قصيدة يامنة_عبدالرحمن الابنودي_محمد إدريس

‏ف يوم هتقابل انسان ينوّر اللي انطفي جواك ويرجّعك قادر تحلم تانى ويخلى كل اللي اتحجّر جواك يلين ويرجّع الطفل اللي كان جوّاك .. يعرف يحبّك ف اسوأ حالاتك ويمكن ميقدرش يعمل عشانك حاجات كتير ظاهرية بس وجوده وانه يشاركك مواسم وحدتك وحزنك دى هتبقى اغلى حاجة وكل حاجة ..

‏لما تيجي تدخل شخص حياتك اوعي تدخله ف وقت انت فيه فحالة احتياج او وحدة اصل لما بنكون جعانين بناكل اي اكل بيقع قدامنا ومبنسألش نفسنا هل لو نفس الاكل اتحط قدامنا واحنا مش جعانين هناكله ولا لأ..
خلى الناس تدخل حياتك وانت ف قمة جبروتك لانك ساعتها هتبقي عايز الشخص نفسه مش احتياجك ليه..


الحب فعل والكلام مش بفلوس..
الي بيحب بجد بيهتم يفّرح الي بيحبه بيهتم يعرف الي بيزعله وينرفزه والي بيهديه ويفرحه بياخد باله من تفاصيله التافهة
الإهتمام بيكمل العاطفة أسأل أي حد هيقولك إن المرة اللي الطرف التانى جه ووقف جنبه لما كان تعبان كانت عنده أغلى من ألف شات مكتوب فيه بحبك

في يوم هتقابل إنسان_محمد إدريس

صوت               قفلتك 

لأخر سوسته ف الشنطه

صوت طبطبة ايدك

بالراحه ع الباك باك



فرافيت تذاكر سفر

قطّعّتها اونطه

سندة عينيك وايديك

ف الباص على الشباك



فيه حاجات كتير عايزاك

تفضل كده مسافر

ف طريق ملوش اخر 

إكمنها حتموت

ف الرحله من غيرك




فيه حاجات كتير عايشا

خايفاك تبطلها 

وحاجات كتير عايزاك

لاكن معطلها

إن إنتا مش عايز



جايز ...

حاجات منها

حتعيش وتستناك



جايز حاجات تانيه

ف الزحمه راح تنساك

زي اللي راحوا زمان




حتبطل الدخان ؟

ولاعتك السخان 

وسجايرك البوسطن

حيموتوا من غيرك




حتبطل الاحزان ؟

كشكولك المليان

بـقصايدك الجايه

حيعيش لمين غيرك ؟




جسمك حجزله مكان

بالعافيه جوه الكادر

ميت ايد على كتافك

ميت بصه على وشك




كل الحاجات حواليك

ف الكادر سانده عليك

لو جيت وشلْت اديك

الصورة تتفركش ...




ضلك على الحيطه 

كان خافي عنها النور 

وطلّعها بتنغمش




كفك على السفره.

من غيره كان إزاي...

مفرشها يتكرمش ؟



بصمة صباع إيدك...

لسّاها ع الشبابيك

ميت ألف تفصيله.

ملهاش وجود غير بيك

وإنتا عليك تختار...



حتبدّي مين على مين ؟

وتبدّي إيه على إيه ؟

الجاي والجايين ؟

ولا اللي خدت عليه ؟


أصل الحياه للعلم

مفيهاش حاجات ببلاش

وعشان ماتصبح فيلم

وأصلا عشان تتعاش

كادر الحياه المشحون

فرح والم وشجون




لازم يكون ...بيلف

لازم يكون.... بيدور

يتقل عليك ويخف

ويعشّمك بالنور


ف نهاية المشوار

وأنا قلبي لف و دار

ميت ألف ليل ونهار

نفسه ف فرحه كادوه

وحلاوه من غير نار


ومّا الزمن تعبه

قصقص شريط الفيلم

وخَد كادر كان عاجبه

وقرر يعيش ف الحلم

و الحلم كان كامل

جدا تمام خالص

ولجل الكمال لله

كل الحاجات جواه

لاكن في شيء ناقص


فاضي بشكل غريب

إيه اللي سبته هناك؟

ف تلاقي ف الكراكيب.

صورة القمر وياك 

متشاله ف الكشكول.

باصه ف عينيك علطول

وكأنها بتقول ....

بالذمه مش واحشاك ؟!!

Mohamed edrees

Popular tracks