمنياتي للجني خلاص ده وعد مني
نفسي بس في ساعة سويسري مصنوعة من معدن هندي
مفصول في أوضة الانتظار واللي جنبي قاعدة  ترغي
بسمع الهضبة وهي بتسمع بوتشيلي

فأخدت حماري ومشيت
أخدت كليوباترا بار ورا البيت
بتقولي أنا عايزة انفصال مش cocktail
طب عليّا الطلاق اتخضيت

كهربت الجو بنظرة ڤولتات؛ عينيّه شاحن
برينس في المزيكا منذ 1901
إيه يا ساحر؟
ريحة الارنب في البورنيطة فاحت
دماغي جابت وش سليندر، الشخصية ساحت

إنسى غيرك
الكذب خيبة
والطول حتى لو بتشب هيبة
قلت لها: دوبي في الهوا ماليش في الكتمة
ليه تقارنيهم بالمستر؟ مافيش معادلة

هاتهم بالحب لو ماجوش بالضرب
كنا هنتصالح بس ما وافقوش عالشرط
إديت لك أصفر رغم ان المفروض كان طرد
انتو حرين، إدوا بعض بالجزمة.. مبروك عالأرض
_____________
ما فيش داعي
أحكي عن كل اللي شاغل البال

ماليش
مش.. مطلوب أكون حقاني 
عشان كل ما أقول الحق بيتحداني

وآديني آهوه
باعلمّ نفسي الكذب ثاني

Verse 2: 
ابتديت اتبسط رجعوني من الأجازة
في المكتب بازهق فبتفرج على روبي في الخباسة
سخنت، قلعت تشيرتي رموني في التلاجة
غرقت، بالغلط وانا باشرب لمون من الازازة

البت بارزة برة الدايرة، زي ال OPEL
اعجبت بيكي وبعد الفحص شايفك موديل
بانجز في شغلي، اسرع من Arjen Robben
وحتى الآن لم أحصل على جايزة نوبل

جات بالصدفة
شفت وردة اقطفها
أظرفها like وأكتب لها: بجد لُقطة

بالنسبة لي الـ crush: ستافد كراست، او شوت ويسكي
كانت طالبة مني شوكولاتة، قلت لها: اتوكسي

المخرج قال لي إيه اللي انت لابسه دا، اللي موش من سنك؟
فحلقت شالابي مع مدحت، بالصدفة شفت منة
يانهار اااااابيض، وقف بينّا، خُش سِنّة
خليته يسيبنا، ركبنا الـ verna وللصبح سهرنا

بُست الاميرة.. طولت لساني...
بقيت ضُفدع، موش هاستخدم tinder ثاني
يا ريتك كنت اخترت كرامتك
ما قدرش يمسك نفسه، كَل الطَرْب في المطبخ

بدلْ بدلة ببطة، عشان سيء في إدارة الصفقة
تعمل نفسك fighter؟ سايبك في الحرب بتتشقلط
مهما تدي نظرة شر في بطاقتك
عمرك يا اسطى ما اتخطيت مرحلة المراهقة
_____________
ما فيش داعي
أحكي عن كل اللي شاغل البال

ماليش
مش.. مطلوب أكون حقاني 
عشان كل ما أقول الحق بيتحداني

وآديني آهوه
باعلّم نفسي الكذب ثاني

Verse 3: 
لوجو باتمان على توكة الحزام
حبيبي سرحان صورتك من زمان
إمضي لي، أنا فان
هاتيلي تعبان
اقليلي بذنجان
إقريلي الفنجان، في تركمانستان

بُقين على سيراميك
لوكيني لما باسبيك
يا ابني كفاية رغي، صدعت والناس اتهرت
وش: فيه وش وضهر، دي كتابة ملك

المشرف قال لي ترفع ايدك، آكلك بسناني
فرفعت صباع ديناميت، نط من الدور الثاني
ولعت فيهم بالاغاني؛ جبهة نار
أيوة مارو نُص ألماني.. ودا استعمار

مازالت محاولات الخصم منخفضة
موش بنختلط، هجهضك زي بنت مرتبطة
إنت صفر باكرهك، بالقسط اوضبك
دايرة اصحابك: هاحطك، في الوسط وانتقدك

جريمة قتل والأداة مش طلقة، دا سيخ 
شكلي كدة هاطلب بقى، مش طالبة طبيخ 
بص، Mac انا معاك او Take away من Tikka
رابر لسة طري زي Pizza و هي بتسخن

انش جه وانشراح، موش مطلوب اي اقتراح
احب اقدم لكم مشروع الجاية جراح:
اخذت قطمة فينو وحطيت نضارتي عالكومودينو 
 الـ verse خلص مفعول الحباية راح 
_________
ما فيش داعي
أحكي عن كل اللي شاغل البال

ماليش
مش.. مطلوب أكون حقاني 
عشان كل ما أقول الحق بيتحداني

وآديني آهوه
باعلّم نفسي الكذب

marwan moussa - el kezb heiba (prod. marwan moussa) أغنية "الكذب هيبة" لمروان موسى

​تاخد بعضك بقا وتنزل وسط البلد
وتشوفلك قطع غيار، لاحسن الفلو الاصلي إتنى
هاتيلي الدنيس ع التلفزيون، الشوط خلاص ابتدى
لقت لؤلؤة وهي بتفصص لي السمك

بطني اتقلبت
اصلي همجي
وما لقتش شخص انتمي ليه
دايما في الشغل معرفتش اربي شنبي
يا معلم ...ما تلزمنيش انا الملزمة دي
مُزتي كايداهم بس ماسميش حنفي

رمانة الميزان،
اتقفلت منكم بأمارة البيبان
فَهمت ميسي بالارچنتيني اسمع يا زميلي
يخلص الموسم، تيجي عالاسماعيلي

لو انا كنت قاضي كان اسمي هايبقى عادل
صاحبك بجد اللي ما يسيبكش تذاكر
باشيل مواد.. فا جسمي هيبقى فاجر
اشتريت سعادتي بس جات لي شامل الضريبة

ذاكر تبقى جامد في الوظيفة
بسمع كل حاجة لإن وداني على الخريطة
موش هزارك اللي هيحسن لي مودي
الحمقة اللي جوايا أيوة جاية من جدودي

فما تقعدش بقى تحلل
رجعني على الهوا يلا، العطل دا مش فني
لو انت رابر، آخرة شقاوتك الضرب
أنا احسن حاجة للمزيكة في مصر بعد كوكب الشرق

_____________________
خليك ورا الجواسيس
هافضل ورا الكواليس
مش باحكـّي في حواديت
بس باخرج كوابيس
_____________________

استيقظ للحديث
وائل روني جابلي جزمة nike من باريس
واكمني ملك فباحب أسيط الانجليز
ففي فرحه نقطته بماية التكيف

بيس
ماشي الحال، بكرة يمكن يجري
كرامتي ما تسمحش لحد يمتلكني
في المطعم لقيت المتر منتبه لي
يمكن عشان باسرح شعر باطي بمشط رجلي

لو اتحكى لك عني يابني صعب تصدق
عيني شقرة، شعري ازرق
مش مخالب وحش، دي مخالب قطتي
hello kitty من دلوقتي إنت اسمك

قال لي: اسمي Bond، چايمس-بوند
قلت له: و انا اسمي وان، مر-وان
البت تبات عندي في تبت والاكس إل في السكة
ما تسيبيهوش يا بت، قوليله بت لما تبتك

انا الترزي... وريني عرض كتافك
عايز شفافية قوم اكسر لك ازازك
مارو ابو تريكة عنده سينس في الملاعب
مارو كبير العيلة ما تتكلمش وانت قاعد

قلت لك هحاسبِك لو لقيت عندك سجاير
ومين فودافون دا اللي بيبعتلك رسايل
مافيش ثقة، فاتجهت على الجديد
صاحبتي دلوقتي اسمها امل وحيد

_____________________
خليك ورا الجواسيس
هافضل ورا الكواليس
مش باحكّي في حواديت
بس باخرج كوابيس
_____________________

رحت البنك طلبت قرض بربع مليون جنيه
مدير الفرع قال لي: عايزة في إيه؟ يوه يا حسين...
بص أنا باعتبرك زي أخ، فهاقول لك ليه
هاكل كبيبة يوم الاتنين مع البت اللي في اعلان ole

هي الوساخة المزمنة دايما في لسانكو ليه؟
يا مان too late
لو احنا بجد اصحاب طب دفنته فين
دكتوري رشحلي diet قاللي بلاش saute
كثر زيت يا حسين، الجزر يا ابني سلقته ليه؟؟

حبست نَفسك، ستايلك مش مناسب سنك
نصاية والاسمنت هيبقى ناشف على جلدك
عندك القُدرة تقول كلمة آسف ولا بتندم؟
احساس الاعتذار زي شيل السنان بالبنسة

عملت معاه الجلاشة، خلاص دلوقتي هدي
كان شايف نفسه، لحد ما شاف نفسه في جزمتي
بيبي قالت لي ارجع بدري من السفر بليز
مافيش بني ادم شافني وما افتكرنيش

في الحضانة قالوا لي: شيل السيجار مضايق العيال
ما سمعتش لاني تايه في الخيال
كنت سرحان انني بايت في الجبال
وسايق الفيراري، وجنبي سلمى هايك، شايف الجمال؟

متضايق وانت مالك؟
لأة بجد طلعت هايل في الندالة
لو رابر متشرد هاعطف عليه وادخله البيت 
فيه غيره عندي كثير بايت في ثلاجة

marwan moussa - kawalees (prod. marwan moussa) أغنية "كواليس" لمروان موسى

Cover Art: Shahd Tarek (Instagram: @shahd_t9)

-Abbasquiat

صباح الخير دا مش راديو الإذاعة 
أنا المستر الجديد ومش بارجو الاستماع 
أدي الدرس في السريع واكت في تلت ساعة 
السرعة تغلب القوة والحكمة تغلب الشجاعة

مع الأسود علموني أبقى ملك
وفي قعدة الأفاعي علموني أحترس 
صقر في الصخور وقاعد مندمج 
الغابة ليا نادي وأنا عضو مشترك

باتطمن على مخي لقيته رايح راجع 
ضيق واسع، عاقل لاسع، سخن ساقع 
قايم واقع، فرق شاسع 
متناقض، فقلبي أسود فاقع

الغريبة إن دي لحظات التفكير 
أعيد وأزيد في اللقطات والتحليل 
حوار مع النفس زي شخصين مختلفين 
وفي آخر الموضوع يطلعوا الاتنين مستفيدين

مواقفي ثابتة فمش بتهز 
أعيش في أحلامي وماعيش في الوهم 
فاضل لي شرطة، ومش باقطع شحن 
أطلع الماظات تحت الضغط زي الفحم

إبعد عني، يبعد عنك الأذى يا ابني 
جواك معبي زبالة زي المكنسة يا ابني 
الإجابة عندي ما ليش في الفلسفة يا ابني 
في الفكرة بابني جوا دماغي، دي هندسة يا ابني

قلبت الدنيا فبامشي ع السقف 
ورايا مسؤولية فهامشي على السبت 
كلامي سكاكين عشان أقطع الشك 
ورابط ساعتي بالجنزير ما باضيعش وقت

(Hook)
ازاي تعبر عن فكرة لو مش موجودة 
طب ترضى تعمل الخدمة لو مش مردودة 
إوعاك تاخذها ع الصدر دي مش مقصودة 
فك شوية - إفرد بوزك 
النهاردة لاحظت إن اللي سابني دا اللي فادني 
امبارح حسيت إنو ولا ودّى ولا جابني 
ساعات باحس اني لا باكتب ولا باهري 
ساعات باحس إني باجري ورا نفسي

-Marwan

عارف لما تفضفض فتحس انك بتمثل؟
في الآخر تختار السكوت بقى وتستسهل 
باحكي مع شخص واحد باكون درسته 
مع العلم إنه صعب يحس اللي انا كنت حاسه

هاقول لك ليه فعلاً فيه فرق شاسع بينا 
مخك ما ودّاكش في حتة إن الناس تحترمك 
لو كفاءة ازاي قدرت تقول لي: جبت آخرك؟ 
صاحبك بجد يعلمك تحب نفسك

فبطلت أعاملك حلو، دايماً مستني لي الغلطة 
مش عايز أعرفك، إنت عمر ما تداريني ستارتك 
حبيبك مش مستني كل يوم دليل شطارتك 
و تحسه دايماً معاك، كأن بترميه في الشنطة

دست "ستارت" شفت اخواتي، بوست الأرض 
سبتها بشياكة، شفت البوست وانبهرت 
بتقول: بصوا! أنا انقهرت
من يوميها أنا اتعلمت
زعل الولد مش زي اما تزعل بنت

مخنوق بس أكيد مش هافتح الموضوع 
ديتي في يوم أبقى قاعد جنبك في المتحف ملطوع 
ما بنتحركش، بس باصين لبعض 
عينك بتقول انك أخيراً اقتنعت

لو شلته على راسك مش هايعرق في الطريق
بس لو ما شافش الوسخ مش هايعرف النضيف 
لو شلته على راسك مش هايعرق في الطريق
بس لو ما شافش الوسخ مش هيعرف النضيف

(Hook)
ازاي تعبر عن فكرة لو مش موجودة 
طب ترضى تعمل الخدمة لو مش مردودة 
إوعاك تاخذها ع الصدر دي مش مقصودة 
فك شوية - إفرد بوزك 
النهاردة لاحظت إن اللي سابني دا اللي فادني 
امبارح حسيت إنو ولا ودّى ولا جابني 
ساعات باحس اني لا باكتب ولا باهري 
ساعات باحس إني باجري ورا نفسي

-Nazim

فوق السحاب فوق السحاب 
ملعون الاكتئاب، طاير وما طايق الفات 
من غير أسباب، هاجرت الارتباك
أمشي كلم عمك انهزام أنا ما عندي أخلاق

فوق السحاب فوق السحاب 
مربوط بكلمات معكوسة من تخيلات 
منكوسة ... بالعظمة وجنونا
لو فكرت في المعلومة وين الفهم في مفهومك؟

وين الفهم في مفهومك، غرورك جرثومة
مرورك بمراحل عاكسة الصورة كإسطورة
رجوعك إلى ساحل الطفولة المسحورة
بعينك وإنت جاهل عن دروبك في الفزورة

ياخي ما أنا عارف وشايف الحاصل بين البابين
طول ما أنا واقف علي خط الفاصل بين الذاتين 
أيوا أنا زائد أنا، يبقى اتنين 
كل اللي اتبنى حيتهد ... وشوف حازرع فين

فوق السحاب
أنسى اللي فات - من تهيؤات قديمة 
سيب المركب خد سفينة 
طافي على السطح وأنا طافي المخ 
دقيقة
أوعى تعدي الخط ياخي النص بالنص
في الميناء 
الغامي عالسطر ياخ نط ونط 
حريقة 
باتمان تحت القهر 
ماسك خط الفقر
"حلو-مر" عند الطلب ياخي صب و صب 
دقيقة .....

سبتها ليكم، سبتها ليكم 
صاحبت النجوم ، ماشي بايت في بيتهم 
سبتها ليكم، سبتها ليكم
صاحبت النجوم، وانتو أعملو العليكم

(Hook X2)
ازاي تعبر عن فكرة لو مش موجودة 
طب ترضى تعمل الخدمة لو مش مردودة 
إوعاك تاخذها ع الصدر دي مش مقصودة 
فك شوية - إفرد بوزك 
النهاردة لاحظت إن اللي سابني دا اللي فادني 
امبارح حسيت إنو ولا ودّى ولا جابني 
ساعات باحس اني لا باكتب ولا باهري 
ساعات باحس إني باجري ورا نفسي

El Ghaba - ABBASQUIAT X MARWAN MOUSSA X NAZIM(Prod. ABBASQUIAT)الغابة - عباسكيات و مروان موسى و ناظم

مصر الجديدة

بحر عالي موجه شديد
شايف الشط من بعيد
مية مالحة في صدري
الفرصة بتهرب مني

بس مافيش يستاهل
4 ميسدات صحيت عليهم ولسه فاكر
لما الشبكة في موبايلي كانت م العناكب 
مش باغرق انا باعوم

لو وقعت بارجع اقوم
مش هسكت انا هاقول 
لا بالف ولا بادور

في عيد ميلادي جالي هدية
()بس اللي جابها مجهول
كلميني بكرا لو عايزة
بس احتمال أكون مشغول

فين فين فين؟

في الشوارع المخيفة
قمت معدي م التفتيش عشان الشنطة كانت خفيفة
ويييييي… 

ماشي بالليل في مصر الجديدة
مش ساكن في مصر الجديدة
نتقابل في مصر الجديدة
شكلي هبات في مصر الجديدة

نقطنا بسكاتك
الثانية بتفوت وبتروح في الزبالة
ف انا هاسيبها لك
الشُهرة قلابة
والضحكة كذابة
انا باهرب واتدارى

من غير ما أبقى خايف
السرعة بتقل طول ما انا مش سايق
 مش حِمل كماين
جيت م المستقبل وفي إيدي جوايز
وجايز ما ارجعش لو ما فضلتش فايق

انا مصحصح
ليه كل الناس دلوقتي جاية تصاحبك
على راحتك
الحمل اللي انت شايله دا لمصلحتك

ـــــــــــــــــــــــــ
مفيش حد يستاهل الاتنين ميسد كول
اسرار في موبايل اتفتح من غير بين كود

العيب اللي فيّا
مش باجيب غير مية المية

ورجعنا نفس الشارع
كنا فيه من نص ساعة
لسه بيننا نص حالة
مستني الإعادة

العيب اللي فيّا
مش بغيب م المسؤلية

بالاقي نفسي في انفراد
ثواني قبل ما بتتشاط
قوام بيتفك الرباط
واكون ع الأرض

لسه فاكرين ولا نسيتوا؟ 
ما هو دا العيب اللي فيكوا

ماشي بالليل في مصر الجديدة
مش ساكن في مصر الجديدة
نتقابل في مصر الجديدة
شكلي هبات في مصر الجديدة
ـــــــــــــــــــــــــــــــــــــــ

معلش ما ردتش
كنت بادي درس الفيزيا
ساوند كلاود ستيشن روبابيكيا
جايزة أفضل رابر في افريقيا
مش هتفيدني في بيتس ولا فيتشر

انا متكااااامل… بوجبة
ثانية… في الدفاتر اشوف لك
اوبا!
طلعت جاية معاكو صدفة

سيني سيني سيني سينيمائي… سينيمائي
محتاج اركب عدساتي… على الهادي
دماغي نضيفة في الاغاني… دا اساسييي 
حراق فعلا دا مش كنتاكي … دا وسابي
لسه بتقول لي كاني ماني… وبتهاتي
هبيتك في دواساتي… دي اخلاقي
شايفكوا دايما على شمالي… عبد الشافي
حاسّ اني سايق كواساكي …كواساكي
شوف البلاوي جوة شاتي… دي حياتي
الأغنية دي لولادي… وأجدادي
رجعتي تتدلعي تاني… بتتشاقي
خليكي عندك انا هاجي… في ثواني  

لو مش عارف تسمع الاغنية جرب تشمها
لو مش عارف تبدع جرب تشفها
ايوة رجعنا نتكلم تاني بس دا من الزهق
بنت تافهة بس بتجنني لما بتهزها

اتنين في الدرج وواحدة على اللاب
انا مش انسان انا حيوان  
دوّب المجال في طبق الشوفان
واخد المدام وطالع اليونان

…صعبة
ماشي مع واحدة شاقطها من المعرض
ثانية ثواني مالك مش على بعضك؟
فين المنافسة والله ماعرف

اوكيه! دي لقطة
سوري ماينفعش تشوف المطبخ
اوكيه! دا مقطف
 هانتكلم بعد ما تتثقف

معايا العدة
معايا العدة
مش بنعدك
مش بالكترة
ولا بالشدة
هات الفكرة
وانا هدرسها 

مش هتاكلوا معايا عيش
بتقاوحوا معايا ليه
بلسع زي الزيت
نازل زي السيف

عادي لما زهقت وقمت جايب من الاخر
لما سخنت إتمدت إيدي ع المشاكل
عايزك تبعتي لي الصور بالفلاتر 
واللوكيشن عشان لو عُزنا نتقابل

GPS
فكريني نسيت الاسم
بديكي الاذن
لما توصلي سيبيلي ميزد

آه بانوّع بس عمري ما باتغير
رشيت المية كنت عامل فاير

marwan moussa - masr el gedida - مروان موسى - مصر الجديدة

اغنية "ميم ميم"
توزيع مروان موسى/produced by marwan moussa


انا مش مسؤل
متجيش بعدين تقول مغرور

شوف الكاريزمة قدام الكاميرا
في البحر الميت اصطدت سكمة

صاحبة صاحبتي بتلاغيني 
وانا عامل صيني 
ممكن في اي لاحظة لو عوزتها تجيلي easy

ومش لازم في السكرتة
ع الطبلة وع السكسكة 
نازل من السما بعمل كذا وكذا كذا كذا كذا

اصلي اصلي اصلي
ماتادور
ماتادور

ساكت ليه ماتقول….ساكت ليه ماتقول
هاجي نص ساعة وهامشي على طول
والمضيفة عايزة تضيفني ع الانستا
لابس قميص عامل زي الفريسكا

دا مقلم
سعد قال لي يا المعلم 
عملت شقلباظ لقيته مبلم

كباية القهوة باصة ع السحاب
ولقيت دموعكو نازلة بتمسي ع المسحات

مفيش مني اتنين ولا حتى واحد
طلعتها من دماغي لقيتها ساحت
انا لوحدي مش محتاج لحد يساعد
لو بتحبيني اكتبي م.م. على دراعك

لو بتحبيني حطي ايموجي البتنجانة جنب اسمي
ماينفعش تكون قطتي غير لو خربشتني
ماينفعش تزعل مني غير لو خدت اذني
ياسطى انت اتهزيت زي كان البيبسي

لو هتعملها بمساعدة الكل
هاعملها انا لوحدي واكولها
باقولك يا كوتش انت منين؟
لسه هاتشوف في الكرنيه؟

بعمل عليهم كماشة بلاش الكلام لو مش: تحت امر معاليك 
واللي بيستهبل باصطاده بسهولة مستنيله غلطة شغل تلاكيك
اهلا بيهم وبيك انا قاسي
للدرجادي انا فاضي؟ 
هافضب راقد لكو حتى بعد ما شعري يبيض زي وائل ابراشي

العاشرة مساء
حاسب… هنا مسافة
انا عامل جو
فتحس ان هنا سفاجة

لاقت اسمك على الشاشة وقالت فاكس
لو عجباني هتقل مش بحب اعاكس
سايق.. على فايد  
مش عايز حد يتضايق

فقولتلكوا من الاول

اني مش مسؤل
متجيش ذلوقتي تقول مغرور

شوف الكاريزما قدام الكاميرا
في البحر الميت اصطدت سكمة

صاحبة صاحبتي بتلاغيني 
وانا عامل صيني 
ممكن في اي لاحظة لو عوزتها تجيلي easy

ومش لازم في السكرتة
ع الطبلة وع السكسكة 
نازل من السما بعمل كذا وكذا وكذا 

اصلي اصلي اصلي
متادور
متادور

marwan moussa - meem meem مروان موسى - ميم ميم

تراك شمس نظر من تراكات ألبوم "بروباجاندا" اللي مانزلتش

marwan moussa - meem meem مروان موسى - ميم ميم

marwan moussa 👑 مروان موسى

Recent comments

Mohamed Eltayar

Ali Hashem II

rere🐦‍🔥

Mohamed Mostafa Elemam

Related tracks